ثم إن بعد الصبر جنة 💙

الفصل الخامس عشر

عمر  بحب:  كسبتك 😉
حور بقلق: عايز ايه...
عمر وهو يقترب منها: عايز... عايز فشار وعصير عشان هنتفرج على فيلم شركة المرعبين المحدودة..
حور: نعممم. !  بتهزر صح.
عمر ينظر لها بخبث: ايه عايزه حاجه تانى ياحور انا عن نفسي معنديش مانع..
حور وقد قامت من مكانها بتوتر: هقوم انا بقى احضر  الفشار..
عمر بضحك:  اهربى ياحور اهربى وانا هصبر وهستناكى ياحور  حتى لو العمر كله ياقلبى....
ثم أمسكها من معصمها..  .
حور ازاحت ذراعها بسرعه عندما شعرت بالألم وقالت بتألم: آآآآه.
عمر بقلق: حور انا اسف مسكت ايدك جامد..
حور وهى تخبئ يديها خلفها: لا انا كويسه متقلقش
عمر امسك يديها: ازاى كويسه يعني ورينى ايدك.... ياخبر ايه ده..
حور: ايه فى ايه.
عمر: ايدك كلها ياحور فيها اثر حرق..
حور ببرود: وايه يعني.
عمر بقلق: ازاى مقولتليش وبتقولي مفيش حاجه!
حور: محستش بيها
عمر: بتهزرى صح ده ايدك كلها
حور بالامبالاه:  عمر انا واحدة روحها اتحرقت مليووووون مره وكل مره كنت بتعود على الوجع لحد مابقيت مش بحس..
عمر اتى بعلبة الاسعافات الاولية وامسك يديها ليداويها....
عمر بعصبية: انا مش عايز هزار ياحور متسبيش نفسك كده انتى مش خايفة على نفسك انا همووووت من الخوف عليكي.
حور: انت مكبر الموضوع ليه كده عادي يعني الألام تزول فورا .
عمر: حور ارجوك بقى كفاية لعب عيال وخلينى اعرف اداوى جرحك..
حور لم تعطى اى رد فعل وحين انتهى من علاج الجرح..
عمر: النهارده ان شاءالله كنا المفروض هنروح عندكم بس هنأجل الزياره لوقت تانى عشان انتى تعبانه دلوقتي وبالليل هنروح للدكتور عشان يشوف الجرح ده...
حور وقفت وقالت بعصبية ممزوجه بدموع: بلاش تعاملنى كأنى مريضة او طفلة انا مش صغيره وعارفة انا بعمل ايه كويس ومش هتعرف تداوى جرحى ياعمر الطبطبة على ازاز مكسور بتعور وانا قلبى مش بس مكسور لا ده حاجه اكبر اكبر بكتير اوى اكتر كلمة تقدر توصفه ان قلبى مفتت... مفتت بالكامل مش هتعرف تصلح حاجه مش هتعرف..... عمر طلقنى!
عمر بعصبية وكان اوشك ان يضرب حور ولكنه تماسك اعصابه.: اخرسي ياحور اخرسي بقولك... اوعى تقولى الكلمه دي تانى فاهمة!...
حور: وليه مش اقولها مع ان المفروض ده يحصل
عمر بعصبية: مينفعش ده يحصل افهمى.. انا بحبك انا حبيت نفسي بيكى..
حور بعصبية: وانت متستاهلش واحدة زيي.... متحبنيش يااخى..
وتركته وذهبت إلى غرفة النوم واغلقت الباب وبكت وانهارت!
عمر من خلف الباب وهو يبكي: حور انا اسف انى اتعصبت عليكي حقك عليا انا انا غلطان والله سامحينى ياست البنات بس بالله عليكي بلاش تعيطي قلبى بيوجعنى لما بتعيطى... افتحي الباب واضربينى اقتلينى بس بلاش تعيطي ياجنتى بالله!
حور ببكاء:  مش هفتح وابعد عني ياعمر بقى ابعد.
عمر بصوت مكسور: استحلفك بالله تفتحي نتكلم واقفلى تانى براحتك انا هنام برا.. استحلفك بالله ياحور..
حور فتحت الباب وذهبت إلى السرير مسرعة لتكمل البكاء... وعمر ذهب الى جانبها ومسح على شعرها وقال بصوت حنون: جنتي بلاش تعيطي كده اهدى بالله عليكي...
حور تمسح دموعها وتنظر اليه: انا مش ضعيفة.. انا مش بعيط
عمر: العياط عمره ماكان دليل على الضعف بالعكس ده دليل على القوة
حور: ازاى بقى ده بيبقى ضعف وانكسار كمان
عمر: العياط ده بيجى بسبب انك كنتى قويه فى مواقف كتير اوى المفروض تبقى ضعيفة فيها بس بقيتى قويه.. وبعدها كل القوة والكتمان اللى جواكى ده فاض وطلع على هيئة دموع كاتمة على قلوبنا بتريحنا لما بتطلع..
حور: بس انا قلبى بيوجعنى لما بعيط.
عمر: عشان قلبك مكسور وانتى بنفسك بتجرحيه وبتضغطى عليه ف بيوجعك اكتر..
حور: حبتنى ليه.
عمر بحب: حبيت دنيتى بيكى حبيت اكون فى الجنه معاكي ف كان بفضل دعاء الوالدين ورضى ربنا عليا انه يرزقني بيكى تبقى جنتى فى الدنيا.
حور: متحبنيش هتتعب معايا وف الاخر هتزهق وتمشى.
عمر: لو نهاية الطريق انى هضمن حبك وهكسب قلبى عندي استعداد اتعب العمر كله حتى لو هعيش لحظة حب معاكي قبل مااموت..
حور: انا جوايا ضملة انا مش مستحملة وجودها وبخاف منها..
عمر: وانا هنا عشان اطمنك وابقى جنبك ومعاكى.. عندي استعداد اولع الدنيا كلها واول فى نفسى عشان انور الضلمه اللى جواكي المهم انك متخافيش...
حور: هضلم حياتك انت هتتعدى من ضلمتى.
عمر:  انتى كنتى النور الوحيد اللى نور حياتى حتى فى انطفائك نور 💙
حور: انت ليه بتحبنى اوى كده.
عمر.؛ ان الله يقذف الحب فى قلوبنا فلا تسأل محب لماذا أحببت.
حور: حاسة اني مكسورة الجناحين ومش عارفه اطلع من الحزن اللى انا فيه واطير من الفرحة ياريتنى اعرف اطير.
عمر: هديكي جناحات عشان تطيرى مش هسيب الحزن يدخل قلبك تانى ياحور
حور: ليه اختارتنى انا؟.
عمر:
تُشبى الأعياد، يشتاقُ الناس لبهجتها، فمُجرد وجودك يجعلنى  اشعُر بالسرور، لو تحدَّثت إلي لتمنيت ألا يتنهي كلامك، تُشبى لحظة الأمان الأولي بعد عامٍ كامل مِن القلق، تُكفينى وتُغنينى،
وتزرعى في قلبى الرضا طوعًا وكرها! ..
حور.: اتأكد منين انك مش هتجرحنى ولا هتكسرنى زيهم.
عمر: انا جاهز لاى حاجه عايزانى اثبتها ليكى واظن انى مخسرتش ف اى اختبار لحد دلوقتي وانا بوعدك انا مقدرش اكسرك انا بحبك واللى بيحب حد بيداوى جرحه مش بيكسره.. ومع ذلك مستعد ياجنتى لاى حاجه تقولى عليها..
حور: عايزة اروح الشغل واخلص مشروعى
عمر : حور انا واخد بالي من المشروع كويس بس انتى لازم ترتاحي ياحبيبتي.
حور: مشروعى ياعمر وبعدين ده فاضل فيه كام شهر... خلينى اعتمد على نفسي لو سمحت.
عمر: حاضر ياروحي مقدرش اقول لا.
حور: شاطر عارف لو كنت قولت لا
عمر يقترب منها بحب: كنتى هتعملي ايه..
حور ضربته على كتفه: هضربك واتلم بقى عشان هزعلك..
عمر بضحك: شريرة اوى انتى على فكرة.
حور: اذا كان عجبك
عمر: عجبانى والله اوعى تقلبى
حور: ايوة كده ناس مش بتيجي غير بالعين العسلى
عمر بغمزة : ياواد انت ياعسلى ياحليوة ياللى واخد قلبى ياولااا
حور: ده انت بتعاكس بقى
عمر: لا بمدح  وبحب فيكى بس
حور: اه اذا كان كده ماشي
عمر: يلا ياحلوة نقوم نراجع على حفظ القرآن بقى بقالك كام يوم بتدلعى... هتسمعى ولو سمعتى غلط مفيش كرتون النهارده واخر الاسبوع مفيش بلايستيشن هاااا!
حور: انت ليه بتعمل فيا كده طااب خلاص مبقاش فى أجواز أو أجوازات مش ضامنة.
عمر: أجوازات وأجواز هو احنا جوز جزم ولا ايه مش فاهم
حور.: لا لا متقولش على نفسك كده انت جميل مش جزمة لا انت شوزز
عمر: امشي قدامى بقى عشان مش تلاقى الشوز ف وشك... وقفاكى هيبقى سجادة دلوقتي.
حور: عنيف اوى انت... تعرف بقى لو انت سمعت غلط هتنام على السلم يابيبي نيهاهاهاهاها.
عمر: يعني يوم ماتقولي بيبى يكون فيها عقاب.
حور: امشي يلاا قدامى يالااا عشان ههزقك
عمر: ايوة كده ارجع لطبيعتك ياسيد.
بعد ان انتهوا من تسميع الورد القرآنى...
عمر: ماشاءالله لا قوة إلا بالله اللهم بارك.. بوركِ ياجنتى بجد كنتى جميلة اوى النهاردة
حور.: وانت كمان والله وصوتك كان حلو جدا اللهم بارك يعني
عمر: بتعرفى تقولى كلام حلو اهو
حور: احم.. احم قوم اعمل الفشار بقى وشغل الكارتون أليش دحوة
عمر بضحك: هههههههههه أليش دحوة.. عندك أعاقة ف لسانك ولا ايه... أتجوزت طفلة ياناااس
حور: بااااس انا بقى اروح عند امى ولا تقولى عندك اعاقة فى لسانك ولا تقولى طفلة..
عمر: هههههههههه اقعدي في الارض لما بتصدقى تمسكي فى حاجة
حور: هتقوم ولا لا
عمر: اهو قايم وأمرى لله..
بعد ان ذهب عمر حور تحدث نفسها: بتحاول تراضينى باى طريقة ياعمر بالرغم اللى بعمله معاك معلش لازم اعذبك شوى عشان تعبت مش حمل جرح تانى وانت خصوصا ياعمر هموت لو جرحتنى كله الا انت مش هقدر استحملها منك انت ف اصبر هانت خلاص...
عمر اتى بالصنية وبها طبق فشار كبير وعصير وفواكة..
عمر: وادى ياست البنات التسالى وأدى الكرتون بدأ..
كانوا يستمعون إلى كرتون شركة المرعبين للمحدودة ويضحكون ويستمتعون به وكان ينظر عمر الى حور وهى تعطى كل انتباها لهذا الفيلم وكانت تقلد مشهد..
حور بدموع.: قطتى.
عمر: قطتك عمرها ما هتمشي يابوو
فأبتسمت حور واكملت الفيلم حتى نامت بجانب عمر  .. بعد انتهاء الفيلم..
عمر: وادى الفيلم خلص.. ونظر لحور النائمة... انتى ازاى حلوة كده وانتى نايمة تعرفى انتى تانى احلى واحدة فى الدنيا وانتى نايمة والاولى وانتى صاحية وبتضحكي.. بحبك اوي ياجنتى.. تصبحي علي حاجه حلوه شبهك..
وحملها عمر لتنام على السرير..
وحين جاءت الساعه الثانيه صباحا..
عمر: حور اصحي ياحور عشان نصلى قيام الليل.
حور: سبنى خمس دقايق بس ياعمر
عمر. اسيبك واصلى واسبقك خطوة فى الجنه لا ياستى انا عايز ابقى معاكي خطوة بخطوة.
حور: حاضر ياعمر قومت اهوو
عمر: قومتى ايه ده انتى نمتى تانى.. انا عارف انتى هتصحي ازاى..
واتى بكوب الماء البارد وافرغه على وجهها  .
حور بخضة: صحيت... صحيت خلاص.... قدر غرقت دلوقتي.
عمر: هههههههههه والله حماتى دى دماغ موصيانى عليكي شكلها بتحبك اوى.
حور.: بص انت اللي معطلنى اهووو.
عمر..؛ انتى هتتلككى خلاص قومى ياستى..
كان عمر يقف أماما لحور ويصلى بها قيام الليل ويقرأ من صورة يوسف وكان صوته عذب تخشع له القلوب وتقشعر له الأبدان... بعد الانتهاء من الصلاة نظر الى حور خلفه..
عمر: بتعيطي ليه
حور: كنت طول عمري بدعى ربنا بزوج صالح يصلى بيا امام والحمدلله ربنا رزقنى بيك وبصوتك صوت بيفرح قلبى الحمدلله على وجودك ياعمر..
عمر...: طيب متعيطيش بقى ياحبيبتي وتعالى نختم الصلاة عشان الحق انزل لصلاة الفجر..
ووضع عمر يده على راس حور وكان يدعوا الله ان يحفظها له ويبارك له فيها..
عمر: هنزل اصلى انا بقى ياحبيبتي صلى الفجر ونامى انتى عشان الشغل..
حور: قطتى!
عمر.: قطتك هتنزل تصلى ياحور.. وبطلى دلع بقى عشان هتعصب..
حور: ولما بتتعصب بتعمل ايه!
عمر: بحضن على طول.
حور.:انا بقول بردو انزل عشان هتتاخر على الصلاة ياعمر..
عمر: بتجيبى لورا ليه انا كان ممكن اتعصب على فكره معنديش مانع
حور: امشي يازفت هتتأخر
عمر: خلاص براحة من غير ضرب..ادعيلي بقى
حور تفتح له الباب: حاضر هدعيلك..
عمر يدخل راسه من الباب: واه بحبك اوي  على فكره
حور تخرجه الى الخارج وتغلق الباب: أمشي بقى..
مجنون والله مجنون بس انا أجن منه وبحبه والله يانااااس بس بردو هعذبه براحتشي جوزى بقى وكده 😂....
~~~~~~~يتبع
نهاية الفصل الخامس عشر
#ثم_إن_بعد_الصبر_جنة
#بقلمى_هدى_محمود