ايتن : فريدة استنى
ماجد : يا فريدة استنى
فريدة : نعم
ايتن : هتعملي ايه ؟ هتقدري على المهمة دي ؟المهمة صعبة مش سهلة ابدا .. فكري كويس
فريدة : احبطيني اكتر .. ده بدل ما تقوليلي هتنجحي .. انا معاكي ..انا اختك ومش هسيبك وهننجح مع بعض .. انا مش عايزة احباط .. عندك كلمة حلوة قوليها مش عندك روحي البيت .
أيتن اتعصبت : ماشي يافريدة ومشت
ماجد : ممكن تهدي .. تعالي معايا
في المقهى *
ماجد : متقلقيش .. انا معاكي .. هتنجحي كالعادة ..عمرك ما فشلتي ومش هتفشلي ان شاء الله .. ان عارف انها المرة دي صعبة عليكي ..بس انتي قوية .
فريدة : انت الوحيد اللي وقفتي جنبي طول السنين دي وعمرك ما اتخليت عني .. شجعتني وساعدتني ودربتني لغاية ما وصلت لل انا فيه دلوقتي
ماجد : وهفضل جنبك للابد .. ممكت تهدى بقى وايتن اللي زعلت منك
فريدة : هي دايما كده بتحبطني .. ده احنا توأم يعني المفروض انا وهي نكون اقرب من بعض اكتر من كده
ماجد : معلش .. دلوقتي روحي وارتاحي وشوفي هتعملي ايه في الخطة لازم تفكري ونعرضها الصبح على سيادة الوزير واللواء كمال قبل ما نمشي ده اذا المهمة متأجلتش
فريدة ماشي .. يلا سلام
ماجد : مع السلامة .
---------------------------------------------------------
في مكتب كمال
تامر : ايوة بس لو عارضنا فريدة هتشك فينا .. هي ذكية
هيثم : ايوة يا كمال بيه .. انت مشوفتهاش ازاي في المهمات قبل كده دي كانت بتكون مركزة اكتر من القائد نفسه
كمال : انتم فهمتنوني غلط .. انا اقصد انكم تركزوا معاها بحيث اي حاجة مهمة بتفكر فيها تبلغوها على طول ليا أنا وانا اوصلها لرئيس العصابة ..مفهوم ؟
تامر : مفهوم .
كمال : وتقربوا منها وتفكروا معاها دايما عشان تاخدوا ثقتها .. وخدوا بالكوا من ماجد ده لوحده مصيبة وانتوا عارفين هو قد ايه مهتم بيها
هيثم : عارف .
كمال : كده انتم عرفتم هتعملوا ايه .. مش عايز غلطة واحدة
تامر : متقلقش .
كمال : يلا عشان لو هتجهزوا .
هيثم : يلا يا تامر .
-------------------------------------------------------
في بيت فريدة
ايتن جالسة تقرأ كتاب لها ثم تاتي فريدة وتنظر لها وهي في داخلها شعور بتأنيب الضمير ثم تسمع صوت جرس الباب وتذهب لتفتح
فريدة : شكرا .. اتفضل . وتضع الطعام الجاهز على الطاولة وتقول
فريدة : مش هتاكلي ؟
ايتن : مش عايزة
فريدة : اه بس انا طلبتلك الساندوتش اللي بتحبيه ده ماك يعني.. هتاكلي ؟ وتنظر لها ايتن بنظرة الاخوة لبعضهم البعض
فريدة : بتكلم انا
ايتن : قولت مش عايزة
فريدة : خلاص انتي حرة . وبدأت تأكل وهي تستمتع بطعامها وتنظر لها وهي مستمتعة .
فريدة : delicious
ايتن : استغفر الله
فريدة : والله هتندمي .. بما انك مش هتاكلي ف هاكل ساندوتشك.. بصراحة جعانة ومش هقدر استحمل اسيبه وحيد كده .
تبتسم ايتن وتقوم مسرعة للطاولة
ايتن : hey .. ملكيش دعوة بساندوتشي . ويضحكوا التوأمين ثم يعانقوا بعض .
فريدة : انا اسفة
ايتن : انا اللي اسفة كان مفروض اقويكي مش احبطك وعانقوا بعض .
---------------------------------------------------------
الساعة الواحدة ليلا .. فريدة واقفة وتنظر من شرفتها وتقول
فريدة لنفسها : خايفة ليه ؟ من امتى وانتي بتخافي ولا بتقلقي .. طول عمرك لانتقاد بيوقعك ولا كلام حلو بيغيرك .. وقفوا ضدك ونجحتى .. عمرك ما خليتي الخوف يوقعك .. مالك ؟ انتي قوية وشجاعة وهتنجحي .. ركزي يا فريدة ..
ابوكي قالك ايه وهو بيموت قدام عنيكي قال كملي طريقي يا فريدة .. و انا هكمل ومش هقع .. ودلوقتي اعملي قهوة وفكري .
وبعد مرور ساعتين وهي جالسة تفكر وتضع الخطة .. يأتيها اتصال من رقم غير معروف !
فريدة : الو .. مين معايا ؟ سيادة الوزير !!!!!! يتبع
My Instagram: @nur.osmaan
My Twitter : @candelaqueenn
أنت تقرأ
امرأة في مهمة خاصة
Mystery / Thrillerتدور أحداث القصة عن مهمة سرية مكلف بها خمس ضباط في مدينة الاقصر للايقاع برجل اعمال خطير يقوم بتهريب الآثار خارج البلاد ومن ضمن الضباط فتاتان توأمتان واحدة منهم تقود هذه المهمة ومع مرور أيام المهمة تحدث أحداث لم تكن على الخاطر . Follow 🙏😍 I hope u...
