زيجه راس براس

البارت 24

علاء. عمامي اليوم جايين هين يلا كومي
الاء. وليش يتصلون عليك مو مخلد الجبير بيكم المفروض يحجون وياه
علاء. مخلد دائما جهازو هزاز فما يتصلون عليه وهسه كومي شبيج
الاء كمت بس ما مرتاحه من جيتهم كعدن البنات ضلينه نحضر بالريوك وكملنه كعدنه ناكل كملنه نضفنه البيت الولد اتسوكو للغده كعدنه نطبخ اني اعرف اطبخ بيت اهلي بس مو بكثره يعني النواعم اطبخهم بس من جيت خديجه وريان علمني اطبخ وتحسن طبخي اجو عمامهم كلهم دخلو وسلام وكذا إذن صلينه وصبينه الاكل اخذو للاستقبال واحنه النسوان بالصاله لان ولدهم موجودين موجودين اني طبعي اشبع بسرعه فبسرعه كمت حضرت اسكان الجاي دخلو ولدهم ينكلون المواعين وياهم ولد اول مره اشوفو يطلع بعمر كرار ابن خديجه يريد الجاي صبيتلو الجاي بس ما ارتاحيتلو ابد انطيتو الجاي اخذو وغمزلي بسرعه انطيتو الجاي وطلعت من المطبخ احمد ربي علاء ما موجود جان موتني اذا يدحك عليه من طلعو الولد يلا دخلت للمطبخ والبنات وياي كعدنه نغسل بالمواعين شوي وطلعو كلهم للصاله كعدو احنه كملنه المواعين وطلعنه يمهم كعدنه علاء كاعد يم الحجيه واكون مكان يمو محد كاعد بي كعدت يمو جان عمو الجبير يكول
ناظم. الله بالخير عليكم
الكل. الله بالخير والعافيه
ناظم. مخلد انته جبير هذا البيت من بعد ابوك الله يرحمو المفروض ماتقبل باللي يصير بي
مخلد. خير عمي شنو واصلك حجي علينه
ناظم. خوانك كل واحد مخلي مرتو عند اهلها صارلهم أكثر من الشهر شنو معناها هشام مو هاي اللي موتت روحك عليها وانته حسين كل يوم ماخذ مرتك الاهلها وتاركها وحته انت عليوي مرتك راحت الاهلها زعلانه احمد ربك ما رجعو اختك عليكم بقت بس عليك انته هم تشمر مرتك ع اهلها ويبقى البيت لام طيره
مخلد. عمي سوالف بينه انته اطلع منها ما تعرف سبب المشاكل لا تتدخل
ناظم. واحنه هين علمود نعرف بويه أنتم ولكم بدون نسوان شنو معناها لا يوم ولا يومين لو ما خالكم جاي وحاجي علمود اصير محضر خير وانرجع المي المجاريها انته رجعت مرتك اخذتها وطلعت الدبي
علاء. عمي انته ع عيني وراسي ما تعرف شصار وليش راحن الاهلهن لا تحجي
ناظم. بويه خليكم محضر خير ومالكم غير نسوانكم شكم دوب ام مروان(ريان) تتحملكم
مخلد. عمي انته ما دخلك اطلع منها مرتي مثل ما تخدمني تخدم اهلي وهذا واجبها
جسام عمهم اصغر من الحجي. بس عمي ما يصير ع الاقل كون سبب مقنع مو هيج منا والدرب
علاء. عمي انتم ما تعرفون شنو صار بيتنه يجن يطعنن بعرضي وابقى ساكت الهن ورطن البنيه بسالفه ما تطلع منها و نبقى ساكتين الهن عمي كلشي ولا الشرف تره مو هين سلاحي خليتو برأسها وردت اموتها واخلص وتاليها لعبه منهن منو يقبلها ع نسوانو
هشام. عمي قسم بالله لو تصير اللي ذهب ماريدها يا ناس فهمو نفسي ما تتقبلها كل ماريد اطلكها ابوي يسكتني وترجع للبيت
ناظم. عمي الفات مات وان شاء الله ما تتكرر سوايتهن بس ما يصير أنتم باقين هيج
الاء صار نقاش بينهم آخر شي وايد ما توقعت منهم هذا الشي وخاصه من علاء يي علاء هو اللي سمح الهن يرجعن للبيت هم بس سمعو انو راح يرجعن راحو لبيوتهم طلعو الولد وراهم يودعوهم ودخلو علاء اول ما دخل هجمت عليه. حقير تدري بيهن ماراح يسكتن ترجعين للبيت حرام عليك مااابقى هين هسه تأخذني الأهلي ما ابقى وياك تفهم امشي
علاء. اشششش سكتي ماريد اسمع شي
الاء. ماا اسكت بعد كل اللي عملنه بيه تريد ترجعهن علاء هل مره عدت ع خير المره الثانيه ماتعدي ع خير
هشام. انته منو كلك اريد ارجعها بكيفك تحجي تره كلنه أكبر منك ما تجي تمشي كلمتك علينه مخلد ما قبل يرجعن
علاء. انته تسكت وهسه تروح تجيب عهد(مرته الثانيه اللي تأخذها بالسر) و تجي
هشام. ما تمشي كلمتك علينه
علاء. هشام سوي مثل ما كتلك اكسر خشمها وخلي مرتك الثانيه هين بدون حجي وانته حسين من تجي تخليها مثل الخدامه لا تفكر بيها مره ذلها ذله الجلب(اجلكم الله)
مخلد. انته شنو بالك
علاء. مادخلكم
الاء كرهتو تركتهم وصعدت للغرفه هو صعد وراي دخل للغرفه انفجرت عليه. بس علمود تعذبني راح ترجعهن نسيت شسون وياي اكرهك والله اكرهك طلع بره حقير نذل اناني بس تريد تكسر رأسي رجعتني وسكتتني بيومين بدبي وهسه تريد تذلني بيهن رجعني الأهلي ما ابقى وياك طلكني
علاء مطول وياها بال أريدها تكمل كل اللي بقلبها اعرف حركتي غلط بس اكو بالي سالفه الا اخليهن يهجن من البيت وما يفكرن يرجعن للبيت مره ثانيه اسمعها تحجي كل كلمه تكسر قلبي كل كلمه تنهي حياتي كل كلمه تبعدها عني وكافي كلمه اكرهك كلش كافيه تبين مالي اي مشاعر بقلبها ضلت ساكت عنها حسيت عليها اختنكت وهي تحجي بسرعه سكتتها واخذت جهاز الأوكسجين غرفتي صارت عباره عن نادي رياضي الي ومستشفى ال الاء من اتمرضت سبب مىضها هو ضيق بالتنفس و فقدان طاقه اده الجلطه او غيبوبه سببت عطل بجميع خلايه جسمها المهم اخذت الجهاز وخليتو ع خشمها هي تبعدو ع وجها عصبت منها حيل كمت ع هل تصرفات بعدت الجهاز اعرف ماراح تخليني اخلي او اساعدها تقربت عليها ولزمت ايديها وبقيت اسويلها تنفس اصطناعي هي عنوديه خرب والله تعبتني ضليت لحد ما حسيت انو نفسها رجع هي تدحك علي وعيونها حقد وكره تقربت ع اذنها وهمست. انتي بس أصبري وعيونج اندمهن واخليهن مثل الخدم اللي يخدمنج بس لا تكسرين بيه
الاء ما اهتميت الكلامو بس حسيت بي كاعد يقهر بيه يريد يدمرني بهذا التصرف
علاء. كافي كومي لا تبجين اريدهن يموتن قهر منج اريدج كل كلمه والثانيه تذكريهن انو بسببي رجعن للبيت وانو الولد ما يردوهن وهاي عهد راح تكسر خشم سوسن وانتي هم اوك يلا كومي غسلي هل الدموع
الاء اعرف انو بالو شي واكييد راح يسوي أشياء مو شي واحد بس شنو يريد يسوي وياهن اذا هن حيايه محد يعرف يمته تلدغ هو ضل يحجي وياي بس ما اهتميت وكلبت وجهي عليه هو طلع اني لليل ما نزلت هو صعد للغرفه كمت طلعت من يمو ماريد اروح يم الحجيه ولا يم صفا دخلت الغرفه مروه وقفلت الباب يعني حرام افرح حرام اعيش براحه حرام اتهنه بشي ليش علاء ليش والله حرام عليك ليش تسوي بيه هيج نمت بعدها ما حسيت ع شي غير يوم ثاني كمت طلعت دخلت للحمام ماعرف شكد الساعه كملت ودخلت للغرفه علاء ما موجود آخر همي دحكت ع الساعه ب3 عزه ليش محد كعدني غيرت ملابسي وطلعت نزلت الحيايه موجودات هزيت ايدي ودخلت يم الحجيه وكتلها. شبسرعه رجعتوهن
الحجيه. مالج دخل بيهن خلي يولن
الاء. حجيه انتي ما تحسين يعني يحجن بيه ولعبن لعبه شرف وهسه يرجعن وهن اصحاب راهي
الحجيه. يمه انتي ما عندج ثقه بعلاء اكييد راح يسوي شي ويادبهن
الاء. والله حجيه اللي يعيش بيتكم يموت من القهر
الحجيه. خلف الله عليج بيتنه بس قهر
الاء. والله العظيم حجيه اني شجابني عليكم جنت بيت اهلي مرتاحه وعين الله علي اجيت هين ما دحكت منكم غير المصايب والمشاكل
الحجيه. يمه انتي شبيج كل بنيه تتغير حياتها بعد ما تتزوج
الاء. بس مو هيج تصير ع الاقل تبقى عدها كرامه مو مثل كرامتي انمسح بيها الكاع هو ابنج لو بي خير ما تاركني ع ذمتو واني ما اريدو يطلكني وارتاح منو ومنكم
الحجيه. ياا ولج مصكوعه طيح الله حظج هسه طلع ما بي خير
الاء كمت من يمها بدون ما ارد عليها اعرف ابنها وما تقبل احجي عليه طلعت دخلت للمطبخ ما ماكله شي ع غداي مال امس فتحت الثلاجه مابيها شي يفتح النفس انتبهت اكو سفري ع الطباخ وفتحتو برياني دجاج حبيت اكل منو بس كلت عيب خاف مال واحد من الولد دخلت ريان كتلها هذا مال منو
ريان. علاء جابو بس ما اكل منو
الاء. هو علاء وين
ريان. ماعرف طلع هو و هشام
الاء. يمته رجعن هذان
ريان. امس من بعد ما طلعو عمامهم ناظم راح جابهن ورجع
الاء. شكد اكرهم من بعد هذا التصرف اللي صار
ريان. عادي هم بكلشي يدخلون أرواحهم انتي ما دخلج بي خلي يولون وحته هذان مالج دخل بيهن خلي يولن تعرفين اذا بقيتي انتي وعلاء يتعاملون هيج بحب واحترام راح يحترك دمهن ويموتن بقهرهن
الاء. هه يي بحب واحترام خلي هذا الحجي ع صفحه تره طلعت روحنه من هل حب
ريان. سمعي واخذي هاي النصيحه مني وانتي بعمر بنتي انتي مالج غير رجلج بهذا البيت لا الحجيه ولا اي واحد غيرو راح يحترمج اذا هو ما احترمج انتي انتبهي ع نفسج و ع رجلج وخلي يخليج ملكه وتاج ع روسهن
الاء. الله كريم اخذت السفري ردت اكل بس بارد مو حلو خليتو ع الطباخ وشغلتو شوي وطفيت الطباخ وكعدت اكل شوي دخلت صفا للمطبخ
صفا. هاا صح النوم
الاء ابتسمت وكتلها. هلا
صفا. اليوم نايمه زياده عن الزوم شعندج
الاء. والله ماادري بس الغرفه مريحه وما بيها حركه بسرعه نمت وما حسيت ع شي (كاعد نحجي دخلت سوسن)
صفا. هاا يي احسن شعندج كاعده ماعدنه شي وتعرفين علاء رجع الما يستحن بس علمود يخدمنج بس هن نافشات ريشهن
الاء. حياتي وداعتج هذا الريش اهلسو بأيدي بس صبري علي
صفا. اعرفج حبي اكييد ما راح تسكتين ع حقج
الاء. حياتي اليوم اكو فختايه جناحها راح ينكسر ونشوف شلون بعد تطير وتتعاله علينه
صفا. يااا ولج شراح تسوين
الاء. عمري مو أني غيري هشام راح يسوي مو أني
صفا. الله يستر منكم أنتم
الاء نحجي وعيوني عليها احسها راح تنفجر من غيضها طلعت من المطبخ واني وصفا ضلينه نضحك تقريبا ساعه او اقل اجت سياره محمله اغراض وياهم علاء غرفه نوم وما اعرف شنو دخلهم يمنه فوك خلاهم ينصبوها عرفت هاي الغرفه الهشام ضحكت صفا ثوله ما فهمتها ولا تعرف المنو كملوها وطلعو علاء دخل للغرفه دحك كاعده وما دايرتلو بال دخل للحمام شوي وصاح الاء خاولي من يمج ما رديت رجع صاح معزايه ما تسمعين خاولي ما حبيت اطوخها ويروح يعصب ومالي خلك كمت طلعت منشفه ودكيت الباب فتحو مديت ايدي اريد انطي ما احس غير سحبني ودخلني للحمام
علاء. راح تبقين هيج لو شنو
الاء انثولت جسمو قريب علي وبدون ملابس انفاسو حاره تضرب بوجهي اخاف اتحرك و اصخم الوضع أكثر واكثر كتلو بخوف ع ارتباك. ليش شنو بيه
علاء تقربت ع اذنها وهمست. زعلانه مني لان رجعن للبيت
الاء. ااااا علاء بعد
علاء. احجي بعدج زعلانه
الاء حجه هيج وعضني بركبتي احس جسمي يرجف من قربو جريء بشكل مو طبيعي كتلو. لا ما زعلانه بس بعد
علاء. ليش ابعد مو مرتي
الاء. من تاخذ حقي واعتبرك رجال و سند اكدر اسند ضهري عليه اخليك تتقربلي
علاء عصبت منها حيل كمت ضربتها وكتلها.  أنه مو رجال حيوانه
الاء. لا تعصب انته رجال وع عيني ورأسي بس من حقك دافعلي وتاخذ حقي منهن اعتبرك سند الي وبعدها تعال وما امنعك من اي حق من حقوقك
علاء. لو اريدج ما انتظر حضره جنابج يمته يعجبج تكولين يي ومن ما يعجبج تكولين لا
الاء خفت منو حيل اعرف اذا دخلت هاي شغله براسو راح ينفذها كتلو بنبره حزن. علاء والله انته ما تحس بيه تعرف شسون بيه وهسه رجعتهن وبرضاك شتريد مني مثلا اروح اعتذر منهن لان طلعن من البيت بسببي لو شنو
علاء. حياتي سمعي لا تهتمين الوحده منهن انطيهن الاذن الطرشه
الاء هزيت رأسي ب اي وكتلو. خلي اطلع حباب
علاء.  طلعي
الاء طلعت من يمو احس جسمي نار من الخجل عزه شلون يسوي هيج ابد ما يستحي يعني هسه البس شورت اذا تريد تدخلني وياك مو هيج طلعت من الغرفه   نزلت هو شوي ونزل كاعدين نسولف دخل هشام وياه مره وبنيه و ولد علاء صاح
علاء. كل اللي بالبيت يجون هين اكو كلمه بينه وبينكم الكل اجه ومتفاجئين
هشام. يمه هاي كدامج وكدام كل اللي بالبيت هاي مرتي وهذول جهالي تنسين وانه ساكت وهي متحمله بنت اخوج ماريدها ولا راح أريدها ما عدها كرامه تذل روحها الخاطر اطخ الها رأس
سوسن. حيوان شنو تريد تكسرني بمره ثانيه
هشام.  اششش صوتج ما اريد اسمعو هاي تاج راسج اذا سمعت بيج متقربه منها اكسرج وانعل والديج
سوسن. تفضل هاي الكح... علي والله ما تبقى هين لو أنه لو هيه
هشام. الله ومحمد وعلي وياج بعد الأحسن ارتاح منج
الحجيه. ولك يمه هشيم شنو تمشي براحتك تاخذلك مره وتخلفلك وانته ساكت
هشام. يمه أنه هاي ما تصلحلي مره مااريدها مجبور اتحملها وهاي مرتي و ام جهالي وصار معلوم عدكم عهد مرتي فهمتو لو ارجع اعيد
الاء ادحك ع سوسن شلون راح تنفجر رحت ع عهد وكتلها. هلا حبيبتي نورتي البيت اتفضلي لا تبقين واكفه البيت بيتج
عهد. حياتي هذا نورج وزاد فضلج
الاء اخذت الولد منها وكتلها. شنو اسمو
عهد. منتظر
الاء. نظوري يا نظوري ياحلاتك يا نظوري فداوي لله والنبي
عهد. انتي اكييد اخت هشام
الاء. لا يعمري اني مره حماج اللي هو علاء
عهد. هاا اتشرفت
الاء. الي الشرف حبي
صفا. يعني هذا اللي قصدتي من كلتي ينكسر جناحها
الاء. يي لان عرفت علاء طالع ويه هشام اكييد راح يجب مرتو
صفا. وانتي شعرفج متزوج
الاء. اعرف أشياء هواي انتي ما تعرفينها
صفا. طرباكه مو بنيه
الاء. طرباكه تطربك راسج طركاعه مو طرباكه يا فاهيه
عهد. انتي منو منهن
صفا. أنه اخت هشام يعني حماتج اخاف ما تعرفين صفا منو بس سئلي عني الكل راح يكلج ام المشاكل وايد ما احب نسوان أخواني اكرهن ودائما اسبب الهن مشاكل علمود أخواني يرزلوهم وانه ارتاح
عهد. 😳😳😳
الاء. ولج لا تخوفين البنيه من اول يوم
صفا. ههه لا حبي اتشاقه وياج ابد ما عندي شي وياهن وهاي الاء احبها مثل اختي مروه وريان مثل خديجه بس بيني وبينج سوسن وهديل اكرهن اموووت منهن
عهد. بس شكلها مرتو ما راح تعديها ع خير
الاء. عادي لا تهتمين احنه وياج
صفا. يي لا تهتمين
الاء مرت الايام عاديه سوسن وهديل ابد ما يندكن بينه علاقتي بعلاء عاديه وبارده هو ما يحس بنار قلبي اللي موتتني احترك باليوم الف مره وهو عادي ولا يمو

🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊🕊
علاء راجع من الشغل من وكت تعبان اليوم بيت خالتي ام حنين خطيبه هاشم  عدنه سلمت عليهم وصعدت للغرفه فتحتها وعساني لا داخل ع المنظر اللي كدامي.....

احممممم ليش متاخره اليوم حبايبي صارت وياي دكه ناقصه الصبح كتبت البارت وكلت انشره بدال النشر حذفت ورجعت كتبت وعيوني راحن وعقلي حذف كلشي نسيت شنو كتبت بالكوه يلا كدرت أكتب اللي اتذكرته وبمساعده الكيبورد كمل البارت بخير وسلامه
بنات كل ما اريد أنشر صوره مااكدر والتطبيق ما يرجع يشتغل وبسرعه يطلع من البارت اللي كتبته فأريد انشر صور مقاربه الشخصيات شلون وهاي المشكله صايره فإذا تردون انشرهن ع الانستا كولو

هذا حسابي fatima_kraem

ويا تره شنو شاف علاء بغرفته انتظروني بارت قادم