زيجه راس براس

تكلمه البارت 22

نزلت هو نزل وراي الحجيه كاعده الساعه ب6 صبحنه عليها
الحجيه. يمه اليوم جمعه من صبح الله كاعدين شعدكم
علاء. والله حجيه هاي اللي كاعده من صبح الله فوك رأسي
الحجيه. وانتي مصكوعه يمته صعدتي يمو نمت انتي كاعده يمي
الاء. والله حجيه هذا زلمتي اصعد يمو ينزل يمي براحتنه لو عندج مانع
الحجيه. وانتي تركضين ع الولد خلي يرتاح منج بس شالعه قلبو الهل مسكين
الاء. وي وي حجيه هو انته كلكم تشلعون القلب واني كعدت وياكم تعلمت منكم
الحجيه. فلك طرج كوون لسان دلاله
الاء. اوووي عيني ليكول بس اني عندي السان
الحجيه. خاب ولك عليوي شسويت للبت امس عاقله اليوم السانها اطول منها
علاء. والله حجيه هي يرادلها كتله بس مو هسه خلي النفوس تهده شوي وبعدها تنكتل
الحجيه. لا ولك كلشي ولا تكتلها وتنطكر عليك رحمه الابوك اكعد واسكت
الاء ضلينه نسولف الحجيه تعرف اتشاقه وياها فما تزعل مني للساعه ب8 كعدت ريان والولد كعدو كمنه حضرنه الاكل صفا ماتكعد هيج وكت الا ب9 او 9 ونص فما نكعدها كملنه الاكل اخذنا للصاله كعدنه ناكل
علاء. يمه اليوم لا تطبخون أنه اجيب اكل ع روح ابوي
الحجيه. براحتك يمه وخلي خيتك تجي
علاء. يي يمه هو انه اريد تجي وخاصه هذا هويثم اريد اشوي ع ذاناتو بصل أخضر
الاء غصيت بالجاي من كال هيج
علاء. اسم الله بويه ع كيفج شوي شوي
الاء بهمس. احممم علاء شنو كلنه
علاء. انتي اكلي مادخلج
الاء ضليت افكر هسه اني ورطت الولد وياي وهو ما دخلو بالسالفه اريد اكل ماكو نفسي انسدت بسرعه صعدت اتصلت ع هيثم رد علي
الاء. هلوو هيثم لا خالك اليوم متحلف بيك وراح يعزم امك ع الغده علمود يستفرد بيك فالاحسن تطلع من هسه
هيثم. كتلج خالي ما راح يسكت اكليها أنه اتورطت
الاء. اني شعرفني حالك عقده الهل درجة كلت يأخذها بشقه المهم هسه انته اطلع
هيثم. وانه ابقى شارد منو شنو راح يسوي خلي يسوي
الاء. بس هيثم شلون خاف يسويلك شي
هيثم. لا تخافين ما يسوي شي يلا أنه اروح
الاء. اوك باي سلم ع امك
هيثم. الله يسلمج
الاء نهيت الاتصال ونزلت لميت الهوسه ويه ريان وكملنه دخلت خديجه ضحكت حضنتها هي حضنتني
ام هيثم. ولج مصكوعه وين هاي الأيام ما ادحك طولج
الاء. شسوي مااكدر احجي وعلاء ما يدري
ام هيثم. يمه يمه عقلانه وتسمعين الكلام صايره عفيه عفيه
الاء. عجل شلون غير كبرنه
ام هيثم. عفيه عليج خليج هيج ولا تنطنكرين ع الرجال
الاء راحت سلمت ع ريان والحجيه اخذتها وصعدت للغرفه اريد اعرف منو هاي اللي بالصوره كتلها. ام هيثم ممكن طلب
ام هيثم. اكيد طلبي
الاء. شوفي اني قبل لا اجي من اجه علاء مازن طلع ألبوم الصور القديمه من جنه صغار من بين هاي الصوره صوره لبنيه مااعرفها من سئلت ابوي ما قبل يكلي منو هاي
ام هيثم. وين الصوره عندج
الاء. يي عندي بس لحظه كمت اخذت جهازي طلعت الصوره وكتلها هاي
ام هيثم. سمعي ماكو داعي تحجي باللي مات وما داعي تعرفين هاي منو
الاء. لا فدوه كولي منو هاي وليش ما يردون يكولون منو هيه وكلكم تعرفوها
ام هيثم. راح اكلج بس ماريد تبقى السالفه بالك
الاء. اكييد بس كولي منو
ام هيثم. هاي تصير عمتج هديه
الاء. عمتي وبن هيه وليش ما اعرفها وبابا ليش ما حاجيلي عنها
ام هيثم. سمعي عمتج السالفه قبل 10 سنوات جدج جانت عندو كاع صارت عليها طلابه شيوخ خير من الله محد كدر يحل السالفه مالتها غير شيخ من عشيره.... هو اللي حلها فجدج من فرحتو كلو بنتي هديه الك فعمتج من سمعت بالحجي تخبلت شلون يسون هيج هي جانت تحب واحد كانت انهزمت ويه اللي تحبو الدنيا انكلبت عمج ابو قيصر هو اللي لزمهم وكتلها وكتل الولد وهاي كل السالفه اهلج ما يردون يعرفونج عليها خاف تبقى بالج
الاء تحجي قبل 10 سنوات بوقتها عمري 6 سنوات عادات وتقاليد قديمه سخيفه خربت علاقات كثير بنات منهم اني وعمتي بسبب هاي العادات يعني لو بابا واصل الو خبر العبه جان هم متت مثل عمتي ما اذكر واحد منهم حاجي بيها ولا يذكروها بالبيت مرت الايام علاء اخذ اجازه وطلعنه الدبي مكان حلو واكييد ما حاجه اكلكم شلونها دبي أماكن حدايق مولات غير حياه غير دنيا علاء يا علاء شكلكم ع علاء صار فد شي بحياتي بحيث من يصعد للدوام ابقى احوس بس علمود يرجع