زيجه راس براس

البارت 21

السلام عليكم قبل لا ابلش البارت احب اكلكم اني ليش كلت ب11 وما نشرت لان ما كملت البارت للحدث اللي اني اريد انهي بي البارت فنجبرت ما أنشر بالموعد اللي كلت راح انشر بي اتمنه ما تنزعجون مني و بعد شغله صدك الرياضيات مال الثالث متوسط راح يغيرو لو يبقى نفسه اتمنه اللي يعرف الخبر الأكيد يكول ما اريد ادرس ويروح كله بالشط تحياتي الكم احبكم من القلب للقلب
علاء من بعد ما تركت الاء حسيت حياتي خلصت انتهيت رجعت للبيت صفا وريان ماعرف ع شنو يدرون صفا رادت تحجي كتلها ماريد اسمع صوت دخلت الغرفه امي ماهي شوي ودخلت هي وخديجه
الحجيه. يمه علاء مرتك وين من الصبح ماهي
علاء. عند اهلها يمه عند اهلها
الحجيه. انته من سالفه ما اخذتها هسه تأخذها
علاء. حجيه كافي أنه والاء راح نطلك خلص كافي أنه تعبت وهي تعبت ليش اضلمها وياي ماريد اسمع واحد يحجي بعد تركتهم وصعدت مره الايام كل ما اكول اروح اطلكها ما اكدر اوصل الباب المحكمه وارجع اتعلقت بيها الاء صارت النفس اللي يصعد وينزل بصدري الكل يراسلها ما ترد عليهم اراسلها ما ترد بيوم دحكت جهاز إحسان بالصاله اللي فوك دخلت رقمها طلع حافظو راسلتها دحكت متصله ع النت الساعه ب2 ويه منو تحجي كتبتلها. هلاوو ما ردت رجعت كتبتلها الاء الاء لا تسوين هيج خلي نتفاهم
الاء. إحسان ماكو تفاهم بينه خلص انسى علاقتنه كلها غلط يغلط افهم عاد مو كل يوم تحجي بنفس السالفه لو نسيت أنه اصير مره اخوك اذا ما تتركني احترم اخوك ع الاقل
علاء. بس أنتم راح تنفصلون وانه نرجع
الاء. ههههههههااااي واذا نفصلنه مستحيل ارجع الك انته ماتكدر تسوي شي انته واحد خاوه ما منك فزعه
علاء. الاء افهمي كل اللي صار مو برادتي بس سمعيني
الاء. ما اريد اسمع منكم شي دمرتو حياتي الله ينتقم منكم انته واخوك وكل واحد بيتكم اكرهكم تعرف لو لا اكرهكم
بعدها انطتني بلوك وراحت يعني هيه يي هيه هيه اللي يحبها إحسان دمرت حياه أخوي وحياتها وحياتي راجعت كل المحادثات القديمه اغاني و عتاب متت آخر محادثه قبل لا يموت ابوي كاتبلها
إحسان. الوداع أصعب كلمة ينطقها العشاق كلمة تحمل في طياتها دموعاً وآلاماً وآهاتٍ هي بمعناها جرح ولكن ليس أي جرح، إنه كبير وعميق وقد عجز الطب عن مداواته
الاء. قمة الحزن أن تبتسم وفي عينيك ألف دمعة، قمة الألم أن تسكت وفي قلبك جرح يتكلم، قمة الاستغراب أن تنجرح ممن تحب، قمة التحدي أن تعشق من ليس لك، قمة الوفاء أن تنسى جرح من تحب، قمة الحب أن يجبرك الصمت على الكلام فيعجز الكلام عن التعبير فتصمت
إحسان. لمن اكعد الصبح وادحك أخوي يطلع من نفس الغرفه اللي انتي بيها اكره نفسي واكره أخوي واكره اختي واكره كل واحد سبب خراب علاقتنه
الاء. إحسان علاقتنه انتهت وانه هسه مره اخوك ومثل اختك ما يصير اللي تسوي افهم خلص انته انتهيت من حياتي
إحسان. بس انتي بعدج بقلبي مااكدر اتخله عنج
الاء. لازم تنساني وتكمل حياتك لا تعذبني وتعذب نفسك
إحسان. ما اكدر اتركج انتي احلا شي بحياتي
الاء. خلص انسى أنته طلعت من حياتي واني احبو العلاء انته طلعت من كل حياتي صرت مجرد اخو زوجي ومثل أخوي
إحسان. ليش تكذبين علاء ما ينحب شنو اللي تحبينو بي همجي ما يتفهم
الاء. مو همجي إنما عصبي وعودة شخصيه الكل تخاف منو وهيبتو و رأس ينحلف بي عكسك ماعندك ولا شي من هذا
إحسان. هسه كمتي تفضلي علي أنه اللي قبل تكتبين ما ابدلك بالف رجال
الاء. وانته اللي كلت ما اتخله عنج لو اموت وانته تركتني بمجرد ما اخوك خطبني انسه كلشي مر بينه
علاء اقرأ محادثاتهم واحس النار بصدري بسبب حقدي ع روان اخذت حب أخوي وحبيتها بس مااكدر اتركها احبها دخلت بدوامه من التفكير ما حسيت غير الجهاز انسحب مني رفعت راسي دحكت إحسان واكف كدامي كتلو. ليش ما حجيت
إحسان. شنو
علاء. تحبها
إحسان. بس هي خلص نستني وتحبك
علاء. عندك استعداد تبعد عنها
إحسان. 6أشهر وانتم متزوجين وزفيتك بيدي عليها
علاء. ليش ما كلت احبها ليش خليتني اخذها ليش سكتت
إحسان. ضعيف مااكدر احجي وياك شكلك احب اللي تريد تأخذها افهم صعبه
علاء. راح اطلكها وترجع تتزوجها
إحسان. لا علاء الاء تحبك لا تبعد عنها وانته تكدر تحميها أكثر مني
علاء. بس
إحسان. بدون بس انته تحبها لا تتركها مثل ما أنه تركتها أنه ما استاهلها الاء تستاهل واحد مثلك مو مثلي وهسه تصبح ع خير
علاء تركني وراح تقريبا الاء راح يصير الها شهر بيت اهلها خلال هاي الفتره حسيت بالاء حسيت بنعمتها انهملت بشكل مو طبيعي اطلع من البيت وارجع أدخل للغرفه مثل ما تركتها محد يدخل الها ملابسي يبقن بلا غسل أرجع اكلي سنه يالله يجي تعبت حيل كلت لازم اروح مشتاقلها طلعت من الشغل الساعه ب11 رحت الكربلاء اريد ادحك شلون صارت دخلت المنطقتهم الساعه ب3 دحكت هوسه قريبه عليهم صوت أغاني عالي عرفت عرس وصلت يم بالهم نزلت دكيت الباب طلع مازن سلمت عليه ودخلني سلمت ع مروه وعمتي وعمي الاء ماكو عبالي نايمه مازن حس علي
مازن. ماموجوده طالعه
علاء. وين اشو ما عندي علم
مازن. مهر صديقتها هين بنفس الشارع مو بعيد
علاء. هاا هذا البيت اللي بالبداية
مازن. يي هوه هسه ع جيه
علاء. اذا هيج خلي نطلع طالعه روحي
مازن. يي والله امشي
مروه. اروح وياكم
مازن. وين ترحين احنه تشرد منجن تردين تلزكين روحج ويانه شنو
مروه. مو وياك ويه اخوي
علاء. يلا بسرعه لا تتاخرين
مروه. حاروكه كمت بسرعه لبست ملابس وطلعت كتلهم جاهزه
علاء طلعنه نفتر بالسياره صارت الساعه ب6 رجعنه للبيت دخلنه مروه كالت
مروه. هسه الاء ترجع واحنه مو بالبيت تضل تهلهل فوك روسنه
مازن. والله رجلها طلعنه هو اللي ياكلها
هلا ضحكنه ودخلنه طلعت وعساها ما طلعت شعرها بنت الكلب لاعبه بي لعب والبس ومكياج والرسمه اللي ع صدرها اللي طالع رجليها كلهن طالعات اتصنمت وهي هم ضلينه واحد يدحك ع الثاني كلبي كام يرجف من دحكتها متغيرة صايره احلا من قبل وزنها زايد صايره احلا واحلا جسمها صاير يدك بالكاع