ثم إن بعد الصبر جنة 💙

الفصل الاول

فى صباح يوم جديد فى منزل بسيط تستيقظ بطلة قصتنا على صوت نداء......
أم حور:  حور.. اصحى ياحور.. هتتأخرى على الشغل.
انا عارفة انك مش هتصحى غير كده* اخذت الأم ماء بارد ورفعت الغطاء ثم وضعت الماء على وجه حور *
حور:  ياخبر.... ال... الحقونى.. ب.. بغرق ياناس.
أم حور:  قالت وهى تضحك بتغرقى ايه بس وانتى شبه الكتكوت المبلول كده 😂😂
حور:  كتكوت مبلول ايه بس ياماما فى حد يصحي حد كده.
ام حور:  اعمل ايه بتدلعى وهتتأخرى على أول يوم شغل
حور:  يالهوووي الشغل صح الشغل ده انا نسيت.
" ودخلت الحمام المجاور لغرفتها لكى تتوضئ وتقيم صلاتها ". ثم تجهزت وكانت ترتدى" بلوزة باللون الاسود طويلة على جيب من الجينز وارتدت حجابها الطويل ولم تضع اى من مساحيق التجميل مما جعلها اكثر براءه وجمال"

*حور هى فتاة فى سن ٢٣ عام انهت دراستها وتخرجت من كلية فنون تطبيقة قسم ديكور وهى فتاه تميل بشرتها الى اللون القمحاوى وعيونها عسلى غامق وشعرها بنى لامع تخفيه تحت حجابها الطويل *

خرجت حور من غرفتها وقالت :  تسلم أيدك ياماما والله على الأكل اللى أنا مش هاكله ده.
أم حور: خدى كلى اى حاجه يابنتى عشان تعرفي تركزى.
قبلت حور على يد امها ورأسها وقالت:  معلش ياغاليه لما أجى هاكل بقى.
أم حور:  خدى بالك من نفسك بس.. وابقى طمنيني عليكي......
قاطعت حور امها قائلة بجدية ضاحكة حور:  واوعى حد يقولك تعالى أوديكى عند ماما وتروحى معاه.. ياماما والله انا مش صغيرة يا حبيبتي ده اللى قادى عندهم احفاد 😂😂
ام حور:  بمناسبة الاحفاد والكلام ده انا.....
لم تعطى حور لأمها تكملة الجملة ثم ذهبت عند الباب وقالت:  بمناسبة انا عندي شغل يلا دعواتك.
واغلقت الباب خلفها وهى تقول:  الحمدلله كانت هتقفشنى تانى جواز ايه وقرف ايه بس ما انا سنجل بائس وحلو اهوو حد اشتكى ...
ذهبت حور بسيارتها البسيطة زرقاء اللون  الذى اهداها لها والدها عند تخرجها من الجامعة...
ووصلت الى شركة (.........) للديكور.
دخلت الجراج الخاص بالشركه ووضعت السيارة فى مكان فارغ فى الچراچ وهى تخرج من السيارة اذا بسيارة فاخرة من موديل bmw اتت بسرعة كانت على وشك أن تدهس حور الا انها صعدت فوق السيارة بفزع..
بعد ان تم ركن السيارة بجانب سيارة حور...
حور وهى فوق السيارة قالت بغضب :  انت ياحمار انت... انت اعمى ولا ايه مش تحاسب.
واذا بشاب فى سن الثلاثين من عمره يلبس بدلة زرقاء اللون تظهر عضلات جسده الرياضى وشعره اسود  قصير الا حدا ما ويرتدى نظاراته الشمسية  السوداء مما تجعله اكثر وسامة. نزل من السيارة ولم يهتم بمن تنادى وتكاد تنفجر من الغضب.
حور:  انت ياحمار انت ماترد..... أنت يااخينا انت
واخيرا نظر الى حور التى جاءت امامه وواقفه بغضب.
الشخص :  حضرتك بتكلمينى انا؟
حور:  امال هكلم مين هو فى حمار غيرك هنا
الشخص:  وقد انزل النظارات لتبين نظراته الحادة الغاضبة:  انتى يابت انتى اتلمى هو انا عشان كلمتك بأحترام هتزيدى فيها.
حور:  بت فى عينك ياحيوان بقى انت كنت عايز تموتنى وبعد كده بتتعصب وعامل نفسك من بنها.
امسك الشخص دراع حور وقال:  انتى ازاى تتكلمي معايا كده انتى مش عارفه انا مين.
حور وقد ازاحت قبضته من على يديها ثم صفعته صفعة قوية على وجهه مما جعلت الشخص مصدوم من فعلتها..
حور:  ماما مش قالتلك انك تلمس اى بنت غير اختك ومراتك تبقى حرام... القلم ده عشان تعرف حدودك معايا انا البصه ليا بحساب فاهم يعنى تخلى ايدك ف جيبك لتوحشك..
وذهبت وتركته مصدوم من طريقتها معه ومن الصفعة التى التصقت بوجه...
صعدت حور الى المصعد الكهربى واذا بشخص يضع يده حتى لا يغلق الباب...
الشخص:  استني استني.... الحمدلله لحقته..
نظر الشخص الي حور باعجاب..
الشخص لحور:  احم.. صباح الخير.. انتى جديده هنا
حور وهى تنظر اليه بقرف:  خليك فى نفسك 😒
الشخص:  احم..  طيب انا اسمى أحمد.... وممكن تقوليلي ياحماده عادى.
حور:  ولا اصتبح على الصبح بدل مااخلى اسمك حمدية يالا..
أحمد:  انتى عصبية ليه بس ده انا بتعرف
حور:  الحمدلله اخيرا هخرج من الاصانسير الزفت ده   خرجت حور وهى تزفر بضيق وتقول هو يوم باين من اوله صبرنى يارب عشان مش اقتل حد من اول يوم كده.
احمد بحب: يالهوووي هو فى كده
ذهبت حور باتجاه مكتب مدير الشركة. تستمع لهمس الموظفين فكانوا النساء ينظرون اليها بحقد والرجال ينظرون بإعجاب شديد فهى المرأة الوحيدة التي دخلت هذه الشركة بهذا الشكل فجميعهم معظم ملابسهم تظهر مايجب ان يختفى وليس لديهم حياء وهى وبكامل أناقتها وجمالها بملابسها الساترة لها.....
ثم وصلت الى مكتب سكرتيرة مدير الشركة وكان معها رجل يعطى حور ظهره وكان يتحدث مع السكرتيره..
حور:  صباح الخير البشمهندس عبد الرحمن موجود
السكرتيره:  ايوة يافندم فى ميعاد سابق
حور:  اه حضرتك هو عارف قوليله البشمهندسة حور
اذا بالرجل يدير ظهره ليرى حور..
حور تقول فى نفسها: هاراسوح ايه اللى جاب ده هنا اه لو شغال ف الشركة انا هتطرد من اول يوم بسبب الخناقات اللى هتحصل.
الشخص:  وانتى عايزة البشمهندس عبد الرحمن ليه بقي ان شاءالله
حور:  وانت مالك انت ده انت رخم اوي بدل ماانت واقف كده مش بتعمل حاجه روح قول للبشمهندس انى برا.
الشخص:  افندم يااختى
حور:  بقول روح نادى البشمهندس ايه البعيد اطرش مبيشوفش.. يلا ياكوكو متناحش.
السكرتيره:  بشمهندسة حور.. البشمهندس عبد الرحمن عنده اجتماع دلوقتي تقدرى تستنيه ف المكتب لحد ما يخلص
حور:  لا انا هتمشي شوى كده لحد مايخلص....
ثم توجه كلامها للشخص... وانت شوف شغلك وابعد عني عشان متتعورش ياشاطر.
الشخص:  اوعى تكونى فاكره اني ساكت عشان خايف منك لا والله ابدا ده انا بحضرلك حاجه هتخليكى تخرجي من الشركة دى وتندمى على القلم اللى اديتهولى ده
حور بضحكة استهزاء:  لا والله ده حتى القلم فوقك وخلاك تعرف تتكلم معايا اهو.. ابعد عني انت عشان هعمل منك بطاطس محمرة... يلا ياكوكو متناحش قولنا.
اذا بشخص ينادى حور من بعيد:  حور... ياحور
التفتت حور وراءها حتى رأت ذالك الشخص
حور بابتسامة:  مش ممكن عبدالله بتعمل ايه هنا.
عبدالله: يابنتي انا شغال هنا بقالى سنة.. خلاص بقيت بشمهندس بقى.
حور بمرح:  والله وكبرت ياولا وبقيت بشمهندس اوعى تشوف نفسك عليا ياض
ضحك عبدالله  :  هههههههه... لا والله مااقدر يابشمهندسة.
وهما يتحدثان هناك عينين ينظرون بغيرة وغضب...
السكرتيره:  بشمهندسة حور.. البشمهندس عبد الرحمن عايز حضرتك ف المكتب
حور لعبدالله:  هطير انا بقى عشان اسمى جيه ف الكشف
عبدالله: ربنا معاكى انا هنا لو احتاجتي اى حاجه...
يقول فى نفسه. مجنونه لسه زى ماانتى وانا هبقى حمار لو ضيعتك ياحور
~~~~~
فى مكتب البشمهندس عبد الرحمن يدق الباب ثم
عبد الرحمن: ادخل
حور: السلام عليكم..
عبدالرحمن:  البشمهندسة حور بنفسها اتفضلي
حور:  معلش بقي يابشمهندس خليها علينا.
واخذوا يتحدثوا عن الحال والاحوال....
السكرتيره:  بشمهندس عبدالرحمن.. المهندسين قالوا جايين في الطريق وغرفه الاجتماع جاهزة
عبدالرحمن:  طيب اتفضلي انتى..... يلا ياحور جاهزة بالمشروع بتاعك.
حور بثقه:  لو مكنتش اجهز انا مين يجهز يابشمهندس.
~~~~~~~فى غرفة الاجتماع ~~~~
كان يجلس كلا من البشمهندس عبد الرحمن وحور وبعض الموظفين.. ثم دخل أحمد
أحمد عندما رأى حور:  صباح الفل ياصباح الجمال وانا اقول الاجتماع نور ليه ده انا امى دعيالى والله.
حور:  وانا هدعى عليك ان شاءالله
البشمهندس عبد الرحمن لأحمد:  اقعد يازفت ف الارض
جلس احمد على الكرسي المجاور لحور...
حور؛:  جيت لقضاك
ثم دخل شخص الى الغرفة فقال البشمهندس عبد الرحمن:  وده ياحور البشمهندس محمود أبنى.
حور:  هاااراااسووووح...... ده... د. دده ابن حضرتك
~~~~~~~يتبع
نهاية الفصل الاول
#ثم_إن_بعد_الصبر_جنة
#بقلمى هدى محمود