عمر : فريدة !! ايه حالتك دي ؟ ايه اللي حصلك ؟
فريدة : مش قادرة اتكلم
عمر : ايه اللي حصل ؟ بتعيطي ليه ؟
فريدة : مش عارفة اقول ايه
عمر : انا بدأت اقلق .. في ايه ؟
فريدة : انا اتخدعت
عمر : اخدعتي ازاي يعني ؟
فريدة : صحابي .....
عمر : مالهم ؟
فريدة : انا كنت بره الفيلا جيت لقيتهم ماشين وشكلهم متغير بصيت على الارض لقيت ايتن ميتة مخنوقة
عمر : اااايه !!!!!! ازاي عملوا كده ؟ وليه ؟
فريدة : اخدوه كل اللي معانا
عمر : وازاي متصلتيش بيا ؟
فريدة : كنت بجري عشان اتصل بيك لكن مسكوني وهددوني لو بلغتك ولا اتصلت بالشرطة هيكون مصيري زي ايتن
عمر : عشان كده اختفيتي كذا يوم .. وايتن ؟
فريدة : طبعا خدتها على المستشفى لكن عقبال ما وصلت كانت خلاص ماتت ( فريدة تبكي ) والشرطة جت ودلوقتي بتدور عليهم و تصريح الدفن والاجراءات وانت اكيد عارف
عمر : ازاي مكلمتنيش بس ؟ كنت جيت ساعدتك .. البقاء لله
فريدة : البقاء لله وحده .. خفت طبعا
عمر : انا مش قادر اصدق ازاي يعملوا كده
فريدة : انا مصدومة لغاية دلوقتي وكل ما افتكر شكل ايتن على الارض وانا بحاول اقاومهم لكن طبعا مقدرتش عليهم .. كانوا اكتر من اخواتي
عمر : انا اصلا من الاول مكنتش مرتاحلهم بس مردتش اقولك لتضايقي
فريدة : مقدرتش اقعد في الفيلا .. ملقتش حد اروحله غيرك
عمر : طبعا انتي متعرفيش حد غيري هنا.. المفروض اصلا كنتي كلمتيني اول ما حصل كده .. على الاقل كنت بعت رجالتي جابوهم
فريدة : اللي حصل بقى
Omar : Jane .. jane
Jane : yes Mr.Omar
Omar : prepare the guest room and take Mrs. Farida to it
عمر : دلوقتي هتطلعي ترتاحي وبعد كده نبقى نكمل كلامنا
فريدة : تمام .. شكرا جدا يا عمر
عمر : لا شكر على واجب
-----------
ماجد : يعني خلاص ايتن بقت مكان فريدة .. بس خليكوا فاكرين لما المهمة تفشل اني مكنتش موافق ابدا على اننا نكمل
تامر : انت مش شايف انك مكبر الموضوع شوية ؟
ماجد : مكبره !! بكره يحصل اللي قولت عليه وساعتها تقولوا كان معاك حق يا ماجد
هيثم : ماشي
ماجد : لازم نغير المكان .. نقعد في مكان تاني يعني .. لأن لو عمر فعلا اللي عمل كده لفريدة اكيد هيوصلنا .. لازم نمشي بأسرع وقت
ايتن : ايوة لازم نشوف مكان تاني
هيثم : انا هتصرف .
----------
عمر : اهلا كمال بيه .. ايه الاخبار ؟
كمال : نجحت المرة دي بردو يا عمر زي زمان
عمر : نجحت في ايه ؟
كمال : وصلت للقائدة
عمر : قائدة ايه اللي وصلتلها ؟
كمال : ايه يا عمر هتداري عليا .. قائدة المهمة
عمر :اداري ايه ؟ انا مش فاهم بتتكلم على ايه اصلا
كمال : انت وصلت للقائدة وقتلتها
عمر : قتل ايه ؟ انا موصلتش للقائدة ومستغرب ازاي مقربوش مني
كمال : اومال مين اللي قتلها ؟ بقولك القائدة ماتت
عمر : ما ده كويس انها ماتت .. في مصلحتنا
كمال : ايوة .. اللي قتلها مين ؟ وليه ؟ في حد عارف بحقيقتنا
عمر : انا بدأت اقلق على فكرة .. اتصرف واعرف مين اللي عمل كده ؟ ومصلحته ايه ؟
كمال : هكلمك تاني .. سلام دلوقتي
---------------
فريدة جالسة في الغرفة تفكر كيف تجرأت ايتن على محاولة قتلها ؟ وكيف تفكر في هذا حتى ؟
فريدة : ازاي قدرتي تضربيني بالنار ؟ طبيعي ان اخت تضرب اختها لمجرد الغيرة .. ومن امتى وانتي جواكي الحقد ده كله ... ازاي قدرتي تعملي كده فيا ؟ مش عارفة ولا فاهمة .... وفجأة تذكرت عندما كانت في المنزل اثناء المهمة ودخلت غرفتها و وجدتها نائمة
فلاش باك **
فريدة : ايتن .. نايمة .. ايه البرشام ده ؟ من امتى وهي بتاخد برشام غريب كده ؟ اصوره احسن ولما اخرج ابقى اسأل عليه .
فريدة : الصورة .. افتكرت .. ازاي نسيت اسأل عليه ؟ غبية
عمر : فريدة .. رايحة فين ؟
فريدة : مشوار صغير وهاجي.. في مشكلة ؟
عمر : لأ طبعا براحتك .. اخرجي وتعالي زي ما انتي عايزة .. تحبي اخلي السواق يوصلك ؟
فريدة : لا لا المشوار قريب اصلا
عمر : طيب
-----------
في الصيدلية
فريدة : السلام عليكم
الدكتور : وعليكم السلام
فريدة : لو سمحت كنت عايزة اعرف البرشام ده بتاع ايه ؟
الدكتور : البرشام ده للاعصاب..يعني للمرض النفسي
فريدة : مرض نفسي !!!!
الدكتور : اه وخاصة للي عندهم انفصام شخصية .. شيزوفرينيا يعني
فريدة : طب ايه اعراضها السيئة ؟ اقصد يعني ان بسببها ممكن الشخص يوصل انه يقتل ؟
الدكتور : اه ممكن لانه بتكون الشخصية التانية مسيطرة عليه وطبعا ده كله بيرجع لحالة المريض نفسه والمشاكل اللي بيعاني منها وبمجرد ما الشخصية التانية تعمل اللي هي عيزاها بيرجع لشخصيته الطبيعية وبتحصله صدمة .. باختصار يعني
فريدة : فهمت
الدكتور : بس البرشام ده الدكاترة النفسيين مش بيفضلوه
فريدة : طب ولو المريض وقفه فجأة .. بيحصله ايه ؟
الدكتور : الحالة ممكن تزيد .. البرشام بيخلي الحالة طبيعية شوية .. ولو حضرتك عايزة تعرفي اكتر عن المرض ده انصحك بأنك تسألي دكتور متخصص يكون افضل .
فريدة : تمام .. شكرا جدا ليك يا دكتور
الدكتور : عفوا .. حضرتك تشرفي في اي وقت
--------------------
فريدة كانت مصدومة بأن شقيقتها تعاني من المرض النفسي وانه السبب الرئيسي في وصول ايتن لمرحلة القتل .. واثناء صدمتها سمعت من خلاص جهاز التصنت ان عمر سوف يقابل عز في مقهى الرقص (ديسكو ) .. ذهبت مسرعة لهناك .
في الديسكو
عز : انا تمام .. رتبت نفسي وجاهز ليوم العملية
عمر : ممتاز .. وانا كمان جاهز زي ما وعدتك .. 20 مليون دولار بتوعك اهم زي ما اتفقنا والباقي لما العملية تخلص
عز : ممتاز
فريدة جالسة بعيدة عنهم وتستمع .. 20 مليون !! ودخلت الي الحمام و وجدت ثلاثة فتيان يضايقون ثلاث فتيات ويتهجمون عليهم !! وبدون ان تفكر ولو للحظة بدأت تضربهم ضرب عنيف وانقذت الفتيات
فريدة بصوت مرتفع للغاية : اخرجوا بره .. ايه قلة الادب دي ؟ انتم كويسين
فتاة 1 : انتي ربنا بعتك لينا
فريدة : الحمد لله
فتاة 2 : شكرا جدا ليكي
فريدة : لاشكر على واجب
فتاة 3 : انتي رائعة .. انقذتينا من شباب متربوش
فريدة : لما انتم كويسين كده .. ايه اللي جايبكم مكان زي ده وسط الشباب دول .. لو سمحتم روحوا بيتكم وانصحكم متجوش هنا تاني لمصلحتكم
فتاة 1 : مش هنيجي تاني .. احنا اتجننا وقولنا نجرب
فتاة 3 : عمرنا ما هنيجي تاني مكان زي ده
فتاة 2 : حرمنا خلاص
فريدة : اتفضلوا
وبعد ان خرجت رأت عمر يذهب وهي تحاول لترى عز ايضا .. جاءوا الفتيان ومعهم فتيان اخرى ووقفوا امامها
فريدة : اوعوا من قدامي
الفتى 1 : وهو ينفع يا رجالة نخلي واحدة تمد ايدها علينا
فريدة : رجالة !! هما فين مش شيفاهم ؟ .. وهما الرجالة بيتهجموا على البنات في حمام السيدات بردو .. الجميع نظر اليهم بنظرة سيئة
فريدة : امشوا من قدامي احسن بدل ما تندموا
الفتى 2 : نندم !! يلا
فريدة : انتم اللي جيبتوه لنفسكم وضربتهم ضرب عنيف للغاية حتى وقعوا على الارض ثم ذهبت
فريدة من خلاص جهاز عرفت ان عمر مازال في الطريق ولم يصل لبيته فذهبت مسرعة لتصل قبله .
---------------
عز : الو يا عمر
عمر : خير؟
عز : انا شوفت حاجة غريبة
عمر : شوفت ايه ؟
عز : شوفت فريدة في الديسكو .. يتبع
أنت تقرأ
امرأة في مهمة خاصة
Mystery / Thrillerتدور أحداث القصة عن مهمة سرية مكلف بها خمس ضباط في مدينة الاقصر للايقاع برجل اعمال خطير يقوم بتهريب الآثار خارج البلاد ومن ضمن الضباط فتاتان توأمتان واحدة منهم تقود هذه المهمة ومع مرور أيام المهمة تحدث أحداث لم تكن على الخاطر . Follow 🙏😍 I hope u...
