ثم إن بعد الصبر جنة 💙

الفصل العشرون

حور: انا بجد مش عارفه اقولك ايه بس شكرا على كل حاجه يعني.. واسفة انى فهمتك غلط..
محمود: ولا يهمك متقوليش حاجه المهم تفرحي افرحى وبس..
حور: ان شاءالله.. عن اذنك..
محمود: مع السلامه!..
يا... ياقلبى!..
صعدت حور إلى منزل هاجر وبعد ان دخلت..
هاجر بفرحه: هبقى عروسه ياحور خلاص!
حور: حبيبتى فرحت ليكى اوى والله ربنا يوفق لك يارب ويسعدكم ويعينكم على طاعته..
هاجر: مش عارفه من غير دعواتك هعيش ازاى.
حور: عشان تعرفى قيمتى بس..
هاجر: انا غلطانه انى بشكر فيكي اصلا... يلا تعالى العيال جوة تعالى نجهز للحنة ونجهز حاجة الفرح بقى..
ذهبوا الفتيات ليتجهزوا لحفلة اليوم..
🌹🌹🌹
فى مكان العمل..
عمر بغضب: استفادتى ايه كده ياهند! فاهمة انى كده هرجعلك والله ماهرجع..
هند: هترجع ياحبيبي وهتطلقها ماهو انا مش اقعد احبك السنين دى كلها عشان هى تاخدك على الجاهز.
عمر: افهمى بقى دى مراتى وحبيبتى وانا عمرى ماهسيبها فاهمة..
هند: ياعمر انت بتعمل فيا كده ليه.
عمر: ياهند افهمى انتى زى اختى وانا بخاف عليكي عشان كده بقولك بطلى اللى بتعمليه ده وخليكى غالية متبقيش واقعة على حد كده استنى وابن الحلال هيجيلك لحد البيت اللى يريح قلبك ويصونك ياهند انا سيبتك عشان كان حرام اعلق قلبك بيا وانا فى قلبى حد تاني وقولتلك ده ميت مرة فعشان خاطري سامحيني وسبينى اعيش حياتي عشان انا تعبت والله وحرام اللى بيحصل فيا ده عايز ارتاح..
وافتكرى انك جوهرة ياهند... عن اذنك..
وتركها عمر وهى تتردد هذه الكلمة فى أذنها..
احمد من الخلف: انتى جوهرة ياهند..
هند: احمد.. خير فى ايه.
احمد: هند بصى انا مكنتش بحب عمر بس عايز اقولك انى دلوقتي بحاول وبحارب عشان ابقى زيه، وانا قررت اصون نفسي واحافظ عليكي حتى من نفسي، عشان انتى جوهرة ياهند اوعدك اني افرحك دايما، تقبلى تتجوزينى ونبدأ طريق جديد مع بعض
هند: انت صدمتنى... جواز بالسرعة دى.
احمد: لا ماهو انا مش قليل الذوق هاجي اخطبك من اهلك طبعاً
هند بكسوف: وقتها ابقى افكر..
احمد: ربنا يقدم اللي فيه الخير..
🌷🌷🌷
فى منزل هاجر أثناء الحفل المقام بالخارج..
توجد البنات في غرفة العروسه..
حور: اللهم بارك، ماشاءالله لا قوة إلا بالله...
هاجر بتوتر: ايه ياحور.. حلوة ولا ايه..
حور: يابنتى ماشاءالله ده انتى احلى منى.. والله ياهاجر ياسنجل هتتجوزى ومش هلاقى حد اتريق عليه..
هاجر: ايوه يابنتى بقى خلاص سنجل ايه بس راحت علينا خلاص..
حور: شوف البغلة هتشوف نفسها علينا بقى..
هاجر: بس زعلانه اوى ان هدير مش جت..
حور: هدير ربنا يعينها بقى ياحبيبتي سافرت فرنسا مع جوزها لما يرجعوا بالسلامه نبقى نخرج سوا..
هاجر: يارب ترجع بالسلامه بقى عشان وحشتنى..
حور: ان شاءالله... يلا نخرج احنا بقى يابنات تلاقى ياسين هيموتنا دلوقتي عايز يشوف عروسته..
فى الخارج..
حور لياسين: اياك ثم اياك انك تفكر تزعلها بس انت عارف كويس انا هعمل فيك ايه صح..
ياسين: عارف ده انا حافظ صم... بصى دى لسه معلمة فى وشي والله.
حور: احسن عشان يوم ماتفكر تزعلها تفتكر ان وراها رجالة..
ياسين: دى فى عيونى والله ربنا اللى يعلم
حور: ربنا يحفظكم ويبارك فيكم ويسعدكم يارب
ياسين: اللهم امين.. ممكن ادخل اشوف البت بقى عشان انا خللت من الواقفة..
حور ببرود: تدفع كام..
ياسين ينادى على عمر: ياعمر الحمدلله انى لقيتك خد مراتك ابعدها عنى ياعم فهمها ان النهارده يومى والله..
ثم تركهم وذهب إلى هاجر..
عمر: وحشتيني اوي على فكره..
حور: ياريت يابشمهندس عمر تبطل الكلام ده مفيش مابينا حاجة زى كده..
عمر: لينا بيت نتكلم فيه ياحور.
حور: ده بيتك انت مش بيتى..
عمر: حور متنرفزنيش قدام الناس لما نروح هنتكلم.
حور: انا مش هروح معاك.
عمر: قصدك ايه ان شاءالله امال هتروحي فين.
حور: هبات مع هاجر لحد بكره..
عمر: مفيش بيات برا البيت
حور: الكلام ده لما اكون مراتك..
عمر: على اساس انك مش مراتى..
حور: لا مراتك بس هتطلقنى..
عمر بعصبية: متخلنيش اتعصب ياحور نبطل الكلام ده.
حور: اللى مخلينى اتكلم معاك دلوقتي انى مش عايزه حد ياخد باله من حاجه غير كده والله ماهطيق اقف معاك لحظه.. عن اذنك يابشمهندس..
وتركته وذهبت مع صديقاتها..
وكانت تتجاهل عمر تماما، وتضحك وتمرح مع الكل الا هو..
بعد انتهاء الحفلة..
عمر.:الف مبروك..ربنا يسعدكم يارب..مش يلا ياقلبي بقى..
حور: افندم يلا فين..
عمر: عشان نروح بيتنا ياحبيبتي
حور: انا هبات مع هاجر..
هاجر: حور..انتى مش قولتى انك هتروحي وهتيجى الصبح..
حور: اها قولت بس غيرت رأيي.
هاجر: حور بترجع فى كلمتها..لا مستحيل..فى ايه ياحور..
حور: مفيش لازم يكون فى حاجه يعني عشان عايزه اشبع منك قبل ماتمشي..
هاجر: فى ايه ياحور..
حور: الله ياهاجر ماقولت مفيش
عمر: طيب عن اذنكم ياجماعه....تعالى ياحور ثوانى.
واخذها وخرجوا خارج المنزل
حور: خير!
عمر: لاحظى ان الكل اخد باله ومينفعش اللى بيحصل ده..
حور: ماياخدوا بالهم عادى كده كده هنتطلق بعد الفرح..
عمر بعصبية ويحاول ان يتمالك اعصابه: حور تبطلى تقولى الكلمة دى ياحور احسن وربى هعمل حاجه هتزعلك منى..
حور.: هتعمل ايه يعنى مش ده اللي هيحصل...حتى لو عملت ايه مفيش حاجه هتمنع انى اتطلق من واحد كداب وانانى زيك..
عمر: ازاى تحكمى عليا قبل ماتسمعينى حتى..انتى واخدة بالك انك كده بتظلمينى على فكره!
حور: وانت مظلمتش البنت دى معاك مظلمتنيش انا...
عمر: الكلام مينفعش هنا ياحور تعالى نروح نتكلم فى بيتنا..
حور: وانا مش هروح معاك..وده مش بيتى.
والد حور اتى فى هذه اللحظة..
وقال بعصبية: حور ايه اللى انتى بتقوليه ده..
حور: يابابا انت مش عارف هو عمل ايه..
والد حور: ومش عايز اعرف دى حاجه تخصكم..مينفعش حد يعرف عنكم حاجة حتى لو انا..
حور: انا زعلانه منه يابابا مش عايزه اقعد معاه..
والد حور: روحي بيتك ومتتكلميش معاه بس متخليش حد ياخد باله من حاجه فاهمه.
حور:يابابا انا هتطلق منه..
والد حور بعصبية: حور الكلمة دي لو سمعتها هعمل حاجه عمرى ماعملتها...انتى مش هتلاقى حد يحبك زى عمر واياك اسمع منك الكلمة دى تانى..
حور بدموع: يابابا انا...
والد حور.: اتفضلي روحي معاه مش عايز اسمع صوت..
وذهبت حور مع عمر الى المنزل
عمر: بقى بذمتك فى حد يسيب البيت الجميل ده ويبات برا..
حور: عن اذنك انا عايزة انام..
عمر: وانا كمان هنام..
حور اتت بمخدة وغطاء ونامت فى الخارج..
عمر: ايه اللى انتى بتعمليه ده..
حور: هنام..تصبح على خير..
عمر: طيب قومى نامى جوه ياحبيبتي وانا هنام هنا..
حور؛ بشمهندس عمر..انا هنام هنا ولما اروح فى النوم لو فكرت تلمسنى وتخلينى انام جوه هيبقى فيها كلام تانى..انت عارف انى جاية غصب عني..
عمر بحزن: حاضر اللى تشوفيه ياحور..
🌺🌺🌺
فى مكان اخر....محمود يتحدث مع هند على الهاتف..
محمود بعصبية: يعني ايه بطلتى مش فاهم!
هند: يعني انا مش عايزة أأذى حد في حياته وهما بيحبوا بعض.
محمود: من امتى الطيبة دى نسيتى اللى عمله فيكى..
هند: عمله عشان يحافظ عليا والحمدلله ربنا عوضني..
محمود: ضحك عليكى بكلمتين..
هند: محدش ضحك عليا بس فوقت لنفسي وعرفت ان اللى بعمله ده غلط..وانت ربنا يهديك انت كمان..
محمود بعصبية: هتندمى ياهند كلكم هتندموا..
واغلق الهاتف وكان شديد الغضب: ماهو انا مش بعد اللى حصل ده هسكت لا انا مش هسيبك ياحور وهقتلك ياعمر والنهارده.
🌷🌷🌷
فى صباح يوم جديد
تستيقظ حور لترى عمر ينام هو الاخر فى الخارج..
حور تحدث نفسها " ايه اللى انت عملته ده بس ياعمر، كده تجرحنى انت كمان، تعمل فيا كده ياعمر، هسمعك لو طلعت مظلوم وقتها بس هصالحك غير كده لايمكن اصالحك تانى، بس قبل كده لازم اقسي عليك شوى عشان متخبيش عليا حاجه تانى "
ثم فى هذه اللحظة رن هاتفها برقم محمود...ليستيقظ عمر على صوت الهاتف هو الاخر..
حور: السلام عليكم..
محمود: وعليكم السلام...اوعى اكون ازعجتك..
حور: لا ابدا كنت صحيت خلاص..خير المشروع فيه حاجه..
محمود: لا زى الفل وقربنا نسلمه كمان بس ده ميمنعش اننا عايزين حضرتك معانا طبعا..
حور.: ان شاءالله الفرح يخلص وانا هاجي على طول..
محمود: ان شاءالله.... المهم طمنيني انتى كويسه..
حور: اه الحمدلله شكرا على سؤالك.
محمود: انتي متعرفيش انا كنت قلقان ازاى معرفتش انام طول الليل..
حور: ليه كده بس متقلقش انا كويسه والحمدلله..
محمود: الحمدلله....خلاص اسمحيلى اعزم نفسي على الفرح النهارده واجى اطمن عليكى..
حور: طبعا يامحمود تيجي تنور...هستناك..
مع السلامه..
بعد ان اغلقت الهاتف..
عمر: ماشاءالله كل ده كلام...لا وهيجى كمان..
حور: هو ده صباح الخير بتاعك..
عمر: كان بيكلمك بتاع ايه ده.
حور: حاجة متخصش حضرتك..
عمر بعصبية: لا انتى مراتى وتخصينى غصب عنك وبطلى اللى بتعمليه ده فاهمة..
حور: عن اذنك هجهز عشان همشي..
عمر بعصبية: بلاش تعاندى معايا ياحور انتى مش صغيره..
حور: اللى تشوفه حضرتك حاضر..
عمر يهدا نفسه: حور..حبيبتي انتى عارفه ان مينفعش اللى بتعمليه ده وعارفة انى بغير عليكي ف بالله بقى بالله بلاش تعملى حاجه تعصبنى..
حور.: حاضر!....ممكن البس عشان امشي بقى..
عمر: اتفضلى ياروحي..
ذهبت حور الى العروسه وذهب عمر ينتظرها فى الخارج هو وياسين..
حور لهاجر: اللهم بارك كنتى مخبيا علينا الجمال ده كله فين بس 😂
هاجر: اسكتى عشان انا متوترة اوى..
حور: امال انا مكنتش متوترة ليه..
هاجر: طول عمرك بارده ياحور..
حور: معلش ياحبيبتي بكره تكسبى مناعة وتجيلك تناحة زيي كده 😂
هاجر: لا ابوس ايدك ياسين مش هيستحمل مش عارفه عمر مستحملك ازاى..
حور: هو انا اى حد يابنتى ولا ايه..
يلا بس عشان الواد واقف برا كمان لو وقف كمان شويه هيعيط..
بعد ان خرجوا...
ياسين: ماشاءالله انتى حلوة اوي كده..
حور: ولاااا وبعدين معاك..
ياسين: ايه ياحور دى مراتى ياحور والله والنهارده فرحنا..
حور: سورى اندمجت شوى..
هاجر: حسبى الله 🤦‍♀️😂
عمر بحب: شوفت بقى انا حبيبتى قمر فى كل الاوقات ازاى..
حور: انا جعانة ياجماعه...فى بوفيه ولا لا ياياسين..
هاجر.: هى البعيدة حولة مبتسمعش!
ياسين: انتى مسمعتيش اللى اتقال ولا ايه!
عمر: انا واخد على كده ياجماعه عشان بس تقدروا اللى انا فيه..
حور: ماله اللى انت فيه ان شاءالله..
عمر بحب: يووووه احلى حاجة فى حياتى والله كفايه انك جنبى..
حور: طيب يلا ياجماعه نمشي عشان هموت من الجوع..
هاجر.: ابو طفاستك..
حور: امشي ياهاجر انتى وعريسك امشي بكره تعرفى اللى بقوله..هفضل اعلم فيكوا لخد امتى بس..
ذهب ياسين وهاجر فى سيارة...
وحور وعمر فى سيارة عمر..
عمر يتحدث وحور تستمع فقط وقليلا ماترد عليه ببرود..
وصلوا اخيرا الى القاعة المقام بها الفرح وتم الترحيب بالعروسين..
بعد دقائق امسكت حور بالهاتف.: ايه يابنتى انتى فين..
هدير: ايه وصلتوا القاعة خلاص..
حور: اه وصلنا يلا بقى..
هدير: طيب انا جاية اهو جهزى كل حاجه..
ذهبت حور الى المسرح واخذت الميكروفون : السلام عليكم..مساء الخير والف الف مبروك ... وكل سنة وانتوا طيبين..
عمر: ايه اللى بتقوليه ده بس.
ياسين: هى بتعمل ايه..
هاجر: منك لله ياحور 😂🤦‍♀️
اكملت حور: مش عارفه انا بقول ايه بصراحه بس مش مهم...نطلب من عروستنا تيجى هنا عشان محضرين ليها مفاجأة..
هاجر تنظر لحور..
حور: متخفيش والله مش هضربك..
فضحك الجميع وذهبت هاجر الى منتصف المسرح...
ثم فى هذه اللحظة اتت هدير وزوجها...
هدير: مبرووووك ياعروستنا.
هاجر: هدير لا بجد مش ممكن انتى رجعتى امتي.
هدير: رجعت حالا مقدرش اسيبك فى يوم زى ده طبعا..
هاجر: ربنا يخليكم ليا والله..
حور: بس بقى عشان هعيط..
هدير: لسه بردو بارده زى ماانتى
هاجر: دى تنحة بس بنحبها بردو هنعمل ايه..
حور: اقدم هديتى انا بقى...ثم ذهبت الى هاجر..وقدمت لها تذكرتين لتركيا بتاريخ مفتوح..
حور: عشان عارفة انكم ناويين تطلعوا عمرة ف دى هتبقى بعدها بقى ان شاءالله..
هاجر بفرح ودموع: ربنا يخليكم ليا يارب وميحرمنيش منكم ابدا..
صفق لهم الجميع ثم بدا الحفل وكانوا يستمتعون جميعا..
عمر لحور: عملتى كل ده امتى..
حور: احنا دماغ ياابنى انا اى حد ولا ايه..
عمر: بحبك..
حور: هقوم ادور على اكل انا بقى..
والد حور: اقعدي جنب جوزك ياحور ومتتحركيش..
بعد انتهاء الحفل وتوديع العروسين...
وقفوا امام القاعة حور وعمر وهدير وعلى وكانوا يتحدثون حتى اتى محمود من خلفهم...
محمود بغضب: هقتلك ياعمر...هقتلك..
ثم هجم عليه وطعنه فى بطنه بسكين صغير.
فوقع عمر على الارض!...
حور بصدمة: عمممممر!...وجلست بجانبه تبكى..
ذهب على خلف محمود وضربه بشدة حتى جاءت سيارة الشرطة المارة فى الشارع فأوقفها على وقل لهم ماحدث مع عمر..
حور بدموع: هدير شوفيه ياهدير...ماله...عمر فوق..ياحبيبي انا اسفة والله ياريتنى كنت سمعتك...قوم ياعمر.
هدير: انتى بتعيطى ليه ده جرح بسيط الحمدلله السكينة مجاتش فى اى جهاز اصابة سطحية..
حور: امال هو مش بيرد ليه!
هدير: مش عارفه بصراحة مفيهاش حاجه اصلا..
عمر: حسبى الله طيب كنتى قولتى اى حاجه كانت هتصالحنى لازم تعملى فيها فاهمة يعني..
حور تضربه على كتفه: ياجزمه كنت هموت من الخوف عليك..
عمر يتصنع الألم: اه اه لا مش قادر..
حور بخضة: مالك ياحبيبي..
عمر بحب : الله قوليها كده تانى..
حور رخم اوى انت صح..
هدير: يلا قوموا من الارض على جيه هناك اهو.
على: ايه ياهدير عمر كويس..
هدير: اه الحمدلله الاصابة سطحية هيحتاج كام غرزة بس... وانت عملت ايه.
على: مسكته والبوليس جيه اخده واديته الافادة وهيبقى يجي ياخدها من عمر بقى..
حور: مش عارفه والله اشكرك ازاى شكرا ياعلى بجد..
على: مفيش حاجه يابنتى احنا اخوات...تعالوا يلا نوصلكم البيت واعمل لعمر الجرح..
بعد ان انتهى من خياطة عمر...
على: ابقى اعملى اللازم بقى ياحور وهيفك السلك كمان كام يوم كده
عمر.: قولها ترضي عنى بس وانا هبقى كويس والله..
حور: حسابنا بعدين
على: هنمشي احنا بقى عشان جايين من السفر فاصلين..
هدير: متبقيش مفترية على الواد حرام عليكي..
عمر: قوليلها بقى قوليلها..
بعد ان خرجوا..
عمر: لسه زعلانه منى ياحور..
حور: قوم بالسلامه بس وبعدين نتكلم فى الموضوع ده..
عمر: لا لازم نتكلم دلوقتي..
ثم رن هاتف حور برقم غريب..
عمر: استغربت انه رن..لا طبعاا دايما يرن فى وقت مش وقته..
حور ترد علي الهاتف: السلام عليكم.
هند: حور انا هند..لو عمر جنبك خليه مياخدش باله انى انا..
حور: افندم! خير..
هند: عارفه انك زعلانه منى ومن حقك..حور انا اسفة والله انى بوظت حياتك بس انا كنت خلاص عايشة حياتى بس محمود جيه وقالى لازم تنتقمى وهو اللى خلانى اعمل كل ده..
حور: وايه المطلوب دلوقتي..
هند: بصى انا غلطانه واستحملت نتيجة غلطى بس الحمدلله عمر فوقنى من اللى كنت بعنله انا اتغيرت وربنا بعتلى زوج صالح والحمدلله بنجاهد عشان ناخد بايد بعض للجنة..
حور: الحمدلله فرحت ربنا يوفقلكم ويسعدكم..
هند؛ اللهم امين....دلوقتي ياحور عايزه اقولك متظلميش عمر هو سابنى عشان ميظلمنيش معاه وهو اتغير عشان خبك بجد وبسبب حبه ليكى بطل السجاير واختار صحبه صالحة وبعد عنتا وحافظ عليكى حتى من نفسه، ف بلاش تظلميه معاكى وافهميه...واعرفى انى كنت ماضى المهم دلوقتي هو ايه معاكى...مش هتلاقي حد يحبك قده ياحور اسمعيه وافهميه بالله عليكي..
حور: حاضر ان شاءالله وشكرا جدا ليكى..
هند: يعنى سامحتينى وهتسامحى عمر خلاص..
حور: ايوة خلاص مفيش حاجه..ابدأى حياتك بقلب ابيض بقى وربنا يسعدك..
هند: شكرا ياحور بجد فرحتيني اوى ربنا يحفظكم يارب..
حور: مع السلامه..
عمر: مين اللى بتتكلمي معاها كل ده..
حور: هقولك بعدين...بس مش ناوى تصالحنى الاول..
عمر: يعنى انتى بجد هتسمعينى..
حور تهز راسها بالإيجاب..
عمر بحب واسف: حور والله انا بعترف انى غلطان انى خبيت عليكى بس انا بدأت بقلب جديد مكنش ينفع اتكلم عن ذنوبى تانى بعد ماربنا تاب عليا منها
ا