ثم إن بعد الصبر جنة 💙

الفصل الحادى عشر

فى اثناء ما كانوا يضحكون ويمرحون هناك أعين غاضبة حاقده تنظر لهم من بعيد والشر يتطاير من عينيه...:  مش هسمحلك ياعمر تاخد حاجه انا عايزها... حور ليا انا بس ومش لحد غير... افرحى بيه شوية ياحور عشان هتبقى معايا بعد كام يوم.. عشان محدش يعرف يسعدك زيي انا. ومش هتلبسي الفستان الابيض لغيرى ياحور.
~~~~
عمر  وهو ينظر لحور بحب: هو انتي ازاى قمر كده... هو انا ازاى مش خطفتك اول ماشوفتك بس... بس اقولك اثبتى ليا ان كل اللى عدي من عمري كان انتظار ليكي.... وان كل لحظة من عمري متساويش لحظة جنبك بحبك ياحوريتى.
حور وهى تحاول ان تخفى خجلها: هى البت هاجر راحت فين اكيد عند البوفية.. لما اقوم اكل بقى.
عمر: انتى طالعة طفسة لمين لا وماشاء الله تاكلى ومش بيبان عليكى بتخبى الاكل فين هااا.
حور: لا ده انت بتغلط بقى!
عمر: لا انا بتريق بس
حور: اه اذا كان كده ماشي
يلا بقى ياقلبى عشان نلحق نجهز شنطتك عشان الطيارة كمان ساعتين..
وبعد انتهاء الحفل والجميع يحي العروسين..
عبدالرحمن.: الف الف الف مبروك فرحت ليكم اوى والله ربنا يوفقك لكم ويسعدكم يارب... خد بالك منها ياعمر
عمر: الله يبارك فى حضرتك يابشمهندس.....
ثم نظر لحور بحب.: دى جوه جوه قلبي ❤
هدير: حبيبتي الف مبروك فرحتلك جدا والله
حور وهى تحتضن هدير: ياروحي ربنا يبارك فيكي واعقبالك انتى والدكتور على.
على: ادعيلنا انتى بس ياهندسه وانتى فى الحرم كده..
حور: من غير ماتقول يادكتور متقلقش
هاجر: الف مبروووك ياحب واعقبالى بقى ياارب
ياسين يأتى من خلف هاجر: اعقبالنا احنا الاتنين مش اعقبالك بس
حور لهاجر: مستعجله على ايه بكره تاخدى على قفاكى.
ثم نظرت لياسين: لما انت مستعجل اوى كده خليت الخطوبة بعد شهر ليه ولسه هتطول كمان..
ياسين: لا ماانا سمعت كلامك بقى هنخلى الخطوبة مع كتب الكتاب بعد شهر لما ترجعى بالسلامه يعنى.
حور: وانت تقدر تعمله من غيري يالااا ده انا هنفخك..
ياسين بخوف؛ والله مااقدر  ماانا بقول لما  تيجي
عمر: يالا ياحبيبتي عشان هنتأخر.
ياسين لعمر: خد بالك منها دى اديها تقيلة اوى
عمر: هو انت كمان جربت واتنفخت منها ولا ايه 😂
ياسين وهو يتحسس مكان اللكمة: آه يااخى وكانت حتة نفخه ربنا مايوريك..
بعد ان ودعوا العروسين ذهب كل منهم الى بيته وذهب عمر لبيت حور لأخذ الحقائب من هناك..
حور: انت ازاى تقولى حبيبتي قدامهم كده
عمر بحب : وايه يعنى انتى فعلا حبيبتي وجنتى وقلبى وروحي انتى كل كلى انتى أنا... 💙
حور بكسوف:انا عايزة اروح.
عمر بضحك:ههههه صح نسيت انك لما بتتكسفى بتقلبى بطه بلدى وتقولي عايزه اروح...يا..بطتى
حور بتوتر:  انا مش بطه بلدى واتلم بقى وبص قدامك..
عمر:الجميل يأومر بس وانا انفذ
بعد ان وصلوا الى البيت وسمح والد حور بأدخال عمر إلى غرفه حور لتحضير الحقائب..
بعد ان اغلق الباب..
عمر بحب: كانوا بيقولوا فى حضن كده بعد كتب الكتاب باين صح..
حور بخجل وهى ترجع للخلف: لا لا لا عمر اوعى اتلم ياعمر..
عمر وهو يقترب: ولو مش اتلميت يعنى
حور وقد صدمت بالحائط خلفها:  ع.. عمر  انت اخدت واحد ق.. قدام الناس عيب بقى
عمر وقد وصل الى حور ووضع يده ليحاوطها:  وايه يعنى مش مراتى.. قدام الناس قدام نفسنا محدش ليه دعوة.
حور بخجل بسبب اقتراب عمر منها: ياعمر!
عمر وقد أخذها بين احضانه: ياقلب وروح وعقل عمر... خليكى فى حضنى ياحور عشان خاطري متسبنيش انا لما صدقت لقيتك..
ثم أكمل بنبرة حب : انا قولت مش هأذيكى بس الحاجه الوحيده اللى هتوجعك منى هى حضنى مش هسيبك ابدا ياروح الروح بحبك اوي والله..
حور كانت في حالة صدمة لا تصدر أى رد فعل لما فعله عمر....
~~~
عمر فى نفسه...:ويشعر الحبيب حين يلامس حبيبه؛ كأن عالما جديدًا خلق خصيصىً لأجله، قد امتلكه أخيرًا، لكنه ما زال في طور الاستكشاف، خائفا يترّقب. ⁦
فما أقصاه من حُلم، وما أحلاه من شعور إن هو دنا! ⁦❤️⁩
حور تحدث نفسها: انا مالى مش عارفه اتحرك واديله قلمين ليه كده على كام بوكس عشان يتلم شوى... انا.. انا اول مره فى حياتى احس بالاحساس ده... احساس حلو بغباء يعني زى مايكون حاسه بأمان كده حاسه انى قوية... قوية بس بيه هو  احساس شخص مغترب رجع لوطنه.. احساس شخص كان فاقد الامان ولقيته.... احساس.... احساس انى مش قادرة ابعد عنه.. انا بعترف انى حبيته.. بس خايفة لا لازم اعرف هو هيكسرنى زيهم ولا لا لازم يستحمل اللى هعمله فيه..
حور وهى تبعد عن عمر: ا.. احنا مش هنحضر الشنط ولا ايه هنتاخر كده..
عمر.  : ياشيخة ده انتى لازم تفصلينى كده..
حور: ابقى اشحن ياخفيف
عمر بحب: طب تعالى
حور: أجى فين!
عمر: هشحن...
حور وهى متجهة الى الدولاب لأخذ الحقيبة..: أنا احنا لازم نحضر الشنطة دلوقتي الطايرة مشيت
عمر بضحك: ههههههه بحبك وانتى بتقلبى بطه  بلدى  كده 😂.. عموماً ياقلبى انا جهزت شنطتك وكل حاجه جاهزة فاضل بس تلبسي انتى ياحبيبتي واللبس عندك فى الدولاب اهووو....
تحبى اخرج ولا هستناكى هنا... لو عايزانى استناكي والله معنديش مانع... ونام على السرير وهو ينظر لحور...
حور: اخرج  ياعمر!
عمر: صدقينى مش هبص اهووو... وضع يده على وجهه وكان ينظر من بين اصابعه...
حور: انت.. انت مستفز وقليل الادب.
عمر ضاحكا: انا قليل الادب فعلا عشان قاعد مع مراتى صح.. هههههه هتفضلي لأمتى مش مصدقة انك مراتى اوريكى القسيمة.
حور: لا مصدقة ويلا اخرج بقى.. عايزه البس.
وخرجته خارج الغرفة..
حور: مجنون والله وهيجننى معاه بس بحبه ومش عشان بحبه هنسي انى اعذبه لا اوعى ده انا هنفخه!
ارتدت حور ملابسها التى كانت عبارة عن فستان ابيض رقيق ذات اكمام طويلة وطرحة طويلة بيضاء وتاج رقيق وضعته فوق حجابها...
عندما خرجت حور..
عمر: بسم الله ماشاء الله لا قوة الا بالله  .... ايه الجمال ده بس يالهووووي قمر يانااااس قمر
والد حور: ايه ياض ياعمر انت ماتتلم شوى بتعاكسها قدامى كده
عمر: ده على يدك ياعمى انا زهقت قد ايه لحد مااوصل للحظة دى.. وبعدين دى مراتى ياعم خلاص بقى. هتبقى فى حضنى انا..
والد حور بدموع: خد بالك منها ياعمر انت اخدت روحى حتة من قلبى كده وحافظ عليها زيي كده واوعى تزعلها ف يوم عشان لو نزلت دمعه من عيونها بسببك مش  هسيبك والله
عمر: اطمن ياعمى دى فى قلبى وف عيونى هشيلها فوق رأسي والله.. مفيش اى دموع بينا الا دموع فرح بس متقلقش عليها..
والد حور: ربنا يسعدكم ياابنى ويرزقكم الذريه الصالحة يارب..
عمر بلهفة: دعواتك ياعمى اصل بنتك دى هتجننى والله.
والدة حور: خدي بالك من نفسك ياحور وحافظى على زوجك ومتغضبيش ربنا فيه وخليكي دايما معاه وحبيه واقفى جنبه.. حطيه فى عينيكى يابنتي عمر يستاهل والله.
حور.؛ حاضر ياماما متقلقيش من غير ماتقولى..
وبعد ان انتهوا من الوداع ذهبوا الى المطار.
~~~فى مكان اخر ~~~
يوجد شخص يتحدث على الهاتف وعلى وجهه علامات الغضب!
الشخص: سافروا يعني ايه سافروا... ازاى ده حصل
المتصل: معرفش والله حضرتك بيقولوا العريس عامل مفاجأة للعروسة واخدها وراحوا يعملوا عمرة
وهيرجعوا فى العيد.
الشخص: ياابن......... ياعمر!... طيب اقفل يازفت انت وتعالى..
بعد ان اغلق الهاتف..
الشخص: بقى ياض ياعمر عايز تضحك على حور بعمرة عشان تحبك... مش هعرف اعمل حاجه هناك بس هنا لما ترجع والله ماهسيبك ياعمر هدمر عش الزوجية اللى انت بتبنيها دى فوق دماغك... حور لا ياعمر فاهم حور ليا انا بس...
~~~~فى الطائرة~~~
حور تمسك يد عمر بقوة: لا لا خايفة ياعمر يالهوووي دى بتطلع ياعمر الحقنى!
عمر ضاحكا: الناس بتبص علينا يخربيت كده.....
ثم نظر بحب: مكنتش اعرف ان الطائرة تقربك منى كده... ده لو كده فعلا هعيشك فى طيارة
حور: بطل رخامه بقى بتعاكس حتى واحنا فى الطيارة يااخى.
عمر: وايه يعنى مش مراتى... وقف عمر  وهو يصقف ويقول: يانااااس دى مراتى والنهارده فرحنا وطالعين عمرة وبقولها كلام حلو بتقولي بطل تعاكس عشان الناس وكده.... طيب احب اقول بقى للناس كلها اهى بحبك بحبك بحبك من اول يوم شوفتك فيه ولحد دلوقتي بحبك وهفضل أحبك وعمرى ماهبطل احبك ياقمرى انتى ياشمسى يانوارة حياتى بحبهااا يانااااس.
الجميع مندهش لما فعله عمر وصفقوا له جميعا وهم يتمنون لهم السعادة..
حور وهى تضع يدها على وجهها من شدة الخجل: يخربيتك ياعمر ايه اللى انت عملته ده.
عمر للناس يضع يده على قلبه: شكرا  ياجماعه والله مش عارف من غيركم كنت هكسفها ازاى 🤷‍♀️😂
جلس عمر بجانب حور: هااا ارتاحتى كده.. وحشتيني اوي على فكره.
حور: هو مفيش أكل هنا ولا ايه
عمر: قوليلى بس عشان افهم هو الكلام الحلو بيخليكى تجوعى ولا انتى مفجوعه ولا ايه 😂
حور: احسبها زى ماتحسبها انا جعانه.
اتت مضيفة الطيران..
المضيفة.: أكل مخصوص للعروسين بيهديه كابتن الطياره لحضراتكم.
حور:الله أكل
عمر: شكرا اوى كنا لسه في الموضوع... ويشاور على حور الذى تأكل
المضيفة: هههههههه ربنا يتمم لحضراتكم على خير يارب.
عمر ينظر لحور: هتتخنى كده وهتبقى بغلة مبغلة وجاموسة مجمسة ياحبيبتي.
حور وهى تأكل: لو مش عاجبك روحنى لما نرجع وبلاش تتجوزنى هفلسك ياابنى وهبقى بغله وجاموسة كمان لا مينفعش...
عمر: وانتى مالك انتى هو انتى جاموستى انا ولا جاموستك انتى
حور: انت بتغلط صح
عمر: لا بهزء وبشتم بس!
حور: اه بحسب
عمر: لا اطرحى.
حور: انا ممكن اضرب بردو
عمر: لا ابوس ايدك انا عريس جديد وصحتى على قدى.. قلبك ابيض بقى..
بعد انتهاء الطعام ....
انخفض ضوء الطائرة فى الداخل وكانوا على ضوء هادئ ثم تأتى اليهم المضيفة ومعها تورته كبيرة مكتوب عليها...( بارك الله لكما وبارك عليكما وجمع بينكما في خير) حور ♥ عمر
وقف عمر وأخذ علبة من جيبه وجلس امام حور على ركبتيه..
عمر: مبروك عليا انتى ياجنتى...
ثم البسها الخاتم مصنوع من الفضة ومكتوب عمر وحور وتاريخ زواجهم وبه فص ألماس أزرق...
صفقوا جميعا لهم وباركوا للعروسين...
ثم قبل عمر رأس حور وقال لها؛ كل سنة وانتى معايا  فى رمضان ياقلبى ربنا يبارك لى فيكى ياغالية وميحرمنيش منك ابدا ويجعلنى خير عون ليكى وسند ويجعلنى خير زوج كما يحب ويرضى... بحبك ياطفلتى 💙
جلس عمر بجانب حور:
💜
فلمّا غضَضْنا البصرَ عنهم ظنُوا أننا نسيناهُم ولكِننا علِمنا أنهم رِزِقً ؛ ورزقَ اللَّه لا يأتي بعصيانهِ ف واللّه ما غَضضْناهُ إلا حُباً ..❤
أنا أؤمِنْ أنكِ سبعُ تمراتٍ ، مِنْ نخلةٍ إرتوتْ من ماءِ زمزم ، هزتها يدِ العذراءِ فكانتْ لِجوعَ قلبي إكتفاءً .
ثُمّ أبلغي كيفَ إستطاعت والدَاتِك بِتسعَةِ أشهرٍ أن تبني لي وطني ...! 💜
على العموم ..!
" تقبّل اللَّه منكِ الصومَ سيدتي إما علمتي بأن الحُسنَ يُفطِرُنا " ... ♡♡♡
فردت حور مبتسمة:
💙
تاللَّـهِ ما ظننـا ولن نَظُن فيكُـم إلّـا خيـراً ؛ وحِـرصكُم على طاعـة المولـىٰ، ومقاومـة الهـوىٰ.. فِعلكُـم هذا ما زادنـا إلّـا عِشـقًا..❤️
وأنا أؤمِن أنَّكَ سَبـعُ سُنبُـلاتٍ خُضـرٍ أينعـت بعـد سِنـيٍّ عِچـاف، فَكـانت لِجَـزع رُوحِـي سَـلامًا، وَ لِشتـات قلبِـي ملاذًا.
رُبَّمـا كمـا شـاء رَبِّـي لوالِـدتكَ أن تحمِلكَ وترعـاكَ وتُحسِـنُ نَشـأتكَ لِـتكُـونَ لهـا خير ذُرِّيـةً، ولِـي أبـد الدهـر-بإذن اللَّـهِ-خَيـر سَكَـنًا.. هَـا قد أبلغت فَـ أعلـم..!💙
تَقَبَّـل اللَّـه مِنـكَ وَمِنِّـي سَيِّـدي ؛ وَكيـف لِـي ألّـا أعلـم-سَـامَحـكَ اللَّـه-وقـد أوشـكَ حُسنُـكَ أن يُفطِـرنـي♥️")..!
~~~~~يتبع
نهاية الفصل  الحادى عشر
#ثم_إن_بعد_الصبر_جنة
#بقلمى_هدى_محمود