زيجه راس براس

اللي ما طلع عدهم بارت 18 هذا هو رجعت نزلته

علاء. هاا بعدج زعلانه وكاعده ع التخم
الاء. هاا لا بس اريد ادخل للحمام وانت دخلت
علاء. كومي يلا
الاء دخلت للحمام غيرت ملابسي وطلعت هو نايم ع التخت وفاتح الابتوب دحك طلعت من الحمام
علاء. حدري هين
الاء اتقربت عليه وتمددت يمو. علاء سؤال

علاء. سئلي
الاء. بس شوي محرج ومااعرف شلون اسئل
علاء. احجي عادي لا تخلين مني
الاء. ليش ما تممت زواجه لليوم و احنه صارلنه هواي متزوجين
علاء. ليش تردين يمت ماعندي مانع
الاء. لا مو هذا قصدي بس حبيت اسئل
علاء. انه اكلج ليش اول شي انتي بعدج زغيره وانه ما مستعجل ع شي وثاني شي احنه محد يعرف الثاني شلون اخذج غصب عنج وتردين الصراحه بليله العرس انه كنت ناوي اغتصبج لان تعرفين شنو السبب ماكو داعي اذكر السالفه بس من دخلت للغرعه وانتي ماكو انزعجت وماعرفت شنو اتصرف من فتحت الكنتور دحكتج نايمة والدمعه ع خدج عرفت اكو شغله صايره وياج او منزعجه من شي صاير ماحبيت اتقربلج الا برضاتج واكثر من مره اتقرب منج وانتي تعترضين ومن عدها تمرضتي انه كلت ما اتقرب منها وهي هاي حالتها بس ليش تسئلين تردين عادي رجلج والج حق وانه مو حارمج هياتني وموجود يمج
الاء خجلني بكلامه واني بكل غباء اكو وحده تسئل هيج سؤال. هاا لا بس هيج حبيت اسئل ما قصدي شي
علاء. لا تخجلين الاء انه صرت نصفج الثاني يعني انه وانتي واحد اليوم لو باجر لو بعد سنه ابقى زوجج ويجي يوم نتمم هل زواج بس بالوكت المناسب مو هسه
الاء. زين سؤال ثاني
علاء. اليوم شجاج ع الاسئله بس يلا سئلي
الاء. اذا ماتريد تجاوب عادي
علاء كمت طفيت الاضويه ورجعت يمها حضنتها وكتلها. اسئلي من الحين الباجر كل سؤال تلكين جواب الو
الاء. ليش علاقتك ويه هيثم و اسعد و مروان وكرار قويه شنو السر وانته عم اسعد ومروان وخال هيثم وكرار
علاء. انه اكلج ليش لان هم مراهقين مو بس هم حته البنات واحسان علاقتي بيهم مثل صديق هسه عندج مروه عبالج ما اعرف بعلاقتها ويه اخوج قبل لا يتزوجون لا اعرفها بس ما جنت اعرف مازن معرفه شخصيه بس من اجيتو الهين عرفتو اتصرف وياها مثل صديقتها مو اخوها لان اذا اكلها لا ما يصير لو شي اعرف راح تعملو ويمكن تتعمق ويصير بينهم حرام تركتها ع هواها بس كلشي اعرف عن علاقتهم اما احسان قبل كله يحجي عن حبيبتو بس ما يكول اسمها اللي عرفتو انو هي من اقاربنه بس من بعيد فما يقبل يكول منو هاي البت اللي يحبها وانه ما اجبرو ايكول تصدكين العام كله يدرس بس لان هي شاطره وابوها يريدها تكمل بس للاسف اتزوجت وهيثم وكرار مروان واسعد هذول صح ولد اختي ولد اخوي بس انه صديقهم
الاء. حبيت علاقتك وياهم أمممممم زين واني شنو علاقتك وياي
علاء. قبل لا اكون زوجج انه اخوج وبعد اخوج صديقج وبعدها يمكن حبيبج وبعدها خطيبج وبعدها يلا اصير زوجج
الاء. اممم خوش تخطيط حبيت
علاء. زين انه شنو بالنسبه الج
الاء. ماعرف علاء انته واحد تفكيرو تفكير يهود فانته يهودي مااعرف اتصرف وياك ولا اتعامل انته مختلف كليا عني اني هادءه انته عصبي منتبه الصوتك اعلا من صوتي بالف مره اذا اريد اقارن روحي وياك اكو فروقات هواي التفكير العمر الشكل البيئه وووو كومه
علاء. انه يهودي خلف الله عليج دحكي يابه انتي امشي وياي عدل اخليج ع راسي انتي ما مقصره بشي مريضه وتخدميني مايوم دخل للغرفه ولكيتها مو نضيفه طبعا ما عده اليوم بس اعديها وما يوم دخل للبيت اذا ما تلكيتيني الصبح من اطلع انتي كاعده اكلي موجود ارجع ابتسامتج تنسيني كل تعبي حته وانتي زعلانه تخدميني ملابسي يوم بيومو ينغسلن ويتنضفن كوي وينصفطن بالكنتور صح مرات تتجاوزين بس مو بكيفج لان عقلج لسه ما يستوعب وانتي تجفصين بالحجي يعني اكو وحده تكول ع زوجها خليت الخير والمعرفه بس الحضره جنابك هاي لا صايره ولا دايره عديتها وكلت طفله اكبر عقل بس انتي ثوله الصبح ام هيثم تجي يمج تريد تساعدج تطرديها من الغرفه ليكول وحده خبله شاكول عليج امي اتصلت علي وكلتلي قبل لا اجي للبيت رحت البيتها واعتذرت منها وكتلها تمسحها بوجهي وانتي مو بقصدج تسوين هيج سويت نفسي مااعرف شنو صار بيناتكم وكلت هيه تحجي واناي اعترفتي بنفسج انو عملتي هيج وياها بس الاء مو كل مره تسلم الجره اليوم ويه اختك باجر تسويها ويه أمي لو ابوي اكييد ما اسمحلج تسويها اكسر راسج
الاء. بس علاء اني مو قصدي اسوي هيج وحته مادري شلون سويت هيج ما جنت بعقلي
علاء. اعرف انتي مو قصدج تسوين بس محد يكول مو قصدها كلهم يكولون تطرد باختو من دارو
الاء. علاء ليش الناس بكلشي تتدخل ليش ما نكدر نعيش ع راحتنه اني تعبت انتم كل واحد بهل بيت يدخل بالثاني مو حلوها هاي تره
علاء. بعدج بالبدايه ما دحكتي شي اصبري فد سنه و تعرفين شلون يصير التدخل ع المظبوط
الاء. تخيل اليوم وحده جانت تحجي ويه خديجه من عرفتني مرتك تكلها مو هاي المريضة بصرع مادري مرض خبيث
علاء. عادي انه هم مريض مو بس انتي مريضه
الاء. يعني وحده بوحده
علاء. يي وصدك من باجر تضلين تصعدين الدرج وحدج علمود ترجعين طبيعيه ومثل قبل ورده
الاء. كول والله
علاء. يي والله حياتي انتي لازم ترجعين مثل قبل انه بهاي الايام راح تكثر واجباتي واصعد للدوام اسبوع او اكثر انتي شلون بيج
الاء. يي حباب لان صدك مليت اذا انت مو هنا اني اضوج ابقى جوه
علاء. ان شاءالله خلال اسبوع او اسبوعين ترجعين وها جهاز المشي لا تركينو استمري عليه واو راح تنكطمين بس هسه رجعي شوي مثل قبل الا اسويج فيل
الاء ضحكت ع كلامو بقيت بحضنو احس بأمان صدرو دافي نمت بسرعه مرت الايام طبيعي بس الحجي يوم عن يوم يتعب اكثر علاء بين الشغل وبين الحجي وبيني خطيه حسيتو تعب اني احاول اخفف عنو بس يبقى ياكل بنفسو ابو يتعب اكثر انتكس وضعو اكثر من قبل اسبوعين علاء تعبان وليلو ما ينامو كل شوي ينزل يم ابو ويدحك ع حالو ما ينام غير بعد صلاه الفجر ويكعد يروح للشغل حته مو ساعتين ينام من يرجع يكعد يم امو وابو اني مرات اكعد يمو ومرات لا اكول يمكن اكو مواضيع يحجون بيهن اني مالي دخل فاكعد بالصالة يوم خميس ليله جمعه علاء رجع من الشغل راسو يوجعو صعد نام ماكعد غير بليل زايد الوجع حتاريت شنو اسوي انه بهيج مواقف انثول ضليت حايره سويتلو عصير طبيعي اخذو الحواجب معقوده نزلت للحجيه كتلها اريد حب راس و فاليوم انطتني اخذتو وصعدت للغرفه انطيتو اخذهم وره نص ساعه نام ضليت سهرانه يمو اخاف ترتفع حرارتو ماكدرت أنام هاي اليله للاذان كمت صليت وكالعاده كعدت اقرأ قرأن ما احس غير علاء تمدد يمي وخلا رأسو. ع رجلي وأخذ ايدي وخلاها ع راسو
علاء. كملي مخنوك والقران يريحني بصوتج
الاء. من شنو مخنوك صاير شي
علاء. ماعرف بس تعبان واكو فد شي كاعد ع صدري خانكني
الاء. سلامتك ان شاءالله ماكو شي لا تخاف
علاء. ان شاءالله
الاء رجعت ارتل وهو رجع نام نعست صدقت وخليت القران ع صفحه اخذت مخده من ع التخم وخليتها تحت راسو بس مخدات التخم مو مريحات كمت بسرعه اخذت مخده من ع التخت و بطانيه رفعت راسو خليتها ونمت يمو وتغطيت احساس غريب من انام يمو يجيني اكول لان رجال غريب وانام يمو بس صارلي هواي واني وياه بنفس الغرفه وهذا إحساس مو من اول زواجنه لا من بعد ما تمرضت خليت رأسي ع صدرو اسمع دكات قلبو السريعه نمت ما حسيت غير ع علاء هو يلعب بشعري رفعت راسي وكتلو . صباح الخير
علاء. صباح النور
الاء خجلت من الوقف اللي بي نايمه يمو وحاضنتو لا هيج هواي بعدت عنو هو ما كال شي تركني وكام كلي
علاء. دخلي للحمام ونزلي حضري الاكل أريد اطلع
الاء. ان شاءالله بعد تحتاج شي
علاء. لا سلامتج دخلت للحمام وانه ضليت كاعد اعرف بشنو تفكر اعرف عبالها الهسه اعتبرها روان بس لا الاء غير الاء ملكت كل جزء بيه قلبي وعقلي وكلشي الاء دخلت بقلبي بس انه مادخلت قلبها مااعتقد بيوم من الايام راح ادخل ع كل شي اسوي وياها واكييد مستحيل تنسه اللي تحبو بكل هل سرعه طلعت من الحمام وانه دخلت وراها للحمام محضرتو