تامر : فريدة !!
فريدة : واقفين في الضلمة كده ليه ؟
هيثم : عادي يعني .. انتي لسه صاحية ؟
فريدة : لأ كنت نايمة بس نزلت اشرب مايه .. انتوا اللي مصحيكوا لغاية دلوقتي ؟
تامر : انا مش جايلي نوم
هيثم : ولا انا ونزلت لقيت تامر صاحي هو كمان فتكلمنا مش اكتر .. لما وقفتي مع عمر انهاردة عرفتي حاجة ؟
فريدة نظرت له وهي تشرب المياه
فريدة : لأ معرفتش .. زي ما ايتن قالت هو منغلق .. تصبحوا على خير
تامر : وانتي من اهله
هيثم : تفتكر سمعتنا ؟
تامر : معتقدش كان بان عليها انت مش عارفها لما بتتعصب
هيثم : مش عارف بس هيبان
---------------------
في الصباح ..
ماجد : يا شباب .. يلا الفطار جاهز
تامر : انا قاعد من بدري والله
ماجد (وهو يضحك ) : مفيش فايدة فيك
هيثم : صباح الخير
ماجد : صباح النور .. ايتن فين ؟
تامر : اهي نازلة .. يلا يا ست ايتن عايزين نفطر
ايتن : خلاص انا جيت
ماجد : اومال فين فريدة ؟
ايتن : روحت اشوفها في اوضتها ملقتهاش قولت اكيد تحت قاعدة معاكوا
هيثم : يعني ايه فريدة راحت فين ؟
ماجد : مش عارف استنوا .. العربية مش موجودة كمان
تامر : يبقى اكيد خرجت
ماجد : بس تخرج ومتقولناش يعني
هيثم : مش هي القائدة تعمل اللي هيا عيزاه واحنا مجبورين ننفذ طبعا
ماجد : هيثم اتكلم عدل عن فريدة
هيثم : ولو متكلمتش هتعمل ايه يعني .. ووقفوا امام بعضهم
ماجد : هتشوف هعمل ايه
هيثم : طب ما تورينا .. بس صح انا اللي اسف ازاي اتكلم عن حبيبة القلب بتاعتك فاكرنا مش عارفين انك بتحبها
ماجد : هيثم ..
تامر : بس بس انتوا اتجننتوا .. ماجد اقعد انت وانت يا هيثم كمان بس .
ايتن : ممكن تبطلوا بقى .. مش بترد على الموبايل !
------------------------------------
فريدة ذهبت الى شركة عمر وتنتظر في السيارة مرتدية نظارتها السوداء .. وبعد انتظار ظهر عمر وتحرك بسيارته وهي خلفه لترى الى اين يذهب
فريدة : اما نشوف هتروح فين يا عمر بيه
عمر ذهب الى مقهى وينتظر شخص ما وفريدة جالسة خلفه لتسمع كل ما يقوله مرتدية قبعة وتسجل لهم ثم دخل شخص طويل القامة وملابسه سوداء كأنه رئيس لعصابة .
عمر : انا عايز تأمين كبير للبضاعة لغاية ما يوصل .. واي غلطة مش ..
الشخص : مبقاش عز لو بضاعتك موصلتش زي ما هي انت مش بتتفق مع اي حد
عمر : هنشوف .. والمبلغ ؟
عز : 40 مليون
عمر : جنيه ؟
عز : دولار !
عمر : بس مش كتير
عز : وهي دي اي بضاعة بردو .. لو مش عاجبك شوفلك حد تاني
عمر : اقعد بس يا عم ميبقاش خلقك ضيق كده .. موافق هتستلم نصهم الأول مقدما والنص التاني بعد ما يوصلوا
عز : موافق
عمر : بس اقسم بالله لو حصل حاجة ما هتشوف دولار واحد حتى
عز : قولتلك انت مش بتتعامل مع اي حد .. مسألتش عني قبل ما تكلمني
عمر : سألت وهشوف بقى اذا كان الكلام صح ولا لأ
---------------------------------
فريدة لاحظت انهم على وشك ان ينهوا حديثهم فنهضت وخرجت من المقهى وانتظرت حتى يخرج الرجل وعندما خرج دخلت مرة اخرى وكأنها صدفة وهي
واقفة لتطلب مشروبها
عمر : فريدة .. ازيك ؟ انا عمر اللى قابلتيه في الحفلة .
فريدة : اه عمر .. ايوة ايوة افتكرت .. مش معقول بجد .. صدفة غريبة
عمر : ايوة .. انتي بتعملي ايه هنا ؟
فريدة : انا جاية اجيب ليا وللباقي ..صحابي يعني بس مكنتش متوقعة اني ممكن اشوفك
عمر : ولا انا .. انا كان عندي معاد وكده شغل يعني ..طيب ما تقعدي ونشرب حاجة
فريدة : مش عايزة اتاخر
عمر : يا ستي مش هيحصل حاجة
فريدة : خلاص ماشي .
عمر : بصى بقى بصراحة انا من اول ما شوفتك وانا معجب بيكي وحابب اتعرف عليكي اكتر وكنت هدور عليكي
فريدة : يعني ؟!
عمر : يعني كلميني عن نفسك شوية
فريدة : تمام .. انا فريدة مامتي متوفية من وانا صغيرة وعشت انا واختى التوأم مع بابا واحنا في الثانوي فقدنا بابا
عمر : لا اله الا الله .. البقاء لله .. حصل ازاي ؟ يعني من عند ربنا كده
فريدة : خبطتوا عربية قدام عينيا واتوفى فورا اختى كانت في البيت انا اللى حضرت الحادثة بدأنا انا وهي نشتغل مع الدراسة ودخلنا الجامعة واشتغلنا مصوريين فيتوغرافية وطبعا عشان كنا خايفين على نفسنا فتعلمنا ملاكمة وشوية من الفنون القتالية بس انا اقوى من ايتن هي مكنتش حابة الموضوع اوي.. بعد كده اتعرفنا بقى على الشباب وبيقنا زي الاخوات بيدافعوا عننا وبيخافوا علينا بس كده
عمر : حياتكم كانت صعبة .. اتأثرت بصراحة
فريدة : وانت ؟
عمر : انا ايه ؟
فريدة : كلمني عن نفسك شوية
عمر : انا بقى ابويا وامي بدأوا من الصفر اشتغلوا وتعبوا وامي ساندت ابويا كتير لغاية ما كبروا الشغل وربنا كرمهم جابوا اخويا الكبير وانا بعد كده .. بعد فترة طويلة اخويا كان عنده 16 سنة تقريبا حصلت مشكلة في شغل ابويا كانوا عايزين فلوس كتير ابويا فضل يعاندهم لغاية ما قتلوا اخويا
فريدة : لا حول ولا قوة الا بالله
عمر : امي اتكسرت جدا وبقى في خلاف بينها وبين ابويا .. ابويا بدأ يفكر خلاص ان انا هبقى وريثه ورباني على كده وعلمني احسن تعليم حصلت مشكلة كانت السبب في طلاقهم .. ابويا خان امي طبعا هي مقدرتش تستحمل نهائي وطلبت الطلاق قالت هاخد ابني معايا ومش هسيبوا ليك وللعالم بتاعك .. ابويا عمل حاجات كتير وفي الاخر قدر يخليني معاه ومن ساعتها وانا مشفتهاش لغاية اللحظة دي .
فريدة : ولا تعرف راحت فين ؟
عمر : لأ طبعا عرفت بعد فترة ابويا اتوفى وانا اللي مسكت كل شركاته وشغله وكملت طريقه بدأت ادور عليها لغاية ما عرفت انها في فرنسا واتجوزت هناك واحد غنى عربي وبس وبطمن عليها دايما من غير هي ما تعرف .
فريدة : انت بردو حياتك كانت صعبة .
عمر : اه يعني .
فريدة : طب انا فرحت اننا اتقابلنا وتعرفنا على بعض اكتر وهستأذن بقى
عمر : طب مش هاخد رقمك بقى المرة دي .
فريدة : هات موبايلك .. خلاص كده ارقامنا عند بعض
عمر : وانا كمان همشي .. يلا
وبعد ان خرجوا من المقهى سيدة امامهم تعرضت للسرقة
سيدة : شنطتي .. حرامي .. حرااامي .
فريدة : اعمل حاجة
عمر : اعمل ايه ؟
فريدة كانت في حيرة خائفة ان تفعل حركة تكشف انها ظابطة ولكن اتخذت قرارها فى اقصى سرعة ! .. يتبع
أنت تقرأ
امرأة في مهمة خاصة
Mystery / Thrillerتدور أحداث القصة عن مهمة سرية مكلف بها خمس ضباط في مدينة الاقصر للايقاع برجل اعمال خطير يقوم بتهريب الآثار خارج البلاد ومن ضمن الضباط فتاتان توأمتان واحدة منهم تقود هذه المهمة ومع مرور أيام المهمة تحدث أحداث لم تكن على الخاطر . Follow 🙏😍 I hope u...
