زيجه راس براس

البارت 26 والاخير

انفتح الباب خجلت من نفسي شنو داسوي ليش كل هذا علاء مصدوم من المنظر اللي كدامو دخل للغرفه و قفل الباب
علاء. اااا شنو هذا
الاء ماعرف شنو ارد عليه احس نفسي صخنت هو ابتسم بمكر اخذ ايدي ومشى للتخم كعد وكعدنه ع رجلو وكلي
علاء. شنو مناسبه كل هذا
الاء بخجل. علاء كافي حباب
علاء. لا تخجلين ولا تخافين احجي من كل قلبج هذا لو شنو
الاء. ماعرف بس خديجه هي كلتلي انو لازم انكمل كلشي
علاء. يعني مو من قلبج بس تسمعين حجي خديجه
الاء. ماعرف بس حباب كافي احراج
علاء. انتي مستعده الهذا كله و جاهزه تبلشين حياه جديده راح تختلف عن كل اللي مريتي بي من قبل
الاء. اسمع اني مو بيدي من امنعك والله بس اخاف وانت من حقك كل هذا ما اريد احرمك من شي وصارلك هواي متزوجني ومتحمل وماكو احد يصبر مثلك
علاء ضليت اتلمس بجسمها كاعده وتحجي وخايفه كتلها. هاا يعني مقتنعه من هذا الشي وعندج إستعداد
الاء هزيت رأسي ب اي
علاء قربت رأسها علي و طبعت بوسه ع شفتها
الاء خايفه و متوتره و خجلانه ما حسيت غير ع شفايفي بين اشفايفو هو عنيف بشكل مو طبيعي ما بعد عني غير لمن اختنكت بعد عني نزل ع ركبتي يعض بيها ليكول ما شايف من قبل محروم حس علي بعد ما اتحمل اخذني ع التخت وووووووو 🔞🔞🔞🔞🔞🔞 الم فضيع مااكدر اوصفه ألم بجسمي و بقلبي بس الم قلبي اقوه من جسمي بالف مره نايمه ع صدرو ابجي ماريد يتم زواجنه بهاي الطريقه
علاء مادام سلمتني نفسها وقبلت اتقربلها حسيت اكو امل انو نبلش حياتنه بحب ما اتحمل اسكت أكثر احبها وابقى ساكت ليش كتلها. اكلج لولو
الاء بصوت مخنوك. اممم كول
علاء حسيت عليها مخنوكه. شنو بيج ليش صوتج هيج
الاء. تعبانه موجوعه ما عاد اتحمل
علاء. اكو شي ياذيج كومي خلي ادحك
الاء. يي قلبي قلبي ياذيني افهم عاد احبببببك والله احبببببك ما تحس قلبك من شنو يا اخي من شنو قلبك حته لو من حجر تحس علي تحس بالي احسو تعبت من حبك كل يوم يدمرني أكثر واكثر
علاء تحجي وتبجي مااكدر اصدك اللي سمعتو مسحت دموعها هي تدحك علي وعيونها مليانه دموع 🥺🥺
الاء انتبهت ع نفسي شحجي بسرعه سكتت هو يدحك علي قرب ايدو ع وجهي ويمسح دموعي
علاء. وانه احبج واعشقج ليش ما طلكتج من ردتي تتطلكين ليش ما موتج من اتهمنج ليش راح اخليج تكملين دراسه وانتي تعرفين ما احب البنيه اللي تطلع وتدخل بس علمود ترجعين وياي قبلت تكملين ليش لان احبج تعرفين احبج
الاء. لا تضحك علي علاء لا تضحك اعرفك ما تحبني
علاء. ليش ما احبج ولج اعشكج واعشك ربج
الاء مااكدر أوصف فرحتي بهذا اليوم احبو ويحبني نمت ع صدرو هو حاضني بكل قوتو ضليت اتلمس جسمو نايمين بس بالداخليات وكت ما حسيت غير يوم ثاني هو يحضن بيه ويبوس فتحت عيوني صفنت بوجهو وابتسمت
علاء. صباح الحب عروستي
الاء. صباح العشق
علاء. شلونج اليوم بعدج تبجين لو راحن خبالاتج
الاء. والله طلعت روحي يعني احبك وماا احجي طلعت روحي
علاء. وانه احبج مثلا شنو راح يصير اذا حجيتي بدون دموع
الاء. ما اعرف بس ما عندي الجرئه مثلك
علاء. هه يلا كومي
الاء. اااا هسه اكوم انته ادخل للحمام
علاء. اوك لا تبقين نايمه يالعروس
الاء ضحكت هو دخل للحمام كمت لبست شي هو طلع احس جسمي متكسر بالكوه امشي هو ضحك دخلت للحمام طلعت هو كاعد ع التخم اني وكفت يم الكنتور اجه علاء وكف وراي وحضني
علاء. ول ياب اعشكج
الاء. حبيبي بعد خلي اكمل واطلع عيب
علاء. ولج شنو العيب مرتي وبكيفي لو حرام
الاء. لا حباب بعد
علاء. ابجي بعد ابجي
الاء كلش ضجت منو من كال هيج حسسني طفله وكاعد يضحك عليها ما رديت عليه اخذت ملابس ودفعتو ودخلت للحمام بسرعه غيرتهن وطلعت هو حس علي انزعجت منو ضل يحجي وياي بس ما اهتميت كلبت وجهي عليه طلع من الغرفه شوي وصعدت خديجه دحكت ضايجه كلتلي
ام هيثم. هاا شصار
الاء. مالي خلكج لا تحجين تردين هذاك اخوج وسئلي
ام هيثم. يا ولج شبيج عابسه هل وجه من الصبح
الاء. ما بيه بس اخوج يضحك علي
ام هيثم. يضحك عليج شلون بلا
الاء. حجيتلها السالفه كلها هي ضحكت وغمتني
ام هيثم. وهسه ع هاي ما تحجين وياه و كالبه تره السالفه ما تسوه تزعلون وانتم بصباحيتكم المفروض اليوم كله يتغزل بيج وصدك انتي بس تبجين تحبينو كليلو احبك الا بجي يلا تطلع الكلمه منج
الاء. بس هو يضحك علي
ام هيثم. ما يضحك عليج يضحك وياج دحكي اكو فرق بينهن
الاء. وهسه شسوي نصحيني
ام هيثم. لا تسوين شي هسه من يدخل للغرفه احجي وياه لا تزعلين
الاء. اوك هي اخذت النيشان وطلعت هو شوي ورجع دخل للغرفه كلي
علاء. ما نازلين حته العروس نزلت
الاء. ااااا هسه انزل
علاء. شبيج تمعلسين يلا امشي كدامي
الاء عرفتو ضايج لان كلبت وجهي عليه تقربت عليه هو خلا ايدو ويه ضهري ونزلنه ابتسمت ابتسامه متصنعه هو تركني و راح للاستقبال اني دخلت للمطبخ ويه البنات كعدنه نحضر بالريوك الساعه بال7 و نص كملنه البنات اخذن الاكل للولد بالاستقبال وهن بالصاله اني ما اشتهيت اكل ضليت واكفه بالمطبخ ع السنك اغسل بالمواعين اللي استخدمنهن ما احس غير ايدين حاوطني طفرت من مكاني وكلت. علاء شبيك هو هيج
علاء. ههه شبيج حبي ليش خفتي
الاء. وكعت قلبي تدري لو لا
علاء. لا ماادري ليش واكفه هين وانتي عروس
الاء. والله ما احس نفسي عروس وانته كالب وجهك
علاء. يا عمري والله انتي زعلتي ع شنو ماا ادري
الاء. انته تضحك علي
علاء. أنه اضحك عليج
الاء. يي انته
علاء. يلا عمري غلسي كانو ماكو شي
الاء. ضل يتحايل وياي اني ضحكت وعديت السالفه لان ما تسوه فعلا اني جان ناقصني بس ابجي نسيت مرت الايام مثل ما هي حياتنه عاديه إحسان إنتقل البغداد يكمل دراسه لان الوضع يوم عن يوم يصير أخطر يكول ما اريد اتبهذل بعدين علاء من دحك الوضع هيج كال اخذلي بيت صغير واستر ع اهلي اما الولد كل واحد اخذو بيت ورجعو الاصلهم الامكان اللي انولدو بي كلهم اخذو بيوت بكربلاء هاشم بس شغله الأثاث عطلتنه كلنه هشام اخذ بيت الو والنسوانو هاشم هم وحسين متخبل من هديل بس مجبور يتحملها الخاطر ولدو اما مخلد من يوم يومو مرتاح ويه ريان ولدو كبار يشتغلون ويدرسون اما خديجه رجلها انتقل شغلو البغداد واخذو بيت بغداد بيوم كاعدين قبل لا ننتقل تقريبا باسبوعين كاعدين اني وعلاء هذا يحجي بالجهاز واني عيوني بجهازي اراسل البنات طبعا علاقتي ويه البنات مستحيل تنتهي واحنه اسنين صداقتنه فحسيت بدوخه مو طبيعيه حسيت راح اموت منها احسن المكان كلو يدور بيه طبعا هاي مو اول مره تصير وياي باخر ايام ضليت تحس بيها خليت ايدي ع رأسي شوي ورتاحيت علاء انتبه علي بسرعه نها الاتصال وكلي
علاء. حبي شنو بيج
الاء. ما اعرف دايخه
علاء. خاف ضغطج
الاء. ماادري بس مو اول مره يصير وياي هيج صارلي يومين
علاء.  ولج خاف حامل
الاء ضحكت عليه وكتلو. لا يابه يا حمل ماكو هيج شي
علاء.  وليش متاكده
الاء.  ماادري بس ما احس بهيج شي
علاء. بربج تدرين لو صدك اخليج تاج ع روس أكبر نسوان
الاء حسيت بفرحه علاء وشلون يريد طفل كتلو .خلي نروح نتاكد
علاء. دخيل ربج كومي بسرعه خلي نطلع
الاء فعلا كنت بسرعه غيرت ملابسي ولفيت شالي وطلعنه أخذني للمختبر حللت كال نص ساعه ويطلع التحليل ضلينه ننتظر وعلاء يدعي انو اكون حامل الصراحه ابد ما فكرت بهذا الشي بيوم من الايام اصير ام ولا احس بهذا الإحساس فرحت ع فرحتو اذا ما متأكد وهيج فرحان اذا طلعت حامل شيسوي شوي وصاح الاء جميل كمت اخذت التحليل وانطيتو العلاء فتحو حسيت عيونو راح تطلع من مكانها بسرعه حضني ويضحك عرفت النتيجه ما يحتاج يحجي بعد ضحكت فعلا إحساس حلو من تعرف نفسك راح تكون عائله صح عمري صغير و مو مال اكون العائله و اصير كد المسؤلية بس فرحه مااكدر اوصفها حته لو عندك ميه طفل بس تبقى الفرحه بداخلك ما توصف ماعرف شنو السبب اللي يخلي أكثر الرجال يجبرون المراه تسقط الطفل اللي بطنها او ليش هن يسقطن الجنين هاي نعمه من الله الرب رزقنه بيها طلعنه من المختبر وهو يوصي لا تسوين هيج ولا تتحركين ولا تصعدين ولا تشتغلين الفرحه كانت كبيره جدا حسيت نفسي اميره وعلاء الملك ويخاف علي وصلنه للبيت نزلنه اخذني ودخلني الغرفه الحجيه
علاء. يمه عينج ع هاي المصكوعه لا تخلينها تطافر و تشتغل
الحجيه. ليش يمه شبيها
علاء. يمه راح يجي فهد و اصير ابو فهد عن حق وحقيق
الحجيه. بصلاه محمد عليك يمه تحجي صدك
علاء. يي والله يمه حامل
الحجيه. يا بعد قلبي يمه ربي يتمم عليكم بخير ويجي بصحه وسلامه
الاء الفرحه بين الإخوان محد يكدر يخربها الكل يضحك ويبارك العلاء بس الحيتين ما عاجبهن الوضع و وجهوهن ينكطن سم بس يلا ما بقى شي واخلص منهن طبعا البيت اللي اخذنا راح نكعد بي اني وعلاء والحجيه وصفا مخلد اول شي ما قبل الحجيه تكعد ويه علاء بس علاء رفض كلو انته عائلتك جبيره وبينك ع كدك خليها عندي هي و صفا بعد إصرار والكل يريد الحجيه تكعد عندو بس اخر شي علاء اخذها عندو مازن كمل كل أوراق التسجيل علمود ارجع للمدرسه ونفسها مدرستي وبنفس منطقتي راح ارجع لليل كاعدين نسولف بعدها كل واحد اخذ مرتو ودخل الغرفتو واحن هم صعدنه للغرفه دخلت للحمام غيرت ملابسي وطلعت هو كاعد ع التخم ومبتسم كعدت يمو هو حضني
علاء. يي ام فهد من هسه تهتمين بنفسج وتهتمين الفهودي تاكلين عدل وتبطلين هذا التلعوص مال نساتل وحلويات تاكلين اكل اودم
الاء. ان شاء الله ابو فهد تامر بشي ثاني
علاء. يي وهم تهتمين بابو فهد مو تنسينو
الاء. لا يعمري ابو فهد هو الخير والبركة
علاء. عفيه عليج حبي
الاء. يلا كوم نام أخذني ونومني ع صدرو انفاسو سريعه نمت كعدت يوم ثاني من الصبح تعبانه احس بطني توجعني ما حبيت أخوف علاء نزلت جوه صبحت ع الحجيه وكعدت يمها كتلها. حجيه بطني تاذيني
الحجيه. عادي يمه هو بأول أشهر يصير وياج هيج
الاء من كالت هيج شوي ارتاحيت علاء اليوم ما عندو دوام واصلا حول شغلو بكربلاء ارتاحينه ماعاد عدنه شي هين بالانبار خلصنه من كلشي بس هذا البيت الولد اعترضو ع بيعه يكولون هذا البيت اتربينه بي ما نبيعو وفعلا البيت راح يبقى بإسم الحجي و ضمان الهم للمستقبل الحمدلله كلهم متمكنين حالتهم الماديه تمام بس علاء أكثر واحد بيهم لان عقيد ومن هو صغير يشتغل ويه الحجي ويلم اللي يعطي اياه الحجي ما يصرفو فجمعهم وصار كل هذا الحلال بإسم علاء طلعت من الغرفه الحجيه حضرت الريوك العلاء وكملتو هو نايم صعدت كعدتو دخل للحمام نزلت هو شوي ونزل كعدنه ناكل اني وياه لان اللي بالبيت ماكلين قبلنه اليوم متأخرين بالكعده كعدنه ناكل حبيت آكل جبن وشطه حاره كمت طلعتو من الثلاجه وكعدت اكل علاء يدحك علي ويضحك ويكلي خلي اكل وياج اعرف هو ما يكدر ياكل حار امنعو لان ما اريد يتمرض كملنه اكل وكمت غسلت المواعين هو كام كال طالع شوي وارجع طلع اني ضليت اشتغل ويه البنات اجت علي هديل وبيدها مواد التنضيف خلتهم كدامي
هديل. يلا الاء خاتون كومي اشتغلي تره اللي بطنج ما معلك بشعره
الاء. عفوا ليش ما تحترمين نفسج وتتادبين
هديل. هذا الناقص يلا كومي خلطي هذن وغسلي الحمامات
الاء. عفووووا شنو ما رايده روحي اخلط ذني
هديل.  غصب عليج تخلطيهن
الاء. مستحيل اخلطهن تعرفين هذان شنو يسون يموت الواحد اذا انخلطن(الكلور او المبيض و فلاش و القاصر هاي المواد الثلاثه بيها مواد كيميائية ما يصير تنخلط مع بعض تسبب ماده سامه وتنتشر من خلال الهوى وتنتشر بسرعه بكل انحاء البيت فما انصح واحد يجربها)
هديل. موتتهم ان شاء الله
الاء. تحترمين نفسج اذا عاجبج انتي اشتغلي اني ما مستعده اخاطر الاء ضلينه وحده تحجي والثانيه ترد صارت صيحه هديل غصب ما عليج تغسلين الحمامات بيهن والا خلط اني عاندت علاء ماكو تركتها ودخلت الغرفه الحجيه ضليت كاعده اهز برجلي اشوي اجه علاء من عرف بالسالفه ضل يغلط عليها وحسين هم ما سكتلها وغسل جناحها المهم مرت الأسبوعين واحنه نحضر الطلعتنه من الانبار وفعلا طلعنه وخلصنه من عدهم من طلعت من هذاك البيت عشت حياه ولا بالأحلام حياه سعيده علاء تغير كليا بعد شهر من طلعنه اجه خبر انو الانبار سقطت صح حزنه بس حمدنه ربنه ع كلشي طلعنه بسلامه منها لو متأخرين جان رحنه بيها وما نعرف نعيش لو لا قدمت ع خارجي من بعد ما علاء توسطلها لان ما يكدر يروح الانبار ويجيب الوثيقة مالتها من الانبار و هم مركز المحافظه يعرفون وضع الانبار و ما عدهم مانع ع هذا الشي وكثرت اتقدم بس علاء دفع مبلغ أكثر من المطلوب اني دخلت أدبي قررت ادرس حقوق اريد ادافع عن حقوق كل بنيه عاشت مثلي ومثل صفا دائما تجي تدرسها أو علاء يدرسها صار عندي فهد ونور حياتنه الحجيه مرتاحه واني مرتاحه عشت حياه مرتاحه بيها ولليوم مرتاحه غلطه عمري إحسان وحبو خلصت من هاي الغلطه وربي عوضني بعلاء حته من بعد تحرير الانبار علاء رفض نرجع يكول هين مرتاح ماريد ارجع للمشاكل كملت ثانويه والحمدلله كدرت ادخل حقوق و علاء وياي بكلشي مثل ما كتلكم اتغير علاء المتخلف الهمجي صار علاء متحضر وهادي ويتفهم اكدر اكول انو حياتي تنطبق عليها هاي المقوله لا تحزن والله فما بعد الضيق الا الفرج وربي من بعد ما عسر وضعي فرجها علي اما سوسن لليوم هشام ما يريدها وصار عندو ولد ثاني من عهد صفا كملت السادس هاي السنه وقبل 3 أيام طلعت نتيجتها وناجحه ويا فرحتها

الى هنا وتنتهي قصه زيجه رأس براس وياكم اتمنه انو نالت رضاكم واستمتعتو وبيها وعشتو حياه ابطالنه اشكر كل اللي تفاعل ع القصه وكل اللي انتقد و كل اللي كلي قصتج مسروقه وكل واحد نايم بس يقرأ ولا يسوي شي احبكم في امان الله وحفظه انتظروني بقصه جديده و آخر قصه الي ع الواتباد واللي هي الجحيم مااكدر استمر وياكم أكثر ولو بيدي حته الجحيم ما انشرها بس اني نشرت منها شكم بارت وهسه أكملها وانهي مسيرتي وياكم اعتقد انو اني مالي مكان بهذا المجال ع كثر اللي انتقدوني احبكم من القلب للقلب مع تحيات
Fatima_Kraem

تدرون حبكم شسوه بيه لا والله ما تدرون مو بس احبكم لا والرب اعشقكم