ثم إن بعد الصبر جنة 💙

الفصل التاسع عشر

قال محمود بنبرة شريرة: هانت ياعمر نهايتك خلاص قربت ، وحور خلاص هتبقى بتاعتى وبتاعتى انا وبس!
~~فى صباح يوم جديد~~~
يستيقظ عمر ويرى حور نائمة على قلبه ثم ينظر إليها ويقول بحب: آه ياحور آه..تعبتينى قد ايه لحد مانوصل للحظة دى وانا صبرت والحمدلله ربنا رزقني بيكي فى الاخر ياجنتى..
ثم يمسك بعض خصلات من شعرها البنى الناعم ويلمسه بحب...
ثم تستيقظ حور بهدوء وتنظر لعمر بحب: صباح الخير ياحبيبي..
عمر بحب: ياعيونى صباح الورد..
حور: صحيت من بدرى شكلك مش صحتني معاك ليه..
عمر بحب: كانت عايز ابص ليكى واسرح كده فيكى وانتى نايمة بتبقى شبه الملاك...يالهووووى هو انتي حلوة اوى كده ياعروستى!
حور بخجل: طيب هقوم انا احضر الفطار عشان نمشي على الشغل..
عمر بأرتياح: لا ارتاح مفيش شغل النهارده..
حور: ايه يعني ايه مفيش شغل
عمر بحب وشوق: يعني واخدين أجازة عشان اناى وحشانى اوى الصراحة..
حور بكسوف: والشغل ياعمر..
عمر يقترب منها أكثر فأكثر: مايولع الشفل ياعيون عمر..
وكان على وشك ان يقبلها إلى أن رن هاتف حور..
حور بتوتر: الفون..فون بيرن.
عمر بنفاذ صبر: أستغربت انه رن لا طبعا متعود يرن فى الاوقات دى...هبقى اكسره المرة الجاية ان شاءالله..
حور: دى هاجر..
ثم ردت على الهاتف: جوجو حبيبتي وحشتيني موت..
هاجر: وانتى اكتر والله يابنتي...طمنيني عليكي عاملة ايه..
حور: الحمدلله بخير ياقلبي وانتى اخبارك ايه..
عمر ينظر لحور بحب ونفاذ صبر: زى القرد يابنتى قوليلها تقفل بقى مش وقتها..
هاجر: بيقول إيه ده بقى ان شاءالله...
حور: بيقولك كويس انك رنيتى عشان كنت لسه بفكر فيكى..
هاجر: اه كويس بحسب..
عمر: كدابه اوى على فكرة ومكنتيش بتفكرى فيها ورنت فى وقت مش مناسب..
هاجر: لا كده كتير بيرغى ف ايه ده حساه بيشتم..
حور: يابنتى لا ده بيقول خليها تيجي عندنا شوى..مش كده ياعمر!
عمر جلس بنفاذ صبر ولم يرد عليها..
هاجر بفرحه: لا ده انتى اللى هتيجي ياحبيبتي..
حور  : هاجي فين لا قصدك ايه!
هاجر بحماس وفرحة: فرحى بكره ياحور خلاص وهتشال من قايمة السناجل  بقى..
حور بفرحه: لا بجد بتهزرى واخيرا الحمدلله هشوفك عروسه..
عمر: قوليلها انى مش هبطل رن عليهم يوم الفرح وحسبي الله ونعم الوكيل!
هاجر: ماله عمر يابنتى فهميني
حور.: سيبك منه يابنتى... هجيلك بكره بدرى انا والعيال بقى ونخربها..
هاجر: لا ياحبيبتي العيال عندي وانتى هتيجي وتباتى معايا مليش دعوه..
حور تنظر لعمر: لا مقدرش انام برا بيتى واسيب عمر لوحده طبعا مش هعرف انام من غيره اصلا
عمر يقترب منها بحب: ياروحي انا بقول كفايه هاجر كده وتعالى اقولك كلمه سر مهمة وضرورية جدا.
حور تبعد الهاتف وتقول  بضحك ممزوج بخجل : ياعمر بس هاجر لسه مقفلتش..
هاجر: مع انك زعلتينى بس هنعمل ايه بقى انتى متجوزة وعندك مسؤليات... متتاخريش عليا بقى..
حور:  معلش بقى ياحبيبتي لمااجى هصالحك ان شاءالله.. مع السلامه..
عمر بحب: طيب ماتصالحينى انا..
حور تضع يديها على كتفه وتقول بدلع:  ياروحي هو انا اقدر ازعل حبيبي منى.. قلبى زعلان مني يانااس..
عمر يجذبها إلى أحضانه: يالهوووي عليا يانااس انا اقدر ازعل منك ده انا ازعل منى انا شخصيا بس انتى مقدرش..
حور بحب: بموووت فيك ياعمر
عمر يقترب: وانا بعشقك بجنون ياقلب عمر..
ثم رن الهاتف ثانية...
عمر بضيق: لا انتوا قاصدين بقى... دى مبقتش جوازة دى بقت طين على دماغكم..
حور تحاول كتم ضحكتها:  دول.. الشغل... بيتصلوا.
عمر بغضب: هو كان ناقصهم هما كمان..
حور بضحك: ههههههههه... اهدى ياعمر بس فى ايه.
عمر بغضب: انتى بتضحكي ياحور عايزة تجننينى!
حور بضحك وتحاول تقليد صوت مدحت شلبي: وأهوو بيتعصب اهووو... وبيعلى صوته أهووو الله عليك ياابنى عملتها ازاى دى..
عمر بغضب: حور متنرفزنيش. 
حور مكملة بنفس الطريقه: ده لسه هيتنرفز يانهاااار ابييض الله عليك ياحبيب والديك..
عمر بضحك: ههههههههه لا مش قادر اتعصب تانى.. فصلتيني!
حور مكملة: اهووو وضحك اهو ضحك ايه الحلاوة دي فرحت قلبنا ياابنى والله 😂
عمر: هو انا بحبك من فراغ يابنتى..
حور متصنعة الجدية: خلاص بقي اتلم انت هتتصاحب عليا ولا ايه استنى لما نشوف الشغل..
ثم ردت على الهاتف: السلام عليكم..
أها... لا عمر قال ان فى اجازة.... بتقول فى مشاكل في الشغل... خلاص.. تمام هنيجي حالا حاضر.. مع السلامه.
حور تنظر لعمر: معلش ياحبيبي الاجازه اتلغت فى شغل كتير ومشاكل محتاجين وقوفنا معاهم..
عمر: آآآه ياربى.... هنعمل ايه بقى امرى لله.. عارفة لولا ان ده مشروعك كنت قدمت استقالتى بس اقعد معاكي يوم حتى..
حور: الايام قدامنا كتير ياحبيبي واحنا سوا اهو..
عمر: يلا خير ان شاءالله.. هجهز انا واسبق اجهز العربية لحد ماتنزلى..
حور: دقيقتين وهتلاقينى وراك..
~~~فى مكان العمل ~~~
محمود: هند... أجهزى حور ومحمود جايين فى الطريق.... طبعا مش محتاج اعرفك هتعملي ايه!
هند: لا اطمن... ده انا عارفه وكويس اوى هعمل ايه!
محمود: نتقابل عشان نحتفل بالنصر بقى..
هند: طبعا وهيبقى على شرف طلاقهم..
~~~فى سيارة عمر ~~~
حور: عمر!
عمر: حبيب عمر.. وعيون عمر..
حور: حبيبي ممكن بعد الشغل اروح لهاجر اقعد معاها شوية وبعدين نروح والصبح بدرى خالص اروح معاها عايزة ابقي جنبها..
عمر: طبعا ياحبيبتي دى صحبتك ومينفعش تسبيها فى وقت زى ده..
حور بفرحه: بجد ياروحي يعني موافق..
عمر: حتى لو مكنتش موافق كفاية عليا الضحكه دى ده انا هوافق واجيب ناس توافق..
حور.: ياحبيبي ياعمر ربنا ميحرمنيش منك ابدا يارب..
عمر يقبل يديها: ياروحي ولا يحرمني منك ابدا ياجنتى!
🌺🌺🌺
بعد وصولهم إلى موقع العمل..
عمر: استنى اوعى تنزلى..
وذهب ليفتح لها باب السيارة...
عمر بحب: الأميرات لازم يتفتح ليهم الباب كده..
حور تنزل من السيارة وتقول بضحك: ده ايه الدلع ده لا انا هاخد على كده وهبهدلك يابشمهندس عمر..
عمر بحب: خدى على كده براحتك وادلعى انتى بس وشوفى هعمل ايه ياطفلتى..
وفى أثناء لحظات الضحك والحب هذه اتى صوت من خلف عمر..
هند بغضب: بقى هى دى يابشمهندس عمر اللى سبتنى عشانها...
عمر لم يلتفت ويتحدث لنفسه: لا يمكن للسعادة ان تكتمل لابد من خازوق 🙄😒
حور تنظر إلى هند:  افندم حضرتك بتكلمي مين..
هند: هو في غيره البشمهندس عمر.. اللى كان خطيبى وكنا خلاص هنتجوز وسابنى عشانك
حور: حضرتك  متاكدة اكيد حضرتك قصدك حد تانى
هند: متأكدة زى ما متأكدة انى بتكلم معاكي دلوقتي... مش كده يابشمهندس عمر.
حور تنظر لعمر: عمر لا بص ليها كده.. عرفها ان مش انت الشخص اللي بتقول عليه ده
هند تقف امام عمر: ماتقولها حاجة ياعمر.. ولا معقول مقولتش ليها لحد دلوقتي..
حور بعدم فهم: لا فى حاجه غلط اكيد فهمونى إيه اللى بيحصل..
هند: هفهمك انا ياحبيبتي حقك بردو تعرفى..
عمر يتمالك اعصابه: هند امشي دلوقتي من هنا مش عايز لعب عيال..
هند: واللى عملته ده مش لعب عيال..
عمر بغضب: هند بقولك امشي..
حور بغضب: عايزها تمشي ليه خايف من حاجة هى هتقولها ولا ايه..
عمر: حور انا مش خايف بس انتى مش فاهمه هى هنا ليه.. دى..
قاطعته هند: انا هنا ربنا بعتنى ليها عشان اكشفك على حقيقتك..
عمر بغضب: حقيقه ايه انتى اتجننتى..
حور بغضب: عمر اسكت لو سمحت خلينى افهم فى ايه..
عمر:  ياحور دى..
قاطعته حور بتحذير: عمر  سيبها تتكلم احسن...
فصمت عمر ولم يتحدث..
محمود اتى:إيه ياجماعه صوتكم عالى ليه خير!
حور لمحمود: ثوانى يامحمود فى حاجه هنا بنحاول تفعنها
حور لهند: فهمينى فى ايه بقى وايه علاقتك بزوجى وايه كل اللى بتقوليه ده..
هند: بإختصار ياحبيبتي كنت مع عمر فى الكلية بس انا اصغر منه ارطبتنا من ايام مادخل اولى كلية وكنا هنتجوز لما يتخرج وفجأة لقيته بيقولى لا انا هبعد عنك عشان حبيت واحدة تانى ومش عايز اظلمك معايا وربنا يرزقك الزوج الصالح ومش عايز حاجتى خليها عندك وسابنى ومشي ومعرفتش ليه طريق بعد كده طول السبع سنين دول سايبنى ومجروحة منه ولما اجي هنا اشوفه وفجأة اتصدم واعرف انه اتجوز وعايش حياته بعد مابوظ حياتى، وانتى زى الهبلة فاكره ان زوجك جاى عوض ليكى بس متعرفيش انه كسر قلب حد قبل كده وانتى عايشة معاه عادى على الكدب ده مش خايفة يجرحك ويكسر قلبك انتى كمان..
عمر بغضب: هند اخرسي بقى كفاية..
حور بصدمة: عمر اللى هى بتقوله ده صح!
عمر: حور اناا..
حور: رد عليا اللى هى بتقوله ده صح  !
عمر: ياحور اسمعى دى...
حور: الاجابه واضحه ياصح ياغلط! رد عليا..
عمر بأسف: صح  للاسف... بس افهمينى اانا عملت كده ليه..
حور بصدمة ودموع: لا مش عايزه افهم حاجه..
امسكت حور رأسها وكانت سوف تهوىٰ أرضا ولكن أمسك بها محمود...
محمود: حور انتى كويسه..
عمر يمسكها منه: حور حبيبتى فيكي ايه.
حور بعصبية: ابعد مش تلمسنى ابعد...
عمر. بحزن: حور انا..
حور: اوعى تفكر تيجي ورايا مش هيحصل كويس.
محمود يسند حور: اعصابك ياحور.. اهدى مفيش حاجه تستاهل...
حور تعتدل فى الوقوف: ااا.. اسفة انى ساندة عليك كده..
محمود: لا ولا يهمك انتى كنتى هتقعى فى الارض.. انتى كويسه دلوقتي..
حور: اه الحمدلله.. عن اذنك.. همشي..
محمود: هتمشي ازاى مش معاكي عربية..
حور: هاخد تاكسي..
محمود: تاكسي وانا موجود بقى ده اسمه كلام.. تعالى اوصلك بعربيتى..
حور: لا مش هينفع مش عايزه اتعبك. معايا.
محمود: يااه ده يبقى يوم الهنا لما البشمهندسة حور تتعبنا معاها!
حور بإبتسامة وتجلس فى السيارة:  شكرا يابشمهندس..
عمر اتى وهو غاضب بشدة: بقى مش عايزه اجى وراكى عشان تركبى معاه ياهانم..
حور ببرود: والله انا حره واعمل اللي انا عايزاه..
عمر بغضب: لا انتي مش حره واتفضلى انزلى من العربيه..
محمود كان سينزل من السيارة ولكن منعته حور..
ثم نظرت لعمر بهدوء: انا بقول خلينا نمشي بهدوء عشان هيبقى ليا رد فعل مش هيعجبك..
عمر بعصبية: اعملى اللى تعمليه بردو هتنزلى..
حور بنفاذ صبر: عمر بلاش تعاند وخلينى اهدى وبعدين نتكلم..
عمر بعصبية: بقولك انزلى..
حور بعصبية: طلقنى ياعمر!
ارتسمت على وجه محمود ابتسامة انتصار
عمر بصدمة: انتى بتقولى ايه انتى اتجننتي!
حور بعصبية: اه اتجننت واتفضل سيبنى فى حالى بقى مش من حقك تتكلم معايا وتأمر كده وتزعق..
عمر: ياحور اسمعينى انا..
لم تعطيه حور اى اهتمام ووجهت كلامها الى محمود:  محمود هتمشي بالعربية ولا انزل اخد تاكسي..
محمود ذهب بالسيارة وكان يعم الهدوء بعض دقائق ثم قال محمود: تحبى نروح مكان تريحى اعصابك فيه!
حور: لا انا رايحه لواحدة صحبتي.. ممكن تنزلنى هنا وانا هكمل..
محمود: لو مش عجباكي العربيه هشترى ليكى تاكسي بعد كده..
حور بإبتسامة:  لا على ايه احنا كده حلو..
محمود: ايوة كده اضحكي مبحبش اشوفك مكشرة ابدا قوليلى بيتها فين..
حور: بيتها.... ووصفت له العنوان..
محمود: وانتى ناوية تعملى ايه دلوقتي!
حور: اعدى بس فرح صحبتى ده على خير وبعدين اشوف الموضوع دا..
محمود: بس فكرى كويس قبل ماتاخدى اى قرار وشوفى عمر..
ثم قال فى نفسه: ويارب توصلى لقرار الطلاق..
حور: مستغربة حقيقي... وقفتك معايا ودفاعك عن عمر غير المتوقع.. اللى يعرفك يقول انك اكتر واحد هتستغل الفرصة دى وتوقع بينا...
محمود: عشان تعرفى انك بتظلمينى بس...  حور انا اتغيرت ومبقتش انانى.. لا خالص انا بتمنى ليكى السعادة حتى لو مش معايا المهم تبقى سعيدة..
بعد ان وصلوا الى منزل صديقة حور..
حور: انا بجد مش عارفه اقولك ايه بس شكرا على كل حاجه يعني.. واسفة انى فهمتك غلط..
محمود: ولا يهمك متقوليش حاجه المهم تفرحي افرحى وبس..
حور: ان شاءالله.. عن اذنك..
محمود: مع السلامه!..
يا... ياقلبى!..
🌺🌺🌺
~$يتبع
نهاية الفصل التاسع عشر
#ثم_إن_بعد_الصبر_جنة
#بقلمى_هدى_محمود