#سجينة_الظلم_والانتقام
بقلم سارة الشمري
#بارت٥٢
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ ..🖤
ﻗﻠﺒﻲَ ﺍﻟﺤُﺮ ﺍﻟﺬﻯ ﻟﻢ ﻳﻔﻬﻤﻮﻩ
ﺳﻮﻑ ﻳﺜﻠﻘﻲ ﻓﻲ ﺍﻏﺎﻧﻴﻪ ﺍﻟﻌﺰﺍﺀ
ﻻ ﻳﻈﻨﻮﺍ ﺍﻧﻬﻢ ﻗﺪ ﺳَﺤﻘﻮﻩ
ﻓﻬﻮ ﻣﺎﺯﺍﻝ ﺟﻤﺎﻻً ﻭﻧﻘﺎﺀ
ﺳﻮﻑ ﺗﻤﻀﻰ ﻓﻰ ﺍﻟﺘﺴﺎﺑﻴﺢ ﺳﻨﻮﻩُ
ﻭﻫﻢ ﻓﻰ ﺍﻟﺸﺮ ﻓﺠﺮﺍً ﻭﻣﺴﺎﺀ
ﻓﻰ ﺣﻀﻴﺾ ﻣﻦ ﺁﺫﺍﻫﻢ ﺍﻟﻘﻮﺓُ
ﻣُﻈﻠﻢ ﻻ ﺣﺴﻦ َ ﻓﻴﻪ ﻭﻻ ﺿﻴﺎﺀ
ﻣﻬﺎ ﻭﻫﻲ ﻣﺘﻮﺗﺮﺓ : ﻻ ﺑﺲ ﺷﻔﺘﺞ ﺣﺎﺿﻨﺘﺔ ﻭﻗﺮﻳﺒﺔ ﻋﻠﻲ ﻭﻫﻮ ﻣﻮ ﺍﺧﻮﺝ ..
: ﻣﻨﻮ ﻫﺬﺍ ﺍﻟﻲ ﺣﺎﺿﻨﺘﺔ ﻭﻫﻮ ﻣﻮ ﺍﺧﻮﻫﺔ !!!!..... ؟؟؟؟؟
ﺍﻟﺘﻔﺘﻦ ﺍﻟﺔ ﻭﺍﻛﻒ ﺑﻌﺼﺒﻴﺔ ..
ﻣﻬﺎ ﺑﺨﻮﻑ ﻣﻦ ﻋﺼﺒﻴﺘﺔ : ﺧﺎﻟﺪ ..
ﻏﺰﻭﺍﻥ ﺑﻌﺼﺒﻴﺔ ﻭﻫﻮ ﻳﺴﺤﺐ ﺍﻟﺘﻠﻴﻔﻮﻥ : ﻭﺧﺎﻟﺪ ﻟﻴﺶ ﺗﺤﻀﻨﻴﻨﺔ .. ﻫﻮ ﻣﻮ ﺍﺑﻦ ﺧﺎﻟﺘﺞ ..
ﻣﻴﺎﻣﻴﻦ ﺗﺼﻨﻌﺖ ﺍﻻﺑﺘﺴﺎﻣﺔ : ﺍﻱ ﻻﻥ ﺧﺎﻟﺪ ﻳﻜﻮﻥ ﺍﺧﻮﻳﺔ ﻣﻦ ﺍﻟﺮﺿﺎﻋﺔ .. ﻳﻌﻨﻲ ﻋﺎﺩﻱ ﺷﺒﻴﻚ ﻋﺼﺒﺖ ﺣﺒﻴﺒﻲ ..
ﻏﺰﻭﺍﻥ ﺍﺭﺗﺨﺖ ﺣﻮﺍﺟﺒﺔ ﻭﺭﻓﻊ ﻋﻴﻮﻧﺔ ﺍﻟﻬﺔ ﺑﻔﻬﺎﻭﺓ ﻭﻣﻤﺼﺪﻙ : ﻫﺎﻩ .. ؟؟؟
ﻣﻬﺎ ﺣﺼﺮﺗﻬﺔ ﺍﻟﻀﺤﻜﺔ ﻭﻛﺎﻟﺖ : ﻣﻦ ﺭﺧﺼﺘﻜﻢ ﺍﻧﻲ ﺭﺍﻳﺤﺔ ..
ﻃﻠﻌﺖ ﻣﻬﺎ ﻭﻣﻴﺎﻣﻴﻦ ﺍﻟﺘﻔﺘﺖ ﻋﻠﻰ ﻏﺰﻭﺍﻥ ﺑﺒﺮﻭﺩ : .. ﺗﺮﺓ ﻻ ﺗﺼﺪﻙ .. ﻛﻠﺖ ﻫﺎﻟﺸﻲ ﻻﻥ ﻣﻬﺎ ﻭﺍﻛﻔﺔ .. ﻭﺍﺗﻤﻨﻰ ﺍﻧﺖ ﻫﻢ ﻧﻔﺲ ﺍﻟﺸﻲ ﻳﻌﻨﻲ ﺗﺒﻴﻦ ﻛﺪﺍﻣﻬﻢ ﺍﺣﻨﺔ ﻋﺎﻳﺸﻴﻦ ﻃﺒﻴﻌﻲ ﻻﻥ ﺍﻧﻲ ﻫﻴﺞ ﻣﻔﻬﻤﺘﻬﻢ ..
ﻏﺰﻭﺍﻥ ﻗﺮﺏ ﻭﺟﻬﺔ ﻣﻨﻬﺔ ﺑﺄﺑﺘﺴﺎﻣﺔ : ﺷﻠﻮﻥ ﻳﻌﻨﻲ ﻃﺒﻴﻌﻲ ..
ﻣﻴﺎﻣﻴﻦ ﺑﺒﺮﻭﺩ : ﻳﻌﻨﻲ ﻧﺘﺼﺮﻑ ﻛﺄﻱ ﺯﻭﺟﻴﻦ ﻃﺒﻴﻌﻴﻴﻦ .. ﻣﺎﺷﻲ ؟ ..
ﻏﺰﻭﺍﻥ ﺑﺄﺑﺘﺴﺎﻣﺔ : ﻭﻭﻳﻦ ﺍﻛﻮ ﺍﺣﻼ ﻣﻦ ﻫﺎﻟﺸﻲ ...
ﻣﻴﺎﻣﻴﻦ ﺑﺪﻭﻥ ﺍﻫﺘﻤﺎﻡ ﻛﺎﻣﺖ ﻣﻦ ﻳﻤﺔ ﻭﺻﻌﺪﺕ ﻓﻮﻙ ..
ﻏﺰﻭﺍﻥ ﻳﺘﺄﻣﻞ ﻣﺸﻴﺘﻬﺔ ﻭﻳﺘﻨﻬﺪ ﻣﻦ ﻛﻠﺒﺔ .. ﻻﺑﺴﺔ ﺩﺭﺍﻋﺔ ﺧﻠﻴﺠﻴﺔ ﻟﻮﻧﻬﺔ ﺍﺑﻴﺾ ﻭﻣﻨﻘﺸﺔ ﺑﺎﻻﺧﻀﺮ ﻭﻓﺎﺗﺤﺔ ﺷﻌﺮﻫﺔ ﻻﻥ ﺟﺎﻥ ﺍﻛﻮ ﺧﻄﺎﺭ ﻫﻨﺎ ﻭﺟﺎﻳﻴﻦ ﻳﺘﺒﺎﺭﻛﻮﻟﻬﺔ ..
££££££££
ﺍﻟﻴﻮﻡ ﺍﻟﺜﺎﻧﻲ
ﻃﻠﻊ ﻣﺆﻳﺪ ﻣﻦ ﻏﺮﻓﺔ ﺍﺑﻮﻩ ﺑﻌﺪ ﻣﺎ ﺑﻠﻐﺔ ﺑﻤﻮﺍﻓﻘﺘﺔ ﻋﻠﻰ ﺍﻟﺰﻭﺍﺝ ﻣﻦ ﺟﻮﺭﻱ .. ﺳﻠﻢ ﺍﻣﺮﺓ ﻟﻠﻪ ﻭﻃﻠﻊ ..
ﺷﺎﻑ ﺍﻟﺤﺠﻴﺔ ﻛﺎﻋﺪﺓ ﺑﺎﻟﺼﺎﻟﺔ .. ﻛﻌﺪ ﺑﺼﻔﻬﺔ ﻭﺣﻂ ﺭﺍﺳﺔ ﻋﻠﻰ ﺭﺟﻠﻬﺔ ﻭﺗﻤﺪﺩ ﻋﻠﻰ ﺍﻟﻘﻨﻔﺔ ..
ﺍﻟﺤﺠﻴﺔ ﻭﻫﻲ ﺗﺤﻂ ﺍﻳﺪﻫﺔ ﺑﺸﻌﺮﺓ : ﺳﻤﺎﻟﻠﻪ ﻳﻤﺔ ﺷﺒﻴﻚ .. ﺍﻧﺖ ﻣﺎ ﺗﻜﻌﺪ ﻫﺎﻱ ﺍﻟﻜﻌﺪﺓ ﺍﻻ ﻋﻨﺪﻙ ﺑﻜﻠﺒﻚ ﺷﻲ ..
ﻣﺆﻳﺪ ﺗﻨﻬﺪ : ﺣﺠﻴﺔ ﻋﻦ ﻗﺮﻳﺐ ﺭﺍﺡ ﺗﺮﺣﻴﻦ ﺗﺨﻄﺒﻴﻠﻲ ﺍﻧﺸﺎﻟﻠﻪ ..
ﺍﻟﺤﺠﻴﺔ : ﺧﺎﻳﺐ ﺩﺣﺠﻲ ﺻﺪﻙ ﻻ ﺗﺠﺬﺏ ﻋﻠﻲ ..
ﻣﺆﻳﺪ : ﻭﺍﻟﻠﻪ ﻣﺎ ﻣﺠﺬﺏ ﻋﻠﻴﺞ .. ﻫﺴﺔ ﺣﺠﻴﺖ ﻭﻳﺔ ﺍﺑﻮﻱ ﻭﻫﺎﻱ ﺟﻴﺘﻲ ﻣﻦ ﻋﻨﺪﺓ ..
ﺍﻟﺤﺠﻴﺔ ﺑﻔﺮﺡ : ﻳﻤﻤﺔ ﺻﻼﻭﺍﺕ ﻋﺎﻟﻨﺒﻲ .. ﻫﻴﺞ ﺍﻟﻠﻪ ﻫﺎﺩﻳﻜﻢ ﻫﺎﻻﻳﺎﻡ .. ﻋﺴﺎﻫﺔ ﺩﻭﻡ ﺍﻧﺸﺎﻟﻠﻪ .. ﺑﺲ ﻣﺎ ﻛﺘﻠﻲ ﻳﺎﻫﻲ ﺍﻟﺘﺮﻳﺪﻫﺔ ..
ﻣﺆﻳﺪ ﺍﺑﺘﺴﻢ ﻻﻥ ﻳﺪﺭﻱ ﺑﺤﺒﻮﺑﺘﺔ ﺗﺤﺒﻬﺔ : ﻋﺰﻳﺰﺓ ﻛﻠﺒﺞ ... ﺟﻮﺭﻳﺔ ﺑﺖ ﻋﻤﻲ ﺣﺎﻓﻆ ..
ﺍﻟﺤﺠﻴﺔ ﺑﻔﺮﺣﺔ ﺍﻛﺒﺮ : ﻳﻤﻤﻤﻤﺔ ﻫﺎﻱ ﺍﻻﺧﺒﺎﺭ ﺍﻟﺰﻳﻨﺔ .. ﻭﺍﻟﻠﻪ ﺍﻧﺔ ﻣﻦ ﺍﻧﺘﻢ ﺑﻌﺪﻛﻢ ﺟﻬﺎﻝ ﻭﺍﻧﺔ ﻛﻠﺒﻲ ﺣﺲ ﺍﻧﺘﺔ ﺭﺍﺡ ﺗﺎﺧﺬﻫﺔ ..
ﻣﺆﻳﺪ : ﻛﻮﻟﻲ ﻳﺎﻟﻠﻪ ﺣﺠﻴﺔ .. ﺑﻌﺪﻧﺔ ﺣﺘﻰ ﻣﺎ ﻛﺎﻳﻠﻴﻦ ﻟﻌﻤﻲ ﺣﺎﻓﻆ .. ﺍﻳﺠﻮﺯ ﻣﺎ ﻳﻮﺍﻓﻘﻮﻥ ..
ﺍﻟﺤﺠﻴﺔ : ﻭﻟﻴﺶ ﻳﻤﺔ ﻣﺎ ﻳﺮﺿﻮﻥ .. ﻭﻳﻦ ﻳﻠﻜﻮﻥ ﻣﺜﻠﻚ .. ﺷﻮ ﺩﻛَﺘﻮﺭ ﻭﺯﻟﻤﺔ ﻭﻟﺤﻴﺔ ﻭﺷﻮﺍﺭﺏ ﻭﺗﺨﺒﻞ ..
ﻣﺆﻳﺪ ﺑﻀﺤﻚ : ﺣﺠﻴﺔ ﺷﻮ ﺻﺎﻳﺮﺓ ﻣﻦ ﺑﻨﺎﺕ ﻫﺴﺔ ﺍﻟﻲ ﻳﺪﻭﺭﻥ ﻟﺤﻴﺔ ﻭﺷﻮﺍﺭﺏ ..
ﺍﻟﺤﺠﻴﺔ : ﺷﻤﺪﺭﻳﻨﻲ ﺣﺒﻮﺑﺔ ﻏﻴﺮ ﻫﺎﻻﻳﺎﻡ ﺍﻟﺒﻨﺎﻭﻳﺖ ﻛﻠﻬﻦ ﻳﻜﻮﻟﻦ ﻣﺎﻛﻮ ﻭﻟﺪ ﺣﻠﻮ ﻫﺴﺔ ﻛﻠﻬﻢ ﺟﻨﻬﻢ ﺟﺮﺍﺑﻴﻊ ﻻ ﻟﺤﻴﺔ ﻭﻻ ﺷﺎﺭﺏ ..
ﻣﺆﻳﺪ ﻳﻀﺤﻚ ﻋﻠﻰ ﻛﻼﻡ ﺣﺒﻮﺑﺘﺔ .. ﺩﺍﺋﻤﺎ ﺣﺘﻠﻮ ﺟﺎﻥ ﺑﻌﺰ ﺿﻮﺟﺘﺔ ﺑﺲ ﻳﺠﻲ ﻳﻤﻬﺔ ﺗﺤﺎﻭﻝ ﺑﻜﻞ ﺍﻟﻄﺮﻕ ﺗﻀﺤﻜﺔ ..
ﺩﺧﻠﻦ ﺧﺎﺗﻮﻥ ﻭﻣﻬﺎ ﻟﻠﺼﺎﻟﺔ ﻳﺤﻄﻦ ﺍﻟﺴﻔﺮﺓ ﻭﻳﺤﻀﺮﻧﻬﺔ ﻟﻠﻌﺸﺎ ... ﻭﻭﻳﺎﻫﻦ ﻣﻴﺎﻣﻴﻦ ﺗﺸﻴﻞ ﺑﺎﻻﻛﻞ ..
ﻣﺆﻳﺪ ﺍﻋﺘﺪﻝ ﺑﻜﻌﺪﺗﺔ ﻣﻦ ﺷﺎﻑ ﻣﻴﺎﻣﻴﻦ ﻻﻥ ﺑﻌﺪﺓ ﻳﺴﺘﺤﻲ ﻣﺎ ﻣﺘﻌﻮﺩ ﻋﻠﻴﻬﺔ
ﻛﻤﻠﻦ ﺍﻟﺴﻔﺮﺓ ﻭﺍﻟﻜﻞ ﺍﺟﺘﻤﻌﻮ ﻋﻠﻴﻬﺔ ..
ﺍﺑﻮ ﻏﺰﻭﺍﻥ ﺍﺑﺘﺴﻢ ﻋﻠﻰ ﻟﻤﺘﻬﻢ ﺣﻮﺍﻟﻴﻨﺔ ﻛﻠﻬﻢ .. ﺗﻨﻬﺪ ﻭﻛﺎﻝ ﺑﻜﻠﺒﺔ ( ﺍﻟﻠﻪ ﻳﺮﺣﻤﻚ ﻳﺎﻓﺎﺭﺱ ﻳﺎﺑﻮﻳﺔ ) ..
ﺍﺑﺘﺴﻢ ﻭﻛﺎﻝ : ﺑﻤﺎ ﺍﻥ ﺍﻟﻜﻞ ﻣﻮﺟﻮﺩ .. ﻋﻨﺪﻱ ﺍﻟﻜﻢ ٣ ﺍﺧﺒﺎﺭ ﺍﺭﻳﺪ ﺍﻛﻮﻟﻬﺔ ..
ﺍﻟﻜﻞ ﺍﻟﺘﻔﺘﻮ ﺍﻟﺔ ﺑﺄﺻﻐﺎﺀ .. ﻭﻣﺆﻳﺪ ﻳﻌﺮﻑ ﺍﻥ ﺭﺍﺡ ﻳﺤﺠﻲ ﻋﻠﻰ ﻣﻮﺿﻮﻉ ﺧﻄﻮﺑﺘﺔ ...
ﺍﺑﻮ ﻏﺰﻭﺍﻥ ﺑﺄﺑﺘﺴﺎﻣﺔ ﻭﻫﻮ ﻳﺤﻂ ﺍﻳﺪﺓ ﻋﻠﻰ ﻛﺘﻒ ﻣﺆﻳﺪ : ﺍﻟﺨﺒﺮ ﺍﻻﻭﻝ ﻗﺮﺭﻧﺔ ﻧﺨﻄﺐ ﻟﻤﺆﻳﺪ ﺟﻮﺭﻱ ﺑﺖ ﻋﻤﺔ ...
ﺍﻡ ﻏﺰﻭﺍﻥ ﺑﻔﺮﺣﺔ : ﺻﺪﺩﺩﻙ ﻳﻤﺔ .. ﺩﺧﻴﻠﻚ ﺭﺑﻲ ﻓﺪﻭﺓ ﻷﺳﻤﻚ ﻋﻠﻰ ﻫﺎﻻﺧﺒﺎﺭ ﺍﻟﺤﻠﻮﺓ ..
ﺍﻟﺒﻨﺎﺕ ﺑﺎﻭﻋﻦ ﻛﻞ ﻭﺣﺪﺓ ﺑﻮﺟﻪ ﺍﻟﺜﺎﻧﻴﺔ ﺑﺼﺪﻣﺔ .. ﺷﻠﻮﻥ ﻣﺆﻳﺪ ﻳﺨﻄﺐ ﺟﻮﺭﻱ .. ﺟﻮﺭﻱ ﺗﺤﺐ ﻓﺎﺭﺱ ﻭﻣﺴﺘﺤﻴﻞ ﺗﻮﺍﻓﻖ ﻋﻠﻰ ﻣﺆﻳﺪ ..
ﻏﺰﻭﺍﻥ ﺍﺑﺘﺴﻢ : ﻣﺒﺮﻭﻭﻭﻙ ﺍﺑﻮ ﺍﻟﻤﻮﺩ ..
ﻣﺆﻳﺪ ﻣﺘﺼﻨﻊ ﺍﻻﺑﺘﺴﺎﻣﺔ ﺑﻬﺪﻭﺀ : ﺍﻟﻠﻪ ﻳﺒﺎﺭﻙ ﺑﻴﻚ ..
ﺍﻟﺒﻨﺎﺕ ﺣﺴﻦ ﻋﻠﻰ ﻧﻔﺴﻬﻦ ﻭﺑﺎﺭﻛﻦ ﻟﻤﺆﻳﺪ ﻭﺭﺟﻌﻦ ﻋﻴﻮﻧﻬﻦ ﻟﻠﻤﺎﻋﻮﻥ ﻭﺗﻔﻜﻴﺮﻫﻦ ﻭﻳﺔ ﻫﺎﻟﺨﺒﺮ ﻫﺬﺍ ...
ﺍﺑﻮ ﻏﺰﻭﺍﻥ : ﻣﺎ ﺭﺍﺡ ﺗﺴﺄﻟﻮﻥ ﺷﻨﻮ ﺍﻻﺧﺒﺎﺭ ﺍﻟﺜﺎﻧﻴﺔ ..
ﺍﻡ ﻏﺰﻭﺍﻥ : ﻳﺎﺍ .. ﺍﺣﻨﺔ ﻋﻠﻰ ﻓﺮﺣﺘﻨﺔ ﺑﻤﺆﻳﺪ ﻧﺴﻴﻨﺔ ﻧﺴﺄﻟﻚ ..
ﺍﺑﻮ ﻏﺰﻭﺍﻥ ﻭﻋﻴﻨﺔ ﻟﺨﺎﺗﻮﻥ : ﺍﻟﺨﺒﺮ ﺍﻟﺜﺎﻧﻲ ﻫﻮ .. ﺧﺎﺗﻮﻥ ﻋﻦ ﻗﺮﻳﺐ ﺭﺍﺡ ﺗﻮﺩﻋﻨﺔ ﻭﺗﻌﻮﻓﻨﺔ ..
ﺍﻟﻜﻞ ﺍﺳﺘﻐﺮﺑﻮ ﻭﺧﺎﺗﻮﻥ ﺭﻓﻌﺖ ﺭﺍﺳﻬﺔ : ﻟﻴﺶ ﻭﻳﻦ ﺗﺮﺩﻭﻥ ﺗﻮﺩﻭﻧﻲ ..
ﺍﺑﻮ ﻏﺰﻭﺍﻥ ﺑﺄﺑﺘﺴﺎﻣﺔ : ﻭﻳﻦ ﻳﻌﻨﻲ .. ﺍﻓﻬﻤﻴﻬﺔ ﺍﻥ ﺟﺎﻳﻴﻨﺞ ﺧﻄﺎﺑﺔ ﻭﺧﻮﺵ ﻧﺎﺱ ..
ﺧﺎﺗﻮﻥ ﻓﺘﺤﺖ ﻋﻴﻮﻧﻬﺔ ﺑﺼﺪﻣﺔ ﻭﺍﻟﻠﻜﻤﺔ ﻭﻛﻔﺖ ﺍﺑﻠﻌﻮﻣﻬﺔ ..
ﻣﻴﺎﻣﻴﻦ ﻭﻏﺰﻭﺍﻥ ﺍﻟﺘﻔﺘﻮ ﻋﻠﻰ ﺍﺑﻮ ﻏﺰﻭﺍﻥ ﺑﺼﺪﻣﺔ ..
ﺑﺎﻭﻋﻮ ﻭﺍﺣﺪ ﺑﻮﺟﻪ ﺍﻟﺜﺎﻧﻲ ﻭﻣﻴﺎﻣﻴﻦ ﻋﺒﺎﻟﻚ ﺗﺤﺠﻲ ﻭﻳﺎﻩ ﺑﻨﻀﺮﺍﺗﻬﺔ ﻭﺗﻜﻠﺔ ﺷﻠﻮﻥ ﺻﺎﺭ ﻫﻴﺞ ﻭﺭﺍﺋﺪ ﺷﻠﻮﻥ ...
ﻏﺰﻭﺍﻥ ﺍﻟﺘﻔﺖ ﻋﻠﻰ ﺍﺑﻮﻩ : ﺑﻮﻳﺔ ﻣﻨﻮ ﻫﺬﺍ ﺍﻟﻲ ﺧﻄﺒﻬﺔ ..
ﺍﺑﻮ ﻏﺰﻭﺍﻥ ﺑﺄﺑﺘﺴﺎﻣﺔ : ﺭﺍﺋﺪ .. ﺍﺧﻮ ﻣﻴﺎﻣﻴﻦ ..
ﺍﻟﻜﻞ ﺍﻧﺼﺪﻣﻮ ﻣﺎ ﻋﺪﺍ ﻏﺰﻭﺍﻥ ﻭﻣﻴﺎﻣﻴﻦ .. ﻻﻥ ﻣﺤﺪ ﺟﺎﻥ ﻣﺘﻮﻗﻊ ﻫﺎﻟﺸﻲ ..
ﺧﺎﺗﻮﻥ ﺑﻠﻌﺖ ﺭﻳﻜﻬﺔ ﺑﺨﺠﻞ ﻭﻫﺴﺘﻮﻫﺔ ﺗﺴﺘﻮﻋﺐ ﺍﻥ ﺍﺑﻮﻫﺔ ﺣﺠﺔ ﻋﻦ ﺧﻄﻮﺑﺘﻬﺔ ﻛﺪﺍﻡ ﺍﻟﻜﻞ ﻭﺟﻬﺔ ﺻﺎﺭ ﺍﺣﻤﺮ ﻭﻛﺎﻣﺖ ﻣﻦ ﻳﻤﻬﻢ ﺑﺴﺮﻋﺔ ﻻﻥ ﺍﺳﺘﺤﺖ ﻣﻦ ﺍﺑﻮﻫﺔ ﻭﺍﺧﻮﺗﻬﺔ ﻭﺗﻔﺎﺟﺄﺕ ﺑﻨﻔﺲ ﺍﻟﻮﻗﺖ ..
ﺍﻟﻜﻞ ﺿﺤﻜﻮ ﻋﻠﻰ ﺧﺠﻠﻬﺔ ..
ﺍﻟﺤﺠﻴﺔ : ﻭﺍﻟﻠﻪ ﺧﻮﺵ ﻧﺎﺱ ﻭﺍﻟﻨﻌﻢ ﺑﻴﻬﻢ .. ﻳﺴﺘﺎﻫﻠﻮﻥ ﺍﻟﻤﺮﺓ ..
ﺍﻡ ﻏﺰﻭﺍﻥ ﺑﺄﺑﺘﺴﺎﻣﺔ : ﻭﺍﻟﻠﻪ ﻋﺎﺋﻠﺔ ﺍﺧﻼﻕ ﻣﺎﺷﺎﻟﻠﻪ ..
ﺍﺷﺮﺕ ﻋﻠﻰ ﻣﻴﺎﻣﻴﻦ ﻭﻛﺎﻟﺖ ﺑﺄﺑﺘﺴﺎﻣﺔ : ﻣﺎﺩﺍﻡ ﻣﻴﺎﻣﻴﻦ ﺗﺮﺑﻴﺘﻬﻢ ﻫﺎﻳﻬﻴﺔ ﻟﻌﺪ .. ﻭﺍﻡ ﺭﺍﺋﺪ ﻭﺍﻟﻠﻪ ﺧﻮﺵ ﻣﺮﺓ ﻭﻃﻴﺒﺔ ..
ﻣﻴﺎﻣﻴﻦ ﺍﻟﻔﺮﺣﺔ ﻣﻮ ﺳﺎﻳﻌﺘﻬﺔ : ﻓﺪﻭﺓ ﻟﻜﻠﺒﺞ ﻋﻤﺔ ..
ﻏﺰﻭﺍﻥ : ﻭﺍﻟﻠﻪ ﺑﻮﻳﺔ ﺭﺍﺋﺪ ﻣﺎ ﻳﻨﺮﺩ .. ﻭﺧﻮﺵ ﻭﻟﺪ ..
ﻣﺆﻳﺪ : ﺻﺤﻴﺢ ﻫﺎﻟﺸﻲ .. ﻭﺍﻟﻠﻪ ﺧﻮﺵ ﺭﺟﺎﻝ ..
ﺍﺑﻮ ﻏﺰﻭﺍﻥ : ﻭﺍﻧﺔ ﻭﺍﻟﻠﻪ ﻓﺮﺣﺖ ﻣﻦ ﺧﻄﺐ ﻣﻦ ﻋﺪﻧﺔ .. ﻻﻥ ﺍﺩﺭﻱ ﺑﻲ ﻳﺼﻮﻥ ﻣﺜﻞ ﻣﺎ ﺣﺎﻭﻝ ﻳﺼﻮﻥ ﻓﺎﺭﺱ ﺑﺲ ﺍﻟﺪﻧﻴﺎ ﻣﺎ ﺳﻤﺤﺖ ﻭﻛﺒﺮ ﺑﻌﻴﻨﻲ ﺍﻛﺜﺮ ﻣﻦ ﻋﺮﻓﺖ ﺍﻥ ﻫﻮﺓ ﻛﻞ ﺍﺳﺒﻮﻉ ﺍﻭ ﺍﺳﺒﻮﻋﻴﻦ ﻳﺮﻭﺡ ﻟﻘﺒﺮ ﻓﺎﺭﺱ ﻳﺰﻭﺭﺓ .. ﻭﻛﻞ ﺧﻤﻴﺲ ﻳﺪﻓﻊ ﻣﻦ ﻓﻠﻮﺱ ﺍﻟﻤﺠﻤﻊ ﻣﺎﻟﺘﻬﻢ ﻟﻠﻤﺤﺘﺎﺟﻴﻦ ﻭﺍﻟﻔﻘﺮﺍﺀ ﺑﺜﻮﺍﺏ ﻓﺎﺭﺱ ..
ﻣﻴﺎﻣﻴﻦ ﺍﺑﺘﺴﻤﺖ ﻋﻠﻰ ﻛﻼﻣﻬﻢ ﻭﻫﻤﺔ ﻳﻤﺪﺣﻮﻥ ﺑﺄﺧﻮﻫﺔ ﺭﺍﺋﺪ ..
ﺍﻡ ﻏﺰﻭﺍﻥ ﻣﺴﺤﺖ ﺩﻣﻌﺘﻬﺔ ﺑﺴﺮﻋﺔ ﻭﻛﺎﻟﺖ : ﺍﻟﻠﻪ ﻳﻄﻲ ﺍﻧﺸﺎﻟﻠﻪ ..
ﻣﻬﺎ ﻭﻫﻲ ﺗﺮﻳﺪ ﺗﻐﻴﺮ ﺍﻟﻤﻮﺿﻮﻉ ﻻﻥ ﺷﺎﻓﺘﻬﻢ ﻛﻠﻬﻢ ﺿﺎﺟﻮ :.. ﺑﺲ ﺑﺎﺑﺎ ﺷﻠﻮﻥ ﺧﺎﺗﻮﻥ ﺭﺍﺡ ﺗﺒﺘﻌﺪ ﻋﻨﺔ ﻫﺎﻟﻜﺪ ﻣﺴﺎﻓﺔ ...
ﺍﺑﻮ ﻏﺰﻭﺍﻥ : ﺍﻭﻝ ﺷﻲ ﺧﻞ ﺗﻔﻜﺮ ﻫﻲ ﺑﺮﺍﺣﺘﻬﺔ ﻭﺗﻮﺍﻓﻖ ﻳﻠﺔ ... ﻭﺑﻌﺪﻳﻦ ﻟﻴﺶ ﻣﻮ ﺍﻧﺘﻮ ﺑﻌﺪﺗﻮ ﺑﺘﻬﻢ ﻋﻨﻬﻢ ﺑﻜﺪ ﻫﺎﻱ ﺍﻟﻤﺴﺎﻓﺔ ..
ﻣﻬﺎ ﻭﻫﻲ ﺗﺤﻚ ﺭﺍﺳﻬﺔ ﻭﺗﺒﺎﻭﻉ ﻟﻤﻴﺎﻣﻴﻦ : ﺍﻱ ﺻﺢ ...
ﺍﺑﻮ ﻏﺰﻭﺍﻥ ﻭﻫﻮ ﻳﻀﺤﻚ : ﺑﺲ ﻻ ﺗﺨﺎﻓﻴﻦ ﺍﻧﺘﻲ ﻫﻢ ﺭﺍﺡ ﺗﻄﻴﺮﻳﻦ ﻭﺭﺍﻫﺔ ..
ﻣﻬﺎ ﻣﺎ ﻓﻬﻤﺖ ﻭﺣﺠﺖ ﺑﻐﺒﺎﺀ : ﺷﻠﻮﻥ ﻳﻌﻨﻲ ﺍﻃﻴﺮ ﻭﺭﺍﻫﺔ ..
ﺍﺑﻮ ﻏﺰﻭﺍﻥ : ﺍﺑﻦ ﺧﺎﻟﺔ ﻣﻴﺎﻣﻴﻦ ﺧﺎﻟﺪ ﺧﻄﺒﺞ .. ﻫﺴﺔ ﺍﺑﻮ ﺧﺎﺑﺮﻧﻲ ﻭﻃﻠﺒﺞ ﻣﻨﻲ ﻻﺑﻨﺔ ...
ﻣﻬﺎ ﺟﺎﻧﺖ ﺗﺎﻛﻞ ﻭﻏﺼﺖ ﺑﺎﻟﻠﻜﻤﺔ ﻣﻦ ﺳﻤﻌﺖ ﺍﻥ ﺧﺎﻟﺪ ﺧﻄﺒﻬﺔ ﻭﺻﺎﺭﺕ ﺗﻜﺢ .. ﻣﻴﺎﻣﻴﻦ ﻛﺎﻋﺪﺓ ﺑﺼﻔﻬﺔ ﺣﺘﻰ ﻣﺎ ﺣﺎﻭﻟﺖ ﺗﻀﺮﺑﻬﺔ ﻟﻮ ﺗﻨﻄﻴﻬﺔ ﻣﻲ ﻻﻥ ﻫﻲ ﻧﻔﺲ ﺍﻟﺸﻲ ﺟﺎﻧﺖ ﻓﺎﺗﺤﺔ ﺣﻠﻜﻬﺔ ﻭﻣﺼﺪﻭﻣﺔ ..
ﺍﻡ ﻏﺰﻭﺍﻥ : ﻳﻤﺔ ﺳﻤﺎﻟﻠﻪ ﺷﺠﺎﺟﻦ ﻭﻟﺠﻦ ..
ﻏﺰﻭﺍﻥ ﺿﺤﻚ ﻋﻠﻰ ﺍﺷﻜﺎﻟﻬﻦ ﻭﺿﺮﺏ ﻣﻴﺎﻣﻴﻦ ﻋﻠﻰ ﺭﺍﺳﻬﺔ ﻭﺑﻌﺪﻳﻦ ﺿﺮﺏ ﺑﺴﻤﺔ ﻋﻠﻰ ﺿﻬﺮﻫﺔ ﻭﺍﻧﻄﺎﻫﺔ ﻣﻲ ..
ﻣﻬﺎ ﻭﺟﻬﺔ ﺍﺣﻤﺮ ﻣﻦ ﺍﻟﻜﺤﺔ .. ﻣﻴﺎﻣﻴﻦ ﻭﻣﻬﺎ ﻭﺣﺪﺓ ﺑﺎﻭﻋﺖ ﺑﻮﺟﻪ ﺍﻟﺜﺎﻧﻴﺔ ﺑﺼﺪﻣﺔ ﺣﺠﻦ ﺑﺼﻮﺕ ﻭﺍﺣﺪ : ﻣﻨﻮﻭﻭﻭﻭ ؟؟؟
ﻣﺆﻳﺪ ﺍﺳﺘﻐﺮﺏ ﻭﻋﺼﺐ ﺑﻨﻔﺲ ﺍﻟﻮﻗﺖ ﻭﺑﺎﻭﻉ ﻋﻠﻰ ﻣﻬﺎ ﺑﻨﻀﺮﺍﺕ ﻣﺤﺪ ﻓﻬﻤﻬﺔ ﻏﻴﺮﻫﺔ : ﻛﺎﻓﻲ ﺍﻧﺘﻲ ﻭﻫﻲ ﺧﻞ ﻧﻔﺘﻬﻢ ﺍﻟﺴﺎﻟﻔﺔ ..
ﺍﻟﺒﻨﺎﺕ ﺳﻜﺖ ﻭﻛﻞ ﻭﺣﺪﺓ ﻣﺼﺪﻭﻣﺔ ﺍﻛﺜﺮ ﻣﻦ ﺍﻟﺜﺎﻧﻴﺔ ..
ﻣﺆﻳﺪ ﺑﺄﺳﺘﻐﺮﺍﺏ : ﺑﻮﻳﺔ ﺍﻧﺖ ﻗﺼﺪﻙ ﺧﺎﻟﺪ ﺍﺑﻦ ﺧﺎﻟﺔ ﺭﺍﺋﺪ ﺧﻄﺐ ﻣﻬﺎ ..
ﺍﺑﻮ ﻏﺰﻭﺍﻥ : ﺍﻱ ﺷﺒﻴﻜﻢ ﻣﺼﺪﻭﻣﻴﻦ .. ﺷﺒﻲ ﺍﻟﻮﻟﺪ ..
ﻏﺰﻭﺍﻥ : ﻣﺎ ﺑﻲ ﺷﻲ ﺑﻮﻳﺔ ﺑﺲ ﻣﺎ ﺗﻮﻗﻌﻨﺔ ..
ﻣﻬﺎ : ﻭﻟﻴﺶ ﻳﺨﻄﺒﻨﻲ ﺍﻧﻲ .. ﺷﻴﺮﻳﺪ ﻣﻨﻲ ..
ﻣﺆﻳﺪ ﺑﺤﺪﺓ : ﺷﻴﺮﻳﺪ ﻣﻨﺞ ؟؟ .. ﺧﻠﻲ ﻋﻨﺪﺝ ﺷﻮﻳﺔ ﺧﺠﻞ ﻭﺍﻃﻔﺮﻱ ﻣﺜﻞ ﺍﺧﺘﺞ .. ﻣﻮ ﻛﺎﻋﺪﺓ ﻭﻳﺎﻧﺔ ﻭﺗﺴﺄﻟﻴﻦ ﻋﺎﻟﻮﻟﺪ ..
ﻣﻬﺎ ﺣﺴﺖ ﻋﻠﻰ ﻧﻔﺴﻬﺔ ﻭﻭﺟﻬﺔ ﺻﺎﺭ ﻃﻤﺎﻃﺔ .. ﻛﺎﻣﺖ ﺑﺴﺮﻋﺔ ﻣﻦ ﻳﻤﻬﻢ ﻭﺭﺍﺣﺖ ﻟﻐﺮﻓﺔ ﺧﺎﺗﻮﻥ ﻭﻫﻤﺔ ﺿﺤﻜﻮ ﻋﻠﻴﻬﺔ ..
ﻣﻴﺎﻣﻴﻦ ﻣﻦ ﺑﻌﺪ ﻣﺎ ﺭﺍﺣﺖ ﻣﻬﺎ .. ﺷﻮﻳﺔ ﺍﺳﺘﻮﻋﺒﺖ ﺍﻥ ﺑﻘﺖ ﺑﺲ ﻫﻴﺔ .. ﻛﺎﻣﺖ ﻭﺭﺓ ﺍﻟﺒﻨﺎﺕ
ﻣﻬﺎ ﺩﺧﻠﺖ ﻟﻐﺮﻓﺔ ﺧﺎﺗﻮﻥ ﻟﻜﺘﻬﺔ ﺗﻔﺘﺮ ﺭﺍﻳﺤﺔ ﺟﺎﻳﺔ ﺑﺎﻟﻐﺮﻓﺔ ﻭﺗﻔﻜﺮ ﺑﺼﻮﺕ ﻋﺎﻟﻲ ﻭﺗﺤﺠﻲ ﻭﻳﺔ ﻧﻔﺴﻬﺔ ..
ﻭﺣﺪﺓ ﺑﺎﻭﻋﺖ ﺑﻮﺟﻪ ﺍﻟﺜﺎﻧﻴﺔ
ﻭﺣﺠﻦ ﺑﺼﻮﺕ ﻭﺍﺣﺪ : ﺷﻠﻮﻭﻭﻭﻥ .. ؟؟؟
ﺑﻘﻦ ﻭﺍﻛﻔﺎﺕ .. ﺩﺧﻠﺖ ﻋﻠﻴﻬﻦ ﻣﻴﺎﻣﻴﻦ ﻭﺳﺤﺒﺖ ﻣﻬﺎ ﻣﻦ ﺯﻧﺪﻫﺔ ﻭﻛﺎﻟﺖ : ﺷﻠﻮﻭﻭﻥ ﺑﺲ ﻛﻠﻴﻠﻲ ﺷﻠﻮﻥ ..
ﻣﻬﺎ : ﺷﻤﺪﺭﻳﻨﻲ ﺷﻠﻮﻥ .. ﺭﻭﺣﻲ ﺍﺳﺄﻟﻲ ﻫﻮﺓ ﻣﻮ ﺍﻧﻲ ..
ﺧﺎﺗﻮﻥ ﺗﺒﺎﻭﻋﻠﻬﻦ ﺑﺄﺳﺘﻐﺮﺍﺏ : ﺷﺒﻴﺠﻦ .. ﻣﻨﻮ ﻫﻮﺓ ..
ﻣﻴﺎﻣﻴﻦ ﻭﻫﻲ ﺗﻄﻠﻊ ﺗﻠﻴﻔﻮﻧﻬﺔ : ﺧﺎﻟﺪ ﺍﺑﻦ ﺧﺎﻟﺘﻲ ﺧﻄﺐ ﻣﻬﺎ ..
ﺧﺎﺗﻮﻥ ﺑﺼﺪﻣﺔ ﻭﻫﻲ ﺗﺒﺎﻭﻉ ﻟﻤﻬﺎ : ﺧﺎﻟﺪ ﻣﻨﻮ ؟ ..
ﻣﻬﺎ ﺑﻐﺒﺎﺀ : ﺷﺒﻴﺞ ﻫﺬﺍ ﺍﻟﻲ ﺻﻌﺪﺕ ﺑﺴﻴﺎﺭﺗﺔ ﻭﻋﺒﺎﻟﻲ ﺳﻴﺎﺭﺓ ﻣﺆﻳﺪ ..
ﺧﺎﺗﻮﻥ ﺑﺼﺪﻣﺔ : ﻛﻮﻭﻟﻲ ﻭﺍﻟﻠﻪ ..
ﻗﺎﻃﻌﻬﻦ ﺻﻮﺕ ﻣﻴﺎﻣﻴﻦ : ﺍﻟﻮﻭﻭ .. ﺧﺎﻟﺪ ﻳﺎﻟﺨﺴﻴﺲ ..
ﺧﺎﺗﻮﻥ ﺳﺤﺒﺖ ﺍﻟﺘﻠﻴﻔﻮﻥ ﻭﻓﺘﺤﺖ ﻣﻜﺒﺮ ﺍﻟﺼﻮﺕ ...
ﺧﺎﻟﺪ : ﺍﻋﻮﺫ ﺑﺎﻟﻠﻪ .. ﺷﺒﻴﺞ ..
ﻣﻴﺎﻣﻴﻦ : ﺷﻠﻮﻥ ﻣﺎ ﺗﻜﻠﻲ ﺭﺍﺡ ﺗﺨﻄﺐ ﻣﻬﺎ ..
ﺧﺎﻟﺪ ﺑﺄﺑﺘﺴﺎﻣﺔ : ﻭﻟﻴﺶ ﺍﻛﻠﺞ ..
ﻣﻴﺎﻣﻴﻦ ﺑﺄﺑﺘﺴﺎﻣﺔ ﻭﻫﻲ ﺗﺒﺎﻭﻉ ﻟﻤﻬﺎ : ﻭﻳﻦ ﺷﻔﺘﻬﺔ ﺍﻧﺘﺔ ﺣﺘﻰ ﺗﺨﻄﺒﻬﺔ .. ﻳﻤﻜﻦ ﺗﻄﻠﻊ ﻣﻮ ﺣﻠﻮﺓ ..
ﺧﺎﻟﺪ ﺑﻬﻴﺎﻡ : ﺷﻠﻮﻥ ﻣﺎ ﺷﻔﺘﻬﺔ .. ﻏﻴﺮ ﺑﺲ ﺷﻔﺘﻬﺔ ﺍﻧﺴﺤﺮﺕ ﺑﺠﻤﺎﻟﻬﺔ .. ﺍﺳﻢ ﻋﻠﻰ ﻣﺴﻤﻰ ﻣﻬﺎ ﻭﻋﻴﻮﻧﻬﺔ ﻋﻴﻮﻥ ﺍﻟﻤﻬﺎ .. ﺍﻟﻮﺟﻪ ﺍﺑﻴﺾ ﻭﺍﻟﺨﺸﻢ ﻓﺴﺘﻘﺔ ﻭﺍﻟﺤﻠﻚ ﺯﻳﺘﻮﻧﺎﻳﺔ .. ﻭ ﺍﻝ
ﻗﺎﻃﻌﺘﺔ ﻣﻴﺎﻣﻴﻦ : ﺑﺴﺲ ﻣﻮ ﻧﺎﻗﺺ ﻏﻴﺮ ﺗﻨﻄﻴﻨﻲ ﻣﻘﺎﺱ ﺭﺟﻠﻬﺔ ﺷﻜﺪ .. ﻳﺎﻟﺴﺎﻓﻞ ﻃﻠﻌﺖ ﻋﻮﻳﻨﺠﻲ ..
ﺧﺎﻟﺪ : ﻭﺍﻟﻠﻪ ﻣﻮ ﻋﻮﻳﻨﺠﻲ ﺑﺲ ﻫﻲ ﺍﻟﻮﺣﻴﺪﺓ ﺍﻟﺒﺎﻭﻋﺖ ﻋﻠﻴﻬﺔ ﻻﻥ ﺟﻤﺎﻟﻬﺔ ﻣﻮ ﻃﺒﻴﻌﻲ ..
ﻣﻴﺎﻣﻴﻦ ﺑﺎﻭﻋﺖ ﻟﺸﻜﻞ ﻣﻬﺎ ﺍﻟﻲ ﻭﺟﻬﺔ ﺍﻧﻜﻠﺐ ﺍﺣﻤﺮ ﻭﻣﺼﺪﻭﻡ : .. ﺩﻛﺎﻓﻲ ﻳﻠﺔ ﻭﻟﻲ .. ﺗﺮﺓ ﺳﻤﻌﺖ ﻛﻼﻣﻚ ﻛﻠﺔ ﻭﻭﺟﻬﺔ ﺍﻻﺑﻴﺾ ﺍﻧﻜﻠﺐ ﻃﻤﺎﻃﺔ ..
ﺧﺎﻟﺪ ﺿﺤﻚ : ﻓﺪﻳﺘﻬﺔ ..
ﻣﻴﺎﻣﻴﻦ : ﺍﻧﺠﺒﺐ ﻭﻟﻚ .. ﻳﻠﺔ ﻭﻟﻲ ..
ﺳﺪﺕ ﺍﻟﺘﻠﻴﻔﻮﻥ ﺑﻮﺟﻬﺔ .. ﻭﺗﺮﺑﻌﺖ ﻭﻛﺎﻟﺖ : ﺍﺣﺠﻴﻠﻲ ﻭﻳﻦ ﺷﺎﻓﺞ ..
ﺧﺎﺗﻮﻥ ﻭﻫﻲ ﺗﻜﻌﺪ : ﺑﻴﻮﻡ ﺭﺣﻨﺔ ﻋﻠﻴﻜﻢ .. ﻫﻲ ﺧﺮﺑﻄﺖ ﺑﻴﻦ ﺳﻴﺎﺭﺓ ﻣﺆﻳﺪ ﻭﺳﻴﺎﺭﺓ ﺧﺎﻟﺪ ﻭﺻﻌﺪﺕ ﺳﻴﺎﺭﺗﺔ ﻭﻫﻮ ﺷﺎﻓﻬﺔ ﻭﺍﺗﺼﻞ ﻋﻠﻰ ﻣﺆﻳﺪ .. ﻭﻟﻮ ﺗﺸﻮﻓﻴﻦ ﻣﺆﻳﺪ ﺑﻴﻮﻣﻬﺔ ﺷﻠﻮﻥ ﺍﻧﻄﺎﻫﺔ ﺭﺯﺍﻟﺔ ﻏﺴﻞ ﻭﻟﺒﺲ ..
ﻣﻴﺎﻣﻴﻦ ﺿﺤﻜﺖ : ﺣﻴﻴﻴﻞ .. ﻭﺍﻟﻠﻪ ﺍﺟﺖ ﻣﻦ ﺻﺎﻟﺢ ﺧﺎﻟﺪ ..
ﻣﻬﺎ ﻭﻫﻲ ﺗﻀﺮﺑﻬﻦ : ﺑﺲ ﺍﻧﺘﻲ ﻭﻳﺎﻫﺔ ﻛﻌﺪﺗﻦ ﺭﻛﺒﺔ ﻭﻧﺺ ﺍﻟﻲ ﻭﻣﺎ ﻋﺒﺎﻟﻚ ﺧﺎﺗﻮﻥ ﻫﻢ ﺍﻧﺨﻄﺒﺖ ..
ﺧﺎﺗﻮﻥ ﺗﺬﻛﺮﺕ ﻭﺭﺟﻌﺖ ﺗﻔﻜﺮ ﺑﺼﻮﺕ : ﺍﻟﻲ ﻣﺤﻴﺮﻧﻲ ﻭﻳﻦ ﺷﺎﻓﻨﻲ ﺭﺍﺋﺪ ﺣﺘﻰ ﻳﺨﻄﺒﻨﻲ .. ﻫﺎﻱ ﺍﻟﻤﺤﻴﺮﺗﻨﻲ ..
ﻣﻴﺎﻣﻴﻦ ﻭﻫﻲ ﺗﻀﺮﺑﻬﺔ ﺑﻌﻜﺴﻬﺔ : ﻻ ﺗﺤﻴﺮﻳﻦ ﺣﺒﻴﺒﺘﻲ .. ﺭﺍﺋﺪ ﻣﻦ ﻛﻢ ﺳﻨﺔ ﻫﻮ ﺭﺍﻳﺪﺝ ﻣﻮ ﻫﺴﺔ ..
ﺧﺎﺗﻮﻥ ﺑﺼﺪﻣﺔ : ﺷﻨﻮ .. ؟؟
ﻣﻴﺎﻣﻴﻦ : ﺍﻱ ﻣﺜﻞ ﻣﻜﺘﻠﺞ .. ﺣﺘﻰ ﻫﻮﺓ ﺧﻄﺒﺞ ﻣﻦ ﻓﺎﺭﺱ .. ﻭﻓﺎﺭﺱ ﻭﺍﻓﻖ .. ﺑﺲ ﻗﺒﻞ ﻻ ﻳﺒﻠﻐﻜﻢ ﺻﺎﺭﺕ ﺍﻟﺤﺎﺩﺛﺔ ﻭﺗﻮﻓﻰ ﻓﺎﺭﺱ ..
ﺧﺎﺗﻮﻥ ﺑﺄﺳﺘﻐﺮﺍﺏ : ﻭﻫﻮ ﺷﻠﻮﻥ ﻋﺮﻓﻨﻲ ..
ﻣﻴﺎﻣﻴﻦ : ﺍﻋﺘﻘﺪ ﺟﺎﻥ ﻳﺸﻮﻓﺞ ﻣﻦ ﺗﻄﻠﻌﻴﻦ ﻣﻦ ﺍﻟﺪﻭﺍﻡ ﻻﻥ ﻫﻮ ﻫﻢ ﺟﺎﻥ ﻳﺠﻲ ﻫﻨﺎ ﻋﻠﻤﻮﺩ ﻓﺎﺭﺱ ..
ﺧﺎﺗﻮﻥ : ﺷﻠﻮﻥ ﺍﻧﻲ ﻣﺎ ﺍﻧﺘﺒﻬﺘﻠﺔ ..
ﻣﻴﺎﻣﻴﻦ ﺑﻐﻤﺰﺓ : ﺣﺒﻴﺒﺘﻲ ﺟﺎﻥ ﻣﻦ ﺑﻌﻴﺪ ﻟﺒﻌﻴﺪ ﺷﺘﻨﺘﺒﻬﻴﻦ ..
ﺧﺎﺗﻮﻥ ﺑﺨﺠﻞ : ﺗﻤﺎﻡ ﻫﺴﺔ ﺍﻃﻠﻌﻮ ﻭﻋﻮﻓﻮﻧﻲ ﺍﻓﻜﺮ ﺑﺎﻟﻤﻮﺿﻮﻉ ..
ﻣﻬﺎ ﻭﻫﻲ ﺗﻜﻮﻡ : ﺍﻧﻲ ﻫﻢ ﺭﺍﻳﺤﺔ ﻟﻐﺮﻓﺘﻲ ﺭﺟﺎﺀً ﻣﺎ ﺍﺭﻳﺪ ﺍﺯﻋﺎﺝ ..
ﻣﻴﺎﻣﻴﻦ ﻭﻛﻔﺖ ﻭﺗﺨﻮﺻﺮﺕ : ﺑﻠﻠﻠﺔ ﺷﻮﻭﻭ .. ﺍﺣﻠﻔﻲ ﺍﻧﺘﻲ ﻭﻳﺎﻫﺔ .. ﻭﻣﻨﻮ ﺗﻠﻢ ﺍﻟﺴﻔﺮﺓ ﻭﻳﺎﻱ ﺍﻧﺸﺎﻟﻠﻪ ..
ﺧﺎﺗﻮﻥ ﺳﺤﺒﺘﻬﺔ ﻭﻃﻠﻌﺘﻬﺔ ﺑﺮﺓ ﻫﻲ ﻭﻣﻬﺎ : ﺍﻧﻲ ﻣﺴﺘﺤﻴﻞ ﺍﻧﺰﻝ ﻭﺍﺷﻮﻑ ﻭﺟﻬﻲ ﻻﺑﻮﻱ ﺑﻌﺪ .. ﻳﻠﺔ ﺑﺮﺓ ..
ﻣﻬﺎ ﻭﻣﻴﺎﻣﻴﻦ ﻳﺒﺎﻭﻋﻦ ﻋﺎﻟﺒﺎﺏ ﺍﻟﻲ ﺍﻧﺴﺪ ﺑﻮﺟﻬﻦ ..
ﻣﻬﺎ ﺩﺍﺭﺕ ﻭﺟﻬﺔ ﻭﺗﻮﺟﻬﺖ ﻟﻐﺮﻓﺘﻬﺔ : ﻭﺍﻟﻠﻪ ﺣﺒﻴﺒﺘﻲ ﺍﻧﻲ ﻫﻢ ﻧﻔﺲ ﺍﻟﺸﻲ .. ﻳﻠﺔ ﺭﻭﺣﻲ ﺭﻭﺣﻲ ﺍﻏﺴﻠﻲ ﺍﻟﻤﻮﺍﻋﻴﻦ ..
ﻣﻴﺎﻣﻴﻦ ﻧﺰﻟﺖ ﻭﻫﻲ ﺗﺘﺤﻠﻄﻢ .. ﺍﻡ ﻏﺰﻭﺍﻥ ﺿﺤﻜﺖ ﻋﻠﻴﻬﺔ ﻭﺣﺎﻭﻟﺖ ﺗﻠﻢ ﺍﻟﺴﻔﺮﺓ ﻭﻳﺎﻫﺔ ﺑﺲ ﻣﻴﺎﻣﻴﻦ ﻣﺎ ﻗﺒﻠﺖ ..
ﺣﻄﺖ ﺍﻟﺠﺎﻱ ﻋﺎﻟﻨﺎﺭ ﻭﻏﺴﻠﺖ ﺍﻟﻤﻮﺍﻋﻴﻦ ﺑﻤﻠﻞ ﻻﻥ ﻭﺣﺪﻫﺔ ..
ﺧﻠﺼﺖ ﺍﻟﻤﻮﺍﻋﻴﻦ ﻭﻛﻌﺪﺕ ﻳﻢ ﺍﻟﺤﺠﻴﺔ ﺗﺴﻮﻟﻒ ﻭﻳﺎﻫﺔ ﻻﻥ ﺳﻮﺍﻟﻔﻬﺔ ﺣﻠﻮﺓ ﻭﻣﺎ ﺍﻧﺘﺒﻬﺖ ﻟﻠﻮﻗﺖ ...
ﻗﺎﻃﻊ ﻛﻌﺪﺗﻬﻦ ﻧﺰﻭﻝ ﻣﺆﻳﺪ ﻣﻦ ﺍﻟﺪﺭﺝ ..
ﺍﺳﺘﻐﺮﺏ ﻭﻛﺎﻝ : ﻣﻴﺎﻣﻴﻦ ﺑﻌﺪﺝ ﻫﻨﺎ ؟ .. ﺍﻧﻲ ﻋﺒﺎﻟﻲ ﺭﺣﺘﻲ ﻻﻥ ﺍﻟﻮﻗﺖ ﺗﺄﺧﺮ .. ﻭﺍﺟﻴﺖ ﺍﻗﻔﻞ ﺍﻟﺒﻴﺒﺎﻥ ﺍﺫﺍ ﺑﻌﺪﺝ ﻋﺎﺩﻱ ...
ﻣﻴﺎﻣﻴﻦ ﺭﻓﻌﺖ ﺗﻠﻴﻔﻮﻧﻬﺔ ﺑﺄﺳﺘﻐﺮﺍﺏ ﺗﺮﻳﺪ ﺗﺸﻮﻑ ﺍﻟﺴﺎﻋﺔ .. ﺷﺎﻓﺖ ﺍﻟﺴﺎﻋﺔ ١٢ ﻭﺑﻨﻔﺲ ﺍﻟﻮﻗﺖ ﻣﻜﺎﻟﻤﺎﺕ ﻏﺰﻭﺍﻥ ﺍﻟﻔﺎﺋﺘﺔ ﺍﻧﻬﺎﻟﺖ ﻋﻠﻴﻬﺔ ﻻﻥ ﻫﻲ ﻣﺴﻮﻳﺔ ﺗﻠﻴﻔﻮﻧﻬﺔ ﺻﺎﻣﺖ ..
ﻛﺎﻣﺖ ﺑﺴﺮﻋﺔ ﻭﻛﺎﻟﺖ : ﻭﺍﻟﻠﻪ ﻣﺤﺴﻴﻨﺔ ﺑﺎﻟﻮﻗﺖ .. ﻳﻠﺔ ﺗﺼﺒﺤﻮﻥ ﻋﻠﻰ ﺧﻴﺮ ..
ﻃﻠﻌﺖ ﺑﺴﺮﻋﺔ ﻣﻦ ﺍﻟﺒﻴﺖ .. ﻋﺰﺓ ﺷﺒﺴﺮﻋﺔ ﻣﺮ ﺍﻟﻮﻗﺖ ..
ﻭﺻﻠﺖ ﻟﺒﻴﺘﻬﻢ ﻭﺻﻌﺪﺕ ﻓﻮﻙ ...
ﺩﺧﻠﺖ ﻟﻠﻐﺮﻓﺔ ﻭﻓﺰﺕ ﺑﺴﺮﻋﺔ ﻣﻦ ﺣﺴﺖ ﺍﻳﺪﻳﻦ ﻋﻠﻰ ﺧﺼﺮﻫﺔ ﻣﻦ ﻭﺭﺓ ﻭﺭﻓﻌﺘﻬﺔ ﻟﻤﺴﺘﻮﺍﻩ ﻭﺭﺟﻠﻴﻬﺔ ﺻﺎﺭﺕ ﻣﻮ ﺑﺎﻟﻜﺎﻉ ..
ﻏﺰﻭﺍﻥ ﺑﻬﻤﺲ ﻳﻢ ﺍﺫﻧﻬﺔ : ﻟﻴﺶ ﺗﺄﺧﺮﺗﻲ ..
ﻣﻴﺎﻣﻴﻦ ﺣﺎﻃﺔ ﺍﻳﺪﻫﺔ ﻋﻠﻰ ﻛﻠﺒﻬﺔ ﻭﻛﺎﻟﺖ ﻻ ﺍﺭﺍﺩﻳﺎً : .. ﻳﻤﻤﺔ ﻛﻠﺒﻲ ﺭﺍﺩ ﻳﻮﻛﻒ .. ﺷﺒﻴﻚ ﻛﻤﺰﺗﻨﻲ ..
ﻏﺰﻭﺍﻥ ﻭﻫﻮ ﻫﺎﻳﻢ ﺑﻘﺮﺑﻬﺔ ﻣﻨﺔ : ﺳﻤﺎﻟﻠﻪ ﻋﻠﻰ ﻛﻠﺒﺞ .. ﺑﺲ ﺷﺴﻮﻱ ﺍﺷﺘﺎﻗﻴﺘﻠﺞ ..
ﻣﻴﺎﻣﻴﻦ ﺍﻧﺘﺒﻬﺖ ﻟﻨﻔﺴﻬﺔ ﻭﺿﺮﺑﺘﺔ ﻋﻠﻰ ﺍﻳﺪﺓ ﺑﺨﻔﺔ : ﻧﺰﻟﻨﻲ ..
ﻏﺰﻭﺍﻥ : ﻟﻴﺶ ؟
ﻣﻴﺎﻣﻴﻦ ﺍﻧﻘﻬﺮﺕ ﻣﻦ ﺑﺮﻭﺩﺓ : ﻧﺰﻟﻨﻲ ﺷﻨﻮ ﻟﻴﺶ .. ﻻ ﺍﻃﻴﺢ ..
ﻏﺰﻭﺍﻥ ﻭﻫﻮ ﻳﺤﺮﻙ ﺧﺸﻤﺔ ﻋﻠﻰ ﺭﮔﺒﺘﻬﺔ ﺑﺮﻗﺔ : ﺗﺘﻮﻗﻌﻴﻦ ﻳﻌﻨﻲ ﺗﻄﻴﺤﻴﻦ ﻭﺍﻧﻲ ﺍﻟﻲ ﻻﺯﻣﺞ ...
ﻣﻴﺎﻣﻴﻦ ﺑﻘﺸﻌﺮﻳﺮﺓ ﻭﻫﻲ ﺗﺤﻂ ﺍﻳﺪﻫﺔ ﻋﻠﻰ ﺭﮔﺒﺘﻬﺔ : ﺍﺻﻼ ﺍﺧﺎﻑ ﻻﻥ ﺍﻧﺖ ﺍﻟﻲ ﻻﺯﻣﻨﻲ ..
ﻏﺰﻭﺍﻥ ﻧﺰﻟﻬﺔ ﺑﻀﻴﻖ ﻣﻦ ﻛﻼﻣﻬﺔ ..
ﻋﺎﻓﺘﺔ ﺑﺪﻭﻥ ﺍﻫﺘﻤﺎﻡ ﻭﺩﺧﻠﺖ ﻟﻠﺤﻤﺎﻡ .. ﺳﺒﺤﺖ ﻭﻃﻠﻌﺖ ﺑﺪﻟﺖ ﻣﻼﺑﺴﻬﺔ ﺑﻐﺮﻓﺔ ﺍﻟﺘﺒﺪﻳﻞ ﻭﻣﺸﻄﺖ ﺷﻌﺮﻫﺔ ..
ﻏﺰﻭﺍﻥ ﺷﺎﻓﻬﺔ ﻃﻠﻌﺖ ﻭﻫﻲ ﻣﺒﺪﻟﺔ .. ﺍﺑﺘﺴﻢ ﻋﻠﻰ ﺷﻜﻠﻬﺔ ﺍﻟﻄﻔﻮﻟﻲ ... ﻻﺑﺴﺔ ﺑﺮﻣﻮﺩﺓ ﻋﺮﻳﻀﺔ ﻟﻮﻧﻬﺔ ﻭﺭﺩﻱ ﻭﻭﻳﺎﻫﺔ ﺑﺪﻱ ﻟﻮﻧﺔ ﺍﺳﻮﺩ ﻭﻣﺮﺳﻮﻡ ﻋﻠﻲ ﻣﻴﻜﻲ ﻣﺎﻭﺱ ..
ﺗﻤﺪﺩﺕ ﺑﺠﻬﺘﻬﺔ ﻭﻫﻲ ﺗﺮﻳﺪ ﺗﻨﺎﻡ ..
ﻏﺰﻭﺍﻥ ﻫﻤﺲ ﻭﻫﻮ ﻳﺨﻠﻲ ﺷﻌﺮﻫﺔ ﻭﺭﺓ ﺍﺫﻧﻬﺔ : ﺷﻨﻮ ﻣﺎ ﻓﺮﺣﺘﻲ ﺑﺨﺒﺮ ﺧﻄﻮﺑﺔ ﺭﺍﺋﺪ ﻟﺨﺎﺗﻮﻥ ..
ﻣﻴﺎﻣﻴﻦ ﺑﺄﺑﺘﺴﺎﻣﺔ ﻭﺍﻧﻄﻠﻘﺖ ﺑﺎﻟﺤﺠﻲ : ﺷﻠﻮﻥ ﻣﺎ ﻓﺮﺣﺖ .. ﻫﺬﺍ ﺍﺧﻮﻱ ﻭﺣﺒﻴﺒﻲ ﻭﻛﻞ ﺩﻧﻴﺘﻲ ﺭﺍﺡ ﻳﺨﻄﺐ ﻭﺗﺮﻳﺪﻧﻲ ﻣﺎ ﺍﻓﺮﺡ ..
ﻏﺰﻭﺍﻥ ﺗﻨﻬﺪ ﻭﻫﻮ ﻳﺤﻂ ﺭﺍﺳﺔ ﻋﻠﻰ ﻣﺨﺪﺗﻬﺔ ﻭﺭﺍﺳﺔ ﻣﻼﺻﻖ ﻟﺮﺍﺳﻬﺔ .. ﺭﻓﻊ ﺍﻳﺪﻫﺔ ﻭﺑﺎﺱ ﺭﺍﺣﺔ ﺍﻳﺪﻫﺔ ( ﺑﺎﻃﻦ ﻛﻔﻬﺔ ) ﻭﺻﺎﺭ ﻳﻠﻌﺐ ﺑﺄﺻﺎﺑﻌﻬﺔ : ﺗﺪﺭﻳﻦ ﻣﻦ ﺍﺳﻤﻌﺞ ﺗﺤﺠﻴﻦ ﻫﻴﺞ ﺍﺣﺲ ﻭﺩﻱ ﺍﻟﺰﻡ ﺭﺍﺋﺪ ﻭﺍﺳﻮﻱ ﻭﺻﻠﺘﻴﻦ ..
ﻣﻴﺎﻣﻴﻦ ﺍﻟﺘﻔﺘﺖ ﻋﻠﻲ ﺑﻌﺼﺒﻴﺔ ﻭﺻﺎﺭﺕ ﺍﻗﺮﺏ ﻋﻠﻲ ﺍﻛﺜﺮ : ﻻ ﺑﺎﻟﻠﻪ .. ﻭﻟﻴﺶ ﺗﺴﻮﻱ ﻭﺻﻠﺘﻴﻦ ..
ﻏﺰﻭﺍﻥ ﻭﻫﻮ ﺧﺸﻤﺔ ﻣﻼﺻﻖ ﻟﺨﺸﻤﻬﺔ : ﺍﻏﺎﺭ ﻣﻨﺔ .. ﺷﻜﺪ ﺗﺤﺒﻴﻨﺔ .. ﻭﺗﻀﺤﻴﻦ ﻋﻠﻤﻮﺩﺓ .. ﻭﺗﺘﻐﺰﻟﻴﻦ ﺑﻲ ﻭﺣﺒﻴﺒﻲ ﻭﺩﻧﻴﺘﻲ .. ﺷﻠﻮﻥ ﺗﺮﺩﻳﻨﻲ ﺍﺳﻤﻊ ﻫﺎﻟﻜﻼﻡ ﻭﻣﺎ ﺍﻏﺎﺭ ..
ﻣﻴﺎﻣﻴﻦ ﺭﺟﻌﺖ ﺭﺍﺳﻬﺔ ﻟﻮﺭﻯ : ﻣﻮ ﻣﻦ ﺣﻘﻚ ﺗﻐﺎﺭ .. ﻫﺬﺍ ﺍﺧﻮﻱ ﻭﺷﻲ ﻃﺒﻴﻌﻲ ﺍﺣﺠﻲ ﻫﻴﺞ .. ﻭﻫﻮ ﺣﺒﻴﺒﻲ ﻭﺭﻭﺣﻲ ﻭﺩﻧﻴﺘﻲ ﻭﻫﻠﻲ ﻭﻧﺎﺳﻲ ..
ﻏﺰﻭﺍﻥ ﻓﺰ ﻭﻭﺟﻬﺔ ﺻﺎﺭ ﻓﻮﻙ ﻭﺟﻬﺔ : ﻭﺍﻧﻲ ..
ﻣﻴﺎﻣﻴﻦ ﻋﻘﺪﺕ ﺣﻮﺍﺟﺒﻬﺔ : ﺍﻧﺖ ؟؟
ﻏﺰﻭﺍﻥ ﻭﻫﻮ ﻳﻨﻘﻞ ﻧﻀﺮﺍﺗﺔ ﺑﻴﻦ ﻋﻴﻮﻧﻬﺔ : ﺷﻨﻮ ﺍﻧﻲ ﻣﻦ ﻫﺬﻧﻲ ﺍﻟﻲ ﻋﺪﺩﺗﻴﻬﻦ ..
ﻣﻴﺎﻣﻴﻦ ﻏﻮﺭﻛﺖ ﻋﻴﻮﻧﻬﺔ ﻭﺑﻠﻌﺖ ﺭﻳﻜﻬﺔ : ....
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🏻✍
ﺣﺒﺎﻳﺒﻲ ﺷﻠﻮﻧﻜﻢ 😘 ﺍﺭﻳﺪ ﺗﻮﻗﻌﺎﺗﻜﻢ ﻟﻠﺒﺎﺭﺕ ﺍﻟﺠﺎﻱ .. 😘 ﺍﺗﻤﻨﻰ ﻋﺠﺒﻜﻢ ﺍﻟﺒﺎﺭﺕ ﻭﺣﺒﻴﺘﻮﻩ
أنت تقرأ
سجينة،الظلم والانتقام
Mystery / Thrillerﺍﻟﻲ ﺩﺍ ﺗﺤﺠﻲ ﻋﻨﺔ ﻫﺬﺍ ﺍﺧﻮﻳﺔ ﺷﻠﻮﻥ ﺍﺗﻜﻮﻟﻲ ﻣﺎ ﺍﺫﻛﺮﺓ ﻗﺮﺏ ﻭﺟﻬﺔ ﻣﻨﻲ ﻭﺣﺠﺔ ﺑﻔﺤﻴﺢ : ﺍﺧﻮﺝ ﻣﻮ ... ﻣﻦ ﺍﻟﻴﻮﻡ ﻭﺟﺎﻱ ﺗﻨﺴﻴﻦ ﺷﻲ ﺍﺳﻤﺔ ﺍﺧﻮﺝ ﻭﺍﻣﺞ ﻭﺍﺧﺘﺞ ﺷﻴﻠﻴﻬﻢ ﻣﻦ ﺭﺍﺳﺞ ... ﻭﺭﺑﻲ ﻭﺟﻼﻟﺔ ﺍﺫﺍ ﻣﺎ ﺣﺮﻛﺖ ﮔﻠﺐ ﺍﺧﻮﺝ ﻋﻠﻴﺞ ﻭﺣﺮﻛﺖ ﻛﻠﺒﺞ ﻋﻠﻰ ﺍﺧﻮﺝ ﻭﺍﻫﻠﺞ ﻣﺜﻞ ﻣﺎ ﺣﺮﻛﺘﻮ ﻛﻠﺒﻲ ﻋﻠﻰ ﺍﺧﻮﻱ ﻣﺎ ﻳﻄﻠﻊ ﺍﺳ...
