دگ گلبي الهة❤

مهم

هلوو حبايب گلبي مشتاقتلكم ✨شلونكم ..جعل الكل بخير ان شاء الله

جيت اريد اكلكم ع موضوع طبعا تعرفون اني كاتبة جديدة هاي اول قصة الي خل اسولفلكم شلون صرت كاتبة... .

اقرو👇👇..

اني هوايتي الرسم والتصوير زينة بيهن عفتهن ع صفحة وبديت اقرة القصص واتعمق بيهن واتخايل بيني وبين نفسي ياترى اني اكدر اصير كاتبه اكدر اسرد هيج سرد حلو مثلهم اكدر اوسع خيالي واكدر واكدر.... لحد مافديوم لكيت نفسي افكر بااحداث قصه وسلسلة احداثهة بخيالي والاحلى بسرعه اجة ابالي العنوان المناسب الهة (دگ گلبي الهة)وجانت هاي اول خطوة الي وطبعا مو بسرعه اتخذت القرار لان جنت مترددة خاف ماكملهة واني ماحب اعوف شي ع النص يااما اكملة او ماابدي بي من الاساس اقترحت الموضوع ع اهلي وصديقاتي وشفت تشيجع كولش هواي منهم ورحبو بالفكره ونصحوني انو اكمل لان حبوهة واني تحديت نفسي وكلت مدام هويت الكتابة ف لازم اصير كاتبة وتنضم كتابت القصص الى هوايتي ومن واحد يسئلني انتي شنو وشعندج موهبة وشنو تكدرين تسوين راح اكول بكل فخر اني هيج وهيج وهيج .

هسة يجي شخص يكول هية شنو القصص واي واحد يكدر يكتبهة راح اكول لا والف لا

القصه مو مجرد تسفيط كلام تكتبة وتريدة ينال اعجاب المقابيل .. لا القصه بيهة احاسيس ومشاعر وعبرة تحس بيهن ولازم توصلهن للقارئ حتة يحس مثل ماحسيت انته يرادلهة خيال واسع وعقل صافي هدوء واحداث وتفاصيل وواهس حته السرد يكون حلو ويجذب القارئ الهة . ان شاء الله اكون وصلتلكم الفكرة
وبيهة هووووووواي احداث واني ماريد استعجل بيهة لان مو شغلة يوم ويومين اريد اتعب بيهة حته انطيهة حقهة و تعجبكم ؛ايضا البعض حيكول ليش ماكملتيهة يله بديتي تنزلين...

صراحه كتلكم اني بديت هاي الخطوة وردت اشوف تنجح او لا بديت انشر والحمدلله نالت الاعجاب صح تفاعل ضعيف كولش بس ميهمني لان هية مو بالكثرة هذا كلامك وتشجيعكم وثقتي بنفسي كافية انو استمر... وبالاخير اسفه ع الاطالة بس جان لازم تعرفون مو كولشي سهل وموبسرعه اكدر اخلصهة كونها اول قصه الي
وارجع اقدم شكر من كل گلبي لاهلي واحبابي وصديقاتي وانتو ع التشيجع الحلو والقادم ان شاء الله ينال رضاكم اكثر

بنت الاجاويد✨احبكم وراح اشتاقلكم
✨