زيجه راس براس

البارت 3

علاء... اتمنه تعدلين الفاضج
الاء... انته الثاني ما تسكت
علاء... اشو ماتعرفين تحجين
الاء... اتعلم منك
إحسان... خويه اتركها هاي من سوالف صاحباتها تتخبل شبيهن وياج
الاء... استغفر الله أستغفر الله أعوذ بالله من الشيطان الرجيم ضليت أستغفر الله لحد ما هديت هاي سوالف غرام جاهله ع كلشي تخبص الدنيا هديت شوي وكتلوو... اسفه لان تجاوزت عليك بس مو قصدي هاي سوالف صديقتي وخبصتني هجمو وهجمو عبالي صاير بيهم شي 
علاء... عادي ماصار شي بس لسانج كضبي
الاء... هسه انتم ماعدكم غير الساني
إحسان... كافي سكتوو
الاء... زين شغلنه شي تره ضوجه
علاء... بس لحظه هسه اشغل النت هيناا ضعيف ما يحمل
الاء شغل اغنيه شيرين ع بالي خيلت راسي يم راس إحسان وضليت ادندن وياها و إحسان مبتسم وهذا ابو صخام عاجبه الوضع وكل شوي كال من اروح فدوه الشيرين وخديجه تردو عجل خلي اخطبها الك هزيت أيدي ناس بطرانه ماعدها شغل وعمل هيه شيرين بس تشوف اخوج تشرد منه بليله العرس والله يا الله وصلنه للبيت نزلت وشفت جهازي يرن لمار رديت عليها .. هلا بالحب
لمار... لا حب ولا بطيخ انتن تبقن هيج يوميه متزاعلات
الاء.... هوووووب هوووب اخذتيني حاصل فاصل بربج تتصل وهجمو هجمو وكفت كلبي
لمار... الاء ليش الزعل احنه صديقات مو  يوم ولا شهر ولا سنه ولج صارلنه 7سنين صداقتنه بس انتي وهاي ام راس يوميه متزاعلات
الاء... اعترف صارلنه 7سنين وصداقتنه تكبر ما تزغر بس هيه هاي وكفت كلبي
لمار... يا عمري لا تتزاعلن احنه صديقات وخوات ليش الزعل
الاء... لا ان شاء الله ماكو زعل وهسه شصار ويه ام قريه
لمار... تحررت بس خسرت هواي جنود
الاء... يلا هسه اني اساعدها باي
لمار... باي
الاء نهيت الاتصال دخلت للبيت البنات كعدن بالصاله واني هم يمهن كعدنه دخل ابو صخام
علاء... ياهي منجن صعدت ع السطح من ركصو الولد
مروه... ولا وحده كلنه سوه يم امي وام مازن
علاء... الحرام بالحرم اذا عرفت صاعدات اكسر روسجن
الاء عافنه ومشى شكد مغرور وشايف نفسوو ليكول بس هوه بالدنيا اسمي كالبو كله روان و روان حته كمت اشك بروحي معقوله اسمي روان خلص العرس و وره يومين رجعنه البيتنه افييييش ياريحه هلي ليكول رجعت للجنه راح اتحرر هناك مااكدر اخذ راحتي لا بلبسي ولا بأي شي ثاني دخلت الغرفتي اوووه شكد مشتاقه الجودي رحت حضنته حيل دبدوبي حياتي مشتاقتلك كومه كووومه اسبوع و3ايام مو يمك ضليت حاضنتو ونمت يمو وكل شوي ابوسوو ليكول ابني من كثر مااحبه الهذا الدب كبير مازن اخذلي  اياه بعيد الحب خليت رأسي عليه ونمت ماحسيت غير ماما تكعدني علمود اطلع اكل وياهم ماردت نمت ماحسيت غير يوم ثاني جسمي متكسر من كثر النوم طلعت للصاله بس امي بابا طالع ومازن راجع الشغلوو
الاء... صباح الخير ياوجه الخير
ام مازن.. صباح النور ياوجه الطاوه جان ضليتي نايمه
الاء... اني وجه الطاوه مشكوره😟😟
ام مازن... لا يمه تعالي اتشاقه وياج شبيج بسرعه تتزعلين
الاء... مابيه انتي تقلدين علي
ام مازن... خاب ولي زعلانه
الاء... وين ريوكي
ام مازن... يا ربوك هيه غده همي نفسج ابوج واخوج ع جيه
الاء... يي يي هاي كايمه رتبت البيت ولو ماما ما مخليه شي بس هيج العب للساعه ب 2  اجه ابوي ومازن فرشت السفره ونكلنه الاكل اكلنه ومازن كل شوي يعاركني ابد ما ارتاحيت منوو يكرص لو يعض مرت الايام مثل ماهيه ماكو جديد الى بيوم ما باقي شي ع عيد الاضحى كاعده ودخل علي مازن اني اعرف بعلاقته ويه مروه لان مره مروه حجتلي كلشي بس هوه عباله مااعرف دخل للغرفه وكلي
مازن... لولو
الاء... هااا مزمز شكوو
مازن... تعالي اريد احجي وياج
الاء... يي كول
مازن... شنو رأيج بمروه
الاء... هااا هنا الحجي مروه مو خوش بنيه ولا تعرف تتصرف واني ما أحبها ليش
مازن... عود صدك تحجين
الاء.. يعني انته تعرف اني شلون احبها وبعدين خاف عبالك ماعرف شنو بينكم لا غلطان اني الاء ما تفوتني فوته الصراحه مروه خوش بنيه واحبها حيل واتمنه تتزوجون باسرع وقت والحجي يحب بابا واكييد ماراح يرفضك بس انته اتوكل ع الله ورح من الباب واخذ اللي كلبك وياها وكلبها وياك قبل لا تروح من إيدك
مازن... شعرفج بعلاقتنه
الاء... عيونكم يا خويه والله مروه بنيه تستاهل كل خير وانته هم تستاهل عيونكم تفضحكم من تكعدون واحد يباوع ع الاخ
مازن... يعني انتي تكولين اتوكل واحجي ويه ابوي
الاء... يي روح
مازن... ان شاء الله بعدين احجي ويه ابوي
الاء طلع مني وضليت كاعده يليل رجع بابا
مازن... اكلك يابه عندي وياك سالفه
ابو مازن... كول ابني شنوو
مازن... اريد اتزوج
ابو مازن... يي يابه بيها الخير خلي امك تشوفلك
مازن... لا حجي اني مخلي عيني ع بنيه
ابو مازن... يي بلا منو هاي
مازن... مروه بنت الحجي
ابو مازن... والله وعرفت تختار
ام مازن... والله خوش بنيه ونعم منها ومن اهلها
الاء ضلو واحد يرفع واحد يكبس ابوي فرح حيل لان يحب الحجي والحجي يحب ابوي وراح تقوه العلاقه ويصير التواصل اكثر ويافرحتهم بيها وبعاي الزيجه ابوي كال باجر نطلع الهم بس هوه وخالي و مازن احنه النسوان مانروح وفعلا يوم ثاني الصبح اجه خالي وراحوو