زيجه راس براس

البارت 19

يوم دخلت للمطبخ طلعت شمعه وشغلتها طلعت من المطبخ غرفه هشام يم الحمام سمعتها تكلو انه مو خدامه عدكم امك بس ع قلبي خلي نسوان خوانك هن يخدمنها وهذا يكلها نسوان خواني عدهن زلم ويبقن يمهم انتي شنو عندج ما عاجبج هذاك بيت اهلج ولو ترحين ساعه ويرجعوج ع قلبي وهي تكلو انته لو بيك خير ما تاركني صارلنا سنين متزوجين ما مره تقربت علي ولا حسستني انه مرتك كلها احسسج مرتي لو بيج خير ما تعرضين نفسج الي ولج ترديني اتقربلج علمود جهالي يطلعون عليج كوا... مكرن اخلي جهالي يطلعون من بطنج ولج لو ما الفضيحه اخليج مثل الجلب بس اااخ انعل ابو هذاك اليوم اللي رجعني من الشغل ودحكت وجهج الغذر يلا ولي يم امي كلتلو رايحه رايحه اني سمعتها راح تطلع سويت نفسي طالعه من الحمام ما انتبهت علي بسرعه رجعت للمطبخ ضليت لحد ما الشمعه خلصت لا طلعت رحت الغرفه الحجيه سوسن عيونها بجهازها كتلها روحي نامي اليوم اني انام يم الحجيه هي ما كالت لا طلعت ضليت كاعده يمها انطيتها علاجها ونامت واني ضليت كاعده راسلت علاء شوي وبعدها صفنت شفت سوسن ما تريد الحجيه ولا تريد تهتم بالحجيه كلت اني مثلها علاء من يحتاجني موجوده واصعد الو وماراح اقصر وياه بيومها هم ما رجع ضليت يم الحجيه باليل اجت خديجه كعدنه نسولف
ام هيثم. اكلج انتم شنو تاليها وياكم اريد ولد تبقون هيج
الاء. ليش شنو بينه عايشين والحمدلله ع كلشي واذا ع الطفل فالله كريم
ام هيثم. بس صارلكم هواي
الحجيه. انتي طلعي منها خديجه
ام هيثم. ليش يمه اشهر صارلهم متزوجين ليش لليوم ما صار عدها حمل
الحجيه. منين يصير حمل كليلي اذا هيه لليوم بعدها بنيه اخوج ما متكربلها ولا جايسها
ام هيثم. عزه بعيني ليش يمه
الحجيه. اخوج اكو حسبه بالو وهو مايريد واحد يعرف انتي لا تحجين كدامو
ام هيثم. بس يمه الناس اذا عرفت راح تاكل وجوهنه ع ابو انو علاء مو رجال
الحجيه. أنجبي شنو مو رجال عندج حجايه بيها خير كولي ما عندي سكتي
ام هيثم. بس يمه ليش هوه ما كال شي انتي الاء ما سئلتي
الحجيه. مو شرط تعرفين أخوج اعرف بمصلحتهم هم الاثنين
الاء سكتت ما حجت طلعت اريد اصعد اخذ شاور وانزل دحكت هديل واكفه قريب ع الباب ما اهتميت لأن حجينه بصوت مو عالي صعدت اهذت شاور و غيرت ملابسي ونزلت خديجه كل شوي ليش انتي وعلاء لسه ما صار بينكم شي واني بس ماادري وما ادري هي راحت البيتهم واني نمت يم الحجيه هيه تسهر اني نومتي خفيفه بس تكلي بز اكعد فانام قبلها اذا حسيت بيها تتحرك اكعد ما ابقى نايمه واتكاسل عنها لا بالعكس حسيتها مثل امي واهتم بيها حته مرات أكلها يمه لو يووم كعدت يوم ثاني ع حركه عبالي الحجيه فتحت عيوني دحكتو علاء حاضني ونايم يمته اجه وشلون ما حسيت عليه حاولت ابعد نفسي عنو هو حاضني حيل مايقبل يبعد عني ويدلع ضليت نايمه هو مخلي راسو ع راسي ويشتم بشعري بعدت عنو هو بقى صافن علي وبعدها فرك وجهو وكام طلع من الغرفه اني ضليت كاعده وافكر بعلاء شنو بي ليش هالايام هيج معقوله رجع يحن الروان ورجع يتخيلني روان استغفرالله شلون سالفه هاي كمت طلعت من الغرفه دخلت للمطبخ دحكت هديل و سوسن يسولفن من دحكن دخلت سكتن حسيت اكو شي بس ما حبيت اتسرع سكتت مر اسبوع تقريبا بيوم كاعده اني والحجيه دخل علاء كالعاده راجع من شغلو صعد غير ملابسو واني رحت احضر بالغده نزل دخل الغرفه الحجيه اخذت الكل وخليتو يمو كعدت ع تخت الحجيه اتصفح بالجهاز وهو ياكل والحجيه كاعد يمو يسولفون ما نسمع غير صوت جهاز يرن ضلينه ندور ع الجهاز ماكو رجع رن علاء اتبع مصدر الصوت وره الميز مال الحجيه اللي تخلي بي علاجها بالطرف رقم يتصل فتح الخط علاء ما كال شي
علاء أخذت الجهاز اعرف مو جهاز الاء ولا جهاز وحده من البنات فتحت خط وسكتت جان يجي صوت كرهني كل حياتي وهو يكول. الووو لولو حياتي وين صرتي أجهضتي الطفل لو بعدج استعجلي لا تكبر بطنج وننفضح
كرهت كل شي بحياتي كرهت الاء وكرهت كل شي بسرعه سديت الخط و ضربتها راشدي هي تباوعلي بعدم فهم وتعرف تمثل طلعت وكتله صاعد خمس دقايق وانتي فوك واذا ما تصعدين انزل ادفنج بالقران تركتهم وصعدا شوي وصعدت وراي دخلت للغرفه قفلت الباب وطريت الجهاز بوجها وكتلها. شنو هذا
الاء. شنو
علاء. أخذي وكليلي شنو هذا
الاء أخذت الجهاز وضليت اقرا محادثات كلها باسمي ويعرف انو اني وعلاء ما بينه علاقه رجال ومره مابينه علاقه فراش كلام مو زين علاقات هاتفيه من الجهاز (اعتقد فهمتوها) واللي يقهر أكثر حامل واريد اسقط الطفل ضليت صافنه رفعت راسي كتلو والله مو ال.. بعدني ممكمله ما احس غير عتني من شعري وضل يضرب بيه بكل مكان حسيت علاء صار وحش مشاكل اشكال والوان صارت بس ما بيوم ضربني مثل هل ضرب حسيت طلعت روحي بين ايديه بعد عني وطلع وقفل الباب ضليت كاعده بالغرفه وابجي مااعرف شنو اللي سويته حته هاي تاليتي انضرب وانسب كل مقصدي من هاي الزيجه سعاده اخوي وهاي تاليتي لان فضلت سعاده اخوي احس جسمي متكسر مااكدر اتحرك ضليت كاعده لليل هو دخل للغرفه وقفل الباب كعد ع التخم كدامي ويحجي بكل بردو
علاء. هو نفسو
الاء. منو
علاء. اللي تحبي قبل لا أتزوجج
الاء. ليش منو كلك هذا جهازي
علاء. عجل المنو احجي انتي اللي اسمج الاء ويدلعوج لولو وبس المقربين عليج مو الكل كولي منو
الاء. وانته مصدك اني اسوي هيج
علاء.و ليش ما اصدك كلشي دحكتو بعيني رسايل ولج تخلينو ياخذج حقيره وتحملين بطفل منو ولج كليلي شسوي احجي شنو اسوي بيج
الاء اعرف علاء ثبتت هاي الفكره براسو رديت عليه وبكل غباء. ماريدك انغصبت عليك لازم اتحمل عيشتك ومشاكل اهلك الخاطر منو هاااا انته منو شنو مكانتك بحياتي
علاء. حيوانه حقيرااااا انه تنزلين رأسي بس كليلي وين تتشاوفون بس كليلي وين خلي اهجم الدنيا عليكم
الاء..هههيييءءءء يكلب الدنيا ليش الدنيا سايبه عندك اني كلت هيج ما أحس الا بضربه علاء ع بطني خلتني اصرخ السابع سما شاغت روحي حسيت احشائي تتقطع من قوت الضربه ضل يضرب ويصرخ هم عبالهم مثل كل مره فمحد يدخل بشي شبعت كتل وهو يكلي شحجي شكول ولج ملفي وحده كح... بيتي اموتج احركج العن والديج حيوانه نزلتي راسي شكول ولج اكتلج يسئلون ليش اطلكج ليش تطلك ولج اخذج الاهلج هم يتصرفون وياج
الاء طلعت روحي وصلت الا الشرف مو شي هين انطعنت بي رجع طلع وقفل الباب ضليت ابجي وادعي ع مازن بقلب محروك وضليت احجي بدون وعي كرهت حياتي نمت بمكاني ما حسيت غير ع صوت خديجه تحجي وياه
علاء. ماريدها بعد حته لو الي نفس بيها كرهتها وكرهت شكلها
ام هيثم. خويه لا تتسرع وتضلم البنيه ما تكلي وين تطلع وين تولي منين اجتها هاي السالفه حرام تضلم البنت
علاء.باجر اذبها ع اهلها ما اتشرف بيها بعد يردون يطلكون مروه خلي يطلكون
أم هيثم. لا خويه ع بختك انته ابو قلب تروح تذبها ع أهلها اذا عرف اخوها يموتها مثل ما أبوها موت اخته وبعدين تطلع مضلومه انته من يمك لملم السالفه ولا تخلي عدها جهاز ولا شي واذا تريد من عندك تحجي ويه اهلها بس خويه استر عليها واذا ع سالفه الحمل مو صعبه ناخذها للدكتوره نسويلها فحص ونعرف الحقيقه
علاء. ماريد خويه خلي تولي هسه انه ناقصني بعد ضيم تجي هي تكملو
آلاء طلعو اثنينهم من الغرفه هاي اخرتها يكعدون يتوسلون بي علمود ما يفضحني ضليت نايمه ع الارض عيوني ع السقف دخلت خديجه
أم هيثم. كومي اشو الله يصخم وجهج
الاء. خديجه ما ناقصتج
ام هيثم. مصخمه وجهو للرجال وما تردين تحجين كومي
الاء. شحجي كليلي شحجي تره اني مني وحده ماعرف شنو ديصير اريد افهم شنو المشكله ليش هيج يصير وياي لا اذيت ولا كتلت ولا نهبت ولا ولا ولا ليش يصير بيه كل هذا تعبت والله تعبت
ام هيثم. اللي بطنج ابن منو ويه منو الاء احجي
الاء. اللي بطني ليش منو بطني خديجه والقران اني مالي دخل مو اللي انتي ع الاقل صدكيني والله مالي دخل بشي
ام هيثم. شصدك كليلي شصدك اذا هو كلشي يكول انتي مسويه هيج
الاء. والحل
ام هيثم. اخذج الدكتوره اسويلج فحص عذريإ وحمل
الاء. باحلامكم اني ما مجبوره اثبت شي اهم شي ربي يعرف اني شنو
ام هيثم.لا تعندين الاء
الاء. هذا اللي عندي ما مجبوره اسوي فحوصات علمود ابين انو ما واحد لامسني واخل اخوج يتقبلني اذا ما عاجبو براحتو اني اتصل ع اهلي هم يتصرفون وياي ويبقى القرار الهم يكتلوني لو يبقوني عايشه
ام هيثم. الاء لا تسوين هيج
الاء. هذا اللي عندي وان شاءالله يجي اليوم وينكشف كلشي تركتني وطلعت مر يومين واني بالغرفه من يطلع يقفل الباب ومن يدخل يقفل الباب حقر وياي بشكل مو طبيعي يومين عايشه بس ع الهوى قطره مي ما دخلت بحلكي احس كلياتي صارن صخر يبسن مايقبل واحد يدخل الغرفه علي هو اذا دخل يضرب ويتفل بوجهي ويطلع كرهت حياتي من وراه افكر انتحر بس ماريد اخسر دنياي واخرتي خوفي من الله اكبر من وسوسه الشيطان كاعده بالغرفة ملابسي صارلي يومين بيهن جسمي متكسر كلياتي موتني الم مو طبيعي ضليت استفرغ شي أخضر ماعرف شنو بالضبط حسيت نفسي وحده مريضه بمرض معدي ويخافون اعديهم ومخليني وحدي بغرفه تعبت اختنكت من الغرفه ضليت ادك بالباب اريد واحد يفتح الباب ماكو ضليت أصرخ. فتحووو الباب راح امووووت حجييييه فتحووو الباب صفااااا
صفا. شبيج الاء طلعي ليش تصرخين
الاء. صفا فدوووه فتحي الباب راح اموت بس مي
صفا. شفتح بي عند علاء المفتاح وعلاء طالع
الاء. فتحي راح اموت بس انطيني مي ماريد شي ثاني
صفا. اوكفي شوي واجي نزلت افور ع امي دخلت الغرفتها وكتلها. حررام عليكم خافو الله البنيه راح تموت وانتم ولا هامكم خابري هذا ابنج الكو... يجي لا والله انه اخابر ع اخوها يجي ياخذها
الحجيه. شبيج هاده شصاير وياج
صفا. علاء وين حرام عليكم البنيه راح تموت شنو اللي سوت حته مخليها فوك والباب مقفول لا اكل ولا شرب حرام والله حررام
الحجيه. انتي ما دخلج
صفا. شنو ما دخلني البنيه امانه عدكم تسون بيها هيج الله يرحم اللي جان ما يقبل لا عليه ولا عليها بس من بعد ما غمضت عينو اللي ما تسوه راح تتعاله علينه
الحجيه. احترمي نفسج ولا تضلين تجفصين بالحجي حقيررره
صفا. ما احترم وهسه اخابر اخوها يجي ياخذها حرام بالحرم ما تبقى هين ع هذا ضلمكم الها
علاء. انتي مالج دخل بيها عسا ما اموتها ما دخلج انه اعرف شسوي وياها
صفا. لا والله ليش فصليه عندك لو شنو علاء البنيه راح تموت يومين قافل عليها باب سجن خوما سجن
علاء. ما دخلج عسا ما تموت انتي ما توصلين يم باب الغرفة تركتهم وصعدت للغرفه فتحت الباب ماهي سمعت صوتها تستفرغ بالحمام دخلت عليها صايره صفره تستفرغ ماده خضره عرفت كلياتها صخرن طلعت من الغرفه نزلت اخذتلها اكل ومي وصعدت كتلها اكلي ما تريد اخذت المي و شربتو كلو وكامت اتمددت ع التخت كتلها. كعدي اكلي ماريد ابتلي بيج
الاء. مامجبور علي أخذني الاهلي
علاء. اذا عرف اخوج يموتج
الاء. اهون من الكعده عندك ماريدك تفهم اتركني اكرهك واكره كل واحد بهل البيت
علاء اخذتها من ايدها ونزلت الدرج وهيه تمشي وراي بالكوه ذبيتها بغرفه أمي وكتلهم. اذا ادحكها بالغرفه اموتها تبقى عندج تخدمج ماريدها مره الي والاحسن ما ادحك وجها تركتهم وطلعت حته انتي يا الاء صرت بلاع موس ما اكدر احجي فضلت السكوت ع الفضيحه محد عرف بالسالفه غير امي وخديجه وانه وهي سحبت الجهاز منها اكثر من مره مازن يتصل علي يسئل عنها ليش ما ترد اكلو جهازها وكع بالمي وعطل وهي ما تريد جهاز تكول مااكدر اسيطر بين شغل البيت والجهاز اذا تلزمو ما تركو وعدها جهازي اذا تريد تحجي ويه اهلها فهو سكت ما كال شي بعد من يريدها اخلي صفا تأخذلها الجهاز وتحجي ويه اهلها وترجعو بيد صفا فتحت جهازها اريد اعرف اذا اكدر اوصل الراس خيط واعرف منو اللي تحجي وياه ماكو كلشي ما بي اصلا بس صديقاتها وأكثر ارقام بس رموز تعبيريه ورقم مكتوب عليه هتلر العشق دخلت ع الرقم محادثات بينها وبين ولد بس اسمو هتلر ما مذكور اسمو الحقيقي اكثر كلامهم ما مفهوم كردي مكالمات بيناتهم وتفتح وياه كام صدك تنرفزت تركتو وكمت الاء من نزلت الغرفه امي ما دحكت وجها تخدمني من بعيد من اطلع تدخل للغرفه تنضفها وتغسل ملابس وتطلع اسبوعين ما دحكت وجها ولا هي تبين كدامي خديجه اخذتها للدكتوره..... يتبع