زيجه راس براس

البارت 22

علاء من رجعت الاء احس ارتاحيت بس اللي قهرني تمام ويه امي مو وياي احجي وياها ترد ع كد السؤال ما تحجي وياي هواي أسبوعين يوميه تهديد شكل يجي أحاول ما اهتم واكون بارد كدام اهلي بس اخاف اموت والاء ما مسامحتني بيوم كاعد تقريبا الساعه ب2 الفجر ما جايني نوم مطفي الاضويه انفتحت باب الغرفه اكييد الاء منو راح يدخل غرفتي هيج وكت سويت نفسي نايم حسيت شي ع راسي
... هاي نهايتك ابو فهد
علاء مباشرة رفعت ايدي وضربت ايدو وطفرت من مكاني هو انثول بسرعه سحبتو ولويت ايدو السلاح مالتو وكع ع التخت اخذتو وخليتو ع راسو هو مغطي وجهو ردت ارفع الغطه من وجهو ما يقبل بس هو ناعم واني أكبر منو رفعت الغطه عن وجهو وكانت الصدمه

قبل أسبوعين بالحديقه
هيثم. يي مدام الاء شنو الخطه مالتج
الاء. اسمع راح نسوي بي انته تكتب تهديد العلاء
هيثم. شلون يعنى تهديد
الاء. تهديد موت
هيثم. من كل عقلج تحجين شلون يعني
الاء. بابا هو مقلب مو حقيقه هيج نضحك عليه أسبوع أسبوعين وبعدين نكشف حقيقه
هيثم. لا الاء السالفه خطره وخال عقيد يعني راح يكون وما يكعد
الاء. هيثم انته الوحيد اللي اكدر اثق بي لا تعبني والله ما نتجاوز الحدود بس هيج نضحك شوي وبعدين نكشف الحقيقه
هيثم. اوك وانه شنو دخلني
الاء. انته عندك سلاح موو
هيثم. يي عندي شسوين بي
الاء. يا شبيك والله ما اكتلو بس هيج نحتاجو اسمع بعدين اني راح اطلع صفا ونكعد بالحديقه انته تعال دك الباب وخلي ضرف أكتب بي ابو فهد وطلقه وياه وبعدها بيومين بليل تكتب ع الباب ابو فهد خلصت ايامك ومن هاي السوالف يوميه تهديد
هيثم. ولج مصكوعه عقل لو شنو
الاء. وهيج راح اكدر العب باعصابو
هيثم. لا والله راح تلعبين بالنار مو باعصابو
الاء. عادي اريدو يعرف اني مو شوي واكدر اسوي أشياء أكبر من عمري

قبل التهديد اتصال بين الاء وهيثم
هيثم. الاء انتبهي خالي راح يسوي حركات وانتي مو كدها
الاء. لا تخاف هو اليوم راح ينكشف كلشي
هيثم. الاء هاي الحركه خطره بشكل مو طبيعي لا تلعبين بالنار
الاء. ولك هسه لازم اكمل خطتي كافي تعبت من التمثيل
هيثم. اوك انتبهي ع نفسج وانتبهي لا ترحين تموتين خالي لو خالي يموتج
الاء. لا تخاف باي اندعيلي نهيت الاتصال ودخلت للغرفه نايم تقربت عليه وكتلو... هاي نهايتك ابو فهد ما اتوقعت راح يسوي هيج حركه ضربني ع ايدي وكع السلاح من ايدي وضل يتلاوه وياي لوه ايدي وأخذ السلاح وخلا ع راسي وكلي وهسه انكلب السحر ع الساحر احجي منو انته ما رديت راد يرفع القناع الأسود اللي لابستو ما خليتو هو اقوه مني كدر يرفعو ضحكت هو بقى مصدوم
علاء. يعني انتي وره كل هذا
الاء بضحكه و خوف. يي بس فدوه لا تعصب
علاء. من كل عقلج انتي هذا شنو الاء بربج البيت كايم كاعد وانتي تضحكين منو اللي لعبها وياج
الاء. محد
علاء. تضحكين علي شنو محد وياج انام ماكو شي ع الباب نكعد تهديد لو طلقه واسمي والسلاح منين احجي لا تخبليني
الاء. هيثم والله هيثم
علاء ادحك الخوف بعيونها وشفايفها ترجف من تحجي ما اكدر اذيها حضنتها وكتلها. لا تسوين هيج شغلات دحكي امي شلون خايفه علي و اخواني هم لا ترجعين تلعبين هيج ألعاب
الاء. اسفه بس حبيت اضحك عليك
علاء بعدت عنها وكتلها. تضحكين علي
الاء. لا اقصد اضحك وياك يلا علاء حباب غلس واخذها بضحكه
علاء. ما كافي يمته ترجعين هين تنامين
الاء. بس الحجيه
علاء. مابيها شي تره محد تترك زلمتها الخاطر امو وهاي ريان اكبر منج المفروض هي تخدم امي مو انتي
الاء. بس علاء
علاء. بدون بس من اليوم ترجعين تنامين هين
الاء. اوك اوك كمت فتحت الكنتور طلع كلابيه عاديه مال نوم دخلت للحمام لبستها وطلعت رن جهازي هيثم يتصل رديت عليه
هيثم. هاا ولج منو مات منو بعدو عايش
الاء. محد مات لا تخاف كملت العبه
هيثم. الحمدلله خلصنه بعد ما اكعد اشمر تهديدات
الاء. لا اكعد واسكت كافي
هيثم. همزين خلصت منج يوميه طالع الساعه ب3 أكتب ع الحيطان
الاء. عادي عادي ما أحس غير الجهاز انسحب مني
علاء. ولك هثيم والله اذا اكضبك اقضي بيك التوبه
هيثم. خالي شبيك أنه مادخلني بشي الاء هيه رأس البله
علاء. وشلون تخلي عدها سلاح يصير الصبح وانه أعلمك يلا ولي انخمد
هيثم. الله وياك خالي ما أوصيك اليوم شلون وحده يمك العب لعب
علاء. ولك كوو... احترم نفسك
هيثم. يلا خالي تصبح ع خير
الاء. علاء هيثم ما دخله أنه كتلو يساعدني واني اللي اخذت السلاح منوو
علاء. اوووف منج اووووف عقل لو شنو
الاء. يا عمري انته بعدك ما تعرف الاء منو اوك الا تندك وياي
علاء. ولج انتي إبليس يتعلم منج
الاء. عجل شلون يلا خلي نام تمددت ع التخت هو نام يمي وأخذ رأسي وخلا ع صدرو احس كلبي رجف عاصفه وعصفت بكلبي يمه شنو هذا بالكوه يلا كدرت انام حسيت ع ضربه علاء فتحت عيوني نايم و رجلو ع بطني بعد عنو هذا حته هو نايم يصكع كمت من يمو طارت النومه اجت فكره بالي كمت فتحت الكنتور طلعت اقلام روج اخذت الوان الاحمر والماروني وردي ضليت ارسم ع وجهو هو نايم ومايدري بالدنيا كملت وضليت اتحارش بي ما يقبل يكعد ضجت اريد انام ماكو واريد اكعدو ما يكعد رجعت نمت ع صدرو أحس دكاتو سريعه ينبض بكل سرعه لو يبدو يطلع من صدرو رفعت رأسي ادحك عليه شلون نايم وجهو كله مكياج والوان كمت اخذت كلينكس مرطب ضليت امسح بي هو فتح عيونو فززني
علاء. شدسوين
الاء. اااا ما اسوي شي بس
علاء. نامي شعندج كاعده من صبح الله
الاء خليت رأسي ع المخده
علاء نامت بس احسها متوتره وانه حالي متخرب بالكوه متحمل وجودها يمي وهي ما تحس بيه حضنتها رفعت رأسها تضحك حسيت مسويه شي عضيتها بخدها
الاء. اااخ علاء ليش هيج
علاء. شمسويه
الاء. شكوو
علاء. انتي كولي شكوو
الاء رفعت ايدي وضليت العب بشاربو كتلو. حبيت اضحك وياك ووووو
علاء. و شنو
الاء. رسمت ع وجهك بس خفت تعصب وكعدت امسح بي وانته كعدت
علاء. جاهل ولج كبري شوي شبيج تبقين هيج زعطوطه
الاء. والله بعدني ما شايفه شي من عمري اكييد جاهل 😜😜
علاء. اذا هيج تعالي وياي
الاء. وين ما خذني
علاء امشي وتعرفين اخذتها للحمام وكفتها وفتحت عليها المي بارد
الاء. كافي حباب شنو هل خباثه
علاء. مثل خباثتج
الاء المي بارد حيل والدنيا فجر باب الحمام مفتوح يدخل هوه بارد من الغرفه حضنتو واني ارجف هو وكف وياي بسرعه سد المي كتلو خبيث بعد عني
علاء. تعاي ولج اتشاقه وياج
الاء. علاء هذا مو شقه
علاء. والله الشقه مالج مال أمس اذا املصو الراسج محد يكلي ليش
الاء مارديت عليه تركتو وطلعت غيرت ملابسي وطلعت نزلت هو نزل الحجيه كاعده الساعه ب6 صبحنه عليها وكعدنه نسولف علاء ما عندو دوام ...... يتبع

من هسه لحد يكول قصير هذا نص بارت النص الثاني بليل انشره من اكمل