ايتن : صباح الخير يا فريدة
فريدة : صباح الخير يا قلبي .. دلوقتي عايزين نرتب معلوماتنا
ماجد : ازاي ؟
فريدة : هقول .. اول حاجة العملية هتم يوم 28 الشهر ده
هيثم : تمام
فريدة : ثانيا عز اللي هيأمنها وانتم شوفتوه .. ثالثا البضاعة فين ؟
تامر :في البدروم
فريدة : الله ينور عليك
ماجد : ثانية انتي قولتي امبارح انك شاكة انها ممكن تكون في البدروم مش أكيد
فريدة : ما انا اتأكدت
ماجد : ازاي ؟
فلاش باك **
في فيلا عمر
فريدة : عمر بيه موجود ؟
على : اا اه موجود .. اتفضلوا هو بس في معاد شغل عنده هبلغه على طول
فريدة تستمع من خلال جهاز التصنت في اذنها
عمر : البضاعة كلها هتكون في البدروم عندي هنا .. مش هتدخل من الباب اللي جوا الفيلا نفسها اللي بيدخلك على البدروم
عز : يعني مش هدخل من الباب اللي تحت السلم اللي دخلت منه قبل كده .. صح ؟
عمر : الله ينور عليك بالظبط
عز : اومال هدخل منين ؟ هو فيه اصلا باب تاني ؟
عمر : اه .. في باب تاني في الحديقة بيدخلك على اوضة صغيرة جواها فيه فتحة بغطا على الارض هتفتحه وتنزل على سلم هتوصل للبدروم
عز : بس الباب ده في الحديقة يعني مكشوف
عمر : الباب اللي في الحديقة ده محدش يعرف مكانه اصلا
عز : ازاي ؟ حتى الخدامين ؟
عمر : ايوة لأني يوم العملية الخدامين بياخدوا اجازة ف حتى هما ميعرفوش مكانه
عز : ماشي بس ازاي محدش يعرف مكانه ؟ ما هو اكيد باين ان فيه باب
عمر : الباب نفس لون الحيطة بالظبط لانه مش باب عادي معمول بالطوب ومدهون بنفس لون الحيطة حتى مفيش مقبض للباب اصلا ومحدش يتخيل ان الباب بيودي على البدروم لان كله هيفكر نفس تفكيرك انه مكشوف
عز : اه فهمت
------
ماجد : فريدة سرحتي في ايه ؟
فريدة : لأ افتكرت لما كنا عنده امبارح سمعته بيتكلم مع عز عن مكان البدروم
هيثم : بجد .. فين هو ؟
فريدة : هقول .. في الفيلا نفسها شوفتوا السلم الكبير اللي على ما اعتقد بيطلع على الغرف
هيثم : اه
فريدة : تحت السلم ده فيه باب هندخل منه وعلى ما اعتقد ان اكيد في حاجة جواه هتوصلنا للبدروم سلم او فتحة ننزل منها مش هيخرج عن كده
تامر : اه مش ساهل عمر ده بردو مين كان يتوقع ان البضاعة في بيته
ماجد : محدش توقع غير فريدة
ايتن : طبعا مفيش غيرها .. اختي الذكية
فريدة : على عموم احنا كده عرفنا مكان البدروم واتأكدنا ان البضاعة فيه
يعني معلوماتنا كاملة هنستنى ليوم العملية
ماجد : الحمد لله في الفترة دي هنبدأ نجهز بقى
فريدة : بالظبط
-------------------------
الساعة الخامسة مساءا
فريدة : يا شباب هنروح انا وايتن نشتري حاجات ونيجي .. تمام ؟
ماجد : تمام
ايتن : لو اي حاجة حصلت بلغونا
هيثم : تمام
في السيارة
فريدة : هنروح فين ؟
ايتن : محل شوفتوا هنا عجبني
فريدة : انتي وخداني معاكي عشان كده يا ايتن
ايتن : ايوة وفيها ايه مش اختي ولا هاخد معايا ماجد مثلا
فريدة : ماشي
وبعد ان اشتروا وفي طريقهم الى البيت
فريدة : انتي رايحة فين .. ده مش طريق البيت ؟
ايتن : طريق مختصر لاحظتوا
فريدة : ماشي يا حبيبتي مختصر بس بصي الطريق ضلمة ازاي وساكت مفيش حد فيه ما تروحي من الطريق اللي نعرفه وفيه ناس احسن
ايتن : احنا ظباط نروح من اي طريق مهما كان محدش يقدر يعملنا حاجة مش ده كلامك دايما ؟
فريدة : ايوة كلامي بس بردو ناخد حذرنا
ايتن : مش هينفع ارجع
فريدة : وقفتي ليه ؟
ايتن : في حاجة حصلت
فريدة : استنى هنزل اشوف
ايتن : انزلي طيب
فريدة : مفيش حاجة ، وفجأة ........
فريدة : انتي بتعملي ايه ؟ ايه المسدس اللي في ايدك ده
ايتن : اسكتي خالص
فريدة : انتي اتجننتي ؟ نزلي المسدس ده
ايتن : قولتلك اسكتي
فريدة : انا اختك ... انتي اتجننتي .. نزليه وهنتفاهم لو ضايقتك في حاجة
ايتن : ليه فكراني مجرم قدامك هتأثري عليه وينزل المسدس !!!!!!!
فريدة : هاتي المسدس ده
ايتن بصوت مرتفع : ارجعي
فريدة : ايتن حبيبتي انا اختك توأمك ...... روحك هي روحي .... بتعملي كده ليه ؟ ليه عايزة تقتليني؟ ..... ايه نظرتك دي ليا كأني أول مرة أعرفك لا لا انتي اكيد مش أختي ...... طيب قولي لي هاتستفيدي ايه من قتلي ولو قتلتيني هيلاقوني وساعتها هيعرفوا ان الطلقة من مسدس ميري .. خرجت من مسدس ظابط
ايتن : لأ اطمني لأن ده مسدسي الشخصي
فريدة : يعني انت مجهزة نفسك ؟ نزليه وبطلي جنان
ايتن : انا بكرهك .. كل حاجة حلوة انتي اخدتيها في البيت في الشارع، في النادي ، في الكلية ، الكل بيقولوا عليكي انك ذكية وجميلة .. اومال انا ايه ؟ كأننا مش توأم
انتي طول عمرك انانية ، بتعملي كل حاجة انا كان نفسي اعملها ، بقيتي ظابطة ووصلتي لمكانة انا كان نفسي ابقى فيها .. بيختاروكي في كل المهمات الصعبة دايما حتى المهمة دي وانا بطلع في مهمات عادية
فريدة : ايتن
ايتن : اسكتي مش عايزة اسمع صوتك اسمعيني لآخر مرة في عمرك
ايتن : بابا كان بيحبك اكتر مني وبيهتم بيكي اكتر.. صحيح كان زي ما بيجبلك كان بيجبلي زيك بالظبط لكن من جواه كان بيحبك انتي اكتر ..بيكلم معاكي اكتر عمري ما حسيت انه بيحبني زي ما بيحبك انتي
فريدة : ممكن تسمعيني
ايتن : لأ مش هسمعك تاني ، ده حتى الانسان الوحيد اللي حبيته بجد ومن قلبي حبك انتي
فريدة : ماجد ؟
ايتن : ايوة ماجد بيحبك لدرجة لا تتخيليها وقد ايه كان بيغير عليكي من عمر ، ليه انتي كده... ليه الكل بيحبك انتي وبيكرهني انا ( ايتن تبكي ) كل حاجة انا نفسي فيها بتحصلك انتي ودلوقتي بقى مينفعش احنا الاتنين نبقى عايشين .. واحدة فينا بس
فريدة : ايتن انا اختك .. هتقتلي اختك .. في حد يقتل اخته ولا اخوه .. نزلي المسدس واوعدك هنصلح كل حاجة بينا
ايتن : لأ انا صبرت كتير وخلاص مبقتش قادرة استحمل
فريدة والدموع في عينها : ايتن وقبل ان تستمر .. اطلقت عليها ايتن !!! و اخذت السيارة وتركتها .. يتبع
أنت تقرأ
امرأة في مهمة خاصة
Mystery / Thrillerتدور أحداث القصة عن مهمة سرية مكلف بها خمس ضباط في مدينة الاقصر للايقاع برجل اعمال خطير يقوم بتهريب الآثار خارج البلاد ومن ضمن الضباط فتاتان توأمتان واحدة منهم تقود هذه المهمة ومع مرور أيام المهمة تحدث أحداث لم تكن على الخاطر . Follow 🙏😍 I hope u...
