فريدة : هشوف انا خليك انت .. عمر !!
عمر : صباح الخير .. ازيك يا فريدة ؟
فريدة : تمام يعني انا كويسة .. اتفضل
ماجد : عمر .. اهلا بيك اتفضل
عمر : انا قولت اجي اطمن على ايتن .. عاملة ايه دلوقتي هي ؟
فريدة : بقت احسن عن امبارح .. تعبت نفسك جيت وجايب ورد
عمر : مفيش تعب ولا حاجة .. انا قولت اطمن عليها
فريدة : بس انت عرفت الفيلا ازاي يعني اقصد انا مقولتش قبل كده ليك على العنوان
عمر : ما هو انا امبارح قلقت وكده عليكوا فخليت اتنين من رجالتي يمشوا وراكوا منها يحموكوا لو حصل حاجة ومنها يعرفوا العنوان عشان اجي ازوركم
فريدة : اهاا .. طب دقيقة واحدة اطلع اشوف ايتن صاحية ولا نايمة
عمر : اتفضلي
----------
فريدة : ايتن .. عمر تحت
ايتن : اايه .. وعرف منين ده العنوان
فريدة : هقولك بعدين .. المهم دلوقتي هو جاي يطمن عليكي .. اخليه يطلع
ايتن : لا لأ انا هنزل .
فريدة : تنزلي ازاي والجرح ؟
ايتن : هي الرصاصة في ضهري يعني ولا في بطني دي في كتفي .. هنزل عادي وبعدين ما انا قدامك واقفة اهو
فريدة : طب خلاص .. تعالي
عمر : ايه اللي نزلك وانتي تعبانة
ايتن : دي رصاصة في كتفي الموضوع ساهل .. عادي مش في رجلي ولا في ضهري يعني
عمر : على العموم حمد الله على سلامتك .. جيت اطمن .
ايتن : الله يسلمك يا عمر بيه .. تعبت نفسك
عمر : مفيش تعب .. المهم ان انتي كويسة
ايتن : الحمد لله
عمر : اومال فين هيثم وتامر ؟
فريدة : خرجوا يشتروا حاجات
-------------------
في السيارة **
هيثم : مكنش ينفع نتكلم الا لو خرجنا
تامر : ايوة .. هتتصل به ؟
هيثم : اه
تامر : رد ؟
هيثم : بيرن لسه .. الو ايوة يا باشا
اللواء : ايه الاخبار عندك ؟
هيثم : مش كويسة اوي امبارح عمر كان عازمنا في فندق قولتلك انا .
اللواء : اه ايه اللي حصل ؟
هيثم : حد غريب ضرب نار على ايتن .. اتصابت وخدناها المستشفى
اللواء : ااايه !! اتصابت .. وعملتوا ايه في المستشفى والتحقيق
هيثم : فريدة قالت انها اتصرفت
اللواء : اتصرفت ازاي يعني ؟ عملت ايه ؟
هيثم : سألتها قالت انها اتصرفت خلاص ومردتش اعيد كذا مرة لتشك فينا .. دي طلعت اذكى واخطر مما نتصور فعلا
اللواء : انا مش قولتلك من الاول انها ذكية جدا وقوية الملاحظة
هيثم : مفيش مهمة سرية طلعت فيها الا ونجحت
اللواء : بتختار دايما في المهمات السرية
هيثم : بس فس سؤال في بالي .. مين اللي ضرب ايتن ؟ وعرف منين ؟ انا نسيت اقولك اننا واحنا في المستشفى امبارح فريدة اتصل بيها اللي ضرب ايتن وعارف انها عاملة مصورة وكمان ظابطة وقالها ان هي المقصودة
اللواء : غريبة
هيثم : عمر قال ان ممكن يكون حد من اعداءه قصده هو لكن بعد المكالمة دي قولت اكيد مش عمر المقصود .. اصلي مين كان عارف اننا في فندق
اللواء : حاجة غريبة
هيثم : باشا .. لتكون انت اللي عملت كده ؟!!
اللواء : انا عايز المهمة نفشل اه بس مش لدرجة اني اقتل فريدة ..مش انا طبعا
هيثم : ماشي .. هيبان مين اللي عمل كده اكيد هيظهر تاني بدل هو فشل
اللواء : خليك دايما كده بلغني بكل حاجة
هيثم : حاضر يا باشا .. سلام .
هيثم كان في داخله شك كبير ان اللواء كمال هو الذي وراء قتل فريدة .
-----------------------------
عمر : فريدة انا لو مش وراكي حاجة انا كنت محتاجك معايا في مشوار
فريدة : مشوار ايه ؟
عمر : في فرع تاني للشركة بتاعتي محتاجك تشوفي المكان وتقولي رأيك ووجهة نظرك من ناحية التصوير عشان اعلانات الدعاية
فريدة : مفيش مشكلة .. تحب دلوقتي ولا بكره ؟ انا فاضية
عمر : دلوقتي يبقى افضل
فريدة : تمام
عمر : هستناكي في العربية
ماجد : هتروحي لوحدك؟ ولا اجي معاكي .. انا قلقان منه
فريدة : متقلقش لو حصل حاجة هكلمك .
ماجد : ماشي
----------------------
عمر : وصلنا
فريدة : حلوة الشركة
عمر : عنيكي هي اللي حلوة .. اتفضلي
وقبل ان يدخل الشركة شخص غير معروف قام بالنداء عليه
غير معروف : عمرر ثم اطلق من سلاحه رصاصة اصابت عمر .
فريدة : عمرر !! يتبع
أنت تقرأ
امرأة في مهمة خاصة
Mystery / Thrillerتدور أحداث القصة عن مهمة سرية مكلف بها خمس ضباط في مدينة الاقصر للايقاع برجل اعمال خطير يقوم بتهريب الآثار خارج البلاد ومن ضمن الضباط فتاتان توأمتان واحدة منهم تقود هذه المهمة ومع مرور أيام المهمة تحدث أحداث لم تكن على الخاطر . Follow 🙏😍 I hope u...
