كانا مختلفين :
هي كـ الفراشة الرقيقة 🦋
وهو كـ الصياد الذي يصطاد فريسته . 🐅
بقلمي#بنت الاجاويد
امجد: هه اليوم العاشك هنا وفوكاهه هادئ لا لا ماصدك شنو السر وره هل الكعده
جلال: تفضل اريد احجي وياك
امجد:اكيد بخصوص ليونة
جلال: استغفرالله الظاهر مشتاق للضرب لجيب طاري ليان ع لسانك وطلعهة بره الموضوع مفهوم بعدين جاي اسئلك كم سؤال واروح خليني هادئ لشوف شي ميعجبك
امجد: عادي تعودت اسئل يالعاشك
جلال: من شوكت دريت عندك حاله نفسيه
امجد: ليش اعتقد هل الشي ميخصك هاي حياتي ومالك حق تدخل
جلال: اعرف بس ماداسئلك عبثا اني جاي اساعدك لا اكثر
امجد: لا لا هاي هواي علية ماصدك منو كاعد ويحجي وبعد كل السويته بيكم تريد تساعدني مستحيل
جلال: امجد مجاي اشاقه وياك افهم كلامي زين انسه الماضي وركز ع الحاضر
امجد: لا اكيد جاي تسحب مني كلام حته تنتقم مني اي اي اعرفكم كلشي زين انتو متعوفون حقكم اي متعوفون حقكم وخاصه عندك. وحده مثل ليان حسن واخلاق اكيد متعوف حقهة يروح هيج هنيالك عليهة
جلال: صكيت ع سنوني والحجي يطلع من بيناتهن عصبني يمدح بيهه كدامي تماسكت اعصابي لخاطرهه امجد اخر مره انبهك عوف ليان لو تجاوبني لو اروح
امجد: فكرت بكلامة شخسران خل اسولفله جوز صدك يريد يساعدني اوك راح اجاوبك من عمري 17 راجعت دكتور وعرفت هاي حالتي
جلال: شنو السبب الخلاك هيج
امجد: مشاكل بعائلتي من جنت صغير ومنهه عافتني امي واني طفل وجتي مرت ابويه جانت تعذبني واذا حجيت لابويه تعذبني اكثر وتكلي لازم تموت لان انته واكف بطريقي هاي الجمله المستحيل انساهه جنت مافتهم واخاف منهه بس من وعيت افتهمتهه طمعانه بمنصب ابويه ولان اني الوريث تريد تتخلص مني وتصير هيه وابنهه الوحيدين بالورث بس هيه دمرت حياتي حاولت أذيهة اكثر من مره بس بكل مره يجي احد يساعدهه وابويه من عرف طردني من البيت خلاني بغير بيت وحدي بس بقه يصرف علية مامقصر من ناحيه الفلوس هه يخاف افضحه
جلال: تفضحه بشنو؟؟؟
امجد: هذا مو موضوعنه جاوبتك ع سؤالك شتريد بعد
جلال: دتاخذ علاجك بصوره صحيحه
امجد: اي مستمر علي من يوم راجعت الدكتور
أنت تقرأ
دگ گلبي الهة❤
Romanceقصة حب عراقيه لشاب ثلاثيني عسكري يقع في حب طالبة جامعية يا ترى هل ستبادله الشعور؟؟ تابعو... مااحلل لاي شخص نشر القصه بدون حقوقي او ينسبهة الة(ذمه) القصة خيالية مع بعض المواقف الحقيقية
