زيجه راس براس

البارت 16

دخلني الغرفه الحجيه همستلو. هذول شعدهم هين
علاء .شعرفني أنتي مادخلج بيهن خلي يولون
الاء. بس هن يسمن الواحد مثل سوسن كلهن السان واحد
علاء. يولن انتي نامي هين ومحد يتقرب يمج ولا يحجي وياج ويلا نزلي لو حلتلج الوضعيه
الاء. نزلني انته اللي حلتلك الوضعيه نزلني وطلع من الغرفه صح رجعت امشي بس رجلي لليوم ما تساعدني أمشي مسافه طويله او اصعد الدرج وانزلو اما علاء صار أنسان ثاني غير علاء مو نفسو اللي طلع من البيت بعصبيتو يغلط ع كل الموجودين تغير جذريآ اما روان نسينه وحده بهذا الاسم اكدر اكول عشت هذا الشهر بسعاده بيت الحجي يختلف عن الاشهر اللي مرت بس مثل ميكولون المنحوس منحوس لو ع راسو فانوس ما مكتوبلي الفرح والسعاده بهذا البيت مكتوبلي بس الحزن والهم والغم هين مجنت اعرف بعد هاي الفرحه حزن ومصيبه راح توكع ع راسي علاء بعد ما شفتو للعصر يلا دخل هو وابن عمو عصام اسمع اصواتهم بالصاله واني بغرفه الحجيه مايقبل اطلع علمود ما اشتغل طبعا ما احجيلكم المشاكل اللي صارت علمود الشغل بالبيت يبووووو يوميه يجن المسعدات يعارك ويطلعن وعلاء من يسمع بيهن يلعب بيهن فلك واني فقيره ما احجي اغلس لان اعرف علاء راح يعصب عليهن ولو عرف مرادده وحده منهن يعصب علي اكثر فاافضل الصمت ومن يجي هو الحجيه تحجي وياه المهم طلعت للصاله هو انتبه علي ابتسم وكال
علاء. حدري هين ليش واكفه بعيد هذا مثل اخوج مو غريب
عصام. حدري هين خويه خلي ندحكج
علاء . ول ياب الا المسيحيه افكسها العينك اذا تدحك عليها
عصام. شكلك عاشكها الهل مسيحيه
علاء. عجل شلون غير مريتي شلون ما اعشكها شعندي غيرها احبل اجيب
الاء بهمس. هو انته هذا اللي ناقصك علمود تريحني من الم الولاده
علاء بهمس. انتي بالاول صيريلي مره وانوب فكري بالولاده والامها
الاء. لا ع المريض حرج واني مريضه وماتكدر لاعلي ولا ع الساني
علاء. بهاي صدك انتي اكو واحد يكدر ع السانج السان لو رشاشه
الاء. اثنينهن سوه
ام اسامه ام سوسن. اكول علاء شجاك ما تخليها تكوم ويه البنات و تساعدهن بالشغل هي حالها حالهن لا تشيخها عليهن
علاء . عمه انتي طلعي منها ما تدحكين مريضه وبالكوه تخطي خطواتها روح اخليها تكرب وياهن وبعدين يجون اهلها هااا علاء مرضت بتنه ستري علي دخل ربج عمه
ام اسامه. عشتو صارلها شهر من طلعتوها من المستشفى ما صارت زينه لو بس تتختل بالغرف
علاء. استغفر الله عمه هسه انتي من شنو متضايكه مرتي و ما اريدها تشتغل وهي كاعده بيت رجلها مو رجلج واذا اجيت البيتج و ما اشتغلت اني اتصرف بس خلصوني من دوختكم حته وهي مريضه ما سلمت منكم الله واكبر
ام اسامة. انته ضل كبر براسها وبعدين تدوس ع راسك وتخلي عكالك بالطين
علاء. يابه الاء من اليوم ترجعين تشتعلين وياهن واكثر منهن وعسا ما تموتبن ما تحجين مفهوم لو لا وهسه ارتاحيتي
الاء اشوف حقارتهن وياي واكول وين راح توصل وياهن معقوله الهل درجه يكرهني وحته واني مريضه وماطايقات وجودي بهذا البيت اووووف بعدج الاء كلشي ما شفتي منهن بعدج بالبدايه وين راح تكون نهايتج كل حقاره منهن ممكن تنبلع بس هاي لا مصيبه وكعنها ع راسي علاء دائما يحذرني منهن بس اني مااخذ بحجي اي احد وهو هم شوي اعند وياه بس من ادحك عليه معصب لا استسلم بسرعه  علاء كلش انزعج من مره خالو اترخص من ابن عمو وكام اخذني للغرفه اعصابو نار سكتت ما حجيت اخاف ينفجر بوجهي
علاء. قسم بالقران يا الاء اذا دحكت طولج بالمطبخ اكسر رجليج انه موجود تنزلين ما موجود تاكلين وحل وتنطمرين بالغرفه كح.... بكلشي مدخلات ارواحهن ماااعرف يمته ربي يخلصني منهن ومن سمومهن
الاء. اهدء لا يصير بيك شي خلي يولن والله ما انزل ولا اتقرب منهن وحته باب الغرفه انته قفلو واخذ المفتاح وياك حباب لا تتمرض لو يصير بيك شي
علاء ضحكتني صدك بحجيها تريد اسجنها بس في سبيل ما اتعب اااه الاء بنيه نضيفه من الداخل ممكن تدحكها خبله وما تعرف تتصرف و رعنه من طريقه كلامها بس هيه عكس هذا كلوو الاء اطهر بنيه تعرفت عليها اعرف ضلمتهامن قبل وراح اضلمها بعد راح اضلمها كتلها. خلي اموت وارتاح انتي واهلي كلكم علي محد وياي اموت وترتاح.. ما ممكمل وقاطعتني
الاء. اسم الله عليك لا تحجي هيج حرام عليك شلون ارتاح وانت ميت