زيجه راس براس

البارت 20

طلعت من الغرفه اريد اصعد للغرفة انتبهت ع باب غرفه هشام مفتوح و حسين واكف يم الباب تقربت عليه انتبه علي اشري بمعنى اسكت سكتت وضليت اتسمع وياه
سوسن. هسه شلون ولج اخاف ننفضح
هديل. لا تخافين السالفه ما راح تتقرب منه هو رقم ارسلو الكاظم وبعدها كلشي تمام نخلص منها ع الاخر
سوسن. ولج انوب يموتوها
هديل. بعد الاحسن مازن اذا عرف بسوايه اختو راح يموتها خلاص نبقى بس ندحك راسها بجهة وجسمها بجهة
سوسن. نخلص منها ونخلي بمكانها نغم وبعدها نطير ريان وحنين هم مالتين ونخلص
هديل. ريان شوي صعبه سالفتها لا تنسين ولدها كبار ويدافعون عنها مو مثل الاء مالها احد هين اما حنين هاي فاره بسرعه نخلص منها بس اللي موتني علاء كل هذا وما طردها من البيت
سوسن. يي والله صدك هو لا مخليها مره الو ولا خدامه تحت جناحو مخليها للحجيه
هديل. يحبها حبتو حيه هو وياها
سوسن. لا ولج هذا وين يعرف يحب تلكينو يربدها فراش لا غير وهي دحكي جسمها شلونو ولا تكولين عمرها 16 ليكول 30 سنه تغري بلبسه بوسه
هديل. ثوله اكلج ما ماخذها وين تغري
سوسن. حبيبتي انتي ثوله صارلهم 6أشهر متزوجين ما معقوله ما تقربلها هسه تلكيها مو بنت بيوت وهو ساتر عليها والا نسيتي شلون يبوس بيها من يختلون بغرفه الحجيه
هديل. والفحص اللي اخذتها خديجه بيدها وتأكدت منها لو حته خديجه تجذب وتتستر عليها
سوسن. تركج منها وخلي هذا يكمل شغله وهذا الرقم أخذته من جهاز هشام

علاء اسمع كلامهن ونار تسعر بقلبي ما حسيت غير داخل عليهن هن دحكن دخلت عليهن صوفرن
سوسن. خير علاء محتاج شي شلون تدخل علينه هيج
علاء بدون وعي بدون تفكير لزمتهن وطحت عليهن كتل حسين سحل هديل الغرفتهم اتصل ع هشام علمود يرجع ضليت امشي بحركه بالبيت دميتها السوسن شوي طلع حسين و طر مرتو بالكاع
حسين. يمك انته ما اتشرف بيها بعد انته تصرف وياها
علاء. ولجن اموتجن احرك هذا المهيوم ع راسجن شرررررررفها بنات الكلب البنيه ما رتاحت منكم
مخلد. علاء شسالفه شبيكم
علاء. شبينه بعد ملفي كح... بهذا البيت ولجن من أفرغ هذا براسجن اكو كوا... يكلي ليش بنات الكلب بنيه تجين تحجين بشرفها وتطعنن بيها ضليت أصرخ خلص انتهت حبي انتها قبل لا يبدي قبل لا تعرف بحبي الها راح تتركني اموت بنارها اجه هشام وعرف علمود شنو كالو يجي بدون كلام بدون سلام اخذها وطلع حسين هم اخذ هديل وطلعو أنه هم طلعت من البيت كرهت هالبيت خلص الاء راحت من ايدي خسرتها راح تطلع من حياتي وانه اطلع من حياتها خسرتها بكل معنى الكلمة هيه هاي الاء خلص أنساها هسه عرفت بكل شي وراح ترجع الاهلها اهلها اللي دائما يتصلون واتحجج علمود ما تحجي وياهم انها يوميه تتصل وانه اطلع جذبه علمود ما تحجي وياهم حته صفا حذرتها تنطيها جهازها وتحجي بي ضليت افتر وأفكر شنو راح يصير وياي ما حبيت ارجع للبيت رحت البيت خديجه دكيت الباب طلع هيثم انصدم من دحك علي دخلني
هيثم. خير خالي صاير شي
علاء. سلامتك ماكو شي بس شوي تعبان وكلا اريح يمكم
هيثم. هلا بيك خالي البيت بيتك
علاء. رحم الله والديك ابوك هين
هيثم. لا اليوم عندو خفر
علاء. هاا دخلت البيت البنات ماكو بس خديجه ضلت تدحك علي متفاجئة بوجودي بهيج وقت
ام هيثم. خير علاء شصاير شبيك
علاء. خلص انتها كلشي كلشي بان
ام هيثم. هيثم روح الغرفتك حدر خويه شصاير وياكم
علاء. كتلج راح تروح وترجع الاهلها بس نعرف حقيقتها تتركني
ام هيثم. علاء اذا تحبها لا تتركها صارحها انته تعرف حقيقتها ليش تسكت احجي وياها وهي راح تتفهمك
علاء. انتي ما تعرفين الاء جان عدها استعداد تروح الاهلها وتواجهم وتكلهم هيج سالفه اتهموني بيها
ام هيثم. علاء الزمن عاد نفسه نفس السالفه اللي صارت قبل عشر سنوات وراح يجي يوم وتظهر حقيقه كل هذا
علاء. الاء مالها ذنب بكل اللي صار وياها اتحملت ذنب هي مالها دخل بي ولا تعرف شلون تنقذ نفسها كل اللي صار وياها بسبب نسوان اخوانج
ام هيثم. قصدك
علاء. انكشف كلشي انكشفت لعبتهن
ام هيثم. ولازم هسه انته تفرح البنيه مالها دخل بي صار وطلعت برائتها
علاء. ع شنو افرح اكلج تروح تفهمين شنو تروح يعني طلاك يعني ننفصل يعني تطلعين من حياتها وترجع الحياتها القديمه اللي ما بيها لا علاء ولا ضلم علاء بكل سهوله راح تبعد عني وتنساني
ام هيثم. خويه لا تظلمو البختك يمكن هي هم تحبك
علاء. هههههههههه تحبني هههههههاااااي ضحكتيني يا حب يا حب دخيل ربج ليش تحبني ع شنو ع صخام وجهي لو ع شنو شنو يخليها تحبني ع ضربي الها لو ع السبي الها لو ع شنو كليلي ما دحكت مني غير الضيم مرضتها ضربتها حته لو عندها ذره مشاعر تتبخر ع معاملتي وياها
ام هيثم. خويه ربك كريم ماكو شي يبقى مثل ما هوه وكلشي قسمه ونصيب
علاء. ماريدها تروح اموت والله اموووت احبها تفهمين شنو احبها
ام هيثم. اعرفك تحبها والله اعرفك
علاء خلصت اليل بس التكلب عيني ما دحكت طعم النوم أذان الفجر كمت صليت و دعيت ربي يساعدني ويرحم حالي كمت طلعت خديجه كاعده تقرا قرآن ضليت استمع الها احب استمع للقرآن كعدت يمها هي مستمره تقرا كملت كلتلي
ام هيثم. ليش كاعد من وكت يا خوي خليها على الله تنحل ان شاء الله
علاء. ليش أنه نمت مااكدر انام وهي باي لحظه تكلي أخذني الاهلي
ام هيثم. خويه ربك كريم وانته طيب وهي فقيره ان شاء الله تتصافه اموركم وتنفرج
علاء. الله كريم ضليت كاعد بالصاله خديجه دخلت للمطبخ هسه يكعدون ولدها الدواماتهم كلهم صباحي كمت ردت اطلع صاحت وين خويه ابقى وين رايح كتلها لا خويه عندي شغل كلتلي ابقى هسه خمس دقائق ويكمل الأكل ما حبيت اكسر بخاطرها كعدت يمها بالمطبخ كملت الأكل كعدت الولد وجنات وكعدنه ناكل كملنه وطلعت للبيت فتح الباب حسيت بخنكه دخلت من باب المطبخ دحكت الاء واكفه ع الطباخ تحضر بالريوك كتلها. صباح الخير