فريدة : ايتن !! ردي عليا يا حبيبتي .
ماجد : لازم نوديها المستشفى
فريدة : انت عارف ايه اللي هيحصل لو روحنا هناك
ماجد : بس اختك اهم دلوقتي .. اتصلوا بالاسعاف مستنيين ايه
عمر : شوفوا بسرعة حولين المكان مين اللي ضرب الرصاص ... على بسررعة
هيثم : مين اللى ضرب الرصاص ؟
عمر : هي ليها اعداء ؟
فريدة : ملهاش
عمر : انا ليا اعداء اكيد انا المقصود
ماجد : فريدة ممكن تهدي وتبطلي عياط
فريدة وهي تبكي : خايفة عليها لتروح مني انا مليش غيرها
ماجد : اهدي
فريدة : ردي عليا يا قلب اختك .. ايتن .
تامر : الاسعاف وصلت
فريدة : برااحة عليها براحة .. انا هركب معاها وانتم ورايا .
امام المشفى ..
طبيب : ايه حالتها ؟
رجل الاسعاف : طلقة رصاص عمرها 24 سنة نبضات القلب شبه مستقرة
طبيب : بسرعة على غرفة العمليات .
فريدة : ايتن .. يارب احميها انا مليش غيرها
ماجد : اهدي يا فريدة
فريدة : خايفة اول مرة اخاف كده
ماجد ومن دون تردد ضمها اليه وفي هذه اللحظة فريدة شعرت بآمان وعمر مندهش وينظر اليهم
ماجد : اهدي خالص انا معاكي
وبعد ساعة ..
الطبيب : مفيش داعي للقلق الرصاصة كانت في كتفها الشمال لكن قدرنا نسيطر على الوضع ودلوقتي هي حالتها مستقرة .
فريدة : شكرا جدا يا دكتور .. ممكن تخرج امتى ؟
الطبيب : ممكن النهاردة او الصبح يكون افضل يعني .. الف سلامة
فريدة : الله يسلمك يا دكتور
ماجد : شفتي بقى اهي بقت كويسة .. موبايلك بيرن
فريدة : الو . وذهبت للتتكلم بعيد عن الاخرين
غير معروف : المصورة فريدة معايا
فريدة : انت مين ؟
غير معروف : مش مهم انا مين .. الف سلامة على اختك بس على فكرة انتي اللى كنتي مقصودة يا ظابطة فريدة !!!
فريدة : الو الو انت مين ؟ رد الو .. قفل
ماجد : مين ؟
فريدة : شخص غريب مش عايز يقول مين وقالى سلامة اختك وانتي اللي كنتي مقصودة يا ظابطة فريدة بس في الاول قالى المصورة فريدة معايا
ماجد : غريبة جدا يعني هو عارف ان انتي في مهمة
فريدة : بالظبط .. انا اللي كنت مقصودة يا ماجد اختى اضربت بسببي
ماجد : فريدة انتي ملكيش ذنب واي حد منا معرض انه يتصاب في اي وقت الحمد لله انها كويسة
فريدة : طبعا دلوقتي الشرطة هتيجي وهتحقق .. هنعمل ايه بقى ؟ وعمر هنا كمان .
ماجد : مش عارف
فريدة : روح انت شوف الوضع ايه وسبني شوية افكر .
ماجد : ماشي .
فريدة : الو سيادة الوزير .. انا في مشكلة
الوزير : ايه الليى حصل ؟
فريدة : خرجنا مع عمر واحنا واقفين قدام الفندق حد ضرب رصاص على ايتن و مكنش فيه حل غير اننا ناخدها المستشفى لو مكناش اخدناها عمر كان ممكن يشك
الوزير : عرفتي مين اللى ضرب الرصاص ؟ اهم حاجة بس هي كويسة ؟
فريدة : كويسة بس معرفناش مين .. من كام دقيقة واحد غريب اتصل بيا وفي اول المكالمة قالى المصورة فريدة معايا وبعد كده قالي سلامة اختك وعلى فكرة انتي اللي كنتي مقصودة يا ظابطة فريدة ومقالش اسمه ابدا يعني كده هو عارف كل حاجة .
الوزير : يبقى اكيد في حد بعته عشان يخلص عليكي واللى بعته عارف كل تفاصيل المهمة .
فريدة : دلوقتي في مشكلة تانية عمر هنا معانا وشوية والشرطة هتيجي تحقق .. ولو قولت حاجة للشرطة ومشت عمر هيشك
الوزير : انا هتصرف انتم في مستشفى ايه ؟
فريدة : مستشفى ( ......)
الوزير : خلاص انا هتصرف
فريدة : وحاجة تانية انا اتاكدت ان اللواء خاين انهاردة وانا في الفندق اتصل ب عمر وقالوا ان الظباط اتبعتوا بس عمر قال انه هيكشفهم بنفسه كالعادة لكن واضح انه معندوش شك فينا نهائي
الوزير : اه عرفت لاني مراقب خط عمر كنت هتصل بيكي بس انتي سبقتيني .. كمال هو اللي ورا الموضوع ده واكيد بعت حد عشان يخلص منك
فريدة : اكيد هو مفيش غيره .. تمام مع السلامة
-------------------------
وبعد ما الشرطة اخذت افادة ايتن
الشرطي : احنا خدنا افادة الانسة ايتن واحنا هنواصل ولو وصلنا لأي حاجة هنبلغكوا
فريدة : تمام شكرا ... عمر تعبناك معانا
عمر : لأ على ايه بس اهم حاجة انها كويسة سلامتها
فريدة : الله يسلمك
عمر : انا هستأذن .. مع السلامة
فريدة : سلام
ماجد : التحقيق ايه اللي حصل فيه ؟
فريدة : انا اتصرفت
هيثم : عملتي ايه يعني ؟
فريدة : اتصرفت يا هيثم اتواصلت مع حد وهو ظبط كل حاجة
هيثم : ماشي .. اهم حاجة عمر ميكنش شك في حاجة .
تامر : بس في سؤال هيجنني اللي ضرب الرصاص كان مين وعايز ايه من ايتن ؟
فريدة : معرفش مين بس هو كان قاصدني انا و واضح انه اتلغبط بينا
هيثم : اااااايه !! انتي ازاي يعني ؟ وعرفتي منين ؟
فريدة : من شوية في واحد غريب اتصل بيا مقالش اسمه وقالى المصورة فريدة معايا وبعد كده قال سلامة اختك وعلى فكرة انتي اللي كنتي مقصودة يا ظابطة فريدة يعني كان عايز يموتني انا .
ايتن وهي نائمة على سرير المشفى : يعني انا اتضربت بدالك وكنت هموت بدالك مش كده
فريدة : بعد الشر عليكي يا حبيبتي الحمد لله انا كنت هموت عليكي
ايتن : هخرج امتى ؟ انا كويسة مش محتاجة اقعد لبكرة
فريدة : هشوف الدكتور .. دكتور دكتور ايتن تقدر تمشي دلوقتي معانا
دكتور : هو يفضل الصبح بس مفيش مشكلة يعني لو خرجت دلوقتي هي حالتها مستقرة تقدر تخرج
فريدة : تمام شكرا جدا يا دكتور
دكتور : واهم حاجة تغير على الجرح طبعا اكيد عارفة
فريدة : طبعا طبعا تمام
في الفيلا ..
فريدة : براحة خالص .. سلامتك يا قلب اختك .. خفت عليكي اوي
ايتن : احنا متعودين يا فريدة
فريدة : ايوة بس اول مرة حد فينا يتصاب قدام التاني .. انتي توأمي يعني روحك هي روحي
ايتن : صح
فريدة : يلا نامي وارتاحي تحبي انام جنبك عشان لو احتاجتي حاجة
ايتن : لا لأ لو احتاجت حاجة هرن عليكي وبعدين دي في الكتف يعني مش للدرجة دي يا فريدة
فريدة : ماشي يا حبيبتي تصبحي على خير .
-----------------------
ماجد جالس في الشرفة ويشرب شئ ساخن
ماجد (بنداء ) : فريدة
فريدة : ماجد .. انت لسه صاحي
ماجد : اه .. تعالي .. شكلك مش كويس .. خايفة مش كده ؟
فريدة كانت صامتة لكن عينها تقول انا احتاج اليك
ماجد : عينيكي بتقول انك خايفة وقلقانة ومحتاجة حد يطمنك
فريدة لنفسها : انا محتاجة انك تطمني زي زمان .. لا لأ انتي قوية متضعفيش انتي القائدة اوعي تعيطي اكتمي جواكي رجعي دموعك ونظرت اليه ثم ادارت ظهرها وذاهبة ولكن ماجد مسك يدها وضمها اليه
ماجد : انا جنبك مهما كانت الظروف اوعي تخافي طول ما انا معاكي هحميكي وعمري ما هسيبك .. اطمني !
مهما كان الانسان قوي ويخفي كل شي يزعجه ويجرحه بداخله ويضحك امام الجميع تأتي لحظة يضعف فيها ويحتاج ان يضمه اقرب انسان له ويقول له لا تخاف أنا معك .. انت قوي لا تسمح لأي شي ان يهدك .. انا بجانبك ولن اتركك !
ماجد : فريدة اتكلمي وقولي اللي جواكي ولو لمرة مينفعش تفضلي تكتمي جواكي كده .. هتتعبي
فريدة لنفسها : انا تعبانة اصلا
ماجد : فضفضي ليا .. هسمعك للاخر .. اتكلمي .. نظرات عينهم الصامتة تقول انا أحبك !! العين تتحدث والقلب ينبض بشدة واللسان يصمت !
ماجد : هعملك شاي وبعد دقائق الشاي جاهز .. نمتي وابتسم .. حملها وصعد بها الى غرفتها و وضعها على سريرها وجلس على الارض ينظر اليها وهي نائمة
ماجد : بتجيبي منين الجمال ده كله ؟ اميرتي .. وهمس في اذنيها وقال بحبك وابتسم
-----------------------
في الصباح ..
اللواء : ايوة يا هاني .. نفذت اللى قولتلك عليه ؟
هاني : يا باشا والله انا مكسوف من حضرتك
اللواء : لتكون فشلت
هاني : انا اتلغبطت بينهم وضربت التانية مش فريدة .
اللواء : انت بتستهبل .. يعني ايه اتلغبطت بينهم .. اومال انا قولتلك ان ليها توأم ليه .. وخليتك تفرق بينهم
هاني : يا باشا الاتنين شبه بعض جدا
اللواء : اكيد طبعا دلوقتي فريدة هتبدأ تدور وتعرف مين اللي ضرب على اختها
هاني : انا اتصلت على رقمها اللي بعتهولي وخلتها تقلق
اللواء : ازاي يعني ؟
هاني : قولتلها في الاول المصورة فريدة معايا
اللواء : وبعدين كمل
هاني : و بعد كده قولت سلامة اختك وعلى فكرة انتي اللي كنتي مقصودة يا ظابطة فريدة .. حاولت اصلح الخطأ بأني اخليها تقلق
اللواء : كويس كده هي هتبدأ تقلق بجد ويمكن تتراجع مع اني معتقدش ابدا
هاني : طب يا باشا احاول تاني واضرب فريدة
اللواء : لأ مش دلوقتي .. لما الوضع يهدى شوية .. ارجع تاني القاهرة .
هاني : حاضر يا باشا .
----------
ماجد : الجرس بيرن
فريدة : هشوف انا خليك انت .. عمر !يتبع
أنت تقرأ
امرأة في مهمة خاصة
Mystery / Thrillerتدور أحداث القصة عن مهمة سرية مكلف بها خمس ضباط في مدينة الاقصر للايقاع برجل اعمال خطير يقوم بتهريب الآثار خارج البلاد ومن ضمن الضباط فتاتان توأمتان واحدة منهم تقود هذه المهمة ومع مرور أيام المهمة تحدث أحداث لم تكن على الخاطر . Follow 🙏😍 I hope u...
