زيجه راس براس

البارت 11

. علاء

.. همممم

. يمته تنقلني

رفع راسو

.. وين انقلج

. للمدرسه هذا جان شرطنه اوافق ع الزواج بس اني اكمل دراسه

.. لحظه انه ما عندي علم بهذا الشي

. لا والله مااااااكو هيج شي عندك ماعندك اننننننني مادخلني

.. صوتج لا تعلينه لا والله اكوم اكسر راسج

. لااااا اعلللللي مو بكيفك انته واحددددد مريض مادخلني بيك

علاء وبكل برود وكاعد ياكل.. يي وهسه شنو تردين انه مريض وانتي غصب ما عليج تتحمليني

ضربت الصينيه الاكل وكتلوو.  لا مو غصب الحجي مو وياك الحجي ويه الحجي طلعت من الغرفه افور وهو طلع وراي يصيح ويغلط واني ولا مهتمتلو امشي بسرعه الكل طلع ع صوتو نزلت شفت الحجي يريد يصعد بسرعه كتلو هذا ابنك ماريدو هسه تتصل ع ابوي يجي يأخذني ما اتحملو 

الحجي.. ولكم شبيكم انتم كل يوم والثاني هوستكم واصواتكم طالعه مو عيب عليكم

الاء.. ماريدو حجي ماريدو بس يعرف يتمرجل تالي اليل

علاء.. ولج بنت الكلب تعاي اعلمج اللي يتمرجل شلونو

الحجي.. الاء عرفي شنو تحجين لا اكسرو الراسج

الاء.. ما مجبورين بيه رجعوني الاهلي

علاء.. أنه هاي اللي راح تموتني حجيه بس سلميني اياها انه ادبها

الاء.. ولي لكككك كلك واحد زوج ياهي التجي تضحك عليك مقطاطه(اني كلت هيج ما احس غير انسحلت من وره  ضهر الحجيه

علاء.. انه الزوووج مووو اليوم اموتج والحسين اخلي وحده ساقطه كح.... ع ذمتي خاف عبالج موت روحي عليج والقرآن جيله براسج واخلص منج ومن جهرتج

الاء اني ما اتحملت يغلط ويسب هيه صارت بالعلن خلي اطلع بشي بي خير مو بس كتله دفعتو بكل قوتي وكتلوو .. كاااااافي وصلت حدها وياك مو انته اللي ترفع ايدك علي والقران اكسرها اني ابوي ما يرفع ايده  علي وانته حجي مو مثل ابوج وين كلشي ما شفت كل اللي ردتو اكمل دراسه وانته بنفسك كلت  تكمل هسه ابنك ما يقبل هسه ادحك ابوي اذا يقبل بيها
_ احجي بكل ثقه هاي اني وهاي شخصيتي عصبيه ما احب انضلم حقي اخذو بيدي ماانتظر واحد يجي يساعدني ويكعد يعايرني  بمساعدته احجي والكل يريد يسكتني  والحجيه وخديجه يردن يدخلني للغرفه جهازي جان بغرفه الحجيه ع الشحن رحت اخذته طلعت رقم مازن بسرعه اتصلت عليه دخل للغرفه دحك الجهاز ع اذني ودموعي تجري بسرعه سحب الجهاز مني وفقل الخط