_خدج ترف كلش ترف واترف بعد
_ من ينخسف وتبين الغمازه🤭❤
بقلمي #بنت الاجاويد
ليان: ماما عمة يله وين صرتن
ام ليان: اي بنيتي جينه بس جنت اشوف لام جلال القماش
ام جلال: ياالله يله امشينة
ليان: جني حبيبي
جلال: يله فتحت السياره وصعدت شغلت التبريد وهنة جني وراي
ام جلال: تعالي ليونه وين صعدي يم رجلج بالصدر
ليان: لا عمة اني هنا وره انتي صعدي بمكانج
ام جلال: دتعاي يايمة اني مره جبيره شيسوي بيه انتي صعدي
ليان: صعدت هوه ابتسم شغل اغنيه حسام الرسام (اليوم اجمل يوم بعمري❤)ونطاني ايده خليت ايدي بايده والايد الثانية يسوق بيهه وثنينه فرحانين كلش وصلنه السوك
جلال: نزلن اهنا لما ودي السياره بالكراج ماطول
ليان: نزلنه يم محل صرنه ع صفحه عشر دقايق واجه لزمني ومشينه ليكدام وامي وعمتي ورانة رحنه ع محل الذهب اول شي
جلال: سلام عليكم
ابو المحل: وعليكم السلام تفضلووو
جلال: زاد فضلك اريد تعرضلي الموديلات الجديده والنوعيه زينه
ابو المحل : تمام تريد مفرط لو تخم
جلال: شتريدينه حبيبتي
ليان: مفرط احسن احنه نختار
جلال: مفرط عيني
ابو المحل: ذني الموديلات نزلن قبل اسبوع وهاي نوعيتهن كلش زينه وثكال
ليان: ضل يشرحلنه جلال حاير خطيه لان ميعرف بيهن بس عمتي كلساع تشوفني شي خذت تراچي حلقات صغار مشابكات طوال وگلاده طويله ومحبس وحلقه والگلاده الثانيه نازكة جلال عجبته واختارهه قصيره بس ع الركبه بشكل فراشه ناعمة فدوه حبيبي تخبل
جلال: عجبتني لان مثلج هاي من اليوم تلبسينهه ومتنزعينهه ابد بعد خل اختارلج سوار
ليان: لا حبيبي كافي شسوي بي ذني الخذتهن هواي علية والله هايهيه
جلال: لا بنيتي لازم تاخذين
ليان: جلال وعيونك ماريد ميهمني ذني كلهن مجرد شكليات المهم انته وياي يله حبيبي كافي
ام ليان: امشي وليدي شسوي بيهن ذني هواي
ليان: باوعتله وابتسمت هوه دفع الفلوس وطلعنه دنشتري الملابس
أنت تقرأ
دگ گلبي الهة❤
Romanceقصة حب عراقيه لشاب ثلاثيني عسكري يقع في حب طالبة جامعية يا ترى هل ستبادله الشعور؟؟ تابعو... مااحلل لاي شخص نشر القصه بدون حقوقي او ينسبهة الة(ذمه) القصة خيالية مع بعض المواقف الحقيقية
