عز : شوفت فريدة في الديسكو بعد ما انت مشيت
عمر : هتعمل ايه في الديسكو هي
عز : معرفش .. شفتها كانت بتضرب شباب ضرب جامد جدا
عمر : انا معتقدش انها هي بس حتى لو هي فعلا .. هي اصلا كانت قالتلي قبل كده انها بتعلب ملاكمة و شوية من الفنون القتالية .. عادي يعني
عز: انت روحت ؟
عمر : لأ لسه كان عندي مشوار صغير وفي الطريق دلوقتي .. بس معتقدش انها هي تلاقيك مع الاضواء اللي في المكان شوفت واحدة شبها .
عز :مش عارف .. بس حتى لو بتلعب كل اللي انت قولتوا ده .. ضربها مش طبيعي ابدا .. بتضرب ضرب عنيف اوي
عمر : بس مش معقولة هي .. اختها لسه متوفية وهتروح مكان زي ده .. معتقدش ابداً
عز : معاك حق .. سلام
عمر : سلام
-------------
عمر : فريدة جت ولا لسه مرجعتش ؟
الخادمة : لأ رجعت من بدري
عمر : ماشي .. شوفي انتي شغلك
فريدة : ادخل
عمر : ايه اخبارك ؟
فريدة : تمام
عمر : رجعتي امتى ؟
فريدة : كنت بره لمدة ساعتين تقريبا مش فاكرة بالظبط
عمر : كنت بطمن بس
فريدة : مفيش مشكلة .. ايه ده ؟
عمر : ده فستانك
فريدة : فستاني !!
عمر : انا عازمك على العشا بره .. الساعة 11 تكوني جاهزة
فريدة : ماشي
------------------
هيثم : ايه رأيكم في البيت ده ؟
ايتن :كويس جدا
ماجد : مناسب
تامر : كويس يا هيثم
هيثم : انتم جهزوا حاجتكم ؟ اجابوا جميعهم بنعم
ايتن : هنروح امتى هناك ؟
هيثم : من دلوقتي لو حابين
ماجد : خلاص يلا بينا .. مش عايزين نتأخر اكتر من كده
تامر : يلا .
--------------
الساعة الحادية عشر مساءا
عمر : شكلك حلو
فريدة :شكرا يا عمر .. وانت كمان زوقك حلو
عمر : اتفضلي وفتح لها باب السيارة
فريدة : كمان .. ماشي .. احنا رايحين فين ؟
عمر : هتشوفي .. طبعا يعني انا عارف قد ايه انت مضايقة عشان اختك بس بحاول اخليكي تغيري جو شوية عشان متتعبيش اكتر من كده
فريدة : انا فاهمة
وبعد نصف ساعة
عمر : وصلنا .. اتفضلي
فريدة : تعبت نفسك
عمر : مفيش تعب ولا حاجة .. المهم انتي تبقي كويسة
فريدة : نبدأ ناكل ؟
عمر : اه طبعا ... وبعد ان انتهوا من الطعام ..
عمر : انا عايز اعترفلك بحاجة
فريدة : تعترف !!
عمر : حاجة مخبيها عنك من اول يوم شفتك فيه
فريدة : ايه هي ؟
عمر : انا .......
فريدة : انت ايه ؟
عمر : بحبك !!!!
فريدة لم تقل ولا كلمة .. كانت في حالة صمت .. ولكن النظرات هي من تتحدث .. حتى ذهبوا الى المنزل .
الساعة الثالثة بعد منتصف الليل .. فريدة جالسة في الشرفة تفكر بأعتراف عمر لها وهي اعتقدت انه سوف يعترف لها بحقيقته لكن اعترافه لها بحبه صدمها .. لم يأتي على خاطرها ، وفهمت لماذا لم يشك بها ولا لحظة بأنها الظابطة التي سوف تنهيه .. لم يفكر انها الظابطة لأن الحب أعمى !!!!!
وتذكرت ايضا كيف نجت من طلقة ايتن .. تذكرت كل لحظة مرت عليها منذ ان تركتها ايتن وحدها في الطريق .
فلاش باك **
فريدة : اااه .. ااه
الحاج : انتي كويسة ؟
فريدة : ااه
الحاج : انتي مضروبة بالنار .. لازم اوديكي المستشفى
فريدة : لأ كفاية انك تقومني .. عندك بيت ؟
الحاج : اه عندي .. لازم تروحي المستشفى .. انا هاخدك
فريدة : مش محتاجة .. لو مفيش مشكلة خدني بيتك
الحاج : حاضر يا بنتي .. اسندي عليا
فريدة : شكرا ليك
الحاج :اتفضلي .. هو صغير شوية بس مش مشكلة
فريدة : رضا .
الحاج : ايه ده ؟
فريدة : واقي رصاص !!!!
الحاج : يعني الطلقة مش فيكي
فريدة : لأ مش فيا بس طبعا ضربتها قوية كأن حد ضربني ضرب عنيف .
الحاج : عشان كده مكنتيش عايزة تروحي المستشفى
فريدة : ايوة .. بعد اذنك ممكن تروح اي سوبرماركت وتجيبلي كياس ثلج .. ودي الفلوس
الحاج : لا يا بنتي شيلي فلوسك
فريدة : لا لا خدهم بس .. انا مش قادرة اتكلم والله .. معلش خدهم وريحني .. عندك تلاجة هنا ؟
الحاج : اه
فريدة : تمام
الحاج : حاضر وبعد ان رجع ووضعت الثلج مكان الالم وبعد ساعة ونصف
الحاج : انتي رايحة فين ؟ لسه تعبانة
فريدة : هروح مشوار صغير وهرجعلك .. انا معنديش مكان تاني
الحاج : انا هقعد بره على الباب عشان تشوفيني لما ترجعي
فريدة : ماشي
فريدة ذهبت الى الفيلا وهي تخفى نفسها ورأت ايتن جالسة وماجد متوتر وخائف ثم سمعت صوت هيثم وتامر في الحديقة .. وقفت تسمعهم متخفية .
تامر : تفتكر فريدة ماتت ؟
هيثم : بعد الشر
تامر : ما انت تفتكر اختفت راحت فين ؟ اكيد عمر كشفها وخطفها ..شوف بقى ممكن يعمل ايه فيها .
هيثم : انا شاكك ان عمر خطفها .. مفيش حد غيره .. بس لو فعلا كان عمل كده كان اكيد هيبلغ اللواء كمال انه وصلها !!! وهو هيبلغنا
فريدة لنفسها : انه وصلها !!!
تامر :اكيد .. في سؤال جيه في بالي .. ليه اللواء كمال مقالش لعمر علينا من اول المهمة ؟ يعني ليه مقالهوش مثلا ان القائدة اسمها فريدة وشكلها وكل ده .
هيثم : سألته قبل كده السؤال ده بس مش المرة دي .. المرة اللي فاتت لما كان الظابط ماهر هو القائد الله يرحمه
تامر : وقالك ايه ؟
هيثم : قالي في الاول خالص لما المهمة دي ظهرت كان كل مرة هو بيقول لعمر مين الظباط اللي ضده ومين اللي معاه زينا كده وكان طبعا عمر بيخلص على اللي ضده .. في كل مرة ظباط جداد كان بيطلعوا المهمة كان فيه منهم بيموتوا في اول المهمة .. لغاية ما الوزارة بدأت تستغرب ليه كل مرة فيه ظباط بيموتوا وظباط لأ في اول ايام المهمة .. ومن كتر ما المهمة دي بقت كل سنة موجودة بقت بالنسبة لعمر زي اللعبة بيكشف الظباط وبيخلص عليهم لوحده وبقى كل اللي على اللواء انه يبلغه الظباط راحوا امتى ؟ وامتى هتكون المهمة ؟ وعمر بيكشفهم مع نفسه لأن بيبان لو حد ظهر حواليه جديد .. بس كده
تامر : فهمت
فريدة سجلت كل كلامهم وذهبت وقررت انها سوف تكمل المهمة وحدها .. ذهبت وجلست في مكان واتصلت بالوزير
فريدة : سيادة الوزير
الوزير : ايوة يا فريدة .. خير ؟
فريدة : انا اضرب عليا نار
الوزير : اايه !! انتي كويسة ؟
فريدة : جت في الواقي .. كنت لبساه وانا خارجة
الوزير : الحمد لله
فريدة :خدت حذري من ساعة ما حاولوا يقتلوني مرتين .. المهم دلوقتي باقي الظباط اكيد هيدوروا عليا لاني بالنسبة ليهم مختفية دلوقتي واكيد بردو هيبلغوا اللواء .. انا عايزة اكون في نظر الناس كلها اني اتقتلت
الوزير : ليه يا فريدة ؟
فريدة : عشان اكشف الخاينين .. هكمل لوحدي
الوزير : ده خطر جدا عليكي
فريدة : عارفة بس دي فرصتي الوحيدة .. لازم اكون في نظر الوزارة والناس كلها اني اتقتلت
الوزير : انا هتصرف متقلقيش
فريدة : في هنا مستشفى اسمها الاقصر العام .. هي دي اللي هيبقى مكتوب عندها في السجل اني ميتة
الوزير : يعني انتي في نظر اللي ضربك ميتة ؟
فريدة : اه .. في راجل كبير في السن اخدني بيته انقذني .. هبلغه ان لما الظباط يسألوا عني يقولهم لقيتها مقتولة واخدتها على مستشفى الاقصر العام وحاجة تانية انا محتاجة مكان اقعد فيه عشان لو حصل اي حاجة
الوزير : ماشي وانا زي ما قولتلك هتصرف .. ربنا معاكي وخدي بالك من نفسك .. مع السلامة
فريدة : السلام عليكم
الحاج : وعليكم السلام .. رجعتي الحمد لله
فريدة : اه وهمشي تاني بس هطلب منك طلب
الحاج : اتفضلي يا بنتي
فريدة : شايف دول .. ركز فيهم شوية
الحاج : ماشي
فريدة : دول ممكن يجوا يسألوا عليا هتقولهم لقيتها مضروبة بالرصاص .. لقيتها مقتولة واخدتها لمستشفى الاقصر العام .. الطلب ده لو مش ليا فهو لمصر
الحاج : هو انتي ايه ؟ يعني بتشتغلي ايه ؟
فريدة : ظابطة
الحاج : ظابطة !! حاضر هنفذ كل اللي قولتي عليه
فريدة : افتكر لمصر .. ماشي ؟
الحاج : ماشي
فريدة لكي تقنع عمر قامت بعمل اصابات جسدية لنفسها وتلويث ملابسها .
فريدة وهي في الشرفة : كان لازم اعمل كده .. وقالت ايضاً : ماجد .. انا محتاجالك اوي .. محتاجة انك تطمني .. يتبع
أنت تقرأ
امرأة في مهمة خاصة
Mystery / Thrillerتدور أحداث القصة عن مهمة سرية مكلف بها خمس ضباط في مدينة الاقصر للايقاع برجل اعمال خطير يقوم بتهريب الآثار خارج البلاد ومن ضمن الضباط فتاتان توأمتان واحدة منهم تقود هذه المهمة ومع مرور أيام المهمة تحدث أحداث لم تكن على الخاطر . Follow 🙏😍 I hope u...
