بقلمي #بنت الاجاويد👑
جلال : صار الليل وجنت داگلب بالفون بس بالي كله يم العيون الضيعتني مااعرف ليش شغلت تفكيري هلكد ماراحت من بالي عبالك گدامي ضحكتهه عيونهه اناقتهه سترهه اوووف والغمازه جنن (تؤ شبيك جلال معقولة وحده زعطوطه اضيعك تؤ تؤ انتة لازم تشغل تفكيرك بغير شي حته ماتذكرهه)
احمد : ها ابو الشباب أشوفك صافن خير خوما اكو شي.
جلال: لا ماكو شي لتخاف بس انشغل بالي شوية
أحمد: تعال هاك جبتلك چاي تريح اعصابك
جلال: اي والله خلفلة عليك اجة بوقتة .شربنه الچاي وسولفنه شوية وكلمن راح لفراشة ونام
نورهان : كاعدين اني وليان وضوجة فول ف قررت اضحك شوية اجت ابالي فكره .اكلج ليان ضوجة كولش
ليان : هففف ايي وربي ضوجة
نورهان :خل اكوم اسوي شي ناكله نلتهي بي
ليان : اوك حبي
نورهان : كمت رحت جبت اصباغ ماجك وكسرتهن وخبطتهن بمي بارد كملتهن واني اضحك كلما اتخيل شكل ليان شلون يطلع .كمت اتمشة ع كيفي شفتهه كاعده تتصفح بالفون
مديت راسي من الباب وصحتهه ليان كومي اهناك ناكل .
ليان : يله جيت .
نورهان : ختلت وره الباب وتانيتهة تطلع
هيه طلعت ورشيت المي بوجهة جلفت وصاحت .
ليان: كمت دااطلع وماحس الة مي بارد بوجهي شهكت من الجفله وصحت من الخوف اباوع نورهان واكفة وخربانة ضحك الله ياخذج ماخلت قطرة دم بية اله شوية ابچي رجعت كبت علي واني اصيح عليهة
نورهان كافي ولچ نورهان نگعتيني كمت اركض وهيه تركض وراي
نورهان: ههههههههههههه اوووف يمه حموت من الضحك واني اركض وراهه كمت كوة اجر النفس من الضحك
ليان: وچ يمةةة الحگيلي ااااخ تعبت نورهان كافي اااه بربچ دااگلج كاافي اهئ اهئ😭
نورهان :هههههههه كعدت بالكاع من الضحك هههههه باعي وجهچ صار يضحك انترستي ألوان
ليان : خالو خالو بربك شوف نورهان اسوت بية اهئ اهئ.
خالي (ابو نورهان): هههههههه هاي شمسوية بيهة خطية بنتي عوفيهة كافي انتن مو جهال .
ليان : هاي حتة انتة خالو تضحك علي( بسيطة يانورهان خليتي الكل يضحك علي مردودة بمقلب اقوة اني اعلمج ) بعد ماانترست الوان ابوجهي وصرت چني مهرج رحت سبحت ورجعت لفراشي.
نورهان: نعيما حبيبي.
ليان: الله ينعم ضلوعج😒
نورهان: ههههههه اخ ياربي اجعلها ضحكت خير . اكلج ليان ذاك اليوم الولد التقدملج يم القسم مالتج ليش رفضتي يول مبين يحبج وحلو واخلاق شتريدين بعد .
ليان : انتي تعرفين ماريد ارتبط هسه همي انو اكمل دراستي واخذ الشهادة وبعدين كل التقدمولي بغض النظر انو اخلاق وجمال بس ماارتاحلهم ماشوف بعيونهم الامان الاريده والراحة الاحسهة بقربهم اريد شخص يحبني ويخاف علي من الهوة ويدللني كأنو بنتة مو بس حبيبتة ومرته ويغار علي ويهتم بية بااختصار اريد شخص مجنون بحبة الي تفتهميني!!
نورهان: والله شگلج فارس احلامج غير متوفر.
ليان: لا حبيبي موجود بس بعدة مالاگي حصان أبيض حتة ياخذني بي 😹😹ههههه
نورهان:ههههههه خرب عقلج ولي نامي يلة ورانه دوام كافي ضحك .
ليان: تمام تصبحين ع خير حب.
نورهان : وانتي من اهلوو حبيبي.
جلال: كعدت ب6 واليوم داحس بحماس ماعرف ليش عبالك منتظر شي .كمت كعدت احمد تريكنه سوه وطلعنة اتخذنة مكانة الجو حلو بي نسمة هوى وصوت العصافير والشمس العاكسة اليوم داحس براحه نفسية ياالله دوم هيج .خذتني السوالف ويااحمد مينمل هل الولد صارت ب8 وشوية كامو يجون الطلاب
ليان: دگ المنبه ب6 گمت غسلت وخليت الچاي ع نار هادئة طلعت اشمتيت هوى هيج وكت يكون الجو حلو رجعت كعدت نورهان ماكامت بساع شكد تحب النوم
رحت طلعت بينصل طويل بي كصه من الخصر من فوك ماروني ومن الخصر وجوه اسود ويا جنطه سوده وشال اسود وتكرمون حذاء ماروني بي علو شويه خطيت عيوني ايلاينر وحمرة مات ماروني كملت ورجعت ع نورهان . نورهان من شوكت كعدتج كومي يله ماضل وكت .
هذا اللبسته👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نورهان : اوووه صباح الخير .هلة هلة شنو هل الجمال كلو يابه اليوم الكيك محضر نفسة من وكت هاي شطالعة.
ليان:هههه عيونج الاجمل يروحي غير كلت اتحضر ع كيفي احسن ماتخبصني وانشده بس كومي خلصيني .
نورهان : اي يله كمت
ليان : كملنه وطلعنه اجه الخط ب8 ونص مسافة الطريق وصلنه ب9 نزلنه ورحنه نتمشة .
يتبع… تصويتكم ورأيكم فدووه 😻 وشنو توقعاتكم حيصير بقلمي#بنت الاجاويد👑
أنت تقرأ
دگ گلبي الهة❤
Romanceقصة حب عراقيه لشاب ثلاثيني عسكري يقع في حب طالبة جامعية يا ترى هل ستبادله الشعور؟؟ تابعو... مااحلل لاي شخص نشر القصه بدون حقوقي او ينسبهة الة(ذمه) القصة خيالية مع بعض المواقف الحقيقية
