زيجه راس براس

البارت 13

قبل لا نبلش البارت اني وعدتكم اكتب بارتين باليوم بس ما اكدر اسيطر بين الكتابه وبين البيت واهلي لان كتابه مو مثل القراءه فراح انشر باليوم بارت واحد و3500 كلمه اوك وشي ثاني الدعم ع القصه كلش قليل مايسوي واهس اكمل اتمنه دعموني اكثر علمود استمر وبقوه

^ حبي لولو ما مشتاقه الجودي

. شلون ما اشتاقلو ميته عليه

مروه* وهذا حبيبج

. يمااااي العشق مالي حضنتو وضليت ابوس بي

* ههه هاي شنو الهل درجه تحبينو

. شلون ما احبو هذا عشقي الاول والاخير هذا حضنتو وضليت ابوس بي يماي أعشقه ضلينه كاعدين نسولف شوي ودخلو بابا وماما من شافوني بابا بسرعه فتح ايدو ركضت حضنتو وابجي مهما يكون الاهل وفراكهم ابد مو سهل اتزوجت وبعدت عنهم بس روحي بقت وياهم مستحيل اكو انسان يعوضك عن أهلك لو مهما يكون قريب عليك تبقى حسره الاب والام والاخ والاخت بقلبك حضنت ابوي ومااحجي بس ابجي ابوي اعز انسان عندي مااكدر ابعد عنو ابوي يمسد ع رأسي ويبوس بي رفعت رأسي من ع صدرو  بست ايدو و رأسو كتلوو . بابا حياتي شلونك

▪ بعد قلبي يا بابا شلوني وانتي مو كدام عيوني انتي شلونج

. اني تمام بس اشتاقلكم هواي  بعدت عن ابوي وحضنت امي وهم اخذنه حصتنه من الدموع وضليت ابوس بيها كعدنه شوي ابوي ضل يسولف  ويه علاء و مازن واني مره بحضن امي ومره بحضن ابوي  شوي وكامت مروه تحضر بالغده كمت وياها رتبنه الأكل وكملنه مدينه السفره وكعدنه ناكل ودك سوالف علاء منطلق ويه ابوي و مازن كملنه اكل لمينه السفره وغسلنه المواعين كملنه المواعين واندكت الباب حيل

^ لولو اجن خبلاتج كومي فتحي الباب

. كوم انته اني زوجي العزيز ميقبل افتح الباب

^ عشتوو ومن يمته تاخذين كلامه

. لك كوم فلشن الباب فلشهن البين

^ هاي طالع ام رأس طلعت فتحت الباب

غرام & سمعنه لويل هناا صدك

^ دخلن دخلن موجوده داخل

& هاا يلا دعبل مناا

^ ام السان توبي

& من اختك نتعلم دخلنه للبيت

. هيلاوووو شلوني شخباري

& ولج حقيره مشتاقتلج حيوانه ماتسئلين لو نسيتينه من شفتي

الاء هي تاشر ع علاء . طبعا انساجن عيني اللي يدحك هيج عسل يركض وره هيج شكول ول ياب ما عندي شغل وعمل

& لا لا لا صايره تغازلين وتحجين مثلمهم

. عجل شلون من عاشر القوم صرت احجي مثلهم