ثم إن بعد الصبر جنة 💙

الفصل الثاني عشر

فى الطائرة...
كان عمر يحكى لحور قصص بناء الكعبة وقصص الانبياء حتى نامت حور على كتفه..
عمر بحب: نمتِ ياطفلتى!.... تصبحي على رؤية الكعبة يارب وقبل جبينها ونام هو الأخر...
~~~فى فيلا عبدالرحمن الشرقاوي ~~
محمود بغضب: بابا انت كنت عارف انهم هيسافروا صح
عبدالرحمن بعصبيه: اتلم كويس ياولد... فى ايه واحد عامل مفاجأة لمراته انت زعلان ليه.
محمود: متقولش مراته بس عشان بتجنن.... وبعدين يابابا انت اكتر واحد عارف انا بحبها ازاى واتغيرت عشانها والله.... انا حبيتها من قلبى... استغنيت عن غرورى قدامها بحس انى طفل. وهى أمى... وحبيبتي واختي وصحبتي وحياتى كلها
عبدالرحمن.: بس انت مكنتش تستاهلها يامحمود كنت هتوجع حور وهى عايزة اللى يعوضها مش اللى يوجعها تانى وعمر جيه وعوضها عن كل حاجه واى حاجه في الدنيا ربنا يخليهم ويبارك فيهم يارب!
محمود: بابا انت هتجننى هو انا اللى ابنك ولا عمر الحيوان ده
عبدالرحمن: احترم نفسك يامحمود لاحظ انك بتعلى صوتك على ابوك.
محمود: هو انت متأكد انك ابويا انا مش ابو عمر
عبدالرحمن: محمود كلمة كمان مش هتقعد فى البيت.
محمود: انا خارج منه اصلا مش هعيش ف بيت محدش حاسس بيا ولا فاهمنى فيه... عن اذنك يابشمهندس عبدالرحمن!
وخرج محمود من الفيلا متجها إلى فيلاته الخاصة....
~~~~فى ارض مكة المكرمة..
بعد ان نزلوا من الطائرة. قبل فجر يوم جديد
حور: ياااه انا حاسه براحة نفسية كده
عمر: ولسه لما تشوفى الكعبة بقى... صح لما تشوفى الكعبة لاول مره ودعيتى دعاء هيستجاب ف بنصحك تقولى اللهم اجعل دعائي مستجاب وربنا هيستجيب لاى دعاء بعد كده بأذن الرحمن...
حور بفرحة: حاضر.
تم دخولهم إلى البيت الحرام وما انا رأت حور الكعبة المشرفة دمعت عيناها من السعادة والفرح..
حور وهى تدعى ببكاء: اللهم اجعل دعائي مستجاب... اللهم لك الحمد.. اللهم لك الحمد..اللهم أنك عفوا كريم تحب العفو فأعفو عنا...اللهم عفوك ورضاك والجنة
أسألك ياالله المباركة لى فى زوجي  وتقر عينى به وترعاه وتحفظه وتجعله خير سند فى الدنيا وخير رفيق للجنة يارب.. وبارك لى فى عمرى ورزقى... واحفظ والدى ووالداتى وبارك فى عمرهم.. وارزقهم جنتك ياالله... ربى أرحمهما كما ربيانى صغيرا...... أجمع بينى وبين صديقاتى فى الجنه ياالله  .. وارزقهم الازواج والذرية الصالحة... وبارك لى فيهم ياالله اللهم أستجابة..
عمر بدموع : اللهم اجعل دعائي مستجاب... اللهم تقبل صيامنا وقيامنا وصلاتنا وسجودنا وركوعنا....وازقنا لذة النظر إلى وجهك الكريم..
اللهم ربى ها قد رزقتنى بها كما دعوتك وجئت بها إليك كما وعدتك ولم أعصيك فيها ياالله فأحفظها لى....
اللهم رب رمضان رب العالمين وانت ربى💙
بارك لى فى حوريتى أحفظها من كل مكروه وسوء
اللهم بحق هذه الأيام الفضيله
آدم عليها صحتها أشهدك انى راض عنها فارضى عنها
زدها علما بدينك وكتابك وسنة نبيك
اجعلها محافظه على فرائضك
أشهدك انى لما أرى فى خلقها مثل ولا فى أخلاقها إلى حسن الأخلاق
اشهدك انى لما ارى من النساء غيرها
أشهدك انى حرمت على عينى من النساء غيرها
أشهدك  انى حرمت على قلبى من النساء غيرها
أشهدك انى حرمت على عقلى التفكير فى نساء غيرها
أشهدك انى أعدها أمامك ثم الناس أجمعين انى ساحفظ قدر
استطاعتى على جميع حقوقها وأكثر
أشهدك انى سأجعل كل أفعال سبب لاسعادها
يارب بارك لى فيها وفى حبها....
عمر بعد ان انتهى من الدعاء وحور أيضا نظر إلى حور...
عمر: يلا ياجنتى نتوضى عشان الفجر هيأذن
حور:بس انا مش عارفه المكان فين ياعمر
عمر:متخافيش ياطفلتى هقولك عليه بس يلا اوام أحسن احنا كده هنتأخر...
بعد أن توضأ كلا منهم وذهبوا ليقيموا أول صلاة لهم فى بيت الله الحرام وكان يصلى بهم الشيخ السديسى رضي الله عنه...وصوته يهز القلوب وتقشعر له الأبدان...
بعد ان انتهوا من الصلاة أجتمعوا عند الكعبة ودعوا ربهم..
عمر:يلا بقى ياحور نرتاح شوى عشان احنا راجعين من سفر ولازم نرتاح وبعدين عشان نعرف نقوم نصلى الظهر هنا أن شاءالله...
حور:حاضر.
بعد ان صعدوا الى غرفتهم...
حور: إيه اللي جاب فى دماغك أننا نعمل عمرة يوم فرحنا...
عمر: بصى ياجنتى احنا تعبنا اوى عقبال مابقينا لبعض وانا كنت واخد عهد قدام ربنا انه لما يستجيب وتكونى من نصيبى اول حاجه نعملها هى بدأ أى حاجه بينا هناك...أول صلاة..اول رمضان اول قيام...كل كل حاجه بلا استثناء..حبيت ابدأ حياتنا برضى ربنا ياحوريتى عشان يبارك لى فيكى وحفظك ليا!
حور وقد تجمعت الدموع فى عينيها وفاضت كالسيل...
عمر جلس بجانب حور:حبيبتي بتعيطي ليه انا قولت حاجه زعلتك..
حور بدموع وصوت مكسور: لا مش قولت..بس...بس عارف انت أحساس انى تعبانه اوى ومتعذبة من ساعة مابدأت افهم الدنيا....مليون صاحب وصاحب خذلونى....اللى للاسف فى يوم أختارته يبقى جزء من حياتى أديته قلبى وروحى وهو فى المقابل كسر قلبى ورمى روحى وخانى مع اقرب الناس ليا.....وجيه حد تانى يوم ماقولت هيعوضنى للاسف كان بيحب الضحكه الكدابة اللى كانت على وشي زيه زى اى حد وف الاخر يقولى انتى نكدية.!..وسابنى فى اكتر وقت مكنش ينفع اتساب فيه وحرق قلبى وروحى مع بعض.....مستشفايات.....حوادث.....ناس بتموت قدام عيونى مش هقدر انسي الموقف ده.....
كلام بيجرح من الاهل...توتر امتحانات...درجات مش قد كده...كلام كتير يوجع القلب أكتر....صحاب فاهمين انهم واقفين معانا بس هما اه واقفين وقت المصلحه او الفرح بس...بس الحزن والظلام ليا انا لوحدي....كرهت الرجالة وعندى فوبيا من الصحاب مش أى حد أثق فيه مفيش غيرهم هاجر وهدير وعلياء هما اللى لسه معايا....بقيت بخاف من الناس..الناس وحشين اوى بيقربوا منى ياخدوا ضحكتى وفرحتى وأتشوه أنا نفسيا...أتكسر مليون مره..قررت مش ابين لحد حزنى بقيت قوية لوحدي قدام الناس....بس فى اوضتى بفتكر كلام الناس اللى جرحنى والناس اللى خذلتنى واعيط وقلبى بينزف...انا اتكسرت وكرهت نفسي....ودلوقتي عايزين يفرقوا بينى وبينك...‏مش بيعرفوا يحافظوا عليا بس بيعرفوا يراقبونى كويس لما أروح لغيرهم ..
ثم نظرت له بحب وعيونها مليئة بالدموع: بس جيت انت فى أكثر وقت كنت محتجالك فيه زى ما تكون حاسس بيا معرفش عرفت ازاى تخليني اعيط قدامك بس عيطت وأنت بعدها فرحتنى ولسه بتفرحنى وهتفرحنى...متخيل تكون عوض لشخص جايلك عوض  ....الحمدلله أنا صبرت وربنا رزقنى بيك انت ياجنتى....بس خايفة تجرحنى وتسيبني ياعمر..ومش تستحمل اكتئابى..
عمر وهو يمسح دموعها ثم ضمها وقال:
ما بها سعادتي حزينه🖤روحي انتى روحى بالله عليكي متعيطيش عشان قلبى بيوجعني...انا بحبك ياحور بحبك وعندى استعداد احارب الدنيا كلها عشان بس اشوف ضحكتك...
ثم قبل جبينها: بعشقك ياجنتى!
حور دفنت وجهها وبكت بكل سنين عمرها وكان يبكي عمر من شدة بكاءها...
ثم مسح دموعه وقال: هنقضيها عياط كده ولا ايه قومى يلا ده انا جايبلك شوية أكل هتاكلى صوابعك وراهم..
مسحت دموعها وقالت بكل ثبات: فين الأكل.
عمر: ههههههههههه كنت عارف ان الأكل هو اللى هيخليكي تسكتى ياطفسة
حور: وماله الاكل احسن من ناس كتير اعرفها على الاقل ولا بيكذب  ولا بينافق ولا بيخون ولا بيخذل.. بالعكس ده بيفرح بس...
عمر: كلى ياطفسة كلى ربنا يباركلي فيكي يارب..بحبك جداا يابطتى!
حور: مش هتأكل معايا
عمر بحب: تأكلى انتى وأشبع أنا تشربي أنتى وأرتوى أنا..💙
حور: خلاص الحمدلله شبعت...عايزه انام
عمر:بألف هنا ياحوريتى...نامى ياقلبى
حور بخضة:أنت رايح فين!
عمر:إيه هنام.
حور:على السرير؟
عمر:اه امال على الارض.
حور:أظن حل مناسب
عمر:بتهزرى صح حرام عليكي جسمى مدغدغ من التعب وانتى عايزانى انام فى الارض ياشيخه اتقى الله.
حور: طيب متعيطش نام بس لازم نحط حاجز بينا..
عمر: يابنتى ده انا جوزك والله جوزك اعملك اه عشان تصدقي..
حور: عارفة عادى انك جوزى..بس بردو مش هسمحلك تنام غير لما يكون في مخدة بينا.
عمر:حاضر وأمرى لله..
حور بعد ان نامت وتقول فى نفسها:عارفه انك جوزى وحبيبي وحياتى كلها بس لازم أعذبك شوى...
عمر:تصبحي على خير وسعاده ورؤية الكعبة ياجنتى
حور:وانت من أهل الجنة
نامت  حور وتحلم بكابوس!& هى فى مكان بعيد  عن الكل ومظلم ولم ترى شئ إلا ذلك الرجل الأتى اتجاهها وهو جسده تأكله النيران... ثم ضربات نار وقنابل ناس  بتموت قدام  عيونها&
أستيقظت حور من نومها والعرق على جبينها وتلهث وتبكى....
أحس عمر  بحور فأفاق مسرعا: حور حبيبتي فى ايه!
حور وهى تلتقط أنفاسها من شدة البكاء: كانوا بيموتوا قدامى معرفتش  أنقذهم كنت مربوطه من ايدى... نار ورصاص وقنابل... واشتدت فى العياط...
أخذها عمر فى حضنه وكان يمسح على شعرها: أهدى ياحبيبتي أهدى الحمدلله  خلاص كابوس وعدا.. وأخذ يرتل أيات من القرآن الكريم بصوته العذب النقى حتى هدأت حور ونام هو وهى....
~~~~~فى مكان أخر ~~~~
محمود: لازم أجهز حاجه نخلص بيها حور من اللى اسمه عمر ده.
أحمد: انت دخلتنى فى الحوار ليه هى اتجوزت خلاص..
محمود: مش كنت بتنط ليها ف كل  حتة ايه اللي حصل.
احمد: اه على اساس مفيش حد في حياتها وهتعجب بيا بس هى دلوقتي اتجوزت يبقى ليه ابص لحاجه مش بتاعتى
محمود: اه وعمرها ماهتبقى بتاعتك.. حور ليا انا وبس..
احمد: ان جيت للحق انا سمعت لكلام البشمهندس عبدالرحمن  .. حور متستاهلش اى حد فينا هى تستاهل اللى يقدرها ويعرف قيمتها ويعرف يسعدها ويحافظ عليها... عمر عرف انما احنا عمرنا ماهنعرف صدقني عشان حور دى جوهرة. واحنا  مهملين
محمود: اتكلم عن نفسك انت وبطل تتكلم زى بابا كده احسن اطلعك برا..
احمد: هو اللى يقول الحق فى البيت ده يبقى  احسن اطلعك برا...
محمود بعصبيه: اخرس يازفت خلينا نفكر هنعمل ايه فى الزفت اللى اسمه عمر ده عشان نبعده عن حور..
احمد: وانت بقى عارف هنعمل ايه عشان نبعده...
محمود وهو ينظر نظرة شيطانية ويضحك ضحكة شريرة: طبعا عارف....
$$$$يتبع
نهاية الفصل الثاني عشر
#ثم_إن_بعد_الصبر_جنة
#بقلمى_هدى_محمود