بقلمي#بنت الاجاويد👑
جلال: شفتهه گاعده بالكافيتريا مغمضة عيونهة ومرتاچة ع الكرسي وايدهه ع الطبلة تحرك اصابيهه ببطئ وكفت اباوعلهة تفاصيلهة تجذب هل البنية كلشي بيهة حلو صفنت بيهه لحضات وادركت كاعده وحدهه ماكو صديقتهة وياهة هاي شلون تكعد وحدهة وهاي الشباب طابة طالعه يباوعون عليهة هسة شلون اخليهة تكوم حته ماعندي سلطة عليهة حته احجي وياهة توترت واني واكف اباوعلهه اليكول بنجوني ضليت افرك بوجهي هسه شسوي مبين عليهة تعبانة ماطالبة شي بس عصير كدامهه .فجأة فتحت عينهة فز گلبي من مكانة لكتني واكف كدامهة وصافن عليهة عكدت حواجبهة مبينة انزعجت واندارت ضلت تتلفت اخر شي باوعت علية وكامت طلعت .واني اصير مثل الاثول كدامهة ضليت بمكاني اراقب مشيتهة وحركاتهة
مارفعت راسهة ابد ومنين ماتفوت العيون عليهة اوووف وين اضمج من هاي العيون يبنت گلبي شسويتي بيه .رجعت لاحمد.
-من تصادفنه..
-وخفگ گلبي اعلة گلبج
-الله شاهد جانت النية #احبج😻😉
أحمد: ها ليش تاخرت حتة ماجايب شي بيدك شبيك!!!
جلال: اووووه والله نسيت عليش رحت .لان شفتهة وحجيت لاحمد كولشي.
احمد: ههههه جلال هسة ثبتتلي صدك ماخذة عقلك شنو من حب هذا الينسي الواحد حته اسمة .
جلال: ماعرف احمد ماعرف كل الاعرفة ماخذة گلبي وعقلي.
احمد: طبطبت ع ظهرة الله كريم.
جلال: دومة كريم .
----------------:;-
ليان: طبيت محاظرتين وطلعت لان دخت كلش مماكلة شي خفت اتخربط گلت اروح اشربلي عصير يعدل ضغطي احسن رحت لقسم نورهان عبالي طالعة حته اخذهة وياي مالگيتهة اضطريت اروح وحدي خذت عصير وكعدت شربت شويه احس عيوني ثگلن كمت مابية افتحهن كلساع اغمض وافتح اريد تركيزي يرجعلي احس العالم كلهة تباوع فوكاهة كاعدة وحدي هسة شسويلهم خل احير بنفسي روحي ساحت حسيت راح اتخربط رجعت راسي ع الكرسي وغمضت وخليت ايدي ع الطبله وكمت احرك اصابيعي حتة اليشوفني ماعبالهم نايمة ماعرف شكد مر من الوقت واني ع هل الحال فتحت عيوني بتثاقل وشفت الصاك كدامي يمةةةةة عيني هذا اشجابه اهنا وليش واكف يباوع هيج عكدت حاجبي و نزلت عيني والتفتت يمنة ويسره اريد وحده اعرفهه حته اچلب وياهه ماكو گلت خوما ابقه هيج كمت وكفت باوعتله ومشيت ع السريع صار بية كل الحيل من شفته ماعرف خوف لو شنو . وصلت للقسم بس ماطبيت كعدت بالحديقه حته ارتاح هذا شبي وياي ليش دائما عيونة تلاحگني فوكاهة واكف بكل عين صلفة استغفرالله شي مستفز طبعا.. جتي صديقتي هدى .بقلمي بنت الاجاويد
هدى: ليان جبتلج خبر باچ... هاي شبيج حبيبي ليش عيونج ذبلانه.
ليان: لا گلبي مابيه شي شويه دايخه.
أنت تقرأ
دگ گلبي الهة❤
Romanceقصة حب عراقيه لشاب ثلاثيني عسكري يقع في حب طالبة جامعية يا ترى هل ستبادله الشعور؟؟ تابعو... مااحلل لاي شخص نشر القصه بدون حقوقي او ينسبهة الة(ذمه) القصة خيالية مع بعض المواقف الحقيقية
