تبدأ القصة في ساحة الرماية .. فريدة واقفة تتدرب على اطلاق الرصاص وهي تسترجع ذكرياتها المؤلمة وفاة والدها الشرطي امام عيناها بطلقة رصاص .. ثم تسترجع شريط زمني لكلمات المقربين منها المحبطة لها ( عمرك ما هتكوني ظابطة .. هتفشلي .. مش هتنجحي صدقيني .. ظابطة ايه انتي اتجننتي ولا ايه .. لو نجحتى ابقى قابليني .. ظابطة ههههههه) وفي كل كلمة تتذكرها تخرج طلقة رصاص من سلاحها .. واثناء ذلك يأتي شخص من ورائها ويقول بابتسامة
ماجد : كنت متاكد اني هلاقيكي هنا
فريدة : انت عارف ان ده مكاني المفضل وبتبتسم
ماجد : اها وكمان حلبة الملاكمة .. مش كده ؟
فريدة : شاطر .. خير ؟ في حاجة ولا ايه ؟
ماجد : اللواء كمال عايزنا احنا الخمسة عنده
فريدة : غريبة .. هيكون عايزنا في ايه ؟
ماجد : بيقول حاجة خاصة بالمهمة بكره
فريدة : تمام يلا بينا
ماجد : يلا
في مكتب اللواء كمال *
كمال : انا جمعتكم النهاردة عشان ابلغكم بقرار سيادة الوزير ( وزير الداخلية )
فريدة : قرار قبل المهمة بيوم !
أيتن (توام فريدة ) : قرار ايه ؟
كمال : قرار بتبديل القائد من الضابط هيثم للضابطة فريدة !
فريدة : اايه ! أنا ؟وبتبص لهيثم ومصدومين
كمال : انا كمان استغربت زيكوا .. بس ده قرار الوزير ومفيش رجوع فيه وطبعا زي ما انتوا الخمسة الضباط ماجد وهيثم وتامر والضابطات فريدة وأيتن مفيش تغير بس تبديل القائد
فريدة : ايوة بس تغير القائد يعني تغير الخطة يعني وبعدين انا عمري ما جربت اني اكون قائدة يعني كل مرة بساعد القائد في التفكير ووضع الخطة والحمد لله بننجح
كمال : ده قرار الوزير وفعلا الخطة هتتغير طبقا لتغير القائد ولازم تفكري كويس جدا وتحطي خطة والوزير اختارك لذكاءك وتفكيرك اللي في محله دايما وده انتي اثبتيه من خلال نجاحك في المهمات السرية اللي اتكلفتي بيها قبل كده مع القائد.
فريدة : انا هستأذن .. عن اذنكوا
وايتن : وانا كمان
ماجد :عن اذنك .
وبعد ما خرجوا *
هيثم : كمال بيه .. ايه اللي حصل ده ؟ يعني ايه انا اتبدل مع فريدة ؟ وخطتنا ؟
تامر : كده كل حاجة اتدمرت .. و معروف طبعا قد ايه فريدة ذكية وسريعة الملاحظة لما بتكون مش القائدة .. تخيلوا بقى هي القائدة .. هتخلص علينا
كمال : مفيش حاجة اتدمرت ولو كنت عارضت قرار الوزير كان ممكن يشك فيا
هيثم : حضرتك ناوي على ايه ؟
كمال : هنحط خطة جديدة !! يتبع .
My Instagram: @nur.osmaan
My Twitter : @candelaqueenn
أنت تقرأ
امرأة في مهمة خاصة
Mystery / Thrillerتدور أحداث القصة عن مهمة سرية مكلف بها خمس ضباط في مدينة الاقصر للايقاع برجل اعمال خطير يقوم بتهريب الآثار خارج البلاد ومن ضمن الضباط فتاتان توأمتان واحدة منهم تقود هذه المهمة ومع مرور أيام المهمة تحدث أحداث لم تكن على الخاطر . Follow 🙏😍 I hope u...
