فريدة : ايتن
ايتن : تمام انهاردة هنيجي ان شاء الله مع السلامة
فريدة : هنيجي فين ؟ انتي بتكلمي مين اصلا ؟
ايتن : عمر
هيثم : عمر !
ايتن : ايوة عمر مالكوا ؟
فريدة : بتكلميه ليه ؟
ايتن : هنروح عنده النهاردة
فريدة : ومين قالك تكلميه ؟
ايتن : في ايه يا فريدة .. كلمته وقولتله اننا هنروح عنده الفيلا بحجة اننا نطمن عليه بما انه اتضرب بالرصاص واهو نعرف اي حاجة واحنا هناك .. زيارة مريض يعني
ماجد : وجبتي رقمه منين ؟
ايتن : من موبايل فريدة وهي نايمة
فريدة : كمان .. انا طلبت منك تكلميه ؟
ايتن : لأ
فريدة بصوت مرتفع : اومال بتكلميه ليه ؟
ايتن : انتي اتجننتي شكلك .. وطي صوتك
فريدة : مش هوطي صوتي .. عشان كذا مرة اقولك متتصرفيش من دماغك .. قولت ولا لأ ؟
ايتن : قولتي بس انا زهقت من اوامرك .. زهقت
فريدة : محدش ضربك على ايدك وقالك تطلعي معايا لأنك عرفاني في الشغل ببقى عاملة ازاي
ايتن : وبعدين فيها ايه لما كلمته ؟ انا غلطانة عشان فكرت ان حاجة زي كده ممكن تساعدنا وبعدين ما هو كمان جيه هنا لما اتضربت
فريدة : كلمنا وقال انه جي ؟ ايتن صمتت .. اتصل وقال ما تردي عليا
ايتن : مقالش
فريدة : و تفتكري يا ذكية لما تكلميه هو مش هياخد حذره عشان يبان قدامنا راجل شريف .. لو فعلا كنتي عايزة تساعدي مكنتيش كلمتيه وقولتيله .. بجد مش عارفة بتفكري ازاي ؟ كنا روحنا فجأة زي ما هو جالنا فجأة بردو بما انك فاكرة كويس اوي
ايتن : بردو مش مستاهل كل اللي انتي عملتيه ده
فريدة : انتي خرجتي عن اوامري قولتلك تعملي كده .. مقولتش بتتصرفي من دماغك ليه ؟ دمرتي كل حاجة انا كنت مخططاها
ماجد : فريدة ممكن تهدي .
هيثم : ايه اللي اتدمر ؟
فريدة : عز احتمال كبير جدا هيقابل عمر انهاردة في الفيلا وانا كنت عاملة حسابي اني هروح هناك فجأة لكن طبعا الاستاذة دمرت كل حاجة
هيثم : مش فاهم عرفتي منين اصلا
فريدة : المفروض اني كنت هقولكم كل حاجة انهاردة وهنروح
تامر : طب قولي
فريدة : اقعدوا طيب
ايتن : ايه بقى اللي انتي كنتي مخططاه وانا دمرته .. ابهريني كالعادة
فريدة : ممكن تسكتي خالص دلوقتي .
ايتن : ماشي يا فريدة .. ماشي
فريدة : انا لما روحت عنده الفيلا لما اتصاب حطيت جهاز تصنت .. ومن خلاله عرفت انه العملية هتبقى يوم 28 الشهر ده وعز هو اللي هيأمن البضاعة يعني اكيد والاخطر بقى انه عنده بدروم تحت الفيلا واحتمال كبير جدا تكون البضاعة فيها .. بس انا شبه متأكدة ان البضاعة فيه
ماجد : يعني ممكن كلامك يطلع صح فعلا انه البضاعة في بيته
فريدة : بالظبط .. سمعت بقى انه عايز يقابل عز النهاردة في بيته .. والمفروض اننا هنروح هناك فجأة .. انتم تشوفوا عز وعز يعرف اننا شوفناه وعمر يبدأ يخاف عشان عرفنا حاجة عنه .. لكن طبعا اختى الجميلة اتصلت بيه وقالتله اننا جايين . بجد براافو عليكي
ايتن : وانتي خبيتي ليه عننا كل ده ؟ لو كنتي قولتي مكنتش كلمته
فريدة : الغلط بقى عندي انا يعني .. انا من حقي اني اخبي اي حاجة اعرفها لغاية ما اتأكد عموما وبعد كده اقولها ليكوا لاني القائدة ومش من حق ولا واحد فيكوا انه يتصرف من دماغه من غير ما يرجعلي .. انا المسؤلة عنكم وعني
ايتن : انا طالعة فوق ولما تقولي أمرك ابقى انفذه يا قائدة
فريدة : اتفضلي
ماجد : فريدة انا عارفة انك مضايقة منها بس مكنش ينفع تكلميها كده حتى قدامنا على الاقل
فريدة : انت مش واخد بالك اني محتاجة كل وقت .. احنا في مهمة صعبة جدا وكتير فشلوا فيها وانا مش عايزة افشل وهي اتصرفت من دماغها وهضطر استنى لغاية ما اشوف هيقابل عز امتى لانه اكيد لغى المعاد .
تامر : وهتعملي ايه ؟
فريدة : مش عارفة لسه .. انا هطلع اوضتي
ماجد : وانا كمان
-----------
تامر : هنعمل ايه ؟ هنبلغ اللواء بجهاز التصنت ده ؟ دي حاجة مهمة جدا
هيثم : انا مش عايز اقوله
تامر : ليه ؟
هيثم : لأني خايف فريدة تتأذي بسببي وهو بيتصرف من دماغه خالص حاول يقتلها مرتين .. تخيل لو فريدة كانت اتصابت بدل ايتن
تامر : للدرجة دي بتحبها ؟
هيثم : اه مش هقدر استحمل لو حصلها حاجة بسببي .. احنا صحيح بنعمل كده من وراها لكن مش لدرجة اني اشترك في محاولة قتلها
تامر : وبعدين ؟ ما انت لازم تقوله حاجة
هيثم : هبلغه عادي بالتفاصيل التانية لكن جهاز التصنت ده مش هجيب سيرته دلوقتي لأنه لو بلغ عمر ، عمر ممكن هيشك فينا ولو اتأكد اول واحدة هيخلص عليها هتكون فريدة .. وانت بقى عايز تبلغه ؟
تامر : لأ انا هعمل اللي انت هتعمله في الاخر كمال بيه خلاك انت اللي تقوله بكل التفاصيل
هيثم : بس انت عارف انا خايف من ايه ؟
تامر : ايه ؟
هيثم : ان فريدة تكون شاكة فينا .. لانها كلامها امبارح معايا مطمنيش .. قالتلي بتتصرف ازاي مع اي حد خاين
تامر : بس لغاية دلوقتي هي بتتعامل عادي جدا .. لو فعلا هي كده مكنتش قالت عن جهاز التصنت
هيثم : معاك حق
------------
عمر : على بلغ عز اني هقابله على الساعة تلاتة ونص النهاردة
على : مش كان المعاد سابعة ؟
عمر : لأ ما ايتن توأم فريدة اتصلت وقالت انهم هيجوا عشان يطمنوا عليا وكده وطبعا اكيد مش هخليهم يشوفوا عز يعني من امتى وانا بخلى حد يعرفني
يشوف اي شخص تبع شغلي
على : صح يا باشا .. هما هيجوا امتى ؟
عمر : مقالتش بس غالبا هيجوا بعد المغرب ممكن دايما الزيارات بتكون كده اكيد مش هيجوا تلاتة ولا اربعة يعني
على : هبلغه .. عن اذنك
-------
فريدة : الساعة تلاتة ونص هيتقابلوا .. كده كويس جدا .. وخرجت من غرفتها
فريدة وتنادي : ماجد ، ايتن ، هيثم ، تامر .. تعالوا بسرعة
ايتن : خير ؟ في ايه تاني ؟
فريدة : عمر هيقابل عز الساعة تلاتة ونص يعني ملغاش المعاد وهو عامل حسابه اننا هنروح بعد المغرب مش متوقع تماما اننا ممكن نروح بدري عن كده
ماجد : تمام اوي يعني نقدر نروح في نفس معاد عز
فريدة : ايوة .. دلوقتي الساعة 11 .. هننزل من هنا الساعة 3 الا ربع وهندخل عنده الساعة 4
هيثم : تمام .
----------
الساعة الثالثة ونصف جميعهم في السيارة منتظرين دخول عز للفيلا
فريدة : اهو وصل .. هو ده عز
تامر : لأ جامد بردو
فريدة : جامد ! يارب صبرني انت معاه ولا معانا ؟
تامر : خلاص مقولتش حاجة بس اصلي ملاحظ ان اي رئيس عصابة ولا اي حد من الناحية الشمال دي بيكون جامد وشيك كده في نفسه
فريدة : انت متأكد انك ظابط ولا كان نفسك تبقى زيهم ولا ايه بالظبط .. في ايه يا تامر ؟ ما تنضم ليهم احسن
تامر : طبعا ظابط بقول رأي بس .. دي أراء .. أراء . فريدة ابتسمت
فريدة : خلاص بطلوا ضحك بقى خلينا نركز
وبعد نصف ساعة
على : عمر بيه .. عمر بيه
عمر : في ايه يا على ؟
على : فريدة واختها وصحابها وصلوا
عمر : ااايه !! انت دخلتهم ؟
على : ايوة
عمر : كويس
عز : ايه المشكلة دلوقتي مش فاهم ؟
عمر : انا مش بحب حد يعرف حاجة عن شغلي
عز : اه .. خلاص هطلع من باب الخدامين
عمر : ممكن
على : لأ مينفعش ما انا قولتلهم انك معاك حد وهما مستنيين
عمر : يا غبي .. غبي .. هتصرف انا ازاي دلوقتي
على : ما انا اتفجأت يا باشا بيهم ومبقتش عارف اقول ايه
عمر : مفيش حل غير انك تظهر عادي
عز : ماشي
---------
فريدة : اهم
عمر : زي ما اتفقنا بقى
عز : طبعا يا عمر بيه متقلقش ابدا
عمر : اهلا بيكم يا جماعة وانا اقول الفيلا نورت
فريدة : بنورك يا عمر بيه
عمر : احب اعرفكم بصديقي وشريكي في الشغل عز .. فريدة صديقة ليا و ايتن توأمها والشباب ماجد وهيثم وتامر اصحابها جايين زيارة للاقصر
عز : اهلا بيكم الاقصر نورت
ماجد : بنورك يا استاذ عز
عز : طب انا هستأن بقى عشان تعرف تقعد مع ضيوفك .. مع السلامة
عمر : سلام .
فريدة : معلش واضح اننا عطلناك عن شغلك
عمر : لا احنا اصلا كنا نعتبر خلصنا .. اصلا فرحت انكم هتيجوا لما ايتن كلمتني
جلسوا يتكلمون في أشياء غير هامة
في الفيلا **
ايتن : ادخل
فريدة : ايتن تعالي عيزاكي تحت
ايتن : ليه ؟
فريدة : تعالي بس .. يا شباب تعالوا
ماجد : في ايه يا فريدة ؟
فريدة : انا جمعتكم كلكم عشان عايزة اعتذر .. انا اسفة جدا جدا يا ايتن ، كلمتك الصبح بطريقة مش كويسة خالص بس اتعصبت لاني حسيت ان اتلغبطت او اللي كنت مخططاه اتدمر وانتي عرفاني لما بحس اني في المواقف دي بفقد اعصابي
ايتن : مفيش مشكلة
فريدة : بجد انا اسفة دي اول مرة اكلمك بالطريقة دي وزعلانة جدا من نفسي .. مزعليش مني وحبيت اعتذر قدامهم زي ما كلمتك بردو قدامهم .. انا اسفة سامحيني
تامر : خلاص يا ايتن بقى والله الدمعة هتفر من عيني
فريدة ابتسمت : هاا .. هتسامحيني ولا لأ ؟
ايتن : ماشي يا فريدة .. حصل خير
فريدة : تعالي في حضني .. اختى حبيبتي توأمي بحبك جدا
ايتن : وانا كمان .. يلا تصبحوا على خير انا هطلع انام
فريدة : وانتي من اهله يا حبيبتي
هيثم : واحنا كمان يلا يا تامر
----------
الساعة الواحدة ليلا .. جميعهم نائمون ما عدا فريدة وماجد جالسين في الحديقة يتحدثون ويضحكون
ماجد : فاكرة لما اتقابلنا اول مرة
فريدة : ايوة هههههه
ماجد : طبعا انا مش ناسي لما اتعصبتي وضربتيني .. فاكرة ؟
فريدة : اعتذرتلك كذا مرة
ماجد : ايوة فاكر هههههه بجد احنا لينا ذكريات متتنساش ولا المتهم اللي خان مراته واتهمته بسرقة كل املاكها وضربتيه ضرب لغاية ما اعترف بكل حاجة
فريدة : انت عارف اني مش بكره في حياتي قد الخيانة والظلم والكذب
ماجد : وعشان كده انا بحبك .. فريدة ابتسمت
ومن الشرفة ايتن رأتهم
ايتن : تصالحيني وبعدين تسهري وتقضي وقت مع حبيب القلب .. بس انا زهقت من انانيتك ! يتبع
أنت تقرأ
امرأة في مهمة خاصة
Mystery / Thrillerتدور أحداث القصة عن مهمة سرية مكلف بها خمس ضباط في مدينة الاقصر للايقاع برجل اعمال خطير يقوم بتهريب الآثار خارج البلاد ومن ضمن الضباط فتاتان توأمتان واحدة منهم تقود هذه المهمة ومع مرور أيام المهمة تحدث أحداث لم تكن على الخاطر . Follow 🙏😍 I hope u...
