فريدة : بدروم !! وتستمر في الاستماع
ماجد : نورت يا عز
عز : بنورك .. سلامات
عمر : الله يسلمك .. خير ؟ جاي ليه ؟
عز : عايز اعرف امتى التسليم عشان اعمل ترتيباتي
عمر : كان في اتفاق على يوم 27 الشهر ده بس لسه مأكدناش على عموم هو هيبقى في الرينج ده وطبعا لما اتاكد هقولك على طول
عز : ماشي .. يعني كل حاجة ماشية تمام ولا محتاجني اضربلك حد يعني اجبلك معلومة ولا حاجة
عمر : لا لأ كله تمام البضاعة جاهزة خلاص هتوصل عندي في خلال اليومين اللي جايين دول
عز : ماشي .
عمر : سلام يا عز
على : عمر بيه مش هتروح تريح بقى ملحقتش تريح
عمر : هروح دلوقتي
------------
فريدة : 27 .. كده المهمة بدأت .
الساعة الثالثة بعد منتصف الليل والجميع نائم .. شخص يحاول فتح الشرفة لكن فريدة شعرت ان هناك احد يحاول فتحه ودون ان تضئ النور اخذت سلاحها وبدأت تمشي ببطء وهو واقف بالجانب لكي لا تراه وعندما شعر بها قفز من الشرفة الى الحديقة وهي قفزت وراءه
فريدة : اقف عندك ..هضرب نار .. اقف واطلقت عليه اصابت رجله
فريدة : اقف هضرب تاني ولكنه لم يستمع اليها فاطلقت الرصاصة الثانية في رجله ايضا
الجميع قفز مسرعا
ماجد : فريدة !!
فريدة : تعالوا شيلوه و دخلوه جوا
ماجد : لابس قناع هاا .. اشيله انا ولا انتي ؟
فريدة : انا طبعا .. ايوة كده خلينا نشوف وشك الجميل .
ماجد : مين اللي بعتك .. انطق
فريدة : اشش ماجد متضربوش حرام .. الاول اسمك ايه ؟ انا فريدة مع انك اكيد عارف
ايتن : انت مبتسمعش ولا ايه ؟ ما تنطق .. اسمك ايه ؟
فريدة : ايتن .. برااحة عليه .. يا حرااام ده بيترعش من الخوف كده خوفتوه .. يلا اسمك ايه بقى
(هو) : هاني .. اسمي هاني
فريدة : اهلا يا هاني .. نورت يا حبيبي .. بص بقى من غير لف ودوران كده قول مين اللي بعتك ؟ يلا انا سامعة اهو
هاني :......
فريدة : مين بعتك عشان تقتلني ؟ .. استنى انت اللي كلمتني مش كده نفس الصوت وضربت اختي بالنار .. مين اللي بعتك ؟
هاني : م ..مفيش حد معين .
فريدة : مفيش ! ادارت وجها ثم بكل قوة لديها ضربته بكفها على وجهه
هاني : ااااه
فريدة بصوت مرتفع : انت هتستهبل عليا يالا ؟ قبل ما تيجي مقالوش ليك انا ابقى مين هاااا رد عليا
هاني : قالوا يا قائدة
فريدة : كويس ان انت عارف ان انا قائدة وطبعا بردو اكيد عارف ان كلام القائدة بيتنفذ مش كده
هاني : بيتنفذ
فريدة : مين اللي بعتك ؟ انطق
هاني : ما انا قولتلك مفيش
فريدة : تاني .. ماشي انا صدقتك .. هطلع فوق وجاية بسرعة
ايتن : فريدة هتعملي ايه ؟
فريدة دخلت غرفتها واخذت القفاز الخاص بيها والتي يوجد به معدن عند الاصابع وارتدته ونزلت الى الاسفل
فريدة : بسألك لآخر مرة مين اللي بعتك ؟ هعد لغاية خمسة .. واحد ، اتنين ، تلاتة ، اربعة ، خمسة وبدأت تضربه على وجهه حتى سال منه الدم .. فكوه .. مين اللي بعتك ؟
ماجد : فريدة انا هكمل بدالك
فريدة : لأ ده بتاعي انا .. خليكوا واقفين عشان لو مات مني تدفنوه ولا تاخدوه المستشفى
هاني : مش هقدر اقول .. صدقيني .. اخواتي هيتأذوا لو عرف اني قلت عنه
فريدة : راجل اللي بعتك وهددك باخواتك .. مش هقوله متخافش
ونظر الى هيثم وتامر خائفا !!
فريدة : بص ليا انا .. مين اللي بعتك ؟
تامر : وبعدين ؟
هيثم : ما انا كمان مش عارف هو ولا لأ بس عندي شك كبير ربنا يستر
تامر : مش هتسيبه
هاني : ااااااه .. كفااية ...ااه .. فريدة تضربه بقسوة
فريدة : انطق .
هاني : درااااعي .. ااااااه ... دراااعي ، فريدة وجهت السلاح على رأسه
فريدة : انطق وعلى فكرة المسدس فيه رصاصة واحدة وانت بقى ونصيبك ... و كلما تضغط على الزناد يرتعش من الخوف
هاني : كم..
فريدة بصوت مرتفع للغاية : اتكلم
هاني : كمال .. اللواء كمال !!!! يتبع
أنت تقرأ
امرأة في مهمة خاصة
Mystery / Thrillerتدور أحداث القصة عن مهمة سرية مكلف بها خمس ضباط في مدينة الاقصر للايقاع برجل اعمال خطير يقوم بتهريب الآثار خارج البلاد ومن ضمن الضباط فتاتان توأمتان واحدة منهم تقود هذه المهمة ومع مرور أيام المهمة تحدث أحداث لم تكن على الخاطر . Follow 🙏😍 I hope u...
