بقلمي#بنت الاجاويد
- شعندي غيرك يا بعد گل السُمر 😻♥️
جلال: بعد ماسحبتة ضربتة بوكس اختل توازنة وكع وصرت فوكا اضرب بي لك عار هم حاسب نفسك زلمة لك شلون تتحارش بيهة لك عبالك مادري بيك من دفعتهة ذيج المرة والله لشرب من دمك ياحقير واحاسبك عليهن وحدة وحدة نذل شلون اجرأت اسمع احمد يصيح بس بالي مو يمة ومادري شيحجي يحاول يكومني وادفعه
... ..*انته شلون تمد ايدك علية تعرفني ابن منو اخيسك بالسجون ومحد يسئل عليك اني ابن... ..الجامعه كلهة تعرفني وتهابني تجي انتة تضربني ولك باامر مني يطردوك
جلال: رجعت ضربتة صاك ع سنوني من العصبية والحجي يطلع من بيناتهن هوه شخرب البلد غير امثالك الحشرات لو اكبر واحد ميخوف چلبي دامني وياالحق هم الك عين وتحجي ياخايس تربية سزز واللة لعلمك الامهات شجيب اليوم نذل ساقط اني الاطردك مو انته تطردني دميتة ادمي الى ان سمعت صوت ليان وكفت وباوعتلهة بعصبية هاي شعدهة واكفة اهنا والشباب ملتمة رادو يفكونة مني وعوفه ولتوصخ ايدك كتلهم اني امن وحسابي ويا لحد يدخل عاد ابتعدو
ليان: شفت جلال طاح بي دك ومنفعل يستاهل هل الادبسز خل يتربة. بس احمد خطية يحاول يوخرة ويصيح اني متت خوف من سمعته يهدد وخفت ع جلال لا ذاك يأذي لان بس يهدد وطلع معروف حسيت راح اسبب مشكلة لجلال لان ذولة انذال ميسكتون عن اليأذيهم واحنة ماشاء الله ماضال قانون ينصف الحق ببلدنة كلهم برشوة يصيرون وياالباطل .صح ذاك طول وجسم بس لا شيء يم جلال لذالك جلال مسيطر التموو الولد ورادو يوخرون جلال بس منعهم اني مااستحملت بعد وكمت احجي ونسيت اني وين واكفه وشنو راح ياخذون نظرة علية نسيت كولشي من خوفي علي .جلال عوفه اترجاك لتوصخ ايدك بي فدوة عوفه خل يولي جلال تسمعني دااحجي وحجة الحقير
... ..*ههههههه طلعتو تعرفون بعض واني اكول ليش هجمت هيج وواحد يدافع للثاني الظاهر خوش حصة منطيتك 😉
جلال: سمعتة هيج حجة فقدت وكمت اضرب بكل قوتي انداريت عليهة ليان اااااااااااامشي مناااااااا شعندج واكفه اااااااااامشي
ليان: زكح بية فزيت وكمت ارجف ونزلت دمعتي شلون هيج فشلني فوك ماطاح حضي من ورة هذا هزتني نورهان وكالت امشي بس احس رجليي ماتعيني
جلال: شفتهة بعدهة واكفه روحي طفرت من وراهة ومن كلام هذا لجججججج اااااااااااااامشششششششي مسمعيييين ااااااااامشي اااااااحمد اصرررف
احمد: جلال فقد من العصبية حاولت ويا ومايقبل حجة وياي اشرت لنورهان بمعنة اخذيهة .
نورهان: خفنة كلش من الدايصير ومعرفنة شنصرف ضلينة صافنين بس لازم اصير اقوه حته اساعد ليان كامت متعرف شتحجي اشرلي احمد جريتهة ليان تسمعيني حبيبتي لتخافين هسه يحلوهة امشي وياي
أنت تقرأ
دگ گلبي الهة❤
Romanceقصة حب عراقيه لشاب ثلاثيني عسكري يقع في حب طالبة جامعية يا ترى هل ستبادله الشعور؟؟ تابعو... مااحلل لاي شخص نشر القصه بدون حقوقي او ينسبهة الة(ذمه) القصة خيالية مع بعض المواقف الحقيقية
