أنت حبي وعشقي
الذي يسري في عروقي
ويسري في كل حواسي
التي ماعادت تحس بسواك
أنت كل الأشياء الجميله
وكل الأحاسيس الرقيقه
أنت قدري وروحي وحياتي
أنت مهجت القلب وقرة العين
أنت منايا وحلمي الوحيد
أنت كل ما اتمنى في هذه الدنيا
بقلمي#بنت الاجاويد
ليان: شفته كدامي انعكد لساني ورجف جسمي واني اشوفة يتقدم بااتجاهي ويبتسم بخبث والدم تارس وجهة كلهن صافنات حته نبراس من شافته وكفت بلعت ريگي بصعوبه حسيته جاي ياخذ روحي بعد الصارلة بسببي
امجد;: هه شلونج ياحلوه ان شاء الله ارتاحيتي من شفتيني بهل الحاله شايفه هذا الدم والضرب الاكلته كلة يروحلج فدوة مستعد كولشي اتحمل علمودج بس هاا نسيت اباركلج ع الخطوبه ياست ليان المحترمة
ليان بصدمة وتعلثم: خ خ خطوبة انصدمت من الكاله خطوبه شنو والمن مخطوبه لا لا هاي الضرب مأثر ع راسه لو شنو
نبراس: والله وطلع بيج البلة واحنه عبالنه فقيره شوفي الولد خطيه اصاير بي من وراج .الظاهر مورطة وعايفتة انوب طلعت مخطوبه ومحد يدري
هدى: انتي لتتدخلين وليش جاي ادافعيلة هم تعرفينة والله ياالله هم الهة عين وتحجي .
نبراس: 😡عصبت من كلامهة من بدي اروح اسحلهة سحل ردت احجي قاطعتني نورهان
نورهان: بله اسكتي رجاءا ولتستشرفين براسنه ترة كلنة نعرف منو انتي ومو مامفتهمة السالفه وتضلين تنبحين وانته امشي منا يله لو حاب تنضرب مره الخ
نبراس: شلون يجرأن يهينني هيج عصبت حيل عفتهن ومشيت باوعت ع هذا يباوعلي ومبستم خزرته ومشيت مكان بعيد ميشوفوني بس اكدر اشوفهن اريد اشوف شيصير
نورهان: اني شحجيت مو داكلك روح لو اخابر جلال خلي يجي يكسرك .اني ماعندي رقم جلال ولا احمد بس ردت اهددة
امجد: تؤ تؤ قطه شرسه بس انصحج لتتدخلين بيني وبين حلوتي مالجن دخل انتن وتردين تخابرين خابري
ليان: خذت نفس وكمت وكفت لازم اواجهة ميصير اضعف لازم ابينلة قوتي .لك انتة شنو من بشر وش وشسويتلك حته هيج تلحگني بشنو اذيتك هاا عوفني يااخي اكفيني شرك اني مااناسبك ولا مثل البنات التريدهن دورلك غير وحدة تفيدك
امجد: والله وطلع لسانج ياحلوتي اوووف همزين حجيتي ردت روحي بهل الصوت العذب تدرين بشنو اذيتيني انو دخلتي كلبي واني ماعوف شي اريدة بسهولة ولان انتي مو مثل البنات ف اريدج انتي بس صيري الي اعيشج اميرة صدكين وماخليج تحتاجين شي وهذا جلال لاشي بالنسبة الي من مال وكولشي
ليان : تره مو كل شي بالمال مثل مامفكر حضرتك وجلال مابدله بالكون كله ولو تبقه اخر واحد بالدنيا مااخذك خلي هل الحجي ترچية باذنك يا حشره😡
امجد: سهلة ليان سهلة الة. ...
جلال:بعد مااشتكيت ع الي اسمه امجد بشهود الطلاب وشلون تحرش وهدد الكل وكف وياي وكالو احنه هم نعرفك وميكون خاطرك اله طيب وراح يفصلونة وها طبعا كتلهم ليان خطيبتي حته القضية تسهلي اكثر بس خفت هاي تجفصهة كلت خل اروح عليهة افهمهة وشفت المصيبه واكف ومبينه تحجي بعصبيه تقربت وسمعت كلامهه من يروحلج فدوة جلال وعشيرته بس فار دمي من وره النذل قبضة ايدي وصكيت سنوني بعصبية اله شنووو بله ووولك كلب اشجابك اهنا اني مو كتلك اذا توصلهة متلوم الة نفسك والله لدفنك اليوم لزمتة من ياخته اجة احمد فكني منه عوفني ولك هدني بس خل الزمة اله اخلي يحفر كبرة باايده. بقلمي بنت الاجاويد
امجد: اووووو خوفتني نسيت هيه خطيبتك ع فكرة كولش متوالمين وهم نسيت اباركلكم ههههههه بس وين حلقاتكم
ليان: ضليت بصدمه خطوبه شنو حلقات شنو. بس يا ح..قاطعني جلال. وهوه يخلي ايده بايدي الموقف الصدمني اكثر وخلة دكات كلبي تتصارع واحس الكل يسمعهة
جلال:عرفت راح تجفصهة لزمت ايدهة الناعمه الصغيره الضاعت باايدي وكلت احنه عاقدين سيد بس بعدنة ماملبسين حلقات لان انريد انسويهة حفله جبيره ورة امتحاناتهة مو هيج حبيبتي باوعتلهة بنضره توسل انو توافق ومتعارض كلامي واني كوه لازم نفسي عنهة عيونهة دوختني وهيه تباوعلي وصافنه بية اتمنيت احنه وحدنه وهاي النظرات بيناتنه اوووف شسوت بية يالله ملكت كلبي وعقلي وتفكيري بسهوله اني الماتهزني وحدة هزتني عيونهة
ليان: حجة كلامه واني فاتحة عيوني ع وسعهن وعاصر ايدي حته ماوخرهة باوعلي بعيونة الجننتني وباابتسامه سلبت عقلي وخلاني ضايعه بتفاصيله الحيرتني وبالامان الحستيه بوجوده كرصتني نورهان فزيت وافتهمت قصدهة
ابتسمت بتصنع رجعت باوعت بعيونه واتجرأت وكلت اي عمممرري مثل مااتفقنه
جلال: اوووف تنفست براحه وفرحت من كالت عمري شكد حلوة طلعت من شفايفهة وبصوتهة اليدوخ صفنت عليهة ماكو شي بيهة ماينحب هههه لا وطولهة يمي ونعومتهة هاي وحدهن يرادلهن گلب يعشكهن لان گلب واحد ميكفي لعشكهة انتبهت لاامجد وكلت ها هسه فهمت اني احبهة وهيه تحبني وبحسبه مرتي هسه وماكو مكان للشيطان بينة وراح نضل للدوم ميفرقنه بس الموت وهسه امشي للعماده طالبينك
امجد: ههههههه مراح اضلون هيج اني اوعدكم
ليان: خفت من تهديده وعصرت ايد جلال لا اراديا حس بية خايفه
جلال: انعصرت ايدي عرفتهة خافت من تهديدة فار دمي شكد حقير امشي نذل لا عبالك تخوفنه بتهديدك تره انته واكبر واحد متوكفون بوجهي والله لوما العمادة جان موتك باايدي احمد اخذه لا ابتلي بي خذا احمد وراح ودا وهوه يدردم .انداريت ليان وكلت…
بقلمي #بنت الاجاويد 😻 يتبع…
أنت تقرأ
دگ گلبي الهة❤
Romanceقصة حب عراقيه لشاب ثلاثيني عسكري يقع في حب طالبة جامعية يا ترى هل ستبادله الشعور؟؟ تابعو... مااحلل لاي شخص نشر القصه بدون حقوقي او ينسبهة الة(ذمه) القصة خيالية مع بعض المواقف الحقيقية
