فريدة : الو عمر !!
عمر : ازيك يا فريدة ؟
فريدة : انا تمام وانت ؟
عمر : تمام
فريدة : خير ؟ في حاجة ؟
عمر : اتصلت بيكي عشان اقولك لو تقبلي بكره عزومتي ليكي على العشا
فريدة : اها .. لوحدي ؟
عمر : اه لوحدك .. في مشكلة ؟
فريدة : يعني انا مش هينفع اخرج من غير صحابي انت عارف اننا جايين نقضي اجازة مع بعض ف مش لطيف اني اخرج لوحدي واسيبهم .. عشان كده انا بعتذر مش هقدر اجي .. واسفة جدا بجد يا عمر .
عمر : فريدة استنى انا معنديش مشكلة ابدا انكم كلكم تيجوا مع بعض وبعدين يعني كويس اهو اتعرف عليهم كمان
فريدة : طيب خلاص تمام .. هقولهم و ارد عليك .. تمام ؟
عمر : تمام مستنيكي
----------------------
فريدة : عايزنا بكره على العشا .. مش قولتلكوا هيتصل
ماجد : متوقعتش انه فعلا هيتصل بس تمام هنروح اكيد
هيثم : ايوة كلنا هنروح
فريدة : خلاص هبلغه .. ايوة يا عمر انا قولتلهم وبما اننا في اجازة ورحلة وكده ف معندناش ابدا مشكلة
عمر : تمام هستناكم بكره على الساعة 10:00 وهبعتلك عنوان الفندق
فريدة : تمام .. سلام .. بكره الساعة 10
ماجد : اما نشوف هيعمل ايه استاذ عمر
فريدة : انا طالعة انام .. هتناموا ولا هتقعدوا ؟
هيثم : انا كمان هنام
ايتن : وانا بردو
تامر : وانا كمان
فريدة : خلاص اقفله التلفزيون .. تصبحوا على خير
-------------------
وبعد ان استيقظوا صباحا
فريدة : محتاجين حاجات .. الاكل اللي هنا مش هيكفي
ماجد : خلاص نخرج ونجيب
فريدة : تمام هروح اجيب انا
ماجد : هاجي معاكي
فريدة : خلاص يلا بينا
في السيارة ..
ماجد : فريدة .
فريدة : هاا .. اقول
ماجد : انتي اقوي ست قابلتها في حياتي
فريدة : ليه ؟
ماجد : يعني مهما الظروف اللي مريتي بيها في حياتك كملتي ومضعفتيش وحققتي حلمك وبقيتي ظابطة .. حلم ابوكي
فريدة : صح ثم قالت لنفسها مكنش حلمي كان نفسي ابقى دكتورة لكن القدر .. القدر بيقف عنده كل حاجة .
ماجد : فريدة .. يا فريدة
فريدة : هاا
ماجد : روحتي فين ؟
فريدة : معاك .. وانت كان حلمك ظابط ؟
ماجد : اه من وانا صغير .. حتى وانا في المدرسة كان لما بيبقى فيه مسرحية كنت بمثل دور الظابط
فريدة : حلو جدا انه يبقى عندك حلم وتحققه
ماجد : وصلنا .. يلا .
---------------------------
ماجد : كده جبنا اللحوم والفراخ
فريدة : ناقص الخضار قسم الخضروات من هنا
ماجد : وجبنات كمان
فريدة : ايوة صح .. فريدة كانت تنظر الى قسم الحلويات وتبتسم
ماجد : هاتلنا من دي
فريدة : ايه ده هتجيب منها ؟
ماجد (وهو يضحك ) : اه اصلى نفسي فيها اوي
فريدة : ماشي وتضحك
--------------------------
ايتن : اخيرا وصلتم .
تامر : تمام انتم جبتوا الحاجة .. مين بقى اللي هيعمل الاكل ؟
فريدة : انا
تامر : وااو القائدة بنفسها هتطبخ
فريدة : شوفت بقى
ماجد : هساعدك
هيثم : انا ملاحظ انك بتحب المساعدة جدا يا ماجد .. مش كده ؟
ماجد : اه بحبها .. في مشكلة ؟ واثناء الطهي
فريدة : اااه
ماجد : فريدة .. في ايه ؟
فريدة : وانا بكسر البيضة قشرة جت في عيني .. اه
ماجد : استنى استنى .. خلاص ونظروا الى داخل عين بعض وبعينها الزرقاء التى لا تقاوم سرح فيها
فريدة : شكرا وهي تتطبخ خصلة من شعرها تزعجها وتحاول ان تبعدها ولكن ماجد ابتسم وقام ببعدها ، التفتت اليه فريدة وهي تنظر اليه مندهشة
فريدة : شكرا مرة تانية
ماجد : العفو
-------------------------
تامر : تسلم ايديكم بجد .. رائع مكنتش اتوقع ان القائدة اكلها حلو كده
فريدة : بالعافية
ايتن : اختي شاطرة في كل حاجة طبعا حتى بتجذب الكل ليها واشطر مني دايما .. مش كده بردو يا فريدة ؟
فريدة : معرفش .
------------
الساعة العاشرة مساءا وعمر في انتظارهم
على : اهم وصلوا .
فريدة كالعادة اذهلته بجمالها بفستان ابيض اللون وشفاه حمراء وحذاء ذو كعب احمر اللون
عمر : اهلا بيكوا .
ماجد : اهلا بيك
عمر : بس ايه الجمال ده يا فريدة .. رائعة ( وبدأت نيران الغيرة تشتعل بداخل ماجد وهيثم ) !! يتبع .
أنت تقرأ
امرأة في مهمة خاصة
Mystery / Thrillerتدور أحداث القصة عن مهمة سرية مكلف بها خمس ضباط في مدينة الاقصر للايقاع برجل اعمال خطير يقوم بتهريب الآثار خارج البلاد ومن ضمن الضباط فتاتان توأمتان واحدة منهم تقود هذه المهمة ومع مرور أيام المهمة تحدث أحداث لم تكن على الخاطر . Follow 🙏😍 I hope u...
