سجينة،الظلم والانتقام

60

#سجيتة_الظلم_والانتقام

بقلم
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🏻✍

#بارت٦٠

ﻣﺄﺳﺎﺓ ﺍﻟﺤﺐ ﺗﺘﻠﺨﺺ ﻓﻲ ﺃﻥ ﺍﻟﺮﺟﻞ ﻳﺮﻳﺪ ﺃﻥ ﻳﻜﻮﻥ ﺃﻭﻝ ﻣﻦ ﻳﺪﺧﻞ ﻗﻠﺐ ﺍﻟﻤﺮﺃﺓ . ﻭ ﺍﻟﻤﺮﺃﺓ ﺗﺮﻳﺪ ﺃﻥ ﺗﻜﻮﻥ ﺁﺧﺮ ﻣﻦ ﻳﺪﺧﻞ ﻗﻠﺐ ﺍﻟﺮﺟﻞ
ﺑﺴﺖ ﺭﺍﺣﺔ ﺍﻳﺪﻫﺔ ‏( ﺑﺎﻃﻦ ﻛﻔﻬﺔ ‏) ﻭﻛﻠﺖ ﺑﺤﺐ : ﻭﺍﻧﻲ ﺷﺄﺭﻳﺪ ﻏﻴﺮ ﺭﺍﺣﺘﺞ .. ﺑﺲ ﻻ ﺗﻄﻮﻟﻴﻦ ﻋﻠﻴﺔ ..
ﻣﻴﻠﺖ ﺭﺍﺳﻬﺔ ﻭﺣﻄﺘﺔ ﻋﻠﻰ ﺻﺪﺭﻱ .. ﻟﻠﺤﻀﺔ ﻛﻠﺖ ﻧﺎﻣﺖ ﺑﺲ ﻣﻦ ﺣﺠﺖ ﺍﺳﺘﻮﻋﺒﺖ : ﻻ ﺗﺨﺎﻑ ﻣﺎ ﺭﺍﺡ ﺍﺗﺄﺧﺮ ..
ﺗﻨﻬﺪﺕ ﻣﻦ ﻛﻠﺒﻲ ﻭﺣﻄﻴﺖ ﺧﺪﻱ ﻋﻠﻰ ﺷﻌﺮﻫﺔ .. ﻣﺎ ﻃﻠﻌﺖ ﺍﻟﺤﻨﻴﺔ ﺍﻻ ﻫﺴﺔ ﻣﻦ ﺭﺍﺩﺕ ﺗﺮﻭﺡ ..
ﻭﺭﺓ ﺷﻮﻳﺔ ﺍﻧﺘﻀﻤﺖ ﺍﻧﻔﺎﺳﻬﺔ ﻭﺟﺴﻤﻬﺔ ﺛﻜﻞ .. ﻋﺮﻓﺖ ﺍﻥ ﻧﺎﻣﺖ .. ﺣﻄﻴﺖ ﺭﺍﺳﻬﺔ ﻋﺎﻟﻤﺨﺪﺓ ﻭﺑﺴﺘﻬﺔ ﺑﻜﺼﺘﻬﺔ ﻭﻃﻠﻌﺖ ﻭﺻﺎﺭ ﺑﻮﺟﻬﻲ ﺭﺍﺋﺪ ..
ﻏﺰﻭﺍﻥ : ﺷﻮﻛﺖ ﺭﺍﺡ ﺗﺮﻭﺡ ..
ﺭﺍﺋﺪ : ﺑﺎﺟﺮ ﺍﻟﺼﺒﺢ ﺍﻧﺸﺎﻟﻠﻪ ..
ﻋﻔﺘﺔ ﻭﺗﻮﺟﻬﺖ ﻟﻠﻤﻜﺘﺐ ﻣﺎﻟﺘﻲ ..
ﻣﺪﺩﺕ ﻋﺎﻟﻘﻨﻔﺔ ﻭﺍﻧﻲ ﺍﺣﺲ ﺑﺘﻌﺐ ﻣﻮ ﻃﺒﻴﻌﻲ ..
ﻣﻦ ﻫﺴﺔ ﺷﺎﻳﻞ ﻫﻢ ﺷﻠﻮﻥ ﺭﺍﺡ ﺍﻋﻮﻓﻬﺔ ﺗﺮﻭﺡ ﻭﺍﺑﻘﻰ ﺑﺪﻭﻧﻬﺔ ﻫﺎﻟﻜﺪ ...
£££££££££
ﻣﻴﺎﻣﻴﻦ ... ﻣﺎﺩﺭﻱ ﻟﻴﺶ ﺣﺴﻴﺖ ﺑﺨﻨﻜﺔ ﻣﻦ ﻛﺎﻝ ﺭﺍﺋﺪ ﺍﺧﺬﺝ ﻭﻳﺎﻱ .. ﻳﻌﻨﻲ ﺗﻌﻮﺩﺕ ﻋﻠﻰ ﻏﺰﻭﺍﻥ ﻭﻋﻠﻰ ﺣﻀﻨﺔ .. ﺑﺲ ﺣﺴﻴﺖ ﺍﻥ ﻣﺸﺘﺎﻗﺔ ﻟﺒﻴﺘﻨﺔ ﻭﻻﺯﻡ ﺍﺭﺗﺎﺡ ﻭﺍﻓﻜﺮ ﺑﺤﻴﺎﺗﻲ ﺍﻟﻲ ﺟﺎﻳﺔ .. ﻣﺎﺭﻳﺪﻫﺔ ﺗﺒﻘﻰ ﻫﻴﺞ ..
ﻣﻦ ﺣﻀﻨﻲ ﺣﺴﻴﺖ ﺍﻥ ﻣﺤﺘﺎﺟﺔ ﻟﻬﺎﻟﺸﻲ .. ﻏﻤﻀﺖ ﻋﻴﻮﻧﻲ ﻭﺍﻧﻲ ﺍﺷﻢ ﻋﻄﺮﺓ ﻣﺜﻞ ﻛﻞ ﻳﻮﻡ ﺗﻌﻮﺩﺕ ﻣﺎ ﺍﻏﻔﻰ ﺍﻻ ﻋﻠﻰ ﻋﻄﺮﺓ ..
&&&&
ﺟﻮﺭﻱ ... ﻋﻔﺖ ﻣﺆﻳﺪ ﻳﺘﻌﺸﻰ ﻭﺟﺎﻥ ﻋﺪﻧﺔ ﻣﻄﺒﺦ ﺗﺤﻀﻴﺮﻱ ﺯﻏﻴﺮ ﺑﺎﻟﺠﻨﺎﺡ ﻣﺎﻟﺘﻨﺔ ﻳﻌﻨﻲ ﻟﻸﺷﻴﺎﺀ ﺍﻟﺒﺴﻴﻄﺔ ..
ﺷﻐﻠﺖ ﺍﻟﻘﻮﺭﻱ ﺍﻟﻜﻬﺮﺑﺎﺋﻲ ﻭﺣﻄﻴﺖ ﺑﻲ ﻣﻲ ﻭﺟﺎﻱ ..
ﺑﻘﻴﺖ ﻭﺍﻛﻔﺔ ﻭﺍﻓﻜﺮ .. ﻟﻴﺶ ﻳﺮﺑﻲ ﻣﻦ ﻋﺮﻓﺖ ﺑﻲ ﻳﺤﺒﻨﻲ ﻭﻧﻀﺮﺗﻲ ﺗﻐﻴﺮﺕ ﻭﺻﺮﺕ ﺑﺲ ﺍﻓﻜﺮ ﺑﻲ .. ﻳﺎ ﺭﻳﺘﻨﻲ ﻣﺎ ﺗﻠﻴﻜﻔﺖ ﻭﻓﺘﺤﺖ ﺍﻟﺼﻨﺪﻭﻙ ..
ﺷﻠﺖ ﺍﻟﻘﻮﺭﻱ ﻣﻦ ﺷﻔﺘﺔ ﻛﺎﻡ ﻳﻔﻮﺭ ..
ﺍﺭﻳﺪ ﺍﺣﻄﺔ ﺑﺎﻟﻜﻼﺹ ﺑﺲ ﺍﺧﺘﻞ ﺗﻮﺍﺯﻥ ﺍﻳﺪﻱ ﻭﻃﺎﺡ ﺍﻟﻘﻮﺭﻱ ﻣﻦ ﺍﻳﺪﻱ ..
ﺻﺮﺧﺖ ﺑﺄﻟﻢ : ﺍﺍﺍﺍﻩ ﺭﺟﻠﻲ ..
ﺻﺮﺕ ﺍﻃﻔﺮ ﻻﻥ ﺍﻟﻘﻮﺭﻱ ﺍﻧﻜﻠﺐ ﻋﻠﻰ ﺟﻒ ﺭﺟﻠﻲ ﻭﺍﺣﺘﺮﻙ ﻣﻦ ﻓﻮﻙ ﻭﻣﻦ ﺟﻮﺓ .. ﻛﻌﺪﺕ ﺑﺎﻟﻜﺎﻉ ﻻﻥ ﻣﺎ ﺍﻛﺪﺭ ﺍﻭﻛﻒ ﻋﻠﻴﻬﺔ ..
ﺩﺧﻞ ﻣﺆﻳﺪ ﻣﻔﺰﻭﺝ ﻭﺑﺴﺮﻋﺔ ﻛﻌﺪ ﻛﺪﺍﻣﻲ : ﺟﻮﻭﺭﻱ ..
ﺩﻣﻮﻋﻲ ﻧﺰﻟﺖ ﻭﻛﻠﺖ ﺑﺄﻟﻢ ﻭﺍﻧﻲ ﺍﻫﻔﻲ ﻋﻠﻰ ﺭﺟﻠﻲ : ﺭﺟﻠﻠﻠﻲ ﺍﺣﺘﺮﻛﺖ ﺑﺎﻟﺠﺎﻱ ..
ﺣﻂ ﺍﻳﺪﺓ ﻋﻠﻰ ﺟﻒ ﺭﺟﻠﻲ ﻭﺍﻧﻲ ﻛﻤﺰﺕ ﻭﻫﻮ ﺑﺴﺮﻋﺔ ﻭﺧﺮ ..
ﺍﺑﺎﻭﻋﻠﺔ ﻣﺮﺗﺒﻚ ﻭﺍﻧﻲ ﺭﺟﻠﻲ ﺍﻻﻟﻢ ﺻﺎﺭ ﻳﺰﻳﺪ ﺑﻴﻬﺔ ﻭﺗﺤﺮﻛﻨﻲ .. : ﺍﺍﺍﻱ ﻳﻤﻤﺔ ﺭﺟﻠﻲ ﻣﻮﺗﺘﻨﻲ ..
ﻣﺎ ﺣﺴﻴﺖ ﻏﻴﺮ ﻣﺪ ﺍﻳﺪﺓ ﺟﻮﺓ ﺭﺟﻠﻴﺔ ﻭﺍﻳﺪﺓ ﺍﻟﺜﺎﻧﻴﺔ ﻭﺭﺓ ﺿﻬﺮﻱ ﻭﺷﺎﻟﻨﻲ ﻣﻦ ﺍﻟﻜﺎﻉ ..
ﺷﻬﻜﺖ ﺑﺲ ﻣﻦ ﺍﻻﻟﻢ ﻣﺎ ﺍﻛﺪﺭ ﺍﺣﺠﻲ ..
ﺩﺧﻠﻨﻲ ﻟﻠﻐﺮﻓﺔ ﻭﺣﻄﻨﻲ ﻋﺎﻟﺠﺮﺑﺎﻳﺔ ﻭﻛﺎﻡ ﺑﺴﺮﻋﺔ ﻟﻠﺤﻤﺎﻡ ﻭﻃﻠﻊ ﺟﺎﻳﺐ ﻭﻳﺎﻩ ﺧﺎﻭﻟﻲ ﻣﺮﻃﺐ ﺑﻤﻲ ﺑﺎﺭ ..
ﺍﻧﻲ ﺻﺮﺕ ﺍﻧﺎﻓﺦ ﻣﻦ ﺍﻻﻟﻢ : ﻓﺪﻭﺓ ﻣﺆﻳﺪ ﺷﻨﻮ ﺭﺟﻠﻲ ﺭﺍﺡ ﺗﺘﺸﻮﻩ ..
ﺑﺎﻭﻋﻠﻲ ﺑﻌﺼﺒﻴﺔ : ﺑﻌﺰ ﺍﻻﻟﻢ ﻭﺍﻟﺒﺠﻲ ﺗﻔﻜﺮ ﺑﺠﻤﺎﻝ ﺭﺟﻠﻬﺔ .. ﺍﻧﺘﻲ ﺑﺲ ﻻ ﺗﺒﺠﻴﻦ ﻭﺍﻧﻲ ﺍﻋﺮﻑ ﺷﻠﻮﻥ ﺍﻋﺎﻟﺞ ﺭﺟﻠﺞ ..
ﻣﺴﺤﺖ ﺩﻣﻮﻋﻲ ﻭﺣﻄﻴﺖ ﺍﻳﺪﻱ ﺑﺤﻠﻜﻲ ..
ﻫﻮ ﻟﻒ ﺍﻟﺨﺎﻭﻟﻲ ﻋﻠﻰ ﺭﺟﻠﻴﺔ ﻭﻃﻠﻊ ﺑﺴﺮﻋﺔ ..
ﻭﺭﺓ ﺩﻗﺎﻳﻖ ﺭﺟﻊ ﻭﻭﻳﺎﻩ ﺧﺎﺗﻮﻥ ﻭﺑﻴﺪﻫﺔ ﻋﻠﺒﺔ ﺍﻻﺳﻌﺎﻓﺎﺕ : ﺷﺠﺎﺝ ﻳﺎ ﺟﻮﺭﻱ .. ﻏﻴﺮ ﺗﻨﺘﺒﻬﻴﻦ ..
ﻣﺆﻳﺪ ﺍﺧﺬ ﺍﻟﻌﻠﺒﺔ ﻣﻨﻬﺔ ﻭﻃﻠﻊ ﻋﺼﺎﺭﺓ ﺍﻟﺤﺮﻭﻕ ..
ﺣﺠﻴﺖ ﻭﺍﻧﻲ ﺍﺭﻳﺪ ﺍﺑﺠﻲ : ﺷﻤﺪﺭﻳﻨﻲ ﺑﺎﻟﻲ ﻣﺎ ﺟﺎﻥ ﻳﻢ ﺍﻟﺠﺎﻱ ..
ﻣﺆﻳﺪ ﺳﺤﺐ ﺭﺟﻠﻲ ﻭﺣﻄﻬﺔ ﺑﺤﻀﻨﺔ : ﺍﻛﻴﺪ ﻫﻮ ﺍﻧﺘﻲ ﺷﻮﻛﺖ ﺑﺎﻟﺞ ﻳﺼﻴﺮ ﻋﻨﺪﺝ .. ﻃﻮﻝ ﺍﻟﻨﻬﺎﺭ ﺑﺲ ﺗﺘﺼﻔﻨﻴﻦ ..
ﺳﺤﺒﺖ ﺭﺟﻠﻲ ﻣﻦ ﺣﻀﻨﺔ : ﺷﺠﺎﻱ ﺗﺴﻮﻱ ..
ﺭﺟﻊ ﺳﺤﺐ ﺭﺟﻠﻲ ﻣﺮﺓ ﺛﺎﻧﻴﺔ : ﺷﺴﻮﻱ ﻳﻌﻨﻲ ﺧﻠﻴﻨﻲ ﺍﻋﺎﻟﺞ ﺍﻟﺤﺮﻙ ..
ﺧﺎﺗﻮﻥ ﺗﺒﺎﻭﻋﻠﻨﺔ ﺑﺄﺑﺘﺴﺎﻣﺔ ﻣﺎ ﻓﻬﻤﺘﻬﺔ ﻭﻛﺎﻟﺖ : ﻣﺎﺩﺍﻡ ﻣﺆﻳﺪ ﻣﻮﺟﻮﺩ ﻟﻌﺪ ﺍﻧﻲ ﺍﺭﻭﺡ ..
ﻣﺆﻳﺪ ﺑﺪﻭﻥ ﻣﺎ ﻳﺮﻓﻊ ﻋﻴﻨﺔ : ﺍﻱ ﺭﻭﺣﻲ ﺷﻜﺮﺍً ..
ﺭﺍﺣﺖ ﺧﺎﺗﻮﻥ ﻭﺍﻧﻲ ﻧﺰﻟﺖ ﻋﻴﻮﻧﺔ ﺍﻟﺔ ..
ﺣﺎﻁ ﺭﺟﻠﻲ ﺑﺤﻀﻨﺔ ﻭﻳﻮﺯﻉ ﺑﺎﻟﻌﻼﺝ ﻋﻠﻰ ﺍﻟﺤﺮﻙ ﺑﺤﺬﺭ ﻭﺑﺨﻔﺔ ﺍﺻﺒﻌﺔ ﺣﺘﻰ ﻻ ﻳﺄﺫﻳﻨﻲ ..
ﻃﺎﺑﻚ ﺣﻮﺍﺟﺒﺔ ﺑﺘﺮﻛﻴﺰ ﻭﻋﺒﺎﻟﻚ ﻋﻨﺪﺓ ﻋﻤﻠﻴﺔ .. ﺍﺑﺘﺴﻤﺖ ﻋﻠﻰ ﺷﻜﻠﺔ ﺍﻟﻤﺘﻮﺗﺮ ﻭﻛﻠﺴﺎﻉ ﻳﻨﻔﺦ ﻋﻠﻰ ﺭﺟﻠﻲ .. ﺍﻟﺨﻮﻑ ﻣﺒﻴﻦ ﻋﻠﻲ .. ﺣﺴﻴﺖ ﺑﻘﺸﻌﺮﻳﺮﺓ ﻣﻦ ﻟﻤﺴﺔ ﺍﺻﺎﺑﻌﺔ ﻋﻠﻰ ﺭﺟﻠﻲ ﻭﻫﻮ ﻳﻨﺰﻟﻬﺔ ﻭﻳﺮﻓﻊ ﺍﻟﺜﺎﻧﻴﺔ ﻭﻳﺮﺟﻊ ﻳﺤﻄﻠﻬﺔ ﺍﻟﻌﻼﺝ ﻧﻔﺲ ﺍﻟﺸﻲ ..
ﺣﺠﺔ ﺑﻬﺪﻭﺀ ﺑﺪﻭﻥ ﻣﺎ ﻳﺮﻓﻊ ﻋﻴﻨﺔ ﻋﻠﻴﺔ : ﺗﺄﺫﻳﺞ ؟؟ ...
ﺣﺠﻴﺖ ﺑﺄﺑﺘﺴﺎﻣﺔ : ﺗﺄﺫﻳﻨﻲ ﺑﻜﺪ ﺧﻮﻓﻚ ﻋﻠﻴﺔ ﻫﺴﺔ ..
ﺭﻓﻊ ﻋﻴﻮﻧﺔ ﺍﻟﻲ ﻭﺿﺤﻚ : ﻣﻮ ﺻﻮﺟﺞ .. ﺍﻧﻲ ﺧﻔﺖ ﻋﻠﻴﺞ ﻭﺍﻧﺘﻲ ﺗﺘﻤﻀﺤﻜﻴﻦ ﻋﻠﻴﺔ ..
ﺍﺑﺘﺴﻤﺖ : ﻻ ﻭﺍﻟﻠﻪ ﻣﺎ ﺍﺿﺤﻚ ﺑﺲ ﺷﻜﻠﻚ ﺣﻠﻮ ﻭﺍﻧﺖ ﺗﻬﺘﻢ ..
ﻃﺒﻚ ﺣﻮﺍﺟﺒﺔ ﺑﺄﺳﺘﻐﺮﺍﺏ : ﻋﺎﺩﻱ ﻳﻌﻨﻲ ﺍﻱ ﻣﺮﻳﺾ ﺍﻧﻲ ﺍﻫﺘﻢ ﺑﻲ ﻫﻴﺞ ..
ﺑﺎﻭﻋﺘﻠﺔ ﺑﺮﻓﻌﺔ ﺣﺎﺟﺐ : ﻳﻌﻨﻲ ﻛﻞ ﻣﺮﻳﺾ ﺍﻧﺖ ﺍﻳﺪﻳﻚ ﺗﺮﺟﻒ ﻭﻫﻴﺞ ﻣﺘﻮﺗﺮ ﻭﺧﺎﻳﻒ ..
ﻓﺮﻙ ﻛﺼﺘﺔ ﻭﻛﺎﻝ ﻭﻫﻮ ﻳﻜﻮﻡ : ﺩﻳﻠﺔ ﻻ ﺗﺎﺧﺬﻳﻦ ﺩﻭﺭ ﺍﻟﻤﺤﻘﻖ ﻫﺴﺔ .. ﺍﺧﺬﻱ ﻣﻦ ﻫﺬﺍ ﺍﻟﻌﻼﺝ ﻫﺴﺔ ﺗﻨﺎﻣﻴﻦ ﻻﻥ ﺍﻟﺤﺮﻙ ﻣﺎﺭﺍﺡ ﻳﺨﻠﻴﺞ ﺗﻜﺪﺭﻳﻦ ﺗﻨﺎﻣﻴﻦ ..
ﻫﺰﻳﺖ ﺭﺍﺳﻲ ﻭﻛﻠﺖ ﺑﺄﺑﺘﺴﺎﻣﺔ : ﺷﻜﺮﺍً ..
ﻋﺎﻓﻨﻲ ﻭﺭﺍﺡ ﻟﻠﻐﺮﻓﺔ ﻣﺎﻝ ﺍﻟﻤﻼﺑﺲ ﻭﻭﺭﺓ ﺩﻗﺎﻳﻖ ﻃﻠﻊ ﻭﺑﻴﺪﺓ ﺗﺮﺍﻙ ﺍﻟﻲ ..
ﺣﻄﺔ ﻛﺪﺍﻣﻲ ﻭﻛﺎﻝ : ﺍﻧﻲ ﻃﺎﻟﻊ ﻭﺍﻧﺘﻲ ﺑﺪﻟﻲ ﻣﻼﺑﺴﺞ ﺑﻴﻦ ﻣﺎ ﺍﺭﺟﻊ ..
ﻃﻠﻊ ﻣﻦ ﺍﻟﻐﺮﻓﺔ ﻭﺍﻧﻲ ﺍﺑﺘﺴﻤﺖ ﻋﻠﻲ ..
ﺑﻌﺪﻳﻦ ﺍﺧﺘﻔﺖ ﺍﺑﺘﺴﺎﻣﺘﻲ ﻭﺣﻄﻴﺖ ﺍﻳﺪﻱ ﻋﻠﻰ ﻛﻠﺒﻲ .. ﻳﺮﺑﻲ ﺷﺒﻴﺔ ﺑﺲ ﺍﺷﻮﻓﺔ ﻛﻠﺒﻲ ﻳﺼﻴﺮ ﻳﺪﻙ ﺳﺮﻳﻊ ..
ﺍﻭﻝ ﻣﺮﺓ ﺍﺣﺲ ﻫﻴﺞ ﺑﺘﻮﺗﺮ ﻭﻣﺎ ﺍﻋﺮﻑ ﺷﺘﺼﺮﻑ ..
ﻻ ﻻ ﻻ ﻣﺴﺘﺤﻴﻞ ﻫﺎﻟﺸﻲ ﻳﻜﻮﻥ ﺻﺤﻴﺢ ..
ﻫﺰﻳﺖ ﺭﺍﺳﻲ ﻭﻧﻔﻀﺖ ﻫﺎﻻﻓﻜﺎﺭ ﻣﻦ ﺑﺎﻟﻲ ﻭﺑﺪﻟﺖ ﻣﻼﺑﺴﻲ ﺑﺴﺮﺭﻋﺔ ﻭﺗﻤﺪﺩﺕ ﻭﺍﺣﺎﻭﻝ ﺍﻧﺎﻡ ﺑﺲ ﻣﺎ ﺍﻛﺪﺭ
££££££
ﺑﺴﻤﺔ ... ﻛﺎﻋﺪﺓ ﻋﺎﻟﻘﻨﻔﺔ ﻭﺍﺗﺎﺑﻊ ﻓﻴﻠﻢ ﻫﻨﺪﻱ ﺍﺳﻤﺔ ‏( sanam re ‏) ﺣﺴﻨﻴﻦ ﺩﺧﻞ ﻭﺷﺎﻓﻨﻲ ﻣﺪﻣﻮﺟﺔ ﻭﻳﺔ ﺍﻟﻔﻠﻢ ..
ﻛﻌﺪ ﺑﺼﻔﻲ ﻭﺍﻧﻲ ﺣﺘﻰ ﻣﺎ ﺍﻟﺘﻔﺘﺘﻠﺔ ﻋﻠﻰ ﺍﺳﺎﺱ ﺯﻋﻼﻧﺔ ﻳﻌﻨﻲ ..
ﻻﺯﻣﺔ ﺑﻴﺪﻱ ﺍﻟﺴﻨﻴﻜﺮﺯ ﻭﺍﻛﻞ ..
ﺣﺴﻨﻴﻦ : ﻳﻌﻨﻲ ﻫﺴﺔ ﺍﻧﺘﻲ ﻟﻴﺶ ﺯﻋﻼﻧﺔ .. ﻳﻌﻨﻲ ﺑﺮﺑﺞ ﺯﻋﻠﺘﻲ ﻻﻥ ﺣﺠﻴﺖ ﻭﻳﺔ ﺍﻟﻤﻤﺮﺿﺔ .. ﻫﺎﻱ ﻫﻢ ﺣﺎﺳﺒﺘﻬﺔ ﺳﺎﻟﻔﺔ ..
ﺍﻧﻘﻬﺮﺕ ﻣﻦ ﻛﻼﻣﺔ .. ﻻ ﻭﻳﺤﺠﻴﻬﺔ ﺑﻜﻞ ﺑﺴﺎﻃﺔ ..
ﺳﻮﻳﺖ ﻧﻔﺴﻲ ﻣﺎ ﺳﻤﻌﺘﺔ ﺍﺻﻼ ﻭﺣﻄﻴﺖ ﺍﻳﺪﻳﺔ ﺟﻮﺓ ﺣﻨﻜﻲ ﻭﺍﺑﺎﻭﻉ ﻋﺎﻟﻤﻤﺜﻞ ﺑﻬﻴﺎﻡ ﻭﻋﺒﺎﻟﻚ ﻛﺪﺍﻣﻲ ﻭﺍﺣﺠﻲ ﻭﻳﺎﻩ : ﺍﻳﻴﻴﻪ ﻳﺎﺧﻲ ﺍﻧﺖ ﻣﻨﻴﻦ ﻣﺼﻨﻮﻉ .. ﺍﻣﻚ ﺑﺸﻨﻮ ﺗﻨﺴﺖ ﻣﻦ ﺣﻤﻠﺖ ﺑﻴﻚ .. ﺍﻧﺖ ﺳﻨﻴﻜﺮﺯ ﻟﻮ ﻧﻮﺗﻴﻼ .. ﻭﺍﻟﻠﻪ ﺣﻘﻬﻦ ﺍﻻﺧﻮﺍﺕ ﺛﻨﻴﻨﻬﻦ ﻳﻤﻮﺗﻦ ﻋﻠﻴﻚ ..
ﻣﺎ ﺣﺴﻴﺖ ﻏﻴﺮ ﺍﻟﺮﻳﻤﻮﺕ ﺍﻧﺴﺤﺐ ﻣﻨﻲ ﻭﺍﻟﺘﻠﻔﺰﻳﻮﻥ ﻃﻔﻰ ..
ﺑﺎﻭﻋﺘﻠﺔ ﺑﻌﺼﺒﻴﺔ : ﻟﻴﺶ ﻃﻔﻴﺘﺔ .. ﻣﺎ ﺗﺸﻮﻓﻨﻲ ﺟﺎﻱ ﺍﺗﺎﺑﻊ ...
ﺑﺎﻭﻋﻠﻲ ﺑﻐﻴﺾ ﻭﻋﺼﺒﻴﺔ : ﺟﺎﻱ ﺗﺘﺎﺑﻌﻴﻦ ﻟﻮ ﺗﺘﻐﺰﻟﻴﻦ ﺑﺎﻟﻤﻤﺜﻞ ..
ﺑﺴﻤﺔ : ﻭﺍﻧﺖ ﺷﻌﻠﻴﻚ ﺑﻴﺔ ..
ﺣﺠﺔ ﺑﻌﺼﺒﻴﺔ ﺍﻛﺜﺮ : ﺷﻠﻮﻥ ﺷﻌﻠﻴﺔ .. ﺗﺮﺩﻳﻦ ﺍﺷﻮﻑ ﻣﺮﺗﻲ ﺗﺘﻐﺰﻝ ﺑﻮﺍﺣﺪ ﻭﺍﺳﻜﺖ .. ﻻ ﻭﻛﺪﺍﻣﻲ ﻫﻢ ..
ﻛﺎﺑﺘﻠﺔ ﻭﺗﺮﺑﻌﺖ ﻭﺗﺨﻮﺻﺮﺕ ﻭﻛﻠﺖ ﺑﻘﻬﺮ : ﻟﻌﺪ ﻭﻳﻦ ﺭﺍﺡ ﻛﻼﻣﻚ ﻗﺒﻞ ﺛﻮﺍﻧﻲ .. ﺷﻠﻮﻥ ﺷﻠﻮﻥ ﺑﺮﺑﺞ ﺯﻋﻼﻧﺔ ﻻﻥ ﺣﺠﻴﺖ ﻭﻳﺔ ﺍﻟﻤﻤﺮﺿﺔ ﻭﻫﺎﻱ ﻫﻢ ﺣﺎﺳﺒﺘﻬﺔ ﺳﺎﻟﻔﺔ .. ﻭﻳﻦ ﺭﺍﺡ ﻛﻼﻣﻚ ﻫﺴﺔ ﻭﺍﻧﻲ ﺍﺻﻼ ﺣﺠﻴﺖ ﻋﻠﻰ ﻣﻤﺜﻞ ﻳﻌﻨﻲ ﻣﻦ ﻭﺭﺓ ﺍﻟﺸﺎﺷﺔ ﻣﻮ ﺍﻧﺖ ﺩﺍﻛﻠﻬﺔ ﺳﻮﺍﻟﻒ ﻭﻳﺔ ﺍﻟﻤﻤﺮﺿﺔ ﻭﻛﺪﺩﺩﺍﺍﺍﻣﻲ ﻫﻢ ..
ﺭﻓﻊ ﺣﺎﺟﺒﺔ ﻭﻛﺎﻝ : ﻭﺣﺪﺓ ﺑﻮﺣﺪﺓ ﻳﻌﻨﻲ ؟ ..
ﻛﺘﻔﺖ ﺍﻳﺪﻳﺔ ﺑﻌﻨﺎﺩ : ﺍﻱ ﻭﺣﺪﺓ ﺑﻮﺣﺪﺓ .. ﺍﻟﻌﻴﻦ ﺑﺎﻟﻌﻴﻦ ﻭﺍﻟﺴﻦ ﺑﺎﻟﺴﻦ ﻭﺍﻟﺒﺎﺩﻱ ﺍﺿﻠﻢ .. ﻭﺍﺻﻼ ﺑﻌﺪﺓ ﻛﻠﺒﻲ ﻣﺎ ﺷﻔﺔ ﻣﻨﻚ .. ﻭﺍﺭﻳﺪﻙ ﺗﺘﻌﺎﻗﺐ ﺍﻛﺜﺮ ..
ﺿﺤﻚ ﻫﻮﺓ : ﺷﺘﺮﺩﻳﻦ ﺗﺴﻮﻳﻦ ﻳﻌﻨﻲ ..
ﺑﺎﻭﻋﺘﻠﺔ ﺑﻘﻬﺮ ﻳﺎ ﺑﺮﻭﺩﺓ ﺍﻋﺼﺎﺑﻚ ..
ﻗﺮﺑﺖ ﻣﻨﺔ ﻭﺑﺴﺮﻋﺔ ﻋﻀﻴﺘﺔ ﻣﻦ ﻛﺘﻔﺔ ﺑﻜﻞ ﻗﻮﺓ ..
ﺑﻘﻴﺖ ﻣﺘﻤﺴﻜﺔ ﺑﻲ ﺣﻴﻞ ﻭﻫﻮ ﺩﻓﻌﻨﻲ ﺑﻘﻮﻯ ﻭﻳﻔﺮﻙ ﺑﻜﺘﻔﺔ : ﻳﺎﺍﺣﻴﻮﺍﻧﺔ .. ﺷﻬﺎﻟﺘﺼﺮﻓﺎﺕ ﻣﺎﻝ ﺍﻟﻤﺰﻋﻄﺔ ..
ﺣﺠﻴﺖ ﺑﺘﺸﻔﻲ : ﺗﺴﺘﺎﻫﻞ .. ﻫﺴﺔ ﺍﺭﺗﺎﺡ ﻛﻠﺒﻲ ..
ﺣﺴﻨﻴﻦ ﺗﺤﻮﻟﺖ ﺗﻀﺮﺗﺔ ﻟﻠﺨﺒﺚ : ﻣﺎ ﺩﺍﻡ ﻛﻠﺘﻲ ﻭﺣﺪﺓ ﺑﻮﺣﺪﺓ ﻟﻌﺪ ﺟﺒﺘﻴﻬﺔ ﻟﺮﻭﺣﺞ ﻭﺍﻟﺒﺎﺩﻱ ﺍﺿﻠﻢ ..
ﻓﺘﺤﺖ ﻋﻴﻮﻧﻲ ﺍﺭﻳﺪ ﺍﺳﺘﻮﻋﺐ ﺑﺲ ﻣﺎ ﻟﺤﻜﺖ ﺍﺣﺠﻲ ﺍﻻ ﻭﻫﻮ ﺷﺎﻳﻠﻨﻲ ﻋﺎﻟﺠﺮﺑﺎﻳﺔ ..
£££££££££££
ﻣﻴﺎﻣﻴﻦ .. ﻓﺘﺤﺖ ﻋﻴﻮﻧﻲ ﺍﻟﺴﺎﻋﺔ ٧ ﺍﻟﺼﺒﺢ ﺍﺣﺲ ﺷﺒﻌﺖ ﻧﻮﻡ .. ﺍﻟﺘﻔﺘﺖ ﺷﻔﺖ ﻋﺎﻟﻘﻨﻔﺔ ﺍﻟﻄﻮﻳﻠﺔ ﻏﺰﻭﺍﻥ ﻣﺘﻤﺪﺩ ﻭﻧﺎﻳﻢ ﻭﺍﻟﺘﻌﺐ ﻣﺒﻴﻦ ﺑﻮﺟﻬﺔ ..
ﻛﻤﺖ ﺑﻬﺪﻭﺀ ﻭﻧﺰﻟﺖ ﻣﻦ ﺍﻟﺠﺮﺑﺎﻳﺔ ﻣﺎﺭﻳﺪ ﺍﺯﻋﺠﺔ ..
ﺩﺧﻠﺖ ﻟﻠﺤﻤﺎﻡ ﻭﻏﺴﻠﺖ ﻭﺑﺪﻟﺖ ﻣﻼﺑﺴﻲ ﻻﻥ ﺍﻟﻴﻮﻡ ﺍﻃﻠﻊ ..
ﻃﻠﻌﺖ ﻣﻦ ﺍﻟﺤﻤﺎﻡ ﺷﻔﺘﺔ ﻛﺎﻋﺪ ..
ﻛﺎﻡ ﻭﻛﺎﻝ ﺑﺄﺑﺘﺴﺎﻣﺔ : ﺻﺒﺎﺡ ﺍﻟﺨﻴﺮ .. ﺷﻠﻮﻥ ﺻﺮﺗﻲ ..
ﺭﺩﻳﺖ ﻋﻠﻲ ﻭﺍﻧﻲ ﺍﻛﻌﺪ ﻋﺎﻟﺠﺮﺑﺎﻳﺔ : ﺻﺒﺎﺡ ﺍﻟﻨﻮﺭ .. ﺍﻟﺤﻤﺪﺍﻟﻠﻪ ﺍﺣﺴﻦ ﺑﺲ ﺷﻮﻳﺔ ﺩﻭﺧﺔ ﻣﻦ ﺍﻟﻌﻼﺝ ...
ﻏﺰﻭﺍﻥ : ﺑﺲ ﺗﺘﺮﻳﻜﻴﻦ ﺗﺼﻴﺮﻳﻦ ﺍﺣﺴﻦ ..
ﺍﺑﺘﺴﻤﺖ ﻭﺍﻧﻲ ﺍﻋﺪﻝ ﺣﺠﺎﺑﻲ ..
ﺍﻧﺪﻙ ﺍﻟﺒﺎﺏ ﻭﺑﻌﺪﻳﻦ ﺍﻧﻔﺘﺢ : ﺻﺒﺎﺡ ﺍﻟﺨﻴﺮ ﻳﺮﻭﺣﻲ ..
ﺍﺑﺘﺴﻤﺘﻠﺔ : ﺻﺒﺎﺡ ﺍﻟﻨﻮﺭ ﺣﺒﻴﺒﻲ ..
ﺭﺍﺋﺪ ﻭﻫﻮ ﻳﺤﻂ ﺍﻟﻄﺒﻠﺔ ﻛﺪﺍﻣﻲ : ﺟﺒﺘﻠﺞ ﺭﻳﻮﻙ ﻳﺤﺒﺔ ﻛﻠﺒﺞ .. ﻳﻠﺔ ﺗﺮﻳﻜﻲ .. ﺣﺘﻰ ﺗﺼﻴﺮﻳﻦ ﺯﻳﻨﺔ ..
ﻏﺰﻭﺍﻥ : ﻭﺍﻫﻢ ﺷﻲ ﺗﺸﺮﺑﻴﻦ ﺍﻟﺤﻠﻴﺐ ﻛﻠﺔ .. ﻻﻥ ﻣﻔﻴﺪ
ﺑﺎﻭﻋﺘﻠﻬﻢ ﺛﻨﻴﻨﻬﻢ : ﺗﺮﺓ ﺍﻧﻲ ﻣﻮ ﻃﻔﻠﺔ ﺣﺘﻰ ﺗﻌﺎﻣﻠﻮﻧﻲ ﻫﻴﺞ ..
ﺭﺍﺋﺪ ﻛﺮﺻﻨﻲ ﻣﻦ ﺧﺪﻱ : ﻻ ﻃﻔﻠﺔ ﻭﺍﺣﻼ ﻃﻔﻠﺔ ﻫﻢ ..
ﺍﺑﺎﻭﻉ ﻟﻐﺰﻭﺍﻥ ﻣﺎ ﻋﺎﺟﺒﺔ ﺍﻟﻮﺿﻊ ﻭﺍﻟﻀﻴﻘﺔ ﻣﺒﻴﻨﺔ ﻋﻠﻲ ..
ﻭﻛﻒ ﻭﻫﻮ ﻳﺮﻳﺪ ﻳﻄﻠﻊ : ﺍﻧﻲ ﺭﺍﻳﺢ ﺍﺟﻬﺰ ﺍﻭﺭﺍﻕ ﺍﻟﺨﺮﻭﺝ ﺑﻴﻦ ﻣﺎ ﺗﺨﻠﺺ ﺭﻳﻮﻙ ..
ﻃﻠﻊ ﻣﻦ ﺍﻟﻐﺮﻓﺔ ﻭﺭﺍﺋﺪ ﻛﻌﺪ ﻛﺪﺍﻣﻲ ..
ﺣﺠﺔ ﺑﺄﺑﺘﺴﺎﻣﺔ : ﺗﺪﺭﻳﻦ ﻫﻢ ﻭﺍﻧﺰﺍﺡ ﻋﻦ ﻛﻠﺒﻲ ﻣﻦ ﺷﻔﺘﺞ ﻣﺮﺗﺎﺣﺔ ﻭﻳﺎﻩ ...
ﺍﺑﺘﺴﻤﺘﻠﺔ ﻭﻛﻠﺖ : ﺍﻟﺤﻤﺪﺍﻟﻠﻪ ..
ﺭﺍﺋﺪ : ﻏﺰﻭﺍﻥ ﻣﺒﻴﻦ ﻋﻠﻲ ﻳﺤﺒﺞ ﻭﻳﺨﺎﻑ ﻋﻠﻴﺞ .. ﺍﻟﺒﺎﺭﺣﺔ ﻣﺎﻛﺪﺭ ﻳﻨﺎﻡ ﻭﻫﻮ ﺑﺎﻟﺔ ﻳﻤﺞ ﻭﺍﺟﺔ ﻃﻠﺐ ﻣﻨﻲ ﻫﻮ ﻳﺒﻘﻰ ﻫﻨﺎ ﻭﺍﻧﻲ ﻭﺣﺖ ﻧﻤﺖ ﺑﺎﻟﻤﻜﺘﺐ ﻣﺎﻟﺘﺔ .. ﻳﻌﻨﻲ ﻣﻴﺎﻣﻴﻦ ﻏﺰﻭﺍﻥ ﻳﺤﺒﺞ ﺩﻳﺮﻱ ﺑﺎﻟﺞ ﻋﻠﻲ ﻭﻻ ﺗﺨﺴﺮﻳﻨﺔ ﺑﺴﺒﺐ ﺑﻌﺾ ﺗﺼﺮﻓﺎﺗﺞ ..
ﺑﺎﻭﻋﺘﻠﺔ ﺑﺘﻮﺗﺮ : ﻟﻴﺶ ﺷﻤﺴﻮﻳﺔ ﺍﻧﻲ ..
ﺍﺑﺘﺴﻢ ﺑﻮﺟﻬﻲ : ﻣﺎ ﻣﺴﻮﻳﺔ ﺷﻲ ﺑﺲ ﻣﺮﺍﺕ ﺗﻌﺎﻧﺪﻳﻦ ﻭﺗﻘﻔﻠﻴﻦ ﻋﺎﻟﺴﺎﻟﻔﺔ ﻭﺍﻟﺮﺟﺎﻝ ﻣﺎ ﻳﺤﺐ ﺍﻟﻲ ﺗﻌﺎﻧﺪ ﻋﻠﻰ ﻛﻠﺸﻲ ﻭﺑﺎﻟﺘﺎﻟﻲ ﻳﻤﻞ ﻣﻨﻬﺔ ﻭﻳﺪﻭﺭ ﻏﻴﺮﻫﺔ .. ﻟﻬﺎﻟﺴﺒﺐ ﺍﻛﻠﺞ ﺣﺎﻓﻀﻲ ﻋﻠﻲ ﻭﺑﻄﻠﻲ ﻣﻦ ﻋﻨﺎﺩﺝ ﺷﻮﻳﺔ ..
ﻫﺰﻳﺖ ﺭﺍﺳﻲ ﻭﺑﺪﻳﺖ ﺍﻛﻞ ﻭﺍﻓﻜﺮ ﺑﻜﻼﻡ ﺭﺍﺋﺪ ﻭﺗﺼﺮﻓﺎﺕ ﻏﺰﻭﺍﻥ ..
ﻛﻤﻠﺖ ﺍﻛﻞ ﻭﺣﻀﺮﺕ ﻧﻔﺴﻲ ﻭﺍﺟﺔ ﻏﺰﻭﺍﻥ ..
ﺭﺍﺋﺪ : ﺍﻧﻲ ﻃﺎﻟﻊ ﻛﺪﺍﻣﻜﻢ ﻭﺍﺧﺬ ﺍﻟﺠﻨﻄﺔ ﻭﻳﺎﻱ .. ﻏﺰﻭﺍﻥ ﺟﻴﺒﻬﺔ ﻭﺗﻌﺎﻝ ﻭﺭﺍﻱ ..
ﻏﺰﻭﺍﻥ ﻫﺰ ﺭﺍﺳﺔ ﻭﺭﺍﺋﺪ ﻃﻠﻊ ..
ﺑﺎﻭﻋﺖ ﻟﻐﺰﻭﺍﻥ ﻭﻫﻮ ﺗﻘﺮﺏ ﻋﻠﻴﺔ ﻭﺍﺧﺬﻧﻲ ﺑﺤﻀﻨﺔ ﺑﺪﻭﻥ ﻣﺎ ﻳﻜﻮﻝ ﺍﻱ ﺷﻲ ..
ﺭﻓﻌﺖ ﺍﻳﺪﻳﺔ ﺑﺘﺮﺩﺩ ﻭﺣﻀﻨﺘﺔ ﻭﻫﻮ ﺗﻤﺴﻚ ﺑﻴﺔ ﺍﻛﺜﺮ ..
ﻏﺰﻭﺍﻥ : ﻳﻌﻨﻲ ﻻﺯﻡ ﺗﺮﻭﺣﻴﻦ ؟ ..
ﻫﺰﻳﺖ ﺭﺍﺳﻲ : ﺍﻱ ﺍﻛﻴﺪ ﺭﺍﺋﺪ ﻳﻨﺘﻀﺮﻧﺔ ...قصص عراقيه حقيقيه من واقعنا.روعه الطائي
ﺣﻂ ﺷﻔﺎﻳﻔﺔ ﻋﻠﻰ ﻛﺼﺘﻲ ﻭﺑﺎﺳﻨﻲ ﺑﻮﺳﺔ ﻃﻮﻳﻠﺔ ﻭﺑﻌﺪﻳﻦ ﻭﺧﺮﺕ ..
ﻟﺒﺴﺖ ﻋﺒﺎﺗﻲ ﻭﺍﺭﻳﺪ ﺍﻃﻠﻊ ..
ﺷﻔﺘﺔ ﻣﺎﺩ ﺍﻳﺪﺓ ﺍﻟﻲ ﻭﻳﻨﺘﻀﺮﻧﻲ ..
ﻣﺪﻳﺖ ﺍﻳﺪﻱ ﻭﺣﻄﻴﺘﻬﺔ ﺑﺄﻳﺪﺓ ﻭﻃﻠﻌﻨﺔ .. ﻧﻤﺸﻲ ﺑﻤﻤﺮﺍﺕ ﺍﻟﻤﺴﺘﺸﻔﻰ ﻭﻛﻞ ﺍﻟﻤﻤﺮﺿﺎﺕ ﻳﺒﺎﻭﻋﻠﺔ ﻣﺴﺘﻐﺮﺑﺎﺕ ﻭﺟﻮﺩﻱ ﻭﻫﻮ ﻣﺎ ﻣﻬﺘﻢ ﻭﻣﺎ ﺑﺎﻭﻉ ﻻﻱ ﻭﺣﺪﺓ .. ﻳﻤﺸﻲ ﻭﻫﻮ ﺭﺍﻓﻊ ﺭﺍﺳﺔ ﻭﺍﻳﺪﺓ ﻻﺯﻣﺔ ﺍﻳﺪﻱ ..
ﺍﺑﺎﻭﻉ ﻟﻄﻮﻟﺔ ﻭﻣﺸﻴﺘﺔ ﻭﺗﻔﺎﺻﻴﻞ ﻭﺟﻬﺔ ﻭﺟﺴﻤﺔ ..
ﺍﺣﺒﺔ ﻫﺎﻟﺸﺨﺺ .. ﺍﻱ ﺍﺣﺒﺔ .. ﻣﻬﻤﺎ ﺣﺎﻭﻟﺖ ﺍﻗﻨﻊ ﻧﻔﺴﻲ ﺍﻥ ﺍﻛﺮﻫﺔ ﻭﺍﺣﻘﺪ ﻋﻠﻲ ﻣﺎﻛﺪﺭﺕ .. ﺣﻘﺪﻱ ﺟﺎﻥ ﻋﺎﻣﻲ ﻋﻠﻰ ﻋﻴﻮﻧﻲ .. ﺗﻌﻮﺩﺕ ﻋﻠﻰ ﻭﺟﻮﺩﺓ ﺑﺤﻴﺎﺗﻲ .. ﺗﻌﻮﺩﺕ ﺍﺳﻤﻊ ﺻﻮﺗﺔ ﻛﻞ ﻳﻮﻡ .. ﻣﺎ ﻳﻨﺎﻡ ﺍﻻ ﻳﺸﻢ ﻋﻄﺮﻱ ﻛﻞ ﻳﻮﻡ ﺑﺲ ﻫﻮ ﻣﺎ ﻋﺮﻑ ﺑﻬﺎﻟﺸﻲ ﺧﻼﻧﻲ ﺍﻧﻲ ﺻﺮﺕ ﻣﺎﻛﺪﺭ ﺍﻧﺎﻡ ﺍﻻ ﻫﻮ ﺣﺎﺿﻨﻲ ..
ﻃﻠﻌﻨﺔ ﻣﻦ ﺍﻟﻤﺴﺘﺸﻔﻰ ﻭﺟﺎﻥ ﺭﺍﺋﺪ ﺑﺄﻧﺘﻀﺎﺭﻧﺔ ..
ﺻﻌﺪﺕ ﺑﺎﻟﺴﻴﺎﺭﺓ ﻭﻏﺰﻭﺍﻥ ﺳﻠﻢ ﻋﻠﻰ ﺭﺍﺋﺪ ﻭﺑﻌﺪﻳﻦ ﺗﺤﺮﻙ ﺭﺍﺋﺪ ﺑﺎﻟﺴﻴﺎﺭﺓ ﻭﺗﻮﺟﻪ ﻟﻠﻜﻮﺕ ..
ﺍﺑﺎﻭﻉ ﻟﺮﺍﺋﺪ ﻣﺒﺘﺴﻤﺔ ﻭﺍﻧﻲ ﺍﺷﻮﻓﺔ ﻳﻐﻨﻲ ﻭﻳﺔ ﻳﺎﺱ ﺧﻀﺮ ﻣﺸﻐﻠﺔ ﺑﺎﻟﺴﻴﺎﺭﺓ
ﻳﻢ ﺩﺍﺭﻛﻢ .. ﺻﺪﻓﺔ ﻭﺍﺧﺬﻧﻲ ﺍﻟﺪﺭﺏ ﻣﻦ ﻳﻢ ﺩﺍﺭﻛﻢ ..
ﻭﺍﻟﺘﻤﺖ ﺑﺮﻭﺣﻲ ﺍﻟﻤﺤﻨﺔ ﻭﺍﺷﺘﻬﻴﺖ ﺍﺧﺒﺎﺭﻛﻢ ...
ﺍﻧﺘﺒﻬﺖ ﻟﻨﺒﺮﺓ ﺍﻟﺤﺰﻥ ﺑﺼﻮﺗﺔ ﻭﺗﻨﻬﻴﺪﺍﺗﺔ ﺍﻟﻌﻤﻴﻘﺔ ...
ﻋﺮﻓﺖ ﺍﻥ ﻳﻘﺼﺪ ﻓﺎﺭﺱ ﺑﻬﺎﻱ ﺍﻟﻜﻠﻤﺎﺕ ﻭﻣﻮ ﺧﺎﺗﻮﻥ ..
ﺍﻟﻠﻪ ﻳﺮﺣﻤﻚ ﻳﺎ ﻓﺎﺭﺱ ..
£££££££££
ﺟﻮﺭﻱ .. ﻛﻌﺪﺕ ﻣﻦ ﺍﻟﻨﻮﻡ ﻭﺑﺎﻭﻋﺖ ﻟﻠﺴﺎﻋﺔ ٨ ﻭﻧﺺ .. ﻧﺰﻟﺖ ﺭﺟﻠﻴﺔ ﻭﺍﻧﻲ ﻧﺎﺳﻴﺔ ﺍﻟﺤﺮﻕ ﺗﻤﺎﻣﺎً ..
ﺣﺴﻴﺖ ﺑﺎﻟﻀﻐﻂ ﻋﻠﻰ ﺭﺟﻠﻴﺔ ﺑﺴﺮﻋﺔ ﻛﻌﺪﺕ ﺑﺄﻟﻢ : ﺍﺍﻩ .. ﺍﻓﻔﻒ ﺷﻬﺎﻟﻐﺒﺎﺀ ﺟﻮﺭﻱ ..
ﻃﻠﻊ ﻣﻦ ﺍﻟﺤﻤﺎﻡ ﻭﻫﻮ ﻳﻨﺸﻒ ﺷﻌﺮﺓ ﺑﺎﻟﻤﻨﺸﻔﺔ ﻭﻳﺤﺠﻲ : ﺍﻟﺤﻤﺪﺍﻟﻠﻪ ﻣﻦ ﻋﺮﻓﺘﻲ ﺑﻨﻔﺴﺞ ﻏﺒﻴﺔ ..
ﺻﻔﻨﺖ ﺑﺸﻜﻠﺔ .. ﻻﺑﺲ ﻛﻴﻤﻮﻧﺔ ﺳﻮﺩﺓ ﻭﺍﻳﺪﻱ ﺑﺎﺭﺯﺓ ﻋﻀﻼﺗﺔ .. ﻭﺷﻌﺮﺓ ﻻﻥ ﻣﺒﻠﻞ ﻧﺎﺯﻝ ﻋﻠﻰ ﻛﺼﺘﺔ ﻭﺍﻟﺒﺎﻗﻲ ﻣﺨﻠﺒﺺ ﻻﻥ ﺟﺎﻥ ﻳﻨﺸﻒ ﺑﻲ ..
ﻗﺎﻃﻌﻨﻲ ﻭﻫﻮ ﻳﻜﻮﻝ : ﺍﺩﺭﻱ ﺑﺮﻭﺣﻲ ﺣﻠﻮ ﺑﺲ ﻻ ﺗﺼﻔﻨﻴﻦ ﺯﺍﻳﺪ ﺗﺮﺓ ﻛﺜﺮﺓ ﺍﻟﺤﻼﻭﺓ ﺗﺴﻮﻱ ﺳﻜﺮ ..
ﺩﻧﻜﺖ ﺑﻔﺸﻠﺔ ..
ﻓﺠﺄﺓ ﺣﺴﻴﺖ ﻧﻔﺴﻲ ﻣﺮﻓﻮﻋﺔ ..
ﺷﺎﻳﻠﻨﻲ ﻭﻣﺘﻮﺟﻪ ﺑﻴﺔ ﻟﻠﺤﻤﺎﻡ : ﻣﺆﻳﺪ ﻧﺰﻟﻨﻲ ﺷﺠﺎﻱ ﺗﺴﻮﻱ ..
ﻣﺆﻳﺪ : ﻣﻮ ﺗﺮﺩﻳﻦ ﺗﺮﺣﻴﻦ ﻟﻠﺤﻤﺎﻡ .. ﺷﻠﻮﻥ ﺗﺮﺣﻴﻦ ﻭﺍﻧﺘﻲ ﺭﺟﻠﻴﺞ ﻣﺎ ﺗﻜﺪﺭﻳﻦ ﺗﻤﺸﻴﻦ ﻋﻠﻴﻬﺔ .. ﺧﻠﺺ ﻛﻠﺖ ﺍﻧﻲ ﺍﻣﺸﻲ ﺑﻤﻜﺎﻧﺞ ..
ﺣﺠﺔ ﻫﺎﻟﺠﻤﻠﺔ ﻣﺎﺩﺭﻱ ﻟﻴﺶ ﺍﺛﺮﺕ ﺑﻴﺔ .. ﻣﻊ ﺍﻥ ﻫﻮﺓ ﻛﺎﻟﻬﺔ ﺑﺪﻭﻥ ﺗﻌﺒﻴﺮ ﺑﺲ ﺣﺴﻴﺖ ﺑﻴﻬﺔ .. ﻗﺮﺑﺔ ﻣﻨﻲ ﺧﻠﺔ ﻛﻠﺒﻲ ﺻﺎﺭ ﻳﺪﻙ ﺑﺴﺮﻋﺔ ﻭﺍﺣﺲ ﻧﻔﺴﻲ ﺻﺨﻨﺖ ..
ﻭﻛﻒ ﻛﺒﺎﻝ ﺍﻟﺤﻤﺎﻡ ﻭﻧﺰﻟﻨﻲ ﺑﻬﺪﻭﺀ ﻭﺍﻳﺪﻱ ﺑﻌﺪﻫﺔ ﻣﺤﺎﻭﻃﺔ ﺧﺼﺮﻱ : ﺗﻜﺪﺭﻳﻦ ﺗﻤﺸﻴﻦ ﻋﻠﻰ ﻛﻌﺐ ﺭﺟﻠﺞ ..
ﻫﺰﻳﺖ ﺭﺍﺳﻲ ﺑﺄﻱ .. ﺗﻤﺴﻜﺖ ﺑﺎﻟﺒﺎﺏ ﻭﺩﺧﻠﺖ ﻭﻗﻔﻠﺘﺔ ..
ﺭﺟﻌﺖ ﺟﺴﻤﻲ ﻋﺎﻟﺒﺎﺏ ﻭﺣﻄﻴﺖ ﺍﻳﺪﻱ ﻋﻠﻰ ﻛﻠﺒﻲ .. ﺷﺒﻴﺔ ﻣﻦ ﺍﻟﺒﺎﺭﺣﺔ ﻭﺍﻟﻴﻮﻡ ..
ﺻﺮﺕ ﺍﻫﻔﻲ ﻋﻠﻰ ﻧﻔﺴﻲ ﻭﺍﻧﻲ ﺍﺣﺲ ﺑﺤﺮﺍﺭﺓ ﺧﺪﻭﺩﻱ ..
ﻏﺴﻠﺖ ﻭﺟﻬﻲ ﻭﻓﺮﺷﺖ ﺍﺳﻨﺎﻧﻲ ﻭﻃﻠﻌﺖ ..
ﺷﻔﺘﺔ ﻣﺒﺪﻝ ﻣﻼﺑﺴﺔ ﻭﻻﺑﺲ ﺩﺷﺪﺍﺷﺔ ﺑﻴﻀﺔ ...
ﺑﺎﻭﻉ ﺑﻮﺟﻬﻲ ﻭﻛﺎﻝ ﺑﺄﺑﺘﺴﺎﻣﺔ ﻭﻫﻮ ﻳﺨﺒﺺ ﺷﻌﺮﻱ : ﻭﻫﺴﺔ ﻧﻜﻮﻝ ﺻﺒﺎﺡ ﺍﻟﺨﻴﺮ ..
ﺍﺑﺘﺴﻤﺖ : ﺻﺒﺎﺡ ﺍﻟﻨﻮﺭ ..
ﺭﺟﻊ ﺷﺎﻟﻨﻲ ﻭﺍﺧﺬﻧﻲ ﻟﻐﺮﻓﺔ ﺍﻟﻤﻼﺑﺲ ﻭﺍﻧﻲ ﻣﺎﺩﺭﻱ ﻟﻴﺶ ﻣﺴﺘﻤﺘﻌﺔ ..
ﺳﺤﺐ ﺍﻟﻄﺒﻠﺔ ﻣﻦ ﺟﻮﺓ ﺍﻟﻤﺮﺍﻳﺔ ﺑﺮﺟﻠﺔ ﻭﻛﻌﺪﻧﻲ ﻋﻠﻴﻬﺔ ..
ﺻﺎﺭ ﻳﻜﻠﺐ ﺑﻤﻼﺑﺴﻲ ﺑﺘﻔﻜﻴﺮ : ﺍﻟﻴﻮﻡ ﺍﺧﺘﺎﺭﻟﺞ ﻋﻠﻰ ﺫﻭﻗﻲ ..
ﺿﺤﻜﺖ ﻭﻛﻠﺖ : ﺗﺮﺓ ﻛﻠﻬﺔ ﺩﺷﺪﺍﺷﺔ ﺷﺘﺨﺘﺎﺭ ﻣﻨﻬﺔ ﻭﺑﻌﺪﻳﻦ ﺍﻧﻲ ﺭﺟﻠﻴﺔ ﻣﺤﺘﺮﻛﺔ ﻳﻌﻨﻲ ﻣﻮ ﻣﻜﺮﻣﺔ ﺣﺘﻰ ﺗﺨﺘﺎﺭ ﺑﻤﻜﺎﻧﻲ ..
ﻣﺆﻳﺪ : ﺍﺳﻜﺘﻲ ﻭﺧﻠﻴﻨﻲ ﺍﺧﺘﺎﺭ ﺑﻜﻴﻔﻲ ..
ﺳﻜﺘﺖ ﻭﻫﻮ ﻳﻜﻠﺐ ﺍﻟﻤﻼﺑﺲ ﻭﺷﻲ ﺗﻌﺠﺒﺔ ﻭﺷﻲ ﻣﺎ ﺗﻌﺠﺒﺔ ..
ﺍﻭﻝ ﺷﻲ ﻃﻠﻊ ﺩﺷﺪﺍﺷﺔ ﺻﻔﺮﺓ ﻭﺣﻄﻬﺔ ﻛﺪﺍﻣﻲ ﺑﺲ ﺑﻌﺪﻳﻦ ﻭﺟﻊ ﺷﺎﻟﻬﺔ ﻭﻛﺎﻝ : ﻻ ﻫﺎﻱ ﺗﻄﻠﻌﻴﻦ ﺑﻴﻬﺔ ﺍﺑﻮ ﺻﻔﺎﺭ ..
ﺿﺤﻜﺖ ﻋﻠﻲ .. ﺭﺟﻊ ﻃﻠﻊ ﺩﺷﺪﺍﺷﺔ ﺣﻤﺮﺓ ﺣﻠﻮﺓ ﺑﺲ ﻫﻢ ﺭﺟﻌﻬﺔ ﻭﻛﺎﻝ : ﻻ ﺍﻧﺘﻲ ﺑﻴﻀﺔ ﻭﻫﺎﻱ ﺣﻤﺮﺓ ﺗﺒﺮﺯ ﻋﻠﻴﺞ ..
ﻳﺮﺑﻲ ﺷﺒﻲ ﻫﺬﺍ .. ﻃﻠﻊ ﺩﺷﺪﺍﺷﺔ ﺯﺭﻛﺔ ﻭﺣﻄﻬﺔ ﻛﺪﺍﻣﻲ ﻭﺍﺑﺘﺴﻢ : ﻫﺎﻱ ﺣﻠﻮﺓ .. ﺑﻠﻮﻥ ﻋﻴﻮﻧﺞ ..
ﺍﺑﺘﺴﻤﺖ : ﺗﻤﺎﻡ ﺭﺍﺡ ﺍﻟﺒﺴﻬﺔ ..
ﻃﻠﻊ ﻫﻮ ﻣﻦ ﺍﻟﻐﺮﻓﺔ ﻭﺍﻧﻲ ﻟﺒﺴﺘﻬﺔ ﺟﺎﻧﺖ ﺧﻠﻴﺠﻴﺔ ﺑﻴﻬﺔ ﺧﺮﺯ ﻭﺣﻠﻮﺓ ..
ﻭﺭﺓ ﺩﻗﺎﻳﻖ ﻫﻮ ﺩﺧﻞ .. ﻃﻠﻌﻠﻲ ﺷﺎﻝ ...
ﺍﺧﺬ ﺍﻟﻌﻄﺮ ﻭﺭﺵ ﻣﻨﺔ ﻋﻠﻰ ﺭﮔﺒﺘﻲ .. ﺍﻧﻲ ﺑﺴﺮﻋﺔ ﻗﺸﻌﺮ ﺟﻠﺪﻱ ﻭﺍﻧﻜﻤﺸﺖ ﻋﻠﻰ ﺭﮔﺒﺘﻲ ..
ﺑﺎﻭﻋﻠﻲ ﺑﺄﺳﺘﻐﺮﺍﺏ : ﺷﺒﻴﺞ ؟
ﺟﺎﻭﺑﺘﺔ ﻭﺍﻧﻲ ﺍﻣﺴﺢ ﺭﮔﺒﺘﻲ : ﻣﺎﺣﺐ ﺍﻟﻌﻄﺮ ﻳﺠﻲ ﻋﻠﻰ ﺟﻠﺪﻱ ﻣﺒﺎﺷﺮﺓً .. ﺍﺣﺲ ﺭﻭﺣﻲ ﻭﺻﺨﺔ ..
ﺍﺑﺘﺴﻢ ﻭﻛﺎﻝ ﺑﺸﻘﺎﻭﺓ : ﻓﻌﻼً ﻋﻄﺮ ﻓﻮﻙ ﻋﻄﺮ ﻣﺎ ﻳﺮﻫﻢ .
ﺑﻠﻌﺖ ﺭﻳﻜﻲ ﻣﻦ ﻛﻼﻣﺔ .. ﻫﻮ ﻳﺤﺠﻲ ﺑﺸﻘﺔ ﻭﺍﻧﻲ ﻛﻠﺒﻲ ﺻﺎﻳﺮ ﻃﺒﻮﻝ ﻣﺎﺩﺭﻱ ﺷﺒﻲ ...
ﻟﺒﺴﺖ ﺍﻟﺸﺎﻝ ﻭﺭﺩﺕ ﺍﻛﻮﻡ .. ﺭﺟﻊ ﺷﺎﻟﻨﻲ ﻣﺮﺓ ﺛﺎﻧﻴﺔ ﺻﺤﺖ ﺑﻲ : ﻭﻭﻭﻳﻦ ﻧﺰﻟﻨﻲ ﺍﺭﻳﺪ ﺍﻧﺰﻝ ﺟﻮﺓ ..
ﻣﺆﻳﺪ : ﺍﻱ ﺍﻧﻲ ﺍﻭﺻﻠﺞ ..
ﻓﺘﺤﺖ ﻋﻴﻮﻧﻲ : ﺷﻨﻮﻭﻭ .. ﻻ ﻓﺪﻭﺓ ﻭﺍﻟﻠﻪ ﻋﻴﺐ ﻣﻨﻬﻢ ..
ﻣﺆﻳﺪ : ﻭﺷﻨﻮ ﺍﻟﻌﻴﺐ ﺑﺎﻟﻤﻮﺿﻮﻉ .. ﻋﺎﺩﻱ ﺗﺮﺓ ﺍﻧﺘﻲ ﻣﺮﺗﻲ ﻛﺪﺍﻣﻬﻢ .. ﻭﺑﻌﺪﻳﻦ ﺷﻠﻮﻥ ﺗﻨﺰﻟﻴﻦ ﻫﻴﺞ ﻭﺭﺟﻠﻴﺞ ..
ﻣﺎ ﺍﻧﻄﺎﻧﻲ ﻣﺠﺎﻝ ﺍﺣﺠﻲ ﻭﻧﺰﻟﻨﻲ ﺟﻮﺓ ﻭﺍﻧﻲ ﺍﺭﻳﺪﺓ ﻳﻨﺰﻟﻨﻲ ﺑﺲ ﻣﺎ ﻳﻘﺒﻞ ...
ﺩﺧﻠﻨﻲ ﻟﻠﺼﺎﻟﺔ ﻭﺟﺎﻧﺖ ﺑﺲ ﺣﺒﻮﺑﺘﻲ ﻣﻮﺟﻮﺩﺓ ..
ﺍﻟﺤﺠﻴﺔ ﺑﺨﻮﻑ : ﻳﺎ ﻳﻤﺔ ﺷﺒﻴﻬﺔ ﺍﻟﺒﺖ ..
ﻣﺆﻳﺪ ﻭﻫﻮ ﻳﻜﻌﺪﻧﻲ ﻋﺎﻟﻘﻨﻔﺔ : ﺍﻟﺸﺎﻃﺮﺓ ﻛﻠﺒﺖ ﺍﻟﻘﺮﻭﻱ ﻋﻠﻰ ﺭﺟﻠﻴﻬﺔ ﺍﻟﺒﺎﺭﺣﺔ ..
ﺍﻟﺤﺠﻴﺔ ﺿﺮﺑﺖ ﺻﺪﺭﻫﺔ : ﻳﺎ ﻳﻤﺔ ﺷﺠﺎﺟﻦ ﻣﻦ ﺍﻟﺒﺎﺭﺣﺔ ﻫﻢ ﺍﻧﺘﻲ ﻭﻫﻢ ﻣﻴﺎﻣﻴﻦ .. ﻭﺍﻟﻠﻪ ﻫﺎﻱ ﻋﻴﻦ ﻭﻣﺎ ﺻﻠﺖ ﻋﺎﻟﻨﺒﻲ .. ﻻﺯﻡ ﺍﺑﺨﺮﺟﻦ ..
ﺩﺧﻠﺖ ﻋﻤﺘﻲ ﻋﻠﻴﻨﺔ : ﻫﺎ ﻳﻤﺔ ﺟﻮﺭﻱ ﺷﻠﻮﻥ ﺻﺮﺗﻲ .. ﺍﻟﺒﺎﺭﺣﺔ ﺧﺎﺗﻮﻥ ﻛﺎﻟﺘﻠﻲ ﻋﻠﻴﺞ .. ﻏﻴﺮ ﺗﻨﺘﺒﻬﻴﻦ ﺯﻳﻦ ..
ﺑﺎﻭﻋﺘﻠﻬﺔ ﺑﺄﺑﺘﺴﺎﻣﺔ : ﺷﺴﻮﻱ ﻋﻤﺔ ﺍﻟﺤﻤﺪﺍﻟﻠﻪ ...
£££££££££
ﺧﺎﺗﻮﻥ ... ﺑﻠﺸﻨﺔ ﺗﺠﻬﻴﺰﺍﺕ ﻣﻦ ﺛﺎﻧﻲ ﻳﻮﻡ ﺳﻤﻌﻨﺔ ﺍﻟﺨﺒﺮ .. ﻳﻌﻨﻲ ﺑﻜﻞ ﻣﺮﺓ ﻻﺯﻡ ﻧﺠﻬﺰ ﻟﻌﺮﻭﺳﺘﻴﻦ .. ﺑﺲ ﺷﻌﻮﺭ ﺣﻠﻮ ﻭﻣﺨﺘﻠﻒ ﻟﻤﻦ ﺗﺘﺠﻬﺰﻳﻦ ﻟﻨﻔﺴﺞ ﻛﻌﺮﻭﺱ ..
ﺟﻮﺭﻱ ﻣﺎ ﻛﺪﺭﺕ ﺗﻄﻠﻊ ﻻﻥ ﺭﺟﻠﻴﻬﺔ ﺍﺣﺘﺮﻛﺖ ﺧﻄﻴﺔ ..
ﻃﻠﻌﻨﺔ ﺍﻧﻲ ﻭﻣﻬﺎ ﻭﺑﺴﻤﺔ .. ﻭﻣﻴﺎﻣﻴﻦ ﺟﺎﻧﺖ ﻋﻠﻰ ﺗﻮﺍﺻﻞ ﻭﻳﺎﻧﺔ ﻭﺍﺣﻨﺔ ﻧﺼﻮﺭ ﻭﻧﺪﺯﻟﻬﺔ ..
ﻣﻴﺎﻣﻴﻦ .... ﺻﺎﺭﻟﻲ ٣ ﺍﻳﺎﻡ ﻣﻦ ﺍﺟﻴﺖ .. ﻏﺰﻭﺍﻥ ﻛﻞ ﻳﻮﻡ ﻳﺘﺼﻞ ﻋﻠﻴﺔ ﻭﻳﺘﻄﻤﻦ ﻭﺫﻋﺪﻳﻦ ﻳﺴﺪ ﺍﻟﺘﻠﻴﻔﻮﻥ .. ﺍﻧﻲ ﺍﻟﻲ ﺻﺮﻥ ﻣﺎﻛﺪﺭ ﺍﻧﺎﻡ ﻭﺑﻜﻞ ﻟﺤﻀﺔ ﺑﺲ ﺍﻓﻜﺮ ﺑﻲ ﺗﻌﻮﺩﺕ ﻋﻠﻲ ﻭﻣﺎﻛﺪﺭ ﺍﻏﻤﺾ ﻋﻴﻮﻧﻲ ﺑﺪﻭﻧﺔ ..
ﺍﻟﺴﺎﻋﺔ ﻫﺴﺔ ١ ﺑﻠﻴﻞ ﻭﺍﻧﻲ ﺍﺗﻜﻠﺐ ﻭﻣﺎﻛﺪﺭ ﺍﻧﺎﻡ ..
ﻃﻠﻌﺖ ﺗﻠﻴﻔﻮﻧﻲ ﻭﻻ ﺍﺭﺍﺩﻳﺎ ﺍﺗﺼﻠﺖ ﻋﻠﻰ ﺭﻗﻤﺔ ..
ﺛﻮﺍﻧﻲ ﻭﺍﺟﺎﻧﻲ ﺻﻮﺗﺔ ﻣﺘﻠﻬﻒ : ﻣﻴﺎﻣﻲ ..
ﺣﺠﻴﺖ ﺑﺼﻮﺕ ﻫﺎﺩﺉ : ﻏﺰﻭﺍﻥ .. ﺍﺯﻋﺠﺘﻚ ﺻﺢ ..
ﺑﺴﺮﻋﺔ ﺟﺎﻭﺏ : ﻻ ﻭﺍﻟﻠﻪ ﺑﺎﻟﻌﻜﺲ ﺍﺻﻼ ﻣﺎ ﺟﻨﺖ ﺍﻛﺪﺭ ﺍﻧﺎﻡ ﻭﺑﺲ ﺍﺗﻜﻠﺐ ..
ﺣﺠﻴﺖ ﻻ ﺍﺭﺍﺩﻳﺎ : ﺍﻧﻲ ﻫﻢ ﻣﺎ ﺟﺎﻱ ﺍﻛﺪﺭ ﺍﻧﺎﻡ ﻭﺍﻟﻠﻪ ..
ﻏﺰﻭﺍﻥ ﺑﺨﻮﻑ : ﻟﻴﺶ ﻳﺮﻭﺣﻲ ﺷﻨﻮ ﺍﻟﺴﺒﺐ .. ﺗﻌﺒﺎﻧﺔ ﻣﻦ ﺷﻲ ..
ﻣﻴﺎﻣﻴﻦ : ﻻ ﻣﻮ ﺗﻌﺒﺎﻧﺔ ﺑﺲ ....
ﻏﺰﻭﺍﻥ : ﺑﺲ ﺷﻨﻮ ..
ﻣﻴﺎﻣﻴﻦ :. ﻏﺰﻭﺍﻥ .. ؟
ﻏﺰﻭﺍﻥ ﺑﺘﻨﻬﻴﺪﺓ : ﻫﺎ ﻳﺮﻭﺡ ﻏﺰﻭﺍﻥ ...
ﻣﻴﺎﻣﻴﻦ .....:
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🏻✍
ﻫﻠﻮ ﺣﺒﺎﻳﺒﻲ ﻃﺒﻌﺎً ﻣﺜﻞ ﻣﺎ ﻃﻠﺒﺘﻮ ﺧﻠﻴﺖ ﺍﻟﻘﺼﺔ ﺍﻻﺑﻄﺎﻝ ﻳﺤﺠﻮﻧﻬﺔ ﻣﻮ ﺍﻧﻲ .. ﺍﺗﻤﻨﻰ ﺗﺴﺘﻤﺘﻌﻮﻥ ﺑﺎﻟﺒﺎﺭﺕ ﺣﺒﺎﻳﺒﻲ ﺭﺃﻳﻜﻢ 🏻✍
#