بقلمي#بنت الاجاويد
ليان: صار الليل ونورهان ماحاجية خلص كلبي لما جتي .همزين شرفتي عيني لان… قاطعتني
نورهان: العب بشعري وامشي بغرور واجاوبهة اعرف لان مشتاقتلي يعمري هياتني جيت شبيج متتحملين فراكي.
ليان: نننننننن قصدج لعبانة نفسي ع كد ماشوفج .
نورهان: اي المهم ليونة شلونج اخبارج عقلج شلونة بعده سليم لو خلص من التفكير 💭.
ليان: 😒😒😒يسئل عليج .احجي لا اكوم اجفصج بمكانج مو ورمتي كلبي.
نورهان: احجي ببرود ادري بيهة حتموت🤣 سلامت كلبج يروحي ولخاطر كلبج راح احجي .بديت احجي من شفتهم لحد ماطلعت.
ليان: عززززززززززا😯
نورهان: اي اني هم تفاجأت مثلج
ليان: خطية خوش ولد احسن من المتعجرف .
نورهان: ايبااااا ع الاساس هسه مارجف كلبج من سمعتي شمسوي علمودج.
ليان: عوجت حلكي خل يطير احجي علي وبداخي شعور حلو وفرحانه بتصرفه ياالله حيجنني هذا يغار ويخاف وبنفس الوقت عصبي مهما يكون ميصير يتعامل وياي هيج لو جايني بغير اسلوب جان تفهمتة .
نورهان: ليان كنصيحة جلال ميتفوت شخصية ورجال ويحبج وبلاخير الجمال والف وحده تتمنا اما عن جنونة بيج ف اذكري انتي قبل فتره جنة نحجي عن فارس الاحلام وهسه طلع جلال نفسة ومن اجاج كمتي اجرين بظهرج انسي كولشي وسامحي اي شخص بينة عندة اغلاط وهوة من غيرتة غلط وياج.
ليان: باعي نورهان صح احجي علي وكرهتة بس ماانكر شلون فرحت واكو شعور تحرك بداخلي اتجاهة كانو اعجاب بشخصيتة واهتمامة صارلي يومين ماشايفتة احس اشتاقيت لنظراتة الحادة ولكعدتة لابتسامتة وحته للجكارة الشايلهة ولقربه مني لانفاسة وهوه يحجي بعصبية لطوله ولحلاتة من لابس الاسود شكلة يجنن ووو تنهدت بتعب. شوصفه مينوصف .
نورهان: صفنت ع كلامهة الطالع من كلبهة وهية تحجي بي لا وتكول مااحبة هاي ماتحبة هاي عاشكتة وطامسة بي ماشوف بعيونهة مجرد اعجاب لمعت عيونهة وهيه تحجي بي اكبر من انو تكون اعجاب ضحكت ولج ليان بعد كل هل الكلام ارفعلج القبعة لان اعترفتي بحبج اله.
ليان: خليت ايدي ع حلكي وحسيت ع نفسي اني شحجيت صار ساعه احجي بدون وعي كل هل الكلام من اعماق كلبي ضحكت وياهة وغطيت عيوني من الخجل مابيهة مجال انكر بعد اي احبه من اول ماشفت نظراته واهتمامة الي من دون البنات ومن حجة وياي خلاني صدك احس اني ملكة وبس اني ملك جلال وحده جنت انكر لان ماريد احب واتعلق واخون ثقه اهلي بس حبة كلب كياني وغلبني وراح يبقه بكلبي ماريد اظهره اله بساع ..لج نورهان خلي الموضوع بيناتنة.
نورهان: صفنت واني ابالي غير شي بس كتلهة تمام مثل متريدين لان خدودهة صارن حمر من الخجل ياالله ولج هاي كدامي وهيج. انكلبتي لو ويا شسوين .
ليان: اوووووه اسكتي حكوم اموتج اذا اضلين تحجين هيج 🙊.
نورهان: هههههههههه اووف فديت اليخجل انا يله حسكت لخاطر هل الخدود❤.وحكوم انام وراي دوام
تصبحين ع خير كلبي
ليان: اوووف ضجت لان ماكدر اداوم وانتي بالف خير حبيبي.
بقلمي #بنت الاجاويد😘
**********
جلال: كعدنة الصبح اتحضرنة ورحنه كاعد بتوتر واهز برجلي مع انو ادري بيهة متجي بس متحمس اسمع اخبارهة .احمد كوم شوف وين صارت هاي.
احمد: وين اروح اشوفهة هيه تجي تفوت منا واني مااحجي وياهة هسه اله تطلع .سويت نفسي عصبي بعدين شنو هاي احترم مرت اخوك وكولهة بااحترام .
جلال: ضحكت ع شكلة يلة يابة مرت الغالي شوكت تجين. احجي ويا وهذا مدري وين صافن .
احمد: فهيت من شفتهة جتي وكلت بكلامات متقاطعه ج ت ي م ر ت ي. باوع شلون تمشي جنهة غزال خرب ب… ماريد اغلط ع اهلج لان لوما همة جان ماموجوده واشوف هل الجمال كله ابتسملتلهة من باوعتلي وهيه ابتسمت ودنجت حسيتهة ارتبكت بقت عيوني عليهة واني اترقب حركاتهة لج من فدوه لاهلج ع هل الخلقه .
خدر شارعنا ذاك البي مشيتي
امنيتي اعرف الله شخلة بيج وحليتي ❤
جلال: ضحكت من شفتة يباوع عليهة اوووف اذكرت من تجي ليونة شكد مشتاقلهة ياالله نظرتهة من قريبه علي وتباوعلي ببرائة متروح من بالي وعطرهة الدوخني من استنشقتة لسة بريتي لا وشفايفهة السطرني مجرد اذكر تفاصيلهة تشتعل بية نااار جريت حسره و خذت نفس من جكارة باوعت لاحمد البعده تايه ضربتة ع راسة .شبيك يول لاحك ثول.
احمد: اخخخخ اي انثولت .اقصد لا اوووف شدراني شصار بية
جلال: اي حقك . اكلك احمد تخلص المحاضره الاولى وتروح تحجي وياهة .
احمد: شبيك جلال خل تطلع عيب اروحلهة انتة صابر صابر .
جلال: ثانية مااصبر ولك كلبي راح يطك عليهة حس بية خلي نفسك بمكاني.
احمد: ع كيفك مثل متريد يابه تدلل لان صدك لو اني هم مااصبر .
جلال: شكرا متقصر ضلعي.
احمد: ماكو شكر ع واجب هوه يوم لك يوم عليك .
… ..
نورهان: كعدت الصبح تحضرت بأناقه وحماس بداخلي انو اشوف احمد اجة الخط وصلت باوعت من بعيد شفتة دايحجي .من تقربت رفعت عيني ابتسملي يووومة ردت اوكع رجلي كام تمشي اعوج من الارتباك ابتسمتلة ونصيت خجلانة فتت من يمة راد ياكلني بنظراتة عبرت وتنفست براحة دخلت محاضرات بملل كوه خلصت
طلعت اريد اروح للكافتريا شفت واحد يأشرلي ركزت وطلع…
عذروني حبايب ❤بارت قصير انطوني رأيكم وتصويتاتكم احبكم🙊 وشكرا لليشجعوني وللتعليقاتهم حلوه مثلهم #بنت الاجاويد
أنت تقرأ
دگ گلبي الهة❤
Romanceقصة حب عراقيه لشاب ثلاثيني عسكري يقع في حب طالبة جامعية يا ترى هل ستبادله الشعور؟؟ تابعو... مااحلل لاي شخص نشر القصه بدون حقوقي او ينسبهة الة(ذمه) القصة خيالية مع بعض المواقف الحقيقية
