زيجه راس براس

البارت 2

يوم ثاني الصبح
الاء كعدت ع صوت مروه تحجي بالجهاز عرفت ويه مازن كمت من الفراش غسلت وجهي وطلعت ابوي كاعد بالصالع هوه والحجي رحت عليه بستو براسو وكتلو... صبح الله بالخير
ابو مازن... صبحج الله بالخير والعافيه رحمتي
الاء... صبحك الله بالخير حجي
الحجي... صبح الله بالخير والعافيه بنيتي ان شاء الله ارتاحيتي بالنومه
الاء... الحمدلله حجي
الحجي... والله يابو مازن عرفت تربي بنتك
ابو مازن... الحمدلله ع كل شي ما يوم شفتها غلطانه عندي اثنين واربيهم عدل ولا عشره ويطلعون طايح حظهم ويفشلوني كدام الناس
الحجي... يي والله خويه الكثره مامنها فايده
مازن... هلا ليلو صباحج خير
الاء بستو براسو وكتله... صباحك نور وسعاده وحب 😉😉
مازن ابتسمت... انتي السعاده والحب
الاء... يمااي فدووه اروح الخياي
علاء.... صباح الخير
الكل... صباح النور
علاء... شلونك حجي
الحجي... الحمدلله
علاء... الاء جهازج فوك اذا تردينو صعدي اخذي لان امس ما سكت
الاء... صدك اصلا نسيته
علاء... فوك صعدي اخذي
الاء صعدت للغرفه اخذته ونزلت فتحته شفت الانستا مفتوح كتله... فاتح الموبايل مالي
علاء... يي بالغلط عبالي جهازي وفتحتو
الاء... بس مايصير هيج
علاء... ع كيفج عيني ليش منفعله الا عندج شي وخايفه منوو
الاء... لا شنو عندي وتخاف منه عادي
الحجي... اخوك طلع
علاء... يي طلع خلي يخلصنه هذا اخر يوم تعبنه
الحجي... الله كريم ان شاء الله يفلح هاي السنه يي بويه الاء وين وصلتي
الاء... اذا الله كتبلنه عمر رابع
الحجي... ان شاء الله ندحكج دكتوره
مازن... لا عمي هاي تصير دكتوره تموت ناس ام سلاح من هسه مصاحبه ضباط علمود تصير عدها واسطه وتكدر تدخل عسكريه
الحجي... يااا ولج مصكوعه عسكريه شنو
الاء... عموو اني بنيه بس طالعه من ضهر رجال وحمايه الوطن مو بس للرجال
الحجي... بويه شغل الزلم انتي شكوو بي
علاء... حجي ما هليام النسوان تخوط بشوارب رجلها ويمشن بشغل الزلم
الاء... عفوا تره هاي حريه والشغل مو عيب وبعدين المرأه نصف المجتمع ماكو واحد اعلا من الثاني
علاء... والله يا يبنت الناس هذا كلام المسلسلات ماتركينو احنه عراقيين المره ماتتعاله ع الرجال
الاء... للعلم احنه العراقيين اكثر الفنانيين واللي اسمهم دارج نساء لا تتحجج بهيج سوالف
علاء... عيني هذول الله مطيح حظهم وماعدهم شرف نسوانهم معرايات والجاي والرايح يطمش عليهن
الاء... والله تركوو الشرف بس الك هزيت أيدي ورحت يم البنات اسمع ابوي يتعذر منه لان كتله تركت الشرف بس الك يووو هسه شلون سالفه للعصر اجوهم خطار كعدنه نحضر بالعشه وماطلعنه من المطبخ صح غريبه عنهم بس هذا طبعي احب اساعد ولان مره بالمطبخ اكعد يمها و إحسان خلصن الامتحانات ملاتوو وكاعد بالمطبخ يسولف ويه اختوو واني اشاركهم الحديث كملنه العشه وهذول يبقون عدهم خوالهم من بغداد ويتفيكن براسنه عشتوو 😒😒
مروه... امشي نزل افراش من الغرفه الفوك
الاء... يي امشي صعدنه للغرفه دخلنه ما نطول الفراش عالي راحت صاحت ع واحد من الولد شوي واجت هيه وهذا العقده اول مره اشوفه بس ابد ماحبيته صعد ينزل مروه اخذت بطانيات ونزلت اني ضليت واكفه نزل دوشك اريد اخذه ماحس غير شي دخل بصدري بسرعه كش جسمي هذا باوعلي وجهي انخطف لونو
علاء... شبيج
الاء مارديت احس بحركته بصدري
علاء نزلت من ع الطبله وكتلها... يول شبيج
الاء ضليت ارجف اول مره اتعرض الهيج موقف بيتنه ماكو سحليه بابا يخلط سم وكل اسبوع يخلي بالبيت فماكو لا حشرات ولا سحليات واني شلون ما اخاف منهن
علاء... بس لحظه شبيج
الاء نزلن دموعي
علاء... يولي شبيج ليش تبجين
الاء ماحجيت بس اشرت ع صدري
علاء... شنو شبيج
الاء احس بي يتحرك ع جسمي
علاء... بيج شي شصار وياج بسرعه دخلت ايدي بثوبها حسيت اكو شي يتحرك بسرعه كضبتوو يععع ابو بريعص ماحس غير هاي صرخت ونزلت تركض نزلت وراها
الاء... يمه الحكيلي لمسني لمسني
ام مازن... يا يمه شجاج اسم الله الرحمن
الاء... انطيني نفط يمه مغزز
ام مازن... يااا يمه شبيج
الحجيه... ولكم شبيها البت انصرعت
الاء الكل اجه ع صوتي
ام كاظم عجوز البين... ولك عليوي بس لا سويت شي بالبنيه وانتم وحدكم فوك
علاء... عمه عمت عينج اني اسوي من هذا اللي بالج
ام كاظم... عجل البنيه نزلت تركض وانته وراها تريد تسكتها
الحجيه... ام كاظم كضبي السانج
ام كاظم... لا والله دحكي ابنج شمسوي بالبت ومخليها تطفر ولمسني ولمسني
مازن بعصبيه... الاء شبيج
علاء.... يابه شبيكم ماكو شي بس بريعصي دخل بجسمها
الاء... انته تسكت يمه جسمي ضل يمشي علي مغزز
الحجيه... روحي يمه دخلي للحمام غسلي جسمج وخلص هبطتي كلوبنه يصير هيج
الاء ماحجيت رحت للحمام اخذت تايت ما استنضف بالصابون او شامبو والله لو يصير كان اغسل بقاصر لعبت نفسي غلست جسمي 3مرات يلا شوي هديت طلعت بنات بالغرفه  وكعدنه نسولف رن موبايلي كمت من الفراش وطلعت انقطع رجعت اتصلت ع غرام ردت
غرام... جلبه حقيره خاينه ماتردين مشتاقتلج😒😒(سلام البنات هيج وبعدين اشتاقيتلج )
الاء... ليش هيه ضل بيها شتياق
غرام... ولج مشتاقتلج موت حيوانه من رحتي الهذول العرب بعد ما اتصلتي
الاء... اشووو ما تنجبين يا عرب وبعدين اني السنه كلها يمجن ومروه ما اشوفها وهسه اني يم مروه انتن مالجن حق
غرام... اوووي عيني ام حقوق
الاء... مثلج اركض وره رجلي انطيني حقوقي وانطيني حقوقي
غرام... لعد شلون ما اخذ حقي لو بس اسمه زوج
الاء... خايبه شعاجبج بي ليكول وحش ونايم يمج
غرام... ياا ولج غير يخبل لو تشوفين رومنسيته
الاء... انتي أم رومنسيه خليني ساكته هذاك اليوم تبجين وتكولين وحش و ضالم واليوم رومنسيه شكلج ماكلتها اليوم
غرام... لا ولج اليوم عنده شغل لهسه ماكو
الاء... كبور يي والله يلا تحضري هسه يجي
غرام... حتركت عشيرتج
الاء... هيييييي الا عشيرتي ماتقربين يمها
غرام... اوووه ام عشيره يلا اروح
الاء... اوك باي ام حقوق نهيت الاتصال وصحكت عليها ضليت كاعده ع الدرج شوي ودخلت للغرفه ونمت مر 3ايام بيتهم قررنه نرجع للبيت
الحجي... خويه شسالفتك تريد ترجع
ابو مازن... والله ياخوي طولنه يمكم صارلنه 5ايام
الحجي... ومكلف ع نفسك 5ايام
ابو مازن... ان شاء الله نجيكم
الحجي... هلا بيكم البيت بيتك
ابو مازن... يلا بويه تهيروو باجر طالعين
الاء حضرنه نفسنه وكملنه نزلنه بالصاله الوداعيه يسموها شوي ورن موبايل الحجيه وكعدت تحجي ووتكول يي بعدهم هين ان شاء الله ان شاء الله نجيكم نهت الاتصال كالت
الحجيه... والله ياخويه ابو مازن راح تبقى
ابو مازن... خير خويه شصاير
الحجيه... كل خير خويه ام بدر عرس ابنها يوم الاثنين وتكول ذمه خلي يجي وعكب باجر الحنه
ابو مازن... والله ياخويه شايفين كل الخير بس
الحجي... لا بس ولا شي ابقى بعد جمن يوم شجاك مستعجل
ابو مازن... ان شاء الله باقين هين
الحجي... البيت بيتك عين غطه وعين فراش
ابو مازن... تسلم عيونك ما تقصر
الاء... بس بابا ما عندي ملابس مال طلعه العرس
الحجي... بويه ملابس البنات كدامج اخذي اللي يعجبج
الاء... ااا لااا عمووو اني ما البس ملابس ملبوسه
الحجي... يا شبيج غير ملابس من البنات
ابو مازن... حجي هيه هذا طبعها ما تلبس شي مستعمل تكش منه بابا بتجر روحي انتي واخوج واشتري
الاء... ويقبل مازن يروح
ابو مازن... غصب عليه يروح وياج
مازن... ييي يي بعد رجلو فوك راسو و احط القندره بحلكو كله علمود هاي الزعطوطه
الاء... يا عمري يا مازن حشاك من كل هذا بس غير انته اهوي وتاج رأسي وسندي وتروح وياي للسوك
مازن... يمه منج انتي إبليس مايكدر عليج
الاء... ميزوو حياتي
مازن... باجر من الصبح حضري روحج مو تاخرينه وهمه جوهم مادري شلونه
الاء... أوك اوك ما أتأخر ضلينه كاعدين شوي وكل واحد راح ينام اليوم ثاني الصبح كعدنه والبنات انصرعن هاي تروح منا وهاي تجي منا وهوستهن اني حضرت نفسي ونزلت ابوي والحجي والولد كاعدين بالصاله مشيت الابوي و نحنيت بستو براسو وكتلو... صباح الخير والعافيه
ابو مازن.... صباح النور يابعد عيني
الاء... سالمه عيونك يالغالي رحت ع مازن بستو براسو وصبحت عليه وع الحجي وع الولد
مازن... بويه احنه وين نعرف مولاتهم وين
إحسان... اني اروح وياكم
مازن.. يي هلا بيك
إحسان... هيه ضوجه نطلع ونريح نفسيتنه
الاء ابتسمت شيطان يعرف شلون يلزك نفسه بالناس ضلينه للساعه ب9:30 يلا طلعنه
احسان... بويه لو لابسه جبه لو عبايه جسمج مفصل
الاء... ماكو ماريد اني العبايه البسها فقط بالولاية
إحسان... بس انتي مايصير تطلعين هيج عيب
الاء... ماريد اني عاجبني
إحسان... رأسج يابس ما يلين ابد
الاء مارديت عليه اخذنه تكسي مازن كعد كدام واني و إحسان وره انبهت السايق يدحك علي زكح بي إحسان
إحسان... عيونك ع دربك يولو لا اي افكسها
السايق... هدي خويه ما علقصد
إحسان... ينعل ابو الساعه الصرتي بيها
الاء ضليت مدنكه رأسي وصلنه للمول اخذن بنطرون ازرق فاتح و قميص ابيض واسود وبنطرون ثاني اسود و قميص زيتوني واسود نفس القميص بس الالوان تختلف و شوز كعب داخلي أيضأ  ابيض واسود واخذت مكياج وعطورات ومن هاي السوالف ورجعنه للبيت شوفتهن للبنات وعجبنهم خلص اليوم اليوم ثاني الصبح كعدنه والبنات يلملمن منا ومنا خلصنه ب10 كملنه البيت صعدنه غيرنه ملابسنه لبست بينصل احمر وحذاء اسود كعب وحجاب ومن هاي السوالف كملنه ونزلنه طلعنه من البيت رحنه البيت ابو بدر اللي هيه عمتي عمري كله بس مرتين داحكتها وصلنه بالريف او مثل ما يسموها قريه نزلنه استقبلنه رجل عمتي بلهلا والمرحبا ويا هلا بابو مازن وعائلته يوووو ومن هاي السوالف ودوختهم دخلنه للبيت وسلم ودك بوس حلكي انعوج من البوس كعدنه
ام بدر... هلا والله خيه نورتي البيت
ام مازن... ابنور نور أصحاب الدار
ام بدر... صلاوات هاي المهره الاء
ام مازن... يي الاء
ام بدر... صايره مره و شطالعه اليوم
ام مازن... طبعا صارت مره
ام بدر... ربي يحفظها الكم ويفرحج بيها والله لو عندي بعد ولد اخذها شحلاتها تطلع كسر ع نسوان حموينها
ام مازن... كلشي نصيب وشوفي هيه وين نصيبها
الاء ضلت امي تحجي ويه عمتي ويعع ليسمعها يكول موته روحي اجي اعيش وياهم عرب يابه خبله لو شنوو
ام بدر... ولج شيماء شويمه
شيماء... هاا يمه هاا
ام بدر... تعاي اخذي بت خالج وياجن
شيماء... ياا خال
ام بدر... خالج جميل اخذيها يلا
شيماء... كومي كومي حبيبه
الاء رحت وياها بناتهم كلهن بالمطبخ كاعدات دخلتني
... شنو اسمج
... الاء
... هلا بيج اني شيماء
... هلا شمه
... اعرفج ع البنات هاي نورس وهاي سجى  خواتي وهاي ميلان وهاي رحيق وهاي سهام بنات خالو عمار اللي هوه عمج بنات هاي الاء بنت خالو جميل
البنات... هلا نورتي
.... يسلموو هذا نوركم ضلينه نسولف وهنه يشتغلن واني واكفه احجي وياهن دخلو الولد وهرجو البيت انخبصنه يسولفون بصوت عالي وضحكهم شعلووه ليكول مخلين مكبر صوت
قيصر.... هاي المهره منين وجايه هين
شيماء... هاي بنت عمك المسيحيه قيصر افندي
قيصر... بصلاه محمد عليج عندي بنت عم هيج ولك حويزم ادحك ادحك يمه بنات العم وانوب مسيح
الاء... استغفر الله عينك لا افكسها الك واني ما مسيحيه تركتهم وطلعت من المطبخ ورحت يم ماما شوي واجو بيت الحجي هم ما يمشون سريع هم السلامه اولا فتاخر كعدنه واني روحي طافره شوي وأذان كمنه صلينه شوي و فرشو السفره وكعدنه كلنه وجابو الأكل كعدنه ناكل صاحتني ميلان
ميلان.. الاء بنت ابو مازن يردوج بالمطبخ
الاء كمت اشوف منو يريدني شفت إحسان واكف بالباب
إحسان... حدري هين
الاء... شكوو
إحسان بصوت ناصي... اعرف حبيبي يحب الاجنحه مال الدجاج اكلي وادعيلي
الاء ضحكت وكتله... ان شاء الله اشوفك عريس
إحسان... واكييد انتي العروس
الاء... احمم يلا اني اروح عفته طلعت رحت يم مروه كعدت
مروه... منوو
الاء... اخوج انطاني اجنحه
مروه... يمه الحب يمه حته بالاكل يذكرج قابل مثل حظي
الاء... ياا ولج حظج يخبل اهم شي اخوي يحبج
مروه ... يي اهم شي
الاء كملنه اكل ولمن السفره رحنه وياهن نغسل بالمواعين وسوالفهن وضحكهن يبوووي مامتعلمه ع هيج شي احنه صح نتجمع بس صوتنه مو عالي نحجي بهدوء هنه لا صوتهن شعلوووه ليكول كاعدين بسوك ع صوتهن كملنه المواعين كلنه صعدنه نغيرر ملابسنه حنتهم من وكت ب3 يطلعون لاهل العروس
اخذت ملابسي وصعدت اني والبنات غيرت ملابسي وكعدت اخلي مكياج خفيف مااحبه قوي فتحت شعري لان ما مسويته عدل
ميلان... اكلج الاء
الاء... كولي
ميلان... شعرج مشسور
الاء... لا هوه هيج
ميلان... بصلاه محمد عليج هذا شعرج
الاء... لا سويت زرع طبعا هذا شعري
ميلان... كلش حلو لا تلبسين هناك حجاب هوه ابن عمتج العريس عادي
الاء... نووو مستحيل صح ابن عمتي ومنو يصدك ابعمري ما شايفته
ميلان... براحتج
الاء شكد حشريات كملنه ونزلنه كعدت يم امي جان وحده اسمها ام ريكان  تكول
ام ريكان... ام مازن بنتج كامله
ام مازن... يي خيه كامله والكامل الله
ام ريكان... عجل اريد اخطبها الابني ماشاء الله خلق وأخلاق
ام مازن... والله البنيه تريد دراستها مااريد تتزوج وهيه بعدها صغيره كله عمرها 16 سنه مومال زواج
ام ريكان... بس خيه البنيه تاليها تتزوج ليش توكفين قسمتها
ام مازن... والله خيه عذا حجي ابوها قبل لا نجي بيومين عم جايين عليها خطابه بس هوه مايقبل يكلهم صغيره
ام ريكان... والله راح تظلمون البنيه
ام مازن... لا خيه ما نظلمها
الاء ويييع ربي شسوي اكوم احرك روحي لو شنو بالضبط رحنه البيت العروس حنه عاديه حناها ورجعنه للبيت عمتي هم البنات شغلن الديجي وكعدن يركصن

علاء رجعت من الشغل ماكو واحد بالبيت كلهم راحو البيت ابو بدر ارتاحيت شوي ورحت الهم وصلت نزلت وسلام وماعرف شنو رحت كعدت ويه الولد شوي وبلشت الحنه وكامو يركصون جوبي كمت وياهم انتبهت البنات فوك السطح كلهن واكفات بس ضلمه ما ينشافن الترابه صارت للستار انوب اسود لابس صار املح خلصت الحنه كعدو الولد اني رحت وكفت يم مازن شوي ورحت اريد اشوف الاهل يبقون لو يرحون سمعت الولد يحجون
قيصر... دحكتو شلون مهره عندو عمي جميل
رأفت... يي والله شلون مهره ول يابه لو ليله وحده يمي غيرر اكطعها ع هل جسم
قيصر... دكوووم ابو ليله بنت عمي اني اولا بيها
رأفت... عجل ندحك اذا اجت لك اليوم امشي بالشارع مصلخ واذا ما جت انته تمشي مصلخ
قيصر... عند عيناك وليله تنام هينا... هوه ياشر ع صدره

علاء اتخبلت صدك لا وانوب يتراهنون عليها رحت بسرعه للبيت شفت ميلان كتلها تصيح مروه شوي واجت
مروه... هاا شنوو
علاء... ترحون لو تبقن هنا
مروه... والله هنا ضوجه وماكو نت مال اروح بس اشوف امي واجي رحت بم امي كتلها... يوم علاء يكول ترحون لو تبقون
الحجيه... اني اضل هين اذا تردن ترجعن براحتجن
مروه... اني راح ارجع
صفا... واني هم
خديجه... اني وياكم
الاء... يوم خلي ارجع
ام مازن... لا يمه ضلي هناا
الاء... يوم حاره هنا وهوسه ماريد
ام بدر... شبيج عمه ضلي ما شفناج
الاء... لا عمه هنا هوسه مااعرف انام
ام مازن...  روحي يمه روحي
الاء كمنه بسرعه طلعنه من باب المطبخ
علاء... هاا بعد منو يروح
مروه... بس احنه امي وعمتي ام مازن يبقن ونسوان خوانك راحن
علاء... يلا امشن الصراحه ماتوقعت ترجع للبيت
الاء مشينه وهوه مشه ورانه واسمعه يستغفر ربه وكفنه قيصر
قيصر... وين بنت العم
الاء... للبيت
قيصر... عجل ما تبقين هيناا
الاء... لا والله تعبانه
علاء مشينه وصحت ع رأفت.... رأفت لا تنسه خلي يتصلخ باجر
إحسان... تعال رجعته وياك
علاء... هيه سياره لو كوستر امشي
الاء إحسان كعد بالصدر واني و مروه وصفا وخديجه وبتها وره نكبسنه كبسه معدله اني كعدت بنصهن ومتقدمه غاد حرك السياره انريد هوه ماكو انقطع عنه رن موبايلي شفته زوج غرام كلت  خير شعنده متصل رديت... الوو
غرام... ولج لحكيلي راح اموت بسرعه بسرعه
الاء... ولج شبيج غير افهم
غرام... راح امووووت ولج لحكي هجمو علينه
الاء... شكو منو هجم عليكم بس لا عشاير
غرام... صخام ولج ياعشاير يا بطيخ هجمو ع القريه مالتي
الاء... من انعل ابوج لابو اهلج لابو الجابج عليه ولج ردتي توكفين قلبي وهسه شتردين
غرام... ولج تعالي دعميني
الاء... كح.... بنت كح.... اذا اجي عساج ما رديتي
غرام... هااامداج مو صوجج لا صوجي اني اجيت اطلب منج مساعده
الاء... دولي ام مساعده وكفت قلبي وهسه تريد مساعده باي نهيت الاتصال
علاء... اتمنه تعدلين الفاضج
الاء... انته الثاني ما تسكت
علاء... اشو ماتعرفين تحجين

هلا شلونكم اخباركم مشتاقتلكم كوومه اسفه لان ماملتزمه بالنشر بس ان شاءالله ارجع مثل قبل القصه حلووه اتمنه تعجبكم ولاتنسون التصويت والمتابعه للحساب وشير اذا ممكن