فريدة : عمر !!
عمر : ااه .. واخرج سلاح من جيبه وحاول ان يطلق عليهم لكن فشل .. مش قادر اضربيهم بسرعة
فريدة كانت في لحظة توتر وحيرة
فريدة : مش بعرف
عمر : اضربي بقولك .. اااه .. يعني اتعلمتي كل ده ومتعلمتيش تضربي نار
فريدة : مش بعررف انا وبعدين مش هنلحقهم وانت كمان مصاب
عمر : والله هوريهم
فريدة : اسند عليا .. اركب .. وجلست لتقود سيارته
عمر : انتي رايحة فين ؟
فريدة : المستشفى طبعا انت مش شايف حالتك
عمر : مستشفى ايه .. لأ طبعا .. وديني الفيلا .. انا هتصرف هناك
فريدة : يعني ايه هتتصرف .. بص كتفك عامل ازاي
عمر : انا كويس .. هوصفلك الطريق
فريدة : مفيش فايدة . وبعد ان وصف لها الطريق .
--------
حارس1 : عمر بيه !!
فريدة : تعال اسندوا معايا
حارس : تعال بسرعة .. عمر بيه اتصاب وبلغهم يتصلوا بدكتور عمر بيه
حارس 2 : حاضر
فريدة : انا نفسي اعرف انت ليه مش عايز تروح المستشفى .. عجبك حالك ده ؟
عمر : المستشفى س و ج بقى .. انا ليا اعداء وانا هدفعهم التمن غالي هاخد حقي بنفسي مش محتاج لحد
فريدة كانت جالسة منتظرة انتهاء الدكتور .
الدكتور : تقدري تدخلي
فريدة دخلت غرفة عمر الخاصة ( غرفة النوم )
فريدة : حمد الله على سلامتك
عمر : الله يسلمك .. خفتي ؟
فريدة : اه شوية .. اهم حاجة انك كويس .. بس ايه الدكتور الخاص بيك ده ؟
عمر : دكتور خاص بيا بدفعله فلوس بيساعدني لما بتصاب وكده يعني
فريدة : ومش خايف ليتكلم عنك
عمر : ميقدرش ابدا
فريدة : ازاي ؟ دقيقة واحدة .. ايوة يا ماجد
ماجد : ايه يا بنتي اتأخرتي كده ليه ؟
فريدة : استاذ عمر اتصاب حد ضرب عليه نار .. وانا عنده في الفيلا
ماجد : اتصاب !!! انتي كويسة هاا ؟ طمنيني ؟
فريدة : انا كويسة اطمن .. عمر كويس الحمد لله
ماجد : ابعتيلي العنوان اجي اخدك انتي مش معاكي عربية
فريدة : ماشي .. هبعتلك .
فريدة نظرت الى يد عمر فلاحظت خاتم له فص وتذكرت ايضا انه في كل مرة تقابله يكون مرتدي هذا الخاتم في يديه .
عمر : على
على : ايوة يا باشا
عمر : وصل الانسة فريدة
فريدة : لا لا ماجد جاي ياخدني بعتله العنوان شوية وهيجي
عمر : طب خلاص .. روح انت يا على .
فريدة : يلا ارتاح انت بقى الدكتور حتطلك مهدأ هينيمك على طول
عمر : ماشي .. اقلع بس الساعة والخاتم ااه
فريدة : استنى عشان دراعك هشيلهم انا ووضعتهم على طاولة بجانب السرير وخرجت وجلست في الصالة .. انتظرت حتى غفى في النوم ودخلت الغرفة
، وامسكت خاتم عمر وجربت شئ و اخرجت من حقيبتها جهاز تصنت صغير للغاية .. وبعد 15 دقيقة
----------------------
في السيارة **
ماجد : متصلتيش بيا بسرعة ليه لما حصل كده
فريدة : مش عارفة اتشغلت معاه
ماجد : معرفتيش مين اللي ضرب عليه
فريدة : قالي انه عنده اعداء كتير وواضح ان دول منهم .. لما اضرب طلع مسدس من جيبه وقالي اضربي
ماجد : وانتي عملتي ايه ؟ اوعي تكوني ضربتي
فريدة : لأ طبعا قولتلوا مش بعرف .. انت بتضحك على ايه ؟
ماجد : على مش بعرف .. وبعدين ايه اللي حصل ؟
فريدة : ولا حاجة طبعا رفض انه يروح مستشفى .. بس انا عملت حاجة
ماجد : ايه ؟
فريدة : انا لاحظت انه دايما لابس خاتم في ايده خاتم ب فص لونه اخضر اللي بيلبسه دايما الرجالة في منهم يعني
ماجد : اه عارفه وبعدين
فريدة : لما كنت بطلع المهمات السرية قبل كده كنت دايما بحط جهاز تصنت صغير في مرة عرفت بالصدفة ان فيه نوع من انواع الخواتم دي الفص بتاعه بيتفتح
ماجد : وطبعا جربتي وهو نايم
فريدة : بالظبط لما شوفته تاني في ايديه طبعا هو خلعه ونام جربت افتح الفص لقيته بينفصل عن الخاتم نفسه وحطيت جهاز التصنت الصغير ده فيه
ماجد : يا سلام عليكي وطبعا بما انه هو دايما لابسه ف انتي هتسمعي كل حاجة بيقولها وفي اي مكان هو فيه
فريدة : ايوة
ماجد : بس انتي جبتي منين الجهاز ده ؟ وكان جاهز معاكي في الشنطة كده
فريدة : جبته لما كنا في القاهرة .. ببقى حطاه معايا في الشنطة دايما عشان لو جاتلي اي فرصة احطه على طول
ماجد : براافو عليكي
فريدة : اه بس مش عايزة حد يعرف منهم انا قولتلك انت بس
ماجد : ليه مش عايزة ؟
فريدة : كده .. انت اللي بعتمد عليه بعدي مش عايزة حد تاني
ماجد : ماشي .. بس هما عارفين ان انتي كنتي عنده
فريدة : مفيش مشكلة احنا كده عرفنا مكان الفيلا هنقولهم المكان
ماجد : ماشي
-------------------
ماجد : بس كده وعرفنا مكان الفيلا بس يا ترى البضاعة بتكون فين ؟
ايتن : اكيد في مكان تاني غير الفيلا شوف بقى في مخزن ولا فين
فريدة : انتوا ايه رأيكوا ؟
هيثم : انا بردو بقول انه اكيد في مكان تاني غير الفيلا
تامر : مش معقول هيحطهم في بيته .. انتي ايه رأيك ؟
فريدة : انا بقى بقول انه اكيد عارف ان الشرطة هتفكر نفس تفكيركم ده
هيثم : يعني ايه ؟
فريدة : يعني هو اكيد عارف انكم هتفكروا ان اكيد البضاعة مش في بيته .. ف ليه متكونش البضاعة في الفيلا عشان يخلي الشرطة تدور بعيد عن الفيلا
ماجد : متفق معاكي جدا
فريدة : لما قعدت معاه كذا مرة واتكلمنا لاحظت انه ذكي جدا وحذر اكتر حتى النهاردة عرفت انه عنده دكتور خاص بيجيله مخصوص عشان يعالجه او يطلع الرصاص
ايتن : يعني انتي قصدك انه ممكن يكون بيغفل الشرطة
فريدة : عندي شك كبير ولازم نتأكد
تامر : لازم .. بس هو كده بدأ يبقى عنده ثقة فينا ؟
فريدة : اه جدا .. انا هطلع اريح شوية
ماجد : ماشي .. مش هتاكلي ؟
فريدة : هاكل لما اقوم
فريدة صعدت الى غرفتها واقفلت الباب بالمفتاح وبدأت تسمع من خلال الجهاز
على : باشا
عمر : نعم
على : عز بره .. بيقول عايزك في موضوع مهم
عمر : ماشي روحوا البدروم وانا جاي وراكم
فريدة :بدروم !! عنده بدروم تحت البيت .. ليه ميكونش ده المكان اللي في البضاعة !! يتبع
أنت تقرأ
امرأة في مهمة خاصة
Mystery / Thrillerتدور أحداث القصة عن مهمة سرية مكلف بها خمس ضباط في مدينة الاقصر للايقاع برجل اعمال خطير يقوم بتهريب الآثار خارج البلاد ومن ضمن الضباط فتاتان توأمتان واحدة منهم تقود هذه المهمة ومع مرور أيام المهمة تحدث أحداث لم تكن على الخاطر . Follow 🙏😍 I hope u...
