زيجه راس براس

تعديلات البارت17

هلا نشرت البارت 17 بس طلع بي اغلاط هواي فراح اعدلو
الاء. شسويت بيهن لا تقربت منهن ولا شي
ام هيثم. ولج من كملتي غده مو اجيتي اخذتي الجاي وطلعتي هن ماتن شلون راحت مارجعت تشتغل ويانه وسوسن راحت الغرفه اهلي تريد تخليج تشرفين للمطبخ امي كلتلها زلمتها وياها تركيهم براحتهم وهي أجت هين مثل الثور الهايج وصرتي كح. ام الزلم و نغله كل هذا لان نايمه ويمه رجلج
الاء. عادي خلي ينبحن شسويلهن
ام هيثم. هه يي والله بس ينبحن وانتي ما قصرتي وياهن صوت ضحكم واصل للمطبخ
الاء. عادي سولفنه واتفرجنه مسلسل وضلينه نضحك
ام هيثم. ضحكو يمه ربي يديمها عليكم وما يدخل ولد الحرام بينكم
الاء. أمين كملنه الاكل ومدينه السفره اتعشو وكملو المواعين غسلنهم البنات وكعدنه كلنه سوه يسولفون ويضحكون
علاء. اكول احسان
احسان. كول
علاء. اشو رجعت ع سوالفك اربع وعشرين ساعة لو ع الموبايل لو طالع
احسان. وين اروح بعد لو ويه جماعتي لو ع النت
علاء. والبنيه اللي العام كله تدرس علمودها وين راحت لو كايل الابوي يخطبها الك ويه هاشم
احسان. انساها خويه انساها
علاء. ليش شصاير هي مو تحبك وانته تحبها
احسان. تزوجت ومو بعيده هسه حامل
علاء. وانته شلون تقبلها جان حجيت ورحنه خطبناها الك
احسان. شحجي يا خوي الخذاها صاحبي ومثل اخوي اكلو احبها ما تاخذها
علاء. الله كريم ان شاءالله تاخذ الاحسن منها
احسان. ماكو مثلها وحده ما منها اثنين
علاء. لا اكو وداعتك نسوان هواي وإن شاءالله تأخذلك وحده مثل الاء مو شرط عن حب
الاء. صدك احسان كلام علاء صح تره هواي اخذو عن حب وما ارتاحو اهم شي التفاهم والاحترام
علاء. يي والله صدك طلعتي تفهمين
الاء. لعد شعبالك بس انته تعرف وتفهم لا احسان جديات الدنيا ما توكف ع واحد واكو مثل يكول يروح نعال يجي الف وراه واني مشيت ع هاي المقوله بأهم أشياء بحياتي وانت هم أمشي عليها ومراح تخسر
احسان. ان شاءالله نمشي عليها وهي الظاهر نست حبي الها ليش انه ابقى ع أمل ترجعلي
الاء. يي هذا هو احسن شي لان هي بدأت حياه جديده ولا توكف بطريقها وتخرب حياتها وانت كلتها احتمال هسه هي حامل ضلينه كاعدين بس صفا انزعجت عشو ما عاجبها الحجي شوي وكل واحد راح الغرفتو صعدنه للغرفه ماجاينه نوم اجت صفا ورحت وياها للغرفة
صفا. الاء وتالي وياج
الاء. شكو شبيج
صفا. سلامتج ما بيه شي اريد اعرف انتي تستمتعين بتعذيب احسان لو شنو حررام عليج
آلاء. لا والله وليش اعذبه هو اللي عذبني هو اللي كسرني مو انه بس حبيت اوضحله انو رجعه اله ماكو ليش يبقى عايش بسراب
صفا. انتي وحده خبيثه وحيه
الاء. مقبوله منج مو الخاطرج لا الخاطر الايام اللي عشناها سوه
صفا. لا تسوين نفسج فد شي كلج فد وحده كح... تضحكين ع علاء وانتي عندج علاقه باخ... مامكمله وضربتها راشدي
الاء. احترمي نفسج وخليني محترمتج لا اتجاوز عليج
مروه. بنات كافي
صفا. انتي تمدين ايدج علي ماعشتي وانه بنت ابوي
الاء هجمت علي ولزمتني من رأسي وضلت تعت بشعري وأني هم مروه تريد تبعدنه عن بعض بس صفا جانت اقوه مني ومنها ما نسمع غير صوت علاء
علاء. عفيه عفيه بعد ما تردن تواثي ليش بيديجن شبيجن
مروه. ماكو شي خويه بس هيج يتشاقن
علاء. انجبي ولا تجذبين صفا شبيجن
صفا. مرتك وحده خبيثه وحيه
مروه. احترمي نفسج صفا
صفا. انتي سكتي لا تخليني اطلع المستور وافضحجن اثنينجن
الاء. احجي ما خايفه كافي طلعت روحي تردين اني احجي شنو يريد يسوي مثلا يموتني لو شنو
صفا. يي يي بعد بيني ع حقيقتج حيه كح...
علاء. كافي الاء كدامي للغرفة
مروه طلعت الاء وصفا حجت
صفا. علاء انه بعد ما اتحمل تقبلها تمد ايدها علي
علاء. اكسرها وانعل والديها
مروه. علاء افهم مو بس تضرب بالاء صفا تجاوزت ع الاء والاء ما تحملت وضربتها
صفا. طبعا وياها انه منو حته توكفين وياي هيه الضحت بكلشي علمودج انتي واستاذ مازن تركت بيتها حياتها دراستها وحته حبيبها علمو... مامكمله وقاطعتها
مروه. صفا كافي
علاء. كملي بعد شنو
مروه. ماكو شي هاي ثوله وتجفص بالحجي
علاء بعصبيه. كلت كملي بعد شنووو
صفا. اااا شكلي لصتها ماكو شي طلعت مني بدون قصد
علاء. بسيطه انه اعرف شلون طلعت من الغرفه ودخلت الغرفتي الاء واكفه كدام المرايه رحت عليها حضنتها
الاء. اسفه مو قصدي امد ايدي ع صفا بس هي تجاوزت علي
علاء. الاء سؤال بس تجاوبين بصراحه وبدون كذب
الاء. اكييد اسئل
علاء. قبل لا نتزوج عندج علاقه
الاء انصدمت من سؤاله عرفت صفا حجت كدامه وماريد اجذب وهو عرف احجيها طك بطك وشنو مثل راح ايصير كتلو. الصراحه لو ابن عمها
علاء. اكيد الصراحه
الاء. يي عندي بس قسم بالله ما بينه اي شي مجرد مكالمات
علاء. ليش انه ماعندي علم بهذا الشي
الاء. علاء صعبه ولو بيدي لليوم ما اعترف بهذا الشي بس صفا الله يسلمها فضحتني
علاء. وصفا شعرفها
الاء شكلو ما يعرف منو فكتلو. مره كتلها عنه وبس
علاء. ما تردين تكولين منو
الاء. حبيبي انسى هو راح ومشه ليش نرجع للماضي ونفتح دفاتر قديمه
علاء. تعرفين لو ما معترفه بكلشي جان هسه مشبعج كتل
الاء ضليت ارمش بعيوني . ليش يهون عليك تضرب صديقتك ومرتك
علاء. لا تسوين هيج لكول وحده حوله
الاء. انته احول بس والله اعرف انته ماتقبل وهي جانت علاقه عابره وطيحت حظي هاي العلاقه
علاء. بعدج تحبينو
الاء. لااااا اذا احبو اكتل روحي وانعل والدي طيح الله حظي وحظو وحظ هل الحب
علاء. انسي ابعد ما اسمعج تحجين عنو لا انتي ولا البنات
الاء. ان شاءالله
علاء. ليش هاي المكاون بينج وبين صفا
الاء. الهذا السبب صفا تكلي انتي وحده كح.. تضحكين ع اخوي وانتي عندج علاقه بواحد ثاني
علاء. امشي كدامي
الاء. وين
علاء. ماريد تتزاعلن لا انعل والديجن
الاء عقدت حواجبي اعرف هسه تعالي اعتذري ليكول اني الغلطانه اخذني من ايدي ودخلي الغرفه صفا
علاء. يلا اتصالحن وماريد مشاكل بينجن لا والله اعرف شلون اتصرف وياجن واخليجن تمشن عدل
الاء. اسفه مو قصدي اضربج بس انتي اتجاوزتي واحنه خوات وصديقات ما بينه زعل اكيد
صفا. وانه اسفه بس تعرفين من ادحك عليج شلون علاقتج بعلاء وانتي قبل تحبين غيرو انقهر ع اخوي
الاء. ماكو داعي الكل هذا بس الحياه نصيب وكل واحد ياخذ نصيبو واني نصيبي اخوج
علاء. اتصالحتن امشي نامي تصبحن ع خير
الاء طلعنه من الغرفه اعرف علاء ما بلعها صعبه بحقو يعرف مرتو عدها علاقه قبل زواجها بس مو مشكله اهم شي اعترفت بكلشي تمددت ع التخت وهو يمي بس ما يعرف ينام بس يتحرك كتلو. بيك شي
علاء بعصبيه. الاء نامي ماكو شي
الاء دحكتو معصب سكتت ونمت ماحسيت غير يوم ثاني هو ماكو انتبهت للساعه ب10ونص كمت دخلت للحمام اخذت شاور وطلعت شلون انزل مشيت للمحجر كضبتو وضليت انزل ع مهل مثل الطفل اول خطواتو وصلت للنص طلع بوجهي علاء ابتسم بتسامه خفيفه اوووه الحمدلله ما زعلان اخذ ايدي وسندني اكمل الدرج نزلنه الناس كلها مخبوصه اللي يطبخ واللي يعدل بالبيت ووووي وي هوسه ناسهم خير من الله عمامهم كومه وعماتهم وماعرف شنو يصيرون منهم هم موجودين كعدت بالصاله يم أمي هو رجع صعد شوي ونزل بيدو فلوس يعدهم مستعجل طلع بسرعه شوي ودخلت مره وياها اطفال اثنين صغار ودخل وراها هشام راح حجه ويه الحجيه وطلع رحت ع الحجيه كتلها. يوم منو هاي
الحجيه. وحده ويه هشام بالشغل
الاء قصدج مرتو والله يالله يا غافلين الكم الله بعدني يم الحجيه ما حس غير صوت علاء واكف وياها ويحجي الدم صعد الراسي وكفت وتخوصرت هو انتبه إلي ضحك ورجع يحجي وياها صدك ضجت منو كعدت يم امي وضليت اسولف وياها صار الغده كعدت بغرفه الحجيه ضليت اتصفح بالجهاز دحكت علاء دخل للغرفة ما اهتميتلو
علاء. نزلي اتغدي
الاء. ماريد سم الحسن
علاء. شبيج عاكده النونه منو وياج
الاء. علاء اطلع بره مالي مزاج بشي وماريد احجي
علاء. يا عمري شنو صاير منو مزعلج احجي
الاء مارديت هو شافني اتجاهلتو تركني وطلع ابو الراهي يتجاهلني وهسه امشي وياي طبيعي والله يا علاء انته مريض نفسي ضليت كاعده والاكل بالارض دخلت جنات
جنات. الاء هذا الاكل الج
الاء. اذا تردين اكلي ماريد
جنات. بس انتي ما اكلتي
الاء. حبيبتي اخذي ماريدو مااشتهي
جنات. اوك بأي
الاء. عشتو تحجين انكليزي باي تركتني وراحت شوي وصارت هوسه اللي تغسل الجهالها واللي تغير ملابسها واللي واللي واني كاعده بالغرفه دخلت خديجه
ام هيثم. ياا ولج معزايه ما تكومين
الاء. ماروح
ام هيثم. وليش بلا ما ترحين ما تكليلي منو راح يبقى هين كومي
الاء. مااريد عساني بموت ولا هاي العيشه
ام هيثم. ولج شبيج اليوم انتي والموت
الاء. اخوج المحترم كاعد ودك سوالف ويه مره اخوج ولا كأني موجوده
ام هيثم. وعادي مثل اختو ويسولف وياها
الاء. ليش هو يعرفها عايش وياها يعرف اصلها من فصلها
ام هيثم. انتي ع منو كاعد تحجين يا اخو منهن
الاء. هاي مره هشام عشتوو ماادري شنو شايف بيها
ام هيثم. علاء وسوسن يضحكون هاي يمته اني ما دحكت شي
الاء. شوف هاي الثانيه بابا يا سوسن منو جابها يمنه
ام هيثم. عجل غير هيه مرتو الهشام
الاء شكلي لصتها. اااا يي هي هاي العوبه سوسن كاعده هي واختها يتمضحكن وياه وهي ماخذو الواهس وياهن
ام هيثم. يلا كومي لا تتزعولين هسه خلي يخلص العقد وزعلي
الاء. ماروح مالي مزاج بشي
الحجيه. وين ماترحين
ام هيثم. الله جابج يمه هاي زعلانه ع علاء وما تريد تروح
الحجيه. وليش زعلانه كومي يمه كومي
الاء. ما اروح حجيه مالي مزاج شي وتعبانه
الحجيه. الخاطري يمه كومي
الاء. استغفر الله كمت والحجيه ضحكت يي شعليكم انتم خديجه تمشي وياي وصلنه للدرج رجلي ماكدر ارفعهم الدرجات مالاتهم عاليه شوي
ام هيثم. هاا تصعدين لو ماتكدرين
الاء. احاول اصعد
ام هيثم. يي تعلمي شوي شوي
الاء رجلي ما تساعد اصعد كعدت و من كل عقلي ضليت ابجي
ام هيثم. هااي شبيج الاء
الاء ما احجي بس ابجي خديجه خطيه انصرعت ماتعرف شنو تسوي البنات اجن يردن يسكتني بس اني نافوره وانفتحت خديجه اخذت الجهاز وتتصل ع علاء وعلاء ما يرد اكيد عبالو اريدو او محتاجه منو شي هيثم دخل للصاله دحك امو اجه عليها
هيثم. شصاير يوم
أم هيثم. خالك علاء وين
هيثم. بره بالحديقه كاعد الاء شبيها
ام هيثم. روح كلو خلي يجي هين هاي مادري شجرالها
هيثم. هو كلي دخل دحج شصاير داخل هسه اروح اكلو
ام هيثم. روح يمه بسرعه راح هيثم شوي ورجع دخل ويه علاء كتلو. حدر خوي دحج هاي شبيها
علاء. ول ياب الاء شبيج ليش هل الدموع كومي بابا كومي
الاء.بعد عني اكرهك كلو منك انته الله لا يوفقك بعد
علاء. شبيج يا عمري منو وياج كومي
الاء. ماريدك بعد لا تخليني اموت روحي واخلص روح رووح
علاء كعدت يمها و حضنتها وضليت امسد ع راسها واقرا ايات وهي تبجي ضليت ع هذا الوضع تقريبا عشر دقائق حسيتها ارتاحت رفعت راسها ومسحت دموعها وكتلها. ليش هيج الاء شبيج منو مزعلج
الاء. انته
علاء. انه ليش شسويتلج انتي اليوم كالبه وجهج علي كولي غلطان وياج احجي
الاء تقربت يم اذنو وكتلو. تحجي ويه مره هشام الثانيه وتضحك ولا كاني موجوده
علاء. وليش تغارين منها
الاء بثول. يي اغار عليك ماريد تحجي ويه بنات
علاء. ليش تغارين تحبني
الاء. لا ماكو هيج شي لا تحجي من كيفك
علاء. عجل ليش تغارين اذا ما تحبيني
الاء. أغار عليك يابه انته منو تدحك بوجهك هي يالله
علاء. يلا كومي لا تناخر
الاء صعدني للغرفه ماريد اروح مالي مزاج بس شلون دخل هو للحمام اني حضرت ملابسو وملابسي طلع هو دخلت بسرعه اخذت شاور وطلعت هو ع نفس وكفتو كدام المرايه بالشورت اكييد اكو حسبه بالو إنتبه علي طلعت دحك علي وابتسم يالله شكد حلوه ابتسامتو كتلو. شلوني
علاء. كالعاده تجننين
الاء. صدك
علاء. يي حلوه يلا كملي لا نتاخر
الاء. ماعندي شي بس ارتب مكياجي وحجابي
علاء. اوك يلا بسرعه
الاء رتبت وجهي بمكياج خفيف كالعاده غير بعدني بنت البيوت ما اخلي مكياج اوفر لا خفيف كملت بسرعه هو لبس دشداشه جوزيه وشماغ جوزي وساعتو و محابسو انتبهت النفسي ماكو ولا قطعه اكسسوار بيدي غير الحلقه فتحت الكنتور العلبه مال الذهب ماكو ضليت ادور ماهي إختفت علاء انتبه علي
علاء. شبيج شنو ضايعلج
الاء. الذهب مالتي ماكو
علاء. اتذكري وين خالتهم ما يختفوف
الاء. ويه ملابسك خالتهم من العرس امي كلتي اضمهم واني ما لبستهم بعد
علاء. تلكيهم منو يدخل للغرفه غيرنه
الاء ضليت ادور ماكو فص ملح وذاب علاء كلي تركيهم بعدين ندور عدل نزلنه هو طلع واني ضليت واكفه ويه خديجه نسولف شوي وكالو يلا نطلع طلعنه كومه سيارات واكفات
علاء. هين حجيه حدري هين وياي انتي والاء
الحجيه . يي يمه وياك امشي يالفاهيه
الاء. شبيج علي حجيه رحنه السياره علاء الحجيه كعدت يمو واني وره شوي واجت صفا كعدت يمي و ازل هم ويانه الكل صعد بسيارات وحركن وعلاء طلع ع الرغم هو شخصيه بكل شي ما عده السيارات يتخبل من يصعد بيها يمشي سريع ويكسر ع اللي وراه الحجيه تحجي عليه ما عاجبها سياقتو اما اني احب السرعه اشجعو واكلو اسرع بعد وهو يضحك ما قلل سرعتو لحد ما الحجيه عاطت بي يلا كام يمشي شبه طبيعي شغل اغاني وضل يغني ويه الاغنيه شكد حلوو فرحان يمكن حته بزاجنه مو هيج فرحتو اني ابتسمت ع بسمتو وصلنه البيت خالتهم دخلنه بيتهم حلو ومرتب هاا نسيت اكلكم علاء سمحلي اطلع بدون عبايه اسلاميه ع الرغم بايام الخطوبه كال البسو بعد العرس بس كلو حجي لان لبسي حلو مو ضيك وجسمي مفصل من الملابس وحته قبل لا اطلع اذا ما يعجبو اغيرو بدون نقاش وكله ملابسي اكبر برقم او رقمين من قياسي كلو علمود مالبس عبايه البنات طشن كعدت يم الحجيه صوت الأغاني عالي صدع راسي من الاغاني ما احب الضجه احب الهدوء شوي وكالو راح يعقدلهم الشيخ اخذوها عقدلهم ورجعت كعدت اتذكرت اني ما عشت كل هذا بيوم خطوبتي حرمت نفسي من كلشي من عقدلي الشيخ اختنكت ما فرحت كرهت بيومها علاء ومن كعد يمي من لبسني الذهب كلشي كرهت بيومها حته بعد الحفله ماكعدت وياه نمت ماحسيت غير ع صوت عمتي تهلهل دخل هاشم كاشخ ويضحك كعد يمها كمت وكفت يمهم هاشم دحك علي وكال
هاشم. تعاي مرت اخوي الجديده
الاء. لا يابه صرت قديمة هسه حنونه هي الجديده
هاشم. لا ولج شنو بعدكم بالباكيت انتي وعلاء
الاء. باكيت مشكك ومنعول والديه
هاشم. افاا منو مشككو خلي انعل والديه
الاء. اني شنو تنعل والدي تره ابوي بره
هاشم. ولج بعدج تحتمين بابوج هسه علاء هو الكل بالكل انسي اهلج
الاء. انشوف مرتك تنسى اهلها لو لا وهسه يلا عيش ساعات الخطوبه وغمزتلو ضحك وضل يسولف ويه حنين بعدها لبسها الذهب واكلو كيك وشربو عصير من راد يطلع ضليت ادفع بي بالباب كلي
هاشم. بس انتي ثقه وما تفضحيني صوريها
الاء. شعرفك اني ثقه وداعتك اني اخبار التاسعه افضحك فضيحه الله واكبر
هاشم. اعرفج ما تسويها
الاء. من عيوني مو بس اصورها صور لا فيديو بعد تريد شي أمر خدمه
هاشم. بداعتج ركزيلي ع اللي بالي بالج ماكدرت ادحك عيب من الناس
الاء. عيب من الناس بس مني مو عيب مو
هاشم. لا مو عيب بيني وبينج منو يعرف غيرنه
الاء. أن شاءالله بعد اكو شي اذا تريد اخليها بالجنطه مالتي واجيبها الك
هاشم. تسوين فضل
الاء. اثكل عيب لا تصير ملطلط يلا روح راح وإني دخلت اضحك وكفت يمها أخذتلها صور اجت امها ماتقبل اصور كتلها اريد اسحبهم واخليهم بغرفتها سكتت ما حجت اخذتلها هواي لقطات واهم شي اللي هو يريدو طالع صورتها فيديو وهي تسولف ويه البنات وتضحك حفظتهم ورحت يم الحجيه خديجه كاعده يمها وكفت يم خديجه وحده من النسوان اللي كاعدات يم الحجيه كالت
ام سجاد. صلوات ام هيثم ازل كبرانه ما تزوجينها
ام هيثم. كلشي بالقسمه خيه اذا تجيها قسمه زينه نمشيها
ام سجاد. ما شاء الله كبرانه وحليانه ومتغيره
ام هيثم. عجل غير كبرت تتغير ما تبقى مثل الاول من جانت طفله وانتي صارلج سنين ما تبينين مختفيه
ام سجاد. سمعي خيه انه ابن اختي يريد يتزوج وما شاء الله بنيتج خلق وأخلاق
ام هيثم. الله كريم خيه هي شورها بيد ابوها مو بيدي
ام سجاد. يي خيه رجعيلي خبر علمود اكلهم عليها
ام هيثم. ان شاءالله اكلج الاء صفا وازل وين
الاء. يم حنين كاعدات
ام هيثم. عجل انتي ما ترحين يمهن
الاء. ما بيه هناك هوسه ناس فوك ناس
ام هيثم. يي والله صدك كعدي لا تعتكفين بهل الهوسه
ام سجاد. يعني هاي مو ازل
ام هيثم. لا خيه هاي الاء مره علاء اخوي
أم سجاد. هاي البنيه المريضة
ام هيثم. يا شبيج منين مريضه هاي هي كدامج عين الله عليها منين اجت مريضه
إم سجاد. احنه اهل وبسرعه تطلع الاخبار مو طاحت عليكم شهر لا هي ميته ولا هي عايشه
ام هيثم. خيه ما بيها شي بس شوي تعبت وصار عدها فقر دم حاد وطلعت من البيت الكربلاء والطريق تعبانه ومن راجعين علاء طلع البغداد واحنه عبالنه نايمه طلعت واكعه بالحمام شبيها مريضه
ام سجاد. والله الناس تحجي هذا اللي يكول بيها صرع وهذا اللي بيها مرض خبيث واللي يكول جلطه ووووو ناس تحجي اشكال والوان ومحد يعرف الصدك من الجذب
ام هيثم. اسم الله عليها خيه شنو هل الحجي البنيه مابيها شي بس اغماء وجسمها ما استجاب للعلاج طلعتو كل هاي الامراض بيها
الحجيه. خيه البنيه تعبت وصابتهم عين ما صلت ع النبي وراحت بيها هل البنيه بس علاء يحبها وماتركها لحظه وحده بالمستشفى وحدها حته اخذ اجازه بدون راتب علمودها والحمدلله هاي هم ياحلاتهم ضحكتهم ماليه البيت
ام سجاد. الحمدلله خيه خو انتي حظج كاعد ويه إلجناين كلهن معدلات من ريان الحنين
الحجيه. ع نياتكم ترزقون وانه نيتي صافيه شريد من الدنيا غير راحت ولدي وبناتي هاي ام هيثم مرتاحه ويه ابو هيثم و مروه الحمدلله مرتاحه ويه رجلها
الاء يمه هاي شنو من ناس ع كلشي تسئل هاي المريضة مرض بغراضج كون ام راس شوي وطلعنه رجعنه للبيت الحجيه دخلت للمطبخ مو من عادتها تدخل للمطبخ الدنيا زوال طلعت بخور وشغلتو وكعدتنه كلنه نسوان وزلم خنكتنه بي تبخرنه وتكول اللهم ارد كيد نسيمه بنت نعيمه في نحرها عين الحاسود بيها عود عين الحاسود بيها عود تردد هاي الكلمات واني اضحك عليها علمود هاي داخله يا حجيه صدك جذب اني ايدي ع خشمي
مخلد. يمه كافي دخنتينه راح نختنك من الريحه
الحجيه. اسكت انته اليوم هاي ام راس ام سجاد خلت عينها عليكم وانتم تعرفوها عينها حاره بالمكان
مخلد. يمه شلج بهل سخافه عين ومدري شنو
علاء. يي والله يمه شنو هاي الخرافات وخزعبلات عين ومدري شنو الكاتبو الله يصير شنو هل حرمل والدخان تمنع اراده الله
الحجيه. ميخالف يمه بس خلي ابخركم واليوم اربعاء زين البخور بالبيت
الاء. حجيه رحمه الاهلج كافي
الحجيه. هاي خلصت كومو صلاة
الاء يمه طلع بسرعه اتفس يابوي حجيه تصدكين بهيج شغلات كعدت شوي بره وبعدها دخلت صليت وكملت دخلت للمطبخ ويه البنات حضرنه العشه سمعت صوت علاء طلعت بدون كلام اخذني وصعدنه للغرفه
علاء. انتي وين خليتي اخر مره
الاء. من العرس بعد ما لبستو امي كلتلي خلي بين ملابسكم واني خليتو وبه ملابسك اصلا اليوم يلا تذكرتو
علاء. لان فاهيه اكو واحد ينسه وين يخلي شغلاتو الغاليه
الاء. اني شنو بيدي اشو ماكو مناسبه حته البسو حته حرام بمحرم البس ذهب واتزين
علاء. يلا دوري خلي نشوف وينو
الاء ضلينه ندور اثنينه الغرفه نبشناها نبش ماكو فركشنه كلشي علاء صعد ع كرسي يدحك خاف فوك الكنتور ماكو الملابس قطعه قطعه ندورها ماكو علاء عصب يكول اول مره يختفي شي من غرفتي وين راحو اني خفت منو اعصاب اخاف يضربني تقريبا نص ساعه واندكت الباب فتحتو علاء
صفا. علاء ابوي يكول تعالو اتعشو
علاء. اكلو انتم احنه ما نريد
صفا. بس الاء من الصبح ما ماكله شي
علاء بعصبيه. شنوووو كلت
صفا. اوك براحتكم
علاء. فاهيه وين يرحن انتي أغبه بنيه عرفتها بحياتي
الاء. كافي علاء اني شبيدي شعرفني راح يختفن
علاء. لو بيج خير ما تخليهم وين ما كان
الاء. يي يلا ما بيه خير وما افيد بشي اني والحايط سوه خليت الخير والعلم والمعرفه بس الحضره جنابك المحترم
علاء. الاء احتررمي نفسج
الاء. ما احترم صارلك ساعه تصيح وتهين واني ساكته من حجيت صرت مو خوش مو
علاء. انتي الكعده وياج تكصر العمر اطلع احسلي
الاء. واني ما اريدك وهسه ارجع ويه أهلي سديت الكنتور بقوه ومشيت للباب هو طلع قبلي وقفل الباب ضليت ادك بي واصرخ افتح الباب حقير ماريدك طلعت روحي منك
علاء. سدي حلكج وانطمري ماريد اسمعلج صوت
الاء. افتح الباب علاااء بابااااااااا ضليت اصرخ وهو اسمع ضحكتو يم الباب هو موتو ولا اكلو ارجع ويه اهلي لو اريد أهلي ما اريدك ضليت ادك بالباب وابجي اموت من المكان المقفول او اظلم ومابي ضوه أخاف ضليت كاعده يم الباب هو اختفه صوتو أكيد نزل