وبعد ان اتخذت قرارها في اقصى سرعة جرت بسرعة هائلة
عمر : فريدة يا فريدة
فريدة : اقف عندك .. اقف ومتوديش نفسك في مصيبة .. لكنه لم يستمع اليها حتى أمسكت به وحاول ان يضربها لكنها قامت بضربه بحركات الدفاع عن النفس واذهلت الجميع بحركاتها في الشارع .
فريدة : اتفضلي يا أمي
السيدة : ما شاء الله عليكي يا بنتي .. شكرا جدا ليكي ..ربنا يكرمك ويحميكي .
فريدة : الشكر لله
عمر : واااو .. ايه ده يا فريدة ؟ يعني انتي لسه قايلة انك اتعلمتي الملاكمة و شوية من الفنون القتالية لكن متوقعتش انك ماهرة بالشكل ده
فريدة : ما هو انا بتدرب دايما يمكن عشان كده ماهرة
عمر : بس شاطرة جدا يعني بجد برافو .. تحبي اوصلك ؟
فريدة : لأ انا معايا عربية .. سلام
عمر : تمام مع السلامة .
----------------
وبعد ان وصلت فريدة ..
ايتن : اهي وصلت
ماجد : كنتي فين يا فريدة ؟
هيثم : ينفع تخرجي من غير ما تقولي كده هو احنا مش جروب ولا ايه ؟
تامر : مكنش ينفع تخرجي كده من غير اي خبر .. يا ستي عايزة تخرجي لوحدك قولي لكن متسيبناش في القلق ده
ماجد : ولا بتردي حتى على موبايلك
ايتن : ممكن اعرف كنتي فين ؟
فريدة : خلصتوا عتابكم ؟ انتم ازاي تكلموني بالطريقة دي .. انا هنا القائدة ومش من حق ولا واحد فيكوا انه يكلمنى كده .. انا المسئولة عن نفسي وعنكم .. وبعدين هو انا الصبح لقيت حد فيكوا صاحي عشان اقوله انا خارجة .. ادخل على الهانم الاقيها نايمة ولا كانها بتاكل رز مع الملايكة
ايتن : فريدة انا اختك اتكلمي عني كويس
فريدة : احنا هنا في شغل ومعنى اننا في شغل يعني انا قائدة مش اختك ولا البشوات اللى نايمين وغرقانين نوم حتى انت يا ماجد !
ماجد : فريدة انا .. وقطعت كلامه
فريدة :مفيش انا يا ماجد .. لتكونوا صدقتوا اننا طالعين رحلة بجد والمفروض ننام براحتنا ونخرج ونعيش حياتنا .. منتهى الاهمال وفي الاخر جايين تعاتبوني وخرجتي ليه من غير ما تقولي .. ما طبعا هخرج واشوف شغلى ولآ هستنى حضراتكم لما تصحوا ولا تحبوا اطلع اصحيكم بنفسي ولا كأني امكم .. انا هطلع انام ساعة يا اقل انزل الاقيكم كلكم تحت ومستنيين .. مفهوم ؟
تامر : مفهوم .
ماجد : على فكرة احنا اللي غلطانيين مش هي
ايتن : معاك حق
----------------
وبعد ان دخلت غرفتها اغلقت الباب بالمفتاح ودخلت الحمام لتتحدث بالهاتف لكي لا يسمعها أحد .
فريدة : الو سيادة الوزير .. انا فريدة
الوزير : فريدة .. ايه الاخبار ؟ طمنيني ؟
فريدة : كله ماشي تمام جدا وكمان اعتبر على وشك اني اكسب ثقة عمر
الوزير : ممتاز
فريدة : وكمان اخدنا ارقام بعض بعته لحضرتك ياريت تراقب الخط كويس بيكلم مين وايه اللي بيقوله ويوصلي لو سمحت
الوزير : تمام شاطرة يا فريدة بس قولتي اخدنا ارقام بعض هو مش ممكن يعمل حاجة برقمك
فريدة : لأ ما هو انا جبت خط تاني وخدت حذري يعني الخط اللي بكلم حضرتك منه محدش يعرفه غيرك ، انا اديته رقمي التاني
الوزير : ممتازة يا فريدة
فريدة : سمعته وهو بيتفق مع واحد اسمه عز وهو اللي هيأمن البضاعة والطريق اثناء التهريب واتفقوا على 40 مليون دولار .
الوزير : 40 مليون ! تمام استمري انتي وانا هشوف موضوع الخط ده
فريدة : تمام مع السلامة .
الوزير : سلام .
--------------
غفلت ساعة واحدة ثم نهضت ونزلت الى الاسفل و وجدتهم ينتظروها .
فريدة : هنقعد في الحديقة برا
ماجد : ماشي .. انا اسف يا فريدة
ايتن : وانا كمان اسفة
تامر : اسف يا فريدة
هيثم : اسف
فريدة : اعتذاركم مقبول .. وانا كمان اسفة اتكلمت معاكم بطريقة مش كويسة سامحوني بس اتضايقت لما لقيتكم نايمين لسه وكمان بتعاتبوني ..ف اتعصبت
ماجد : حصل خير
فريدة : على العموم انا خرجت روحت عند شركة عمر استنيتوا قدام الشركة لغاية ما خرج ومشيت وراه راح كافيه وقابل واحد اسمه عز ده اللي هيأمن البضاعة والطريق و اتفق مع عمر على 40 مليون دولار مقابل ده بعد كده الراجل ده مشى وانا اتصرفت كأننا اتقابلنا صدفة قعد اتكلم معايا كان عايز يتعرف عليا اكتر حكتله عن حياتنا تقريبا طبعا جزء منها بسيط بس قولت ان ابونا خبطته عربية مش اتضرب بالرصاص عشان ميشكش قولتله اننا اتضربنا على الملاكمة وشوية من الفنون القتالية عشان لو حصل اي موقف ميستغربش احنا بنضرب كده ازاي
ايتن : وبعدين ؟
فريدة : سألته طبعا عن حياته قالي اهله بدأوا من الصفر لغاية ما بقوا اغنيا و كان عنده اخ اكبر منه بس اتقتل نتيجة عناد ابوه مع ناس كانت عايزة منه مبالغ كبيرة فقتله ابنه وواضح ان طريقه كان شمال بعديها بفترة ابوه خان امه واطلقوا بس هي معرفتش تاخد ابنها عمر وقعد مع ابوه .. لما كبر ابوه مات وهو اللي ورث كل حاجة وابوه كمان كتابله كل حاجة بأسمه وامه سافرت فرنسا واتجوزت بواحد غني عربي
ماجد : عرفتي كل ده ؟ ما شاء الله عليكي . . وبعدين ؟
فريدة : بس كده .
تامر بصوت مرتفع : ايوة بس المهمة السرية اللي احنا
فريدة : مبقتش سرية خلاص .. (جميعهم يضحكون ).. بتضحكوا على ايه بيعلى صوته وبيقولي مهمة سرية
تامر : خلاص خلاص انا اسف هههههههه
فريدة :يارب الصبر من عندك
تامر : يعني احنا دلوقتي هنعمل ايه ؟
فريدة : انا وهو خدنا رقم بعض وهنستناه يتصل وانا متأكدة انه هيتصل
ماجد : وليه متأكدة ؟
هيثم : ايوة ما يمكن لأ
فريدة : عشان هو قالي انه معجب بيا وعايز يتعرف عليا اكتر
ماجد : نعم !! مسمعتش .. معجب بيكي ازاي يعني ؟
فريدة : وانا هعرف منين وبعدين ده مجرم هصدق كلامه انا عشان كده بقول انه هيتصل .
ايتن : غيرت عليها يا ماجد ؟
فريدة نظرت ل ايتن وماجد لم يقول شيئا .
الساعة التاسعة مساءا جميعهم جالسون ثم دق هاتف فريدة .
فريدة : الو .. عمر !! يتبع
أنت تقرأ
امرأة في مهمة خاصة
Mystery / Thrillerتدور أحداث القصة عن مهمة سرية مكلف بها خمس ضباط في مدينة الاقصر للايقاع برجل اعمال خطير يقوم بتهريب الآثار خارج البلاد ومن ضمن الضباط فتاتان توأمتان واحدة منهم تقود هذه المهمة ومع مرور أيام المهمة تحدث أحداث لم تكن على الخاطر . Follow 🙏😍 I hope u...
