ثم إن بعد الصبر جنة 💙

الفصل الثامن عشر

حور بحزن: بس انت زعلتنى اوى ولما اتعصبت عليا خليت قلبى حزين 😔
عمر بحب:
ثم أنكِ برغم ما فيكِ من حُزن تبدينَ جميلة، جميلة رغمًا عن كُل شئ، جميلة وبصرف النظر عن أي شئ، فكُل جميلٌ دونكِ ينقُص، وكُل جميلٌ ناقصٌ بكِ يكمُل، جميلة قلبًا وقالب كما لو أنَّ الطُهر بكِ وعليكِ وفيكِ غالب، هذا يا سيدتي ما نراهُ مِن جمالٍ في حُزنك، فماذا لو تبسَّمتِ لنا! هذا ما يبدو لنا من وجهكِ الوضَّاء، فكيف لو وصلَ بنا الأمر أن نتمعَّن بقلبك!؟ أقسمُ لكِ أنه لا يسعنا حينها إلاَّ أن نشُكر الذي أرادَ بنا خيرًا حينَ سواكِ جميلة :))
حور بأبتسامة: مش هتعرف تتضحك عليا بكلمتين على فكره..
عمر هامسا بحب: بحبك اووووى ياجنتى..
حور: هى كلمة واحدة كفاية...
🌺🌺🌺🌺
فى أحدى المطاعم الفاخرة...
كان يجلس محمود على الطاولة وكان يتنظر شخص حتى دخلت فتاة "فى سن ال ٢٥ محجبة بطرحة قصيرة وترتدى بنطالا من الجينز وبلوزة من القماش وتضع الكثير من مساحيق التجميل"
اشار إليها محمود فأتت اليه ومدت يديها لكى تلقى السلام فقبل محمود يديها..
محمود: الانسة هند نورتينى فى مطعمى المتواضع
ثم ارجع الكرسي إلى الخلف لتجلس هى وقالت...
هند: ميرسي.. اقدر اعرف ايه الشغل المهم اللى انا بس اللى اعرف اعمله
محمود:  هو مش شغل بالظبط.. هو مصلحة ليا وليكي
هند بعصبية وقامت من مكانها: نعمم! لما هو مش شغل جايبنى هنا ليه انت فاكر انك هتضحك عليا ولا ايه لا ده بعينك... عن اذنك.
محمود بهدوء:  انتى فاهمه  الموضوع  غلط ليه اقعدى ولا هتمشي بردو حتى لو عرفتى ان الموضوع فيه عمر..
وقفت هند مكانها ونظرت إلى محمود: إييييييه! عمر وانت تعرف عمر منين.
   محمود: عمر ده حبيبي بينى وبينه حاجه كده ولازم اخدها مد ايده على حاجه  مش  بتاعته ف لازم تتاخد منه وانتى الوحيده اللي هتعرفى ترجعيها..
هند جلست من جديد: مش فاهمه حاجه ايه! فهمنى وانا هعمل اى حاجه عشان بس عمر يرجع ليا تانى!
محمود: اهوو كده بقى نعرف نتفاهم..
🌺🌺🌺
فى صباح يوم جديد..
عمر ينظر لحور النائمة على قلبه: فيها ايه لو الواحد يصحي كل يوم على الهدوء ده بس... هيحصلك ايه ياحور لو بقيتى رومانسيه زى الناس يعني..
حور تستيقظ بهدوء: صباح الخير والسعادة ياحبيبي..
عمر: ايه ده فى ايه حور انتى كويسه.
حور: ايه ياعمر ياحبيبي هو انا عشان بقولك صباح الخير هيبقى فيا حاجه..
عمر: لا بس مستغرب يعني كنتى بتصحى الجيران معانا وصريخ وكده فى ايه النهارده.
حور بهدوء: لا النهارده يوم غير اى يوم.
عمر: دى الكاميرا الخفية صح!
حور تطبع قبله خفيفة على خده: لا دى حقيقة ياروحي
عمر بحب: خلاص ده انا مروحش الشغل بقى..
حور: لا ده انت هتقوم تروح الشغل زى الشاطر وانا اللى مش هروح.
عمر: بتهزرى صح! حور مش هتروح الشغل وصاحية بتقولى صباح الخير وبتضحك وهادية وبوسة وكده... حور انا خايف..
حور: ليه بس ياحبيبي قوم بس روح الشغل وخد بالك من نفسك وبص انا هفاجأك!
عمر: لا دى حدوتة تخوف... حور فين وديتى حور فين انطقى!
حور بعصبية: ايه ياعمر فى ايه ماتصتبح على الصبح يازفت..
عمر: ايوة كده ارجعي لطبيعتك ياسيد
حور: طب يلا غورر بقى كل اى حاجه وامشي شوف شغلك..
عمر: ياسلام اللى تؤمر بيه حبيبتي..
حور: الواد دماغه اتبرمجت على سيد اللى جوايا مش قادر يشوف حور خالص.. ماهو انا السبب متجوز واحد صاحبه فى واحده تنام بالاسدال... يلا اهو كله هيتصلح النهارده..
فى اثناء تناول الفطور..
والد حور: هتباتوا معانا بقى كمان كام يوم..
حور مسرعة: لأ... احم اقصد عايزة اروح عشان عمر مش ارتاح هنا وكده
عمر: ليه بالعكس ارتحت جداً
حور وهى تضغط على اسنانها: مش ارتحت انت اشفهمك انت. مرتحتش يعني مرتحتش..
عمر: خلاص براحة من غير ضرب...
ثم همس فى اذنها: مش عارفه تستفردى بيا هنا وتضربينى وبعدين اغسل المواعين صح...... عايزانا نروح عشان تعملى فيا كده قاسية اوى انتى..
حور: لا اوروبا ياض 😒
عن اذنكم انا قايمة اجهز نفسي بقى عشان اروح بيتى
عمر: قايمة ولا مؤخر..
حور: مؤخر ساعة ونص 😂😂
والد حور: لا حول ولاقوة إلا بالله يعني انا قولت انت هتعقلها ياعمر هى اللى جننتك وتعمل فيك كده..
عمر: والله ياعمى مفيش حاجه الا واعملها عشان ارضيها زى ماحضرتك شايف قلبت ارجوز وياريت بنتيجة بقى..
والدة حور: معلش ياابني استحمل شوى كمان
والد حور: اصبر بس هانت ان شاءالله
عمر. صابر اهو ياعمى وبصبر وهصبر بس ترضى عنى هى بس..
حور. يلا انا جاهزة..
عمر: عن اذنكم بقى
والدة حور: خد بالك منها ياعمر
عمر:فى عيونى والله ياماما
والد حور: فى امان الله
عمر..: فى حفظ الرحمن
ذهب عمر إلى سيارته وحور الى سيارتها..
حور؛ عمر!
عمر بحب: عيونى
"حد يقوله يبطل يقول عيونى برقة كده عشان والله هحضنه فى نص الشارع واقوله بحبك"
حور: احم... تعالى في وقت الشغل بالظبط هستناك..
عمر..؛ حاضر ياقلبى.. بس ليه يعني هتقتلينى ولا ايه
حور بعصبية: هقتلك لو مش مشيت من قدامى دلوقتى ياعمر.
عمر ضاحكا.: احنا اسفين ياصلاح خلاص انا ماشى اهووو
وذهب عمر إلى العمل وحور الى المنزل..
نظفت حور المنزل وذهبت لتحضر الطعام.. ف رن هاتفها...
حور: السلام عليكم..
عمر: وحشتيني اوي الكام ساعة دول تصدقى..
حور: لا والله.. ابتدينا نتدلع..
عمر: قولت اطمن عليكي بس بتعملى ايه وكده..
حور: شوف شغلك بس ولما تيجي هتعرف..
عمر: مع انى مش مطمن ليكى بس يلا ماشي بقى..
حور: ليه بس ده انا طيوبة..
عمر: ههههههههه ياروحي ده انتى مفيش زيك اصلا..
حور.: طيب يلا ياحبيبي بقى متتاخرش..
عمر: حاضر ياست البنات وهجيبلك حاجه حلوه معايا  كمان..
حور: ربنا ميحرمنيش منك... لا اله الا الله
عمر: بحبك اوي... محمد رسول اللّه
وبعد ان أغلق الهاتف جاء صوت أنوثى من خلفه....: بتحبها اوى مش كده..
نظر عمر خلفه ليرى هند ثم قال بصدمة: هند... بتعملي ايه هنا!
هند: كويس انك لسه فاكرنى يابشمهندس عمر.
عمر غض بصره وكان على وشك الذهاب: عن اذنك ياهند عندي شغل مش فاضي لكلامك ده..
هند امسكت ذراع عمر: انا لسه مخلصتش كلامي
عمر يزيح ذراعه ويقول بعصبية: ايه انتى اتجننتي ازاى تلمسينى كده..
هند: ايه ياعمر نسيت اللى كان بينا.. عمر انا لسه بحبك..
عمر: وانا متزوج حضرتك وبحب مراتي جدا ف ابعدى عن طريقى وربنا يرزقك الزوج الصالح ياستى..
هند: هتندم اوى ياعمر هتندم وانا مش هسيبك ليها..
عمر: بمزاجك او غصب عنك دى مراتى
هند: عايزة اعرف عملتلك ايه فيها ايه زياده عنى..
عمر  :فيها كتير لدرجة انها مينفعش تتحط فى مقارنة معاكي اصلا.. ابعدى عنى بقى
هند: بعينك ياعمر بكره تشوف انى احسن منها بكتير وهتندم اوى انك سبتنى فى يوم
كان عمر يذهب فى طريقة وكان يزفر بضيق: ايه اللي جابها فى طريقى دى بس انا عايز اعيش حياة جديده يارب تكون مش بتشتغل هنا يارب لو اتكلمت كلمة مع حور من المستحيل اخليها تثق فيا تانى... يارب استرها وخليك معايا!
افاق عمر من شروده على صوت محمود: ياابن الايه ياعمر بقى انت تعرف البنات الجامدة دى..
عمر: احترم نفسك حرام تتكلم على بنات الناس كده.. وبعدين انا معرفش حد.
محمود: ازاى بس ده حتي باين انك تعرفها وهى تعرفك وفى قصة حب فى الموضوع..
عمر بضيق.: خليك في نفسك يامحمود ومالكش دعوة بحد..
محمود ببرود: ياترى حور تعرف هى مين ولا لا.. والا بقى لما تيجي وتشوفها وهى بتتكلم معاك بحب كده  .. ولا لو شافتها وهى ماسكة ايدك
عمر بعصبية: محمود خلى يومك يعدى.
محمود.: انا اللى مستغربه بس ان حور شوف مراتك بقالها قد ايه ومش مسكت ايدك زيها كده... وهى مسكت ايدك كانها مسكاها على طول.. مسكينه ياحور شكلك متعرفيش جوزك المتدين بيعمل ايه ولا ايه من وراكى..
عمر بعصبية: عارف انا مش هرد علي حيوان زيك انا ماشي..
ذهب عمر واتجه بسيارته إلى منزله
نظر محمود بنظرة شيطانية: قولت نهاية علاقتكم هتبقى على ايدى زى نهايتك بالظبط ياعمر 

🌺🌺فى منزل حور..
حور: تمام كده كل حاجة جاهزة جدا مش فاضل غير العريس المنتظر يوصل بقى...هموت واشوف شكلك بعد ماتشوف كل ده ياعمر..
بعد دقائق فتح عمر الباب وبعد ان اغلقه كان ينظر خلفه فوجد حور ترتدى فستان سواريه  أزرق قصير وبحمالة رفيعة  وتترك شعرها البنى الناعم خلف ظهرها وتضع بعض مساحيق التجميل البسيطة جدا لتظهر مدى جمالها....
عمر بصدمة: هو انا دخلت شقة غلط ولا ايه...انا اسف حضرتك والله..
وكان على وشك الخروج من الشقة..
فاوقفته حور: عمر!
عمر نظر إليها مره ثانيه: يعنى انتى حور..
حور:اه انا.
عمر: متأكدة والله يعني مش بحلم وكده..
حور: ايه ياعمر فى ايه يااخى..
عمر: معلش ياحبيبتي اعذريني بقالى ٣ شهور شايف واحد صاحبي معايا وكنتى بتنامى بالاسدال حتى...انا والله من الفرحه مش مصدق نفسي..
حور: ياعيني ده اتصدم..لا ياكوكو فوق معايا كده لسه هتتفاجئ من حاجات تانى يابيبى!
عمر: بيبك! حور فى ايه انا خايف..
حور وهى تحتضنه وتطبع قبله خفيفة على خده: حبيبي الحمدلله على سلامتك...وحشتنى اوى..
عمر: يارب انا لو فى حلم مصحاش منه يارب..
حور بحزن.:ايه ياعمر بقى بطل رخامه يعني انا عاملة كل ده وفى الاخر تقول كده وتزعلنى ده بدل ماتقولي انتى كمان وحشتيني وكده..
عمر يحتضن حور ويقبلها: يالهووووى ياحور لو قولتلك من هنا لأخر عمرى أنك وحشاني مش هيكفى شوقى ليكى...
حور بفرحه وامسكت عمر من يديه: طيب تعالى بقى هوريك حاجه واقولك كلمة سر...وانت تقولي انا وحشتك قد ايه
ثم فتحت غرفة النوم ليرى عمر المكان كله مزين بالورد والشمع الهادى وتوجد سفرة صغيرة موضوع عليها طعام كل ماتشتهى الانفس..
عمر بصدمة: انتى عملتى كل ده..
حور: ايه عجبك!
عمر: عجبنى طبعا ده انا هطير من الفرحة..
ثم أقفل الباب...
وقال بحب.: مش كنتى عايزه تقوليلى كلمة سر بقى..
حور بدلع: ياعمر!
عمر يقترب منها:ياعيونى..
حور بحب: بحبك ياعمر..
عمر بشوق : وانا بعشقك وبموت فيكي ياقلب عمر
* ونسيبهم يقولوا الكلمه السر، مالناش دعوة ياموهيي *😂😂🤦‍♀️
🌺🌺🌺
فى مكان اخر محمود يتحدث فى الهاتف..
محمود: انتى لحد كده تمام اوى لو استمرينا على اللى بنعمله ده كلها كام يوم بالكتير وعمر هيبقى ليكى وحور هتبقى ليا انا..
هند: انت تعرف كل ده منين عرفتنى ازاى يعنى!
محمود: بلاش تعرفى اللى اعرفه لانى عارف كل حاجه حصلت بينك انتى وعمر واكتر كمان لو عايزة..
هند: لا مش عايزة اعرف كل ده حور أولى انها تعرفه.
محمود: اهوو كده تعجبينى..
هند.: هى هتنزل الشغل أمتى..
محمود : ممكن بكره او بعده..بس كل لما تأخر هيبقى فى صالحنا..
هند: ازاى يعنى مش فاهمة ده كده بنضيع وقت
محمود:  شكلك  صغيرة مش  عارفة حاجة  ، كل لمل تتأخر أكتر هيبقى صالحنا ازاى بقى  عشان انتى تشتتى افكار عمر اكتر وهو ميعرفش يقول لها حاجه ويخاف وانتى تعرفى تتصرفى براحه بقى..
هند: ده انت مشكله دماغك دى ايه بجد..
محمود: انتى لسه متعرفيش حاجه..يلا ومتتأخريش بكره..
بعد ان اغلق الهاتف معها..
قال بنبرة شريرة: هانت ياعمر نهايتك خلاص قربت ، وحور خلاص هتبقى بتاعتى وبتاعتى انا وبس!
~~~~يتبع
نهاية  الفصل الثامن عشر
#ثم_إن_بعد_الصبر_جنة
#بقلمى_هدى_محمود