ثم إن بعد الصبر جنة 💙

الفصل الثالث عشر

محمود وهو ينظر نظرة شيطانية ويضحك ضحكة شريرة: طبعا عارف....
أحمد بقلق: محمود ناوى على ايه انا قلقت...
محمود: هقتله!
أحمد بعصبيه:انت اكيد اتجننت...قتل جريمة قتل يامحمود لا مش ممكن انا مش معاك فى الموضوع ده..
قام عليه محمود بعصبية: أنت لو مشيت خطوة واحده من هنا او فكرت تقول لحد هتبقى معاه في تربة واحد فاهم يااحمد.!
احمد بخوف:خلاص خلاص انا اسف هعمل كل اللى هتقول عليه...
محمود بهدوء: اهو كده بقى نتكلم بعقل.
~~~~فى غرفة حور وعمر فى الفندق..
عمر:حور ياحبيبتي حور..
حور: نعم ياعمر.
عمر:عامل ليكى مفاجأه غمضي عيونك الحلوة دى.
حور وهى تغمض عيونها بفرحه: حاضر أهووو
عمر مد يديه بعلبة هدايا لحور...
عمر:فتحى ياقلب عمر.
فتحت حور عينيها وفتحت العلبة حتى قفزت بفرحة وهى تحتضن عمر:يالهوووي ياعمر النقاب ياحبيبى ده نقاب...بحبك ياعمر
عمر بفرحة : وحياة ابوكى انتى قولتى ايه حبيبى وبحبك ياعمر ....
حور بكسوف: اه ياعمر حبيبى وبحبك اوى كمان
عمر : ده انا مش مصدق نفسي يعنى ياربى بقالى سنين بحاول اعقل فيكى ونقاب يخليكي تقوليها وتحضنينى كمان ياريتنى كنت جبته من زمان..
حور:أحم أحم احم...خلاص بقى كفاية دلع ويلا نحضر الشنط عشان نمشى بقى وبعدين نتكلم فى الموضوع ده..
عمر بحب: كلها كام ساعة ياحور وهنتكلم كلام بسنين عمرى كلها.. تعرفى انى جبته عشان انتى نفسك فيه وثانيا عشان انا مش عايز حد يشوفك غيرى وبس...ان المحب على من يحب غيور💙
~~~~فى مبنى الأذاعة والتليفزيون..
يدق باب مكتب هاجر...
هاجر: ادخل..
يدخل رجل فى الثلاثينات من عمره ويبدو عليه انه شخصية هامة وذكية...
الشخص:استاذه هاجر
هاجر: ايوة حضرتك مين!
الشخص: انا البشمهندس كمال صديق حور وعمر..
هاجر بفرحة: اه اهلا وسهلا اتفضل.
كمال.؛ يااستاذه معلش هتعبك معايا عايز اعرف بس هيرجعوا من السفر امتى اصلى كنت مسافر ومعرفتش أجى الفرح وهما أكيد زعلانين منى وانا حابب أعملهم مفاجأة.
هاجر: كويس اوى هيفرحهم اوى اكييد .. هما هيمشوا من هناك بالليل وهيوصلوا هنا بعد الفجر وهيصلوا العيد هنا كمان...
كمال بفرحة : يااه كويس اوى مش متخيلة انا سعيد ازاى شكرا...
وتركها وذهب وماان اغلق الباب حتى امسك بهاتفه....
كمال: حور راجعة بكره... بكره الصبح بعد صلاة العيد تنفذوا اللى قولته.. حور تكون عندي ومش عايز حد يعرفكم او يحصل غلط فاهم..!
واغلق الهاتف وهو يقول: خلاص ياحور كلها كام ساعة ياحبيبتي وتبقى معايا وليا انا وبس.
~~~~~فى صباح يوم جديد
وصل كلا من حور وعمر الى ارض مصر وذهبوا إلى بيتهم...
حور: يلا ياعمر البس بسرعه هنتاخر كده انا عايزه اشوف صحابى كلهم وحشونى اوى.
عمر بحب: وانتى كمان ياروحي وحشتيني اوي.. كل سنة وانتى عيدى..
حور: اتلم ياعمر واخلص..
عمر: خلاص ياشيخة فصلتينى يلا انا خلصت اهووو.
بعد ان وصلوا إلى ساحة صلاة العيد..
عمر: حور خدي بالك من نفسك كويس واوعى تخرجي لوحدك لما اوصل هنا هرن عليكي تخرجي بس اوعى تخرجي لوحدك فاهمة مش هقول تانى..
حور:حاضر ياعمر متقلقش.
ذهب كلاهما لصلاة العيد وبعد ان انتهوا منها...
اتصل عمر بحور...
عمر:ايه ياحبيبتي انتى فين.
حور: انا اهو قبل واحدة صحبتى وخارجة بس مش شوفت البنات زعلانه..
عمر:لا ياحبيبتي متزعليش احنا نروح ليهم نشوفهم سوا.
حور بفرحة:بجد ياعمر..
عمر:بجد ياروح عمر يلا انا واقف قدامك اهو شايفة...
يشاور عمر بيدية لحور وماان رأت عمر حتى كانت على وشك الوصول إليه...جاءت سيارة سوداء ونزل منها بعض الرجال وحاولوا دخول حور فى السيارة وضرب احدهم الرصاص ليجرى الجميع ويعوق حركة عمر...
حور وهى تحاول منع دخولها فى السيارة: عممممر الحقنى ياعمر!
لم يستطع عمر اللحاق بحور...
فى السيارة...
حور وهى تضرب الرجال:انتوا مين...مش هتفرقوا معايا بس من الافضل ليكم تسييونى أحسن وربى مش هسيب فيكم حتة سليمة..
احد الرجال فى الامام:اخرسي يابت..هنوديكى مكان هتفرحي بيه ومش بعيد تشكرينا كمان..
حور وهى تضرب الرجل على رأسه مما تجعله يفقد وعيه وضربت الرجل الذى بجانبها فى بطنه وجعلته يتأوأه من الالم...
حور بغضب:قولتلكم نزلونى حالا يااغبية..
ضربها أحد الرجال صفعة قوية جدا مما جعلت حور تنزف دما من شفتيها ووضع على أنفها مادة منومة حتى فقدت حور وعيها...
~~~~فى منزل والد حور
بعد ان قص لهم عمر ماحدث...
والد حور: وانت معرفتش تحصلها ياعمر.
عمر بدموع:والله ياعمى جريت وراهم بس الرصاص اللى ضربوه ده خلى الناس كلها تجرى فى مكان معرفتش اوصلها وكمان برن عليها فونها مغلق.
والدة حور ببكاء: هى دى الامانه اللى احنا سلمناها ليك ياعمر هو ده اللى هتحافظ عليها....انا عايزة بنتى ياعمر...
عمر وهو يقبل يديها:ياماما ياحبيبتي والله انا اسف انا قولتلها خليكى ومتخرجيش مش سمعت كلامى بردو...بس اوعدك انى مش هرجع البيت غير لما اجبها معايا انا مقدرش اعيش من غيرها والله..
وأخذ عمر سيارته وكان يبحث عن حور فى كل مكان وكل شبر....
~~~~~~فى منزل فى قلب المزرعة..
حور جالسة على كرسي وحركتها مقيدة بالحبال السميكة حول يديها وجسدها ويوجد شريط لاصق على فمها حتى لا تصدر صوتا وقطعة قماش تمنع حور من رؤية أى شئ...
تتحرك حور وتحاول ان تفك القيود او تتحدث بكل قوتها...
ثم صفعها احد الرجال مره أخرى... وقال: بت انتى أسكتى خالص....
وامسك شعر حور بقوة وقال: انا لولا ان كمال بيه عاوزك كان زماني قتلتك بأيدى دول اخرسى بقى....
وتركها حين سمع صوت سيارة مديرهم كمال...
الشخص:اهلا كمال بيه نورتنا..
كمال:حور فين!
الشخص:جوه اهى ياباشا وكل حاجه تمام..
كمال جلس أمام حور.....
كمال: حور حبيبتي اخيرا بقيتى معايا..
وكان يزيل قطعه القماش الموضوعه على عين حور حتى صدم من العلامات التى على خديها أثر صفعة قوية...
كمال بغضب: مين الحيوان اللى ضربها كده..
لم يجب عليه احد..
ثم نظر إليهم وقال بتهديد:اللى مش هيقول مين اللى عمل كده هقتلكم كلكم..
تقدم الرجل الذى صفع حور وقال:انا ياكمال باشا..
كمال ببرود:ومديت أيدك عليها ليه...
الرجل:كانت بتعلى صوتها يابيه وكانت هتفضحنا وضربت اتنين مننا ولو كنت سبتها كانت هتخلص علينا...
انقض عليه كمال بعصبية وهو يضربه بشدة...
كمال بغضب: تقوم تمد إيدك عليها ياحيوان...ده انا هقتلك..
ثم قام وقال بهدوء لبعض الرجال: خدوه جوه علموه الأدب وهاتوه هنا وهو لسه فى الروح عايز اقتله بنفسي...
اخذوا بعض الرجال الرجل وكانوا يضربوه بقسوة وكانت حور تفزع من صوته المتألم ولكنها كانت تخفى هذه الدموع والضعف وكانت فى منتهى البرود والقسوة....
جلس كمال أمامها وكان على وشك ان يلمس خد حور حتى يرى الصفعة وسرعان مابعدت حور وجهها حتى لا يلمسها..
كمال بنبرة حنونة: عملوا فيكى إيه الحيوانات انا أسف ياحور هعلمهم الادب..
ثم ازاح الشريط اللاصق من على فمها...
حور بقوة وبرود: انت مين.
كمال: معقول مش فكرانى يلا مش مهم هفكرك..مش هتنسينى بعد كده أبدا..
انا ياستى البشمهندس كمال من ساعة ماشوفتك فى المشروع فى شركة البشمهندس عبدالرحمن وانتى مرضتيش تسلمى عليا والكلام اللى قولتيه وطريقة تفكيرك واسلوبك وأبداعك وفكرة انك تخلى بابا يسلمك المشروع وهو مطمن وكمان دفع كل الفلوس دى من غير مايعترض حتى بجد اعجبت بيكى...
حور:يعنى انا موجوده هنا دلوقتي ليه هو فى غلط فى المشروع....
كمال بضحكة: ههههههههه دمك خفيف كمان....
ثم أكمل بحب: حور انا حبيت كل حاجه فيكى حبيت لبسك، شخصيتك، غرورك، ثقتك فى نفسك، ذكاءك، احترامك، كل حاجة انا بحبك ياحور...
حور بعصبية:انت اكيد مريض نفسي انا متجوزة وبعدين انا مستحيل اوافق اكمل عمرة مع واحد زيك...
كمال: حور انا مفيش بنت رفضتنى ومليون واحدة تتمنى تكون مكانك وكلهم كانوا بيترموا تحت رجلي مش عارف ليه اختارتك انتى تكملى معايا يمكن عشان انتى مختلفة..
حور: وانت متخلف...مختل عقليا...سيبنى امشي أروح لزوجى أحسن والله ماهيحصل كويس..
كمال بضحكة ساخرة: هو انا حبيتك من فراغ ياحور...شجاعتك الزايده دى هى اللى بتزود حبى ليكى..
حور: انت اكيد مجنون انا متجوزة..
كمال: عارف انك متجوزة..انا كنت جاى اتقدملك بعد المشروع عرفت انك اتجوزتى الزفت عمر ده وسافرتى معاه..
حور بعصبية:ازاى تجرأ احترم نفسك عمر ده أحسن منك مليون مره عمر ضفره برقبة حيوان زيك..
كمال بعصبية:بلاش تجيبى سيرته عشان بتعصبنى ياحور انا هطلقك منه وهنتجوز ياحور..
حور ببرود: تبقى بتحلم..انا اسيب عمر حبيبي واجيلك انت!
كمال.؛ هو كسب قلبك بعمرة ياحور....
حور: عمر من اول ماشوفته وهو كسب قلىى وروحي وكسبنى انا شخصيا من غير حاجه..
كمال بعصبية:هخليه يجى هنا ياحور هيطلقك وهتجوزك قدام عيونه عشان يموت وهو مشلول وبعد كده هقتله..
حور بعصبية: أياك أقسم بالله لو لمسته بس أنا هاكلك بسنانى...
كمال وهو يضع الشريط اللاصق على فمها من جديد..
ويأخذ هاتفه:دلوقتي نتصل بحبيب القلب بقى ونخليه يجي عشان يمضى وتبقى بتاعتى ياحور...
اتصل بعمر....
عمر:السلام عليكم...مين
كمال: انا عرفت دلوقتي هى بتحبك ليه...أيه الاحترام ده.
عمر بعصبية:لو سمحت مش فاضي للعب العيال ده قول انت مين يااما اقفل...
كمال ببرود:ياترى شغال ولا بتدور على الأميرة حور...
عمر وقد توقف بالسيارة..
عمر بقلق: حور...بتقول حور....انت مين!
كمال:هتعرف أنا مين لما تيجي...انت معزوم على فرحنا انا وحور.
عمر بعصبية: انت اكيد مجنون حور تبقى مراتى...
كمال:ايوة ماهو انا مجهز كل حاجه هتطلقها وبعدها هنتجوز انا وهى..
عمر بتهديد:أياك ثم أياك تفكر تلمسها حتى..
كمال: هتكون عندي هنا فى مزرعة (.......) بعد ساعة لو فكرت تكلم البوليس او اى حد يعرف حتى أهل حور انا مش هسيبك ولا انت ولا هى عايشين فاهم!
واغلق الهاتف فى وجه عمر...
عمر بعصبية: والله انا اللى هتقتلك لو لمست شعرة منها...الو.الوو...قفل الحيوان....
وكان يفكر عمر فى ما سيفعله...
عمر فى نفسه:انا دلوقتى لو قولت لحد هيقلقوا اكتر وانا مش عارف الحيوان ده ممكن يعمل فيها ايه.انا اللى ضيعتها لوحدى ف لازم انا اللى هرجعها لوحدى بردو...هروح قبل الميعاد على الاقل ادرس المكان كويس عشان ممكن اعمل خطة هجومية وممكن تكون حور هناك انا مش عايز اضيع وقت هروح لها...يارب أحفظها لى ياالله...
واخذ سيارته وذهب بأتجاه المكان الذى تم الاتفاق عليه...
~~~فى المزرعه
كمال لبعض الرجال:خدوا بالكم منها كويس مش عايز حد يلمسها حتى فاهمين..
ثم نظر لحور: حبيبتي انا همشي اجهز نفسي انا وهجيلك سلام ياقلبي..
لم تعطيه حور اى اهتمام ونظرت إلى الناحية الأخرى .
كانت تفكر حور فى هذا المكان المظلم الذى هى فيه
حور فى نفسها: كانت ناقصة المختل عقليا ده كمان..يارب ساعدنى يارب وكانت تفكر حور فى طريقة للهروب من هذا المكان حتى صعقت بعد ان رأت ذلك المنظر المرعب امامها......
~~~~~يتبع
نهاية الفصل الثالث عشر
#ثم_إن_بعد_الصبر_جنة
#بقلمى_هدى_محمود