الحاج : لقيتها مقتولة !!!!!
الدموع تملأ عينان ماجد
هيثم : ااااا انت بتقول ايه ؟ يعني ايه م .. مقتولة
الحاج : لقيتها مضروبة بالرصاص في الشارع خدتها للمستشفى
ماجد : مستشفى ايه ؟
الحاج : مستشفى الاقصر العام
ماجد : يلا بينا فورا
هيثم : ايتن.. امسكها
تامر : ايتن فوقي
ايتن : فريدة .. فريدة يا تامر
تامر : هنروح نشوفها .. بتترعش خالص .. ممكن مايه يا حاج
حاج : اتفضل
ماجد : يلا بينا
--------------------
في المشفى
ماجد : لوسمحت في حالة هنا جت اسمها فريدة فؤاد من يومين تقريبا
هيثم : مضروبة بطلقة رصاص
موظفة الاستقبال : اه يا فندم فريدة فؤاد متوفية وتم نقلها الى القاهرة النهاردة .. البقاء لله
ماجد : يعني ايه ماتت ؟ بصوت مرتفع .. ازاي ؟ فريدة مامتش
موظفة الاستقبال : حضرتك ده اللي متسجل عندي ..فريدة فؤاد متوفية
تامر : ماجد .. ماجد اهدى
ماجد ( باكيا بشدة ) : لأ مامتش .. فررريدة .. ووقع على ركبته يبكي
ايتن تترعش مرتبكة باكية : اختي .. فريدة
هيثم : ممكن شهادة وفاتها
موظفة الاسنقبال : حضرتكم تقربولها ايه ؟ لأني مينفعش اسلمها لحد مش من اهلها
هيثم : احنا التلاتة صحابها ودي توأمها
الاستقبال :تمام حضرتك .. ممكن تستريح هنا حضرتك وبعد بضع دقائق .. اتفضل
ايتن : شكرا
ماجد : ماتت !!!
هيثم : هات ..
هيثم حالته غريبة قلبه يحترق و الدموع تملأ عيناه والصمت يسيطر عليه !
في السيارة
ماجد ينظر من النافذة ويبكي ويحدث نفسه
ماجد : ليه سيبتيني لوحدي ؟ هعيش لمين ؟ لا أهل ولا أخوات ولا أصدقاء ولا حتى حبيبة .. كنت عايش بيكي.. دلوقتي انا جسد من غير روح .. انتي عمرك ما هتموتي جوايا.. هتفضلي عايشة منورة قلبي .
هيثم : سيادة اللواء اللي عرفناه ده صح .. فريدة فعلا ماتت ؟
كمال : فريدة ماتت والوزارة مقلوبة.. انهاردة جثتها وصلت .. كنت هكلمك ابلغك بس في وسط كل اللي حصل ده معرفتش .. لسه موصلناش مين اللي قتلها
هيثم : هكلم حضرتك تاني .
وبعد ان وصلوا المنزل ..
ماجد واقف امام باب غرفة فريدة ومتردد يدخل ام لا ثم دخل الغرفة واقفل عليه .. وجد ملابسها التى كانت ترتديها قبل وفاتها على سريرها .. اخذها وضمها اليه ثم غفى على سريرها ودموعه تتساقط على وسادتها .
ايتن في غرفتها جالسة على الارض وراء الباب مرتبكة خائفة والدموع تسيل من عينها .
هيثم في غرفته نائم على سريره يبكي بشدة
هيثم : علمتيني معنى الحب والغيرة والغضب ودلوقتي الحزن .. عمري ما حبيت حد قدك .. حتى لو مكناش بنتكلم كتير كنت بحبك .. زعلك وعصبيتك وضحكتك وشجاعتك .. اقوى واحدة شفتها في حياتي .. هعيش ازاي انا دلوقتي ؟
وبعد يومان ..
ماجد: احنا المفروض ننسحب.. فريدة .. مش قادر انطقها حتى .. يعني الحل الاحسن اننا ننسحب
ايتن : ننسحب ! فريدة كان نفسها المهمة دي تنجح عايزنا نرجع واحنا مهزومين بالشكل ده .. انا كمان متدمرة ويمكن اكتر منك .. لكن مش هتخلى عن حلم فريدة .. وعشان كده انا اللي همسك مكان فريدة .. احقق حلمها
ماجد : ميفعش تكرري لوحدك .. لو فعلا هنكمل يبقى لازم نبلغ اللواء وهو يبلغ سيادة الوزير وياخدوا القرار
تامر : والخطة ؟
ماجد : هتبقى زي ما هي نفس خطة فريدة
ايتن : احنا هنهجم يوم العملية بس
ماجد : فريدة كانت هتطلب دعم
ايتن : هنطلب دعم ونهجم عليهم
ماجد : وافرضي عمر وصلنا وقتلنا قبل المهمة لو فعلا كشفنا .. انا مش موافق على كل ده ابدا وبقول ننسحب احسن .. بعد موت فريدة وعدم تأكدنا اذا كان عمر فعلا اللي قتلها ولا لأ الوضع بقى صعب
هيثم : بس انا رأي زي ايتن .. وشايف ان كلامها مظبوط
ماجد : وافرض فشلت .. خطة فريدة كانت هتنجح بدون شك لكن دلوقتي الاوضاع اتغيرت وممكن عمر يوصلنا في وقت احنا مش متوقعينوه
هيثم : مش هتفشل ولا حاجة .. على العموم كده كده اصلا هنبلع اللواء وهو اللي هيقول
هيثم ذهب ليتحدث مع اللواء
هيثم : سيادة اللواء
كمال : ايه الاخبار في جديد ؟
هيثم : دلوقتي كنا بنتكلم على المهمة ماجد رأيه اننا ننسحب وايتن رأيها نكمل
كمال : اي حد ضد عمر هيفكر في الانسحاب زي ما ماجد قال لكن الغريبة بقى ان ايتن رأيها العكس
هيثم : هي قالت عايزة تحقق امنية فريدة .. فريدة كانت نفسها تنجح عشان كده ايتن عايزة تكمل
اللواء : مشاعر اخوة يعني
هيثم : بالظبط .. ايتن بتقول نهجم يوم المهمة مش قبليها مع الدعم لكن ماجد معترض برغم انها نفس خطة فريدة لكن هو وجهة نظره ان الوضع تغير وممكن عمر يوصلنا قبل المهمة ويقتلنا لو فعلا كشفنا
اللواء : وجهة نظر ماجد صح جدا لظابط وطني زيه .. عمر مش ساهل ابدا .. واضح فعلا انها اقل ذكاء من فريدة بكتير وطبعا وقت المهمة عمر هيكون عارفكم اصلا
هيثم : طبعا وانا متاكد انه هو اللي عمل كده لفريدة
اللواء : بس في مصلحتنا ان الخطة تفشل
هيثم : يعني ؟
اللواء : يعني بلغهم انها مكان فريدة بموافقة اللواء
هيثم : ماشي
اللواء : اعمل اللي قولتلك عليه وبلغني بأي جديد
هيثم : حاضر يا باشا .
--------------
فيلا عمر **
الخادمة : عمر بيه .. في واحدة عايزة تقابل حضرتك
على : واحدة !
عمر : شفتيها قبل كده ؟
الخادمة : لأ .. حضرتك عارف اني لسه جديدة
عمر : تمام ..انا جاي وراكي .. تعال نشوف مين
على : يلا
عمر : فريدة !!!!!!!
أنت تقرأ
امرأة في مهمة خاصة
Mystery / Thrillerتدور أحداث القصة عن مهمة سرية مكلف بها خمس ضباط في مدينة الاقصر للايقاع برجل اعمال خطير يقوم بتهريب الآثار خارج البلاد ومن ضمن الضباط فتاتان توأمتان واحدة منهم تقود هذه المهمة ومع مرور أيام المهمة تحدث أحداث لم تكن على الخاطر . Follow 🙏😍 I hope u...
