دگ گلبي الهة❤

بارت 8

بقلمي#بنت الاجاويد👑

—ماجنت ناوي ع حبج
—بس عيونج تجبر التايه يميل

جلال: شلعت گلبي تمشي ع كيف عذرتهة لان رجلهة وكفنه جوه الشجره خذت نفس وزفرته كلما اذكر  شلون دفعهة افور من العصبيه. انتي  شلون اطلعين وحدج بعذا وضعج منو سمحلج وتمشين مترهيه وهذا منو الدفعج اذا تعرفينه كليلي حته اعرف اصرف ويا والله لخلي يتمنه الموت جوه ايدي احجي لضلين ساكته هيه بس تباوع مصدومة احاول ماباوع بعيونهة لان اذا ركزت بيهة راح انسه السالفه واهلهة  نزلي عينج وجاوبي بسسسسررررررعة .

ليان: وكفنة وبده يحجي بعصبية اليكول هوه ولي امري اتعجبت من اسلوبه وجرئتة بقيت بس صافنه لحد مازكح بية صدك نزلت عيني راسن غوركت بالدموع اني بعمري محد حاجي وياي بهل الاسلوب هوه منو حته هيج يصرف خذت نفس ورفعت راسي ماردت ابينلة ضعفي ويا لان راح يستكوي علي حجيت بعصبية واني داخلي مليان خوف منه.. عفوا لهنا وبس انتة منو حضرتك حته هيج تتصرف هاا منو انته وبصفتك شنو اهلي لا اخويه هم لا ابن عمي لا اذا منو سمحلك توكف بطريقي وتحجي وياي بهل النبره وشدخلك بيه اذا اطلع وحدي. وعليش محروك دمك واذا دفعني اعتقد لا انته تعرفني ولا اعرفك وهذا شي خاص بية انته لتدخل خليك بشغلك وهسه ممكن مجال اريد افوت لان وكفتنة مو لايقة اليشوفنه شيكول بعدني داحجي وضرب ايده بالشجره حيل جفلت ورجعت ليوره .

جلال:  فوك مااني محترك من ذاك النذل تجي هيه تحجي هيج وتشعلني شعل ضربت ايدي بقوه هية جفلت ورجعت خطوه صكيت ع سنوني وحجيت بعصبية شيكولون خل يكولون ميهمني ومراح اضل الف وادور وياج واكلج اني أمن وهذا واجبي ولازم ادافعلج لا انطيج اياهة من الاخير وخلي هل الكلمتين ابالج اشو ادخل بحياتج وغصبا ما عليج لان اريدج وانتي تخصيني انتي الي وبس انتي ملكي من اول يوم شفتج بي صرتي ملك جلال افتهمتي لو اعيد وهذا النذل وين يختفي قابل الزمه واربي من جديد باوعتلهة بنظره اخيره فاتحه عيونهة ع وسعهن ومليانات دموع رجف كلبي من شفتهة هيج ماردت اعترفلهة بهل الطريقه بس هيه جبرتني فركت وجهي بتوتر كتلهة لضلين واكفه مو ردتي تروحين امشي يله  وعفتهة ومشيت لان اذا اضل واكف اضعف كدامهة و مااضمن نفسي شسوي دموعهة هدت حيلي .

ليان: ضل يحجي بعصبية لحد ماكال اريدج وانتي ملك جلال ماعرف شصار بية حيلي راح مدري من الخوف لو من كلماته رغم  حجاهن بعصبيه بس اثرن بية حسسني اني صدك ملكه صاح بية امشي يله باوعتله مشه وعافني حته بدون ميعتذر ع تصرفه كرهته وبجيت مااستحملت ليش هيج يحجي وياي واني شبية ماكدرت اردله ليش خليتني اضعف كدامة يربي اني شلون سمحتله يصرف وياي هيج .

نورهان: رحت جبت الملزمة اشو هاي جلبت وياي ادري بليان متحبهة باوعتلهة بعيده علي عافتني ومشت نمشي ع كيفنه لحد ما داسولف ويا نبراس شفت هذا الامن واكف ويا وحده ركزت هاي ليان عززززززا هاي شداسوي اكيد اكو خطا بالموضوع يبووو اذا شافتهم نبراس تفضحهة وتخليهة علج بحلوك العالم  كتلهة نبراس باعي ذاك طلعتلهة سالفه من جوه الكاع حته تلتهي ومشوفهم باوعت شفتة راح اتنفست براحه هيه بعدهة واكفه ماتحركت وصلت قريب عليهه شفتهة مسحت عيونهة عرفتهة باجيه كتلهة نبراس روحي كدامنه راح اشوف ليان ونجي وراج