فريدة : انا جيت لحضرتك عشان اقدم استقالتي !!! اتفضل
الوزير : استقالتك ! ليه يا فريدة ؟
فريدة : انا عايزة اختم مهنتي بالمهمة دي .. فقدت اختي ومبقاش عندي طاقة .. محتاجة ابعد وابدأ حياة جديدة .. ارجوك يا سيادة الوزير اقبلها
الوزير : بس احنا كده هنخسر ظابطة من أكفئ الظباط .. صعب
فريدة : أكيد في زي كتير .. احنا 100 مليون .. و اكيد هيكون في ظابطات زي واحسن مني كمان .. انا دلوقتي مبقتش قادرة اكمل وبدل مش قادرة يبقى مش هعرف انفذ شغلي صح .. الاستقالة في مصلحتي .. ارجوك اقبلها
الوزير وهو يبتسم : استقالتك مقبولة ... خليكي دايما عارفة اني قدرتك وحبيتك زي بناتي بالظبط وهتلاقيني موجود دايما اذا احتاجتيني في اي وقت
فريدة : شكرا جدا لحضرتك .. وانا كمان اعتبرتك زي ابويا .. مع السلامة
الوزير : مع السلامة وخدي بالك على نفسك
فريدة خرجت وهي تشعر بفراغ بداخلها .. ضعيفة وضائعة وتسأل نفسها ماذا يخبئ لي المستقبل ؟ ما الذي سوف اعيشه بعد كل هذا ؟ ماذا ينتظرني ؟ الاسئلة كثيرة و لا يوجد اجابات .
مي : فريدة اللي عرفته ده صح ؟ انتي فعلا استقالتي ؟
فريدة : اه
مي : ليه ؟
فريدة : مبقتش قادرة استحمل .. محتاجة ابعد
مي : واللي حصلك مش سهل بردو .. على العموم وقت لما تحتاجيني هتلاقيني موجودة
فريدة : عارفة يا مي .. اشوف وشكم على خير
مي : انتي ناوية تعملي ايه ؟
فريدة : هسافر .. طيارتي النهاردة
مي : وماجد ؟
فريدة : ماجد تعب معايا طول السنين اللي فاتت .. خلاص بقى كفاية
مي : طب مش هتسلمي عليه على الاقل ؟
فريدة : مش هقدر اسلم عليه لاخر مرة .. مش بحب الوداع .. يلا اشوف وشكم على خير .. مع السلامة
وبعد ان ذهبت فريدة .. جاء ماجد
ماجد : مالكوا مضايقين ليه ؟
سيف : فريدة ...
ماجد : مالها ؟ اتكلموا
مي : استقالت وودعتنا ومشت
ماجد : استقالت !
مي : مش بس كده .. دي كمان هتسافر
ماجد : اايه ! امتى ولا فين مقالتش ؟
مي : انهاردة بس مقالتش فين
ماجد : انا هتصرف .
ماجد اتصل بظابط في المطار ليعرف اين ستسافر ومتى ؟
الظابط :ايوة يا ماجد فريدة فؤاد طيارتها فاضل عليها ساعتين وهي مسافرة تركيا
ماجد : شكرا جدا
الظابط : على ايه بس .. سلام
ماجد : في حاجة الاول لازم اعملها
-----------------
في المطار
فريدة واقفة امام باب المطار وهي لاتعرف ما الذي ينتظرها هناك ؟ ثم سمعت أحد ينادي بأسمها .
ماجد : فريدة والتفتت ورائها
فريدة : ماجد !!
ماجد : متسافريش وتسيبيني لوحدي
فريدة : انا مبقتش قادرة اعيش ولا عارفة .. محتاجة ابعد
ماجد : انا هفضل معاكي .. هنعدي المرحلة دي مع بعض .. وهنبعد مع بعض .. اوعدك
فريدة : وشغلك ؟ انا استقالت لكن انت هتعمل ايه ؟
ماجد : طب ما انا كمان استقالت !!!!
فريدة : ااايه !! ليه عملت كده ؟ ليه اتخليت عن حلمك ؟ انت كان حلمك تبقى ظابط لكن انا ده مكنش حلمي كان حلم ابويا
ماجد : انا اتخلى عن كل حاجة عشانك .. مش هسيبك ابداً .. انا بحبك
فريدة : قولت ايه ؟
ماجد : بحبك .. ونزل على ركبته وقال .. تتجوزيني ؟
فريدة تبتسم ودموعها تسقط : موافقة .. وضمها ماجد اليه والجميع في المطار يسفق
فريدة : بحبك
ماجد : يااا .. قد ايه كان نفسي اسمعها منك من زمان .. وانا بموت فيكي .. يتبع
أنت تقرأ
امرأة في مهمة خاصة
Mystery / Thrillerتدور أحداث القصة عن مهمة سرية مكلف بها خمس ضباط في مدينة الاقصر للايقاع برجل اعمال خطير يقوم بتهريب الآثار خارج البلاد ومن ضمن الضباط فتاتان توأمتان واحدة منهم تقود هذه المهمة ومع مرور أيام المهمة تحدث أحداث لم تكن على الخاطر . Follow 🙏😍 I hope u...
