زيجه راس براس

البارت 4

إحسان... هلا
الاء... اعتقد عرفت اخوك شنو يريد
إحسان... يي عرفت
الاء... والحل شنووو راح تسوي اكييد ما تقبل اتزوج اخوك
إحسان... روحي يبنت الناس ربي يوفقج صعبه مااكدر اوكف بوجه اخوي واكله اني رايدها موحلوه لا بحقي ولا بحقج
الاء... يعني شنوو إحسان وين حبك وكلامك كله تلاشه وراح كله كلام السان كله جذب
إحسان... الاء سمعيني اني بعدني مامكون نفسي وبالكوه يلا طلعت السادس وبعدني كليه ما داخل ومصروفي كله من اخوي خوما ماروح اجيب مره واني ماعندي شي أسند نفسي عليه واعيشها المره تريد وأنتي ماشاء الله كلشي تردين ملابس كل شهر مجدده
الاء... هااا يعني اني اللي اصرف وتخاف ع فلوسك بسيطه إحسان طلعت خاوه مامنك فزعه روح روح والله حته الحيوان مايسوي سوايتك نهيت الاتصال شنو راح اسوي مستحيل اتخبل وهذا منين طلعلي ينعل اهلهم مامنهم خير ضليت نايمه وعيوني ع السقف شنو يصير لو كل هذا حلم اااااه ربي شسوي سمعت صوت اشعار فتحت الجهاز رساله من كمال
كمال... هلا الاء
الاء... هلا
كمال... شلونج
الاء... مو بخيرر
كمال... خير شصاير
الاء... اليوم مازن راح يخطب ويردون مره بمره
كمال... يي وشنو هسه
الاء... المشكله مو هنا المشكله اللي خطبها بنت الحجي وابوي والحجي خوان ومانريد تخرب العلاقه بسبب نسوان
كمال... بس انتي اكييد ماراح توافقين
الاء... والله ياعمو مااعرف
كمال... يا عمو انتي بعدج صغيره مو مال زواج وهاي صديقتج غرام مو ما مرتاحه بزواجها وبعدين انتي مو تحبين هذا إحسان ماعرف شسمه
الاء... هءا اللي يقهرني إحسان مايكدر يتصرف يكول مااكدر اوكف بوجه اخوي واكله أريدها
كمال... يعني اخوو يريدج
الاء... يي ابو صخام
كمال... وابوج شنو رأيه
الاء... ماادري ماكعدت يمهم بس مازن يحاول يقنعني اوافق
كمال... الاء لا تاخذين قرار تتندمين عليه اني مااكدر اساعدج لان مالي حق ادخل بهيج موضوع
الاء... الله كريم يلا عمو اترخص
كمال... باي

علاء من طلعو ابوي استلمني
الحجي... ولك هوه هيج كالوها تريد تعال احجي وياي مو تروح تمخرط كدام الزلم
علاء... بويه اني ما غلطان والبنيه رايدها وهم جايين يخطبون وحده بوحده
الحجي... ولك فشلتني جدام الاوادم ويكول اريدها استحي شوي
الحجيه... ياا حجي شجاك ع الولد
الحجي... والله لو تخاربنه يا عليوي احط جيله براسك
علاء... حجي ليسمعك يكول زاني وياها تره كل اللي سويته خطبتها مو تردون تعرسوني هاي اني دخلت بالي اخذها يعني أخذها
الحجي... من طاح حظك ابن الكلب
علاء... لا حجي حشاك شنو ابن الكلب ضحكت وصعدت للغرفه يوووه هاي شنو سويت عفت البنات كلهن رحت الهاي الكح... شسوي ربي ضليت كاعد شوي ونزلت دخلت الغرفه الحجيه
الحجيه... تعال تعال هاي شمعزي
علاء... لا اكلج ولا تكليلي البنيه تخطبوها
الحجيه... انته اخذتنه حاصل فاصل اختك موافقه ع هذا مازن لو بكيفك تتصرف
علاء... يمه من يمته احنه ناخذ بحجي النسوان وهيه شنو عدها ماتوافق
الحجيه... ولك يمه انته تصرفك غلط تريدها تعال كول يمه اريد فلانه بنت فلان عاجبتني ورايدها مو تروح خالها وعمها و ابوها واخوها كاعدين وانته تفازع اريدها واريد عيب
علاء... يمه اني اريد اقوي العلاقات ودمنه يمشي ويه دمهم ليش معقدين السالفه
الحجيه... الله كريم يمه بس أمانه اذا هم مايردون لا تخرب الخوه البينهم
علاء... لا يمه لا تخافين كلشي راح يمشي تمام بس ادعيلي
الحجيه... روح والقلب داعيلك
صفا... هاا يوم اشووو القلب يدعي الناس وتارك ناس
مروه... يي يمه هذا مو عدل
الحجيه... والله يمه كلكم ادعيلكم
علاء... يمه اني خلي دعائي دسم خبرج عريس
الحجيه... ولي لك عريس والله هسه يضربوك بوري وتفلس من الاثنين
علاء... لا حجيه ع بختج ادعيلي مو هبطيني
الحجيه... روح ربي عسه ينور دربك ويهديك ويجعلك بكل خطوه حسنه وتاخذ اللي بالك
علاء... ربي يحفظج يالغاليه تردين شي طالع
الحجيه... سلامتك
صفا طلعت علاء
الحجيه... يمه مروه
مروه... هاا يمه
الحجيه... يمه انتي كبرتي وصرتي مره كل بنيه تاليها تتزوج
مروه... يي والمطلوب
الحجيه... يمه البوم عمج ابو مازن اجه وخطبج من ابوج
مروه... شنوو وانتم شنو كلتو
الحجيه... ما كالو شي بس الله كريم وانتي شنو تردينه لو لا
مروه... ماادري يمه
الحجيه... فكري ع راحتج يمه ولا تخافين محد يجبرج ع شي انتي ما تردينوو
مروه... الله كريم
صفا... هسه هاي عرفنا ليش ابو مازن اجه وراح بسرعه وعلاء شبي هوه وابوي يتكاونون
الحجيه... ان شاء الله هم علاء راح يتزوج
صفا... منو هاي اللي راح تصير جنه ام مخلد
الحجيه... ان شاء الله الاء
صفا... يا الاء بس لا بنت ابو مازن
الحجيه... يي ابوج خطبها العلاء
صفا... بس حج..
مروه... يي يمه والله الاء ماكو منها بس علاء اكبر منها بهواي
الحجيه... هذا اخوج بعد شبيدي عليه يريدها
صفا... الله كريم حجيه الكاتبه الله يصير كمنه منها وصعدنه للغرفه
مروه... ولج هسه إحسان يتخبل
صفا... علاء شلون يسوي هيج؟؟؟
مروه... والاء ماتوافق عليه
صفا... علاء اتخبل
مروه... واني ومازن نروح بيها
صفا... ولج هسه هذا حسيون والله يتخبل علينه
مروه... صارت كصه بكصه اذا ما قبلت الاء احنه ما نتزوج
إحسان... اجتماع مغلق لو نكدر ندخل
صفا... تعال تعال حدري هين مصيبه صايره
إحسان... افااا شصاير
صفا... علاء راح يتزوج
إحسان... وزواج علاء صار مصيبه بالعكس لازم نفرح
صفا... موو اللي يريدها الاء يا أفندي
إحسان... يا الاء
صفا... بنت ابو مازن بعد يا الاء
إحسان... انتي منين جبتي هذا الحجي
صفا... والله قبل اشوي امي كالت
إحسان... لا ماكو هيج شي اني أتصرف
صفا... شتتصرف انوب تروح تفضح البت
إحسان... عجل اضل ادحك عليها من يزفونها الاخوي
صفا... أحسن مما تروح تفضحها وتصير ع كل السان
إحسان... هسه علاء منين طلع بهاي السالفه وشجابو ع الاء
صفا... وهذا اللي راح يخبلنه ليش الاء بالذات ضل يكاون ذبان وجهو و إحسان ضعيف شخصيه ابد مالو كلمه دائمآ منعزل عن اللي بالبيت لليل اجه ابوي وعلاء وكلهم
الحجي... مخلد بويه
مخلد... هاا حجي
الحجي... اليوم مازن وابو اجو خطبو اختك مروه
مخلد... يي حجي مازن ونعم بي رجال وعنده شغله وانعرفه ونعرف اهله
الحجي... هسه انه اريد منكم تاخذون قراركم
علاء... حجي كتلك مره بمره غير هيج ماكو حجي ثاني
مخلد... واحنه وين عايشين مره بمره
علاء... والله هذا اللي عندي
الحجي... انته تريد تخاربنه اني وابو مازن لو شنو
علاء... حجي والله مايصير شي بينكم هسه احنه ننطيهم مره وينطونه مره
مخلد... وانته شجاك ع بتهم ومنين تعرفها كله اسبوع اجت هنا وانته تخبلت عليها
علاء... يي تخبلت عليها
الحجي... ولكم كااافي ما تعبون من الصياح والبنيه خطبناها منهم اذا اكو نصيب محد يعترض عليه