#سجينة_الظلم_والانتقام
بقلم
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🏻✍
#بارت٥٨
ﺇﺫﺍ ﺷﻜﺎ ﻟﻚ ﺷﺎﺏ ﻣﻦ ﻗﺴﻮﺓ ﺍﻣﺮﺃﺓ ، ﻓﺎﻋﻠﻢ ﺃﻥ ﻗﻠﺒﻪ ﺑﻴﻦ ﻳﺪﻳﻬﺎ ...
ﻫﻤﺲ ﻳﻢ ﺍﺫﻧﻲ : ﻟﻴﺶ ﻧﺎﻳﻤﺔ ﻭﺍﻟﺴﺎﻋﺔ ٥ ﺍﻟﻌﺼﺮ .. ﻣﺮﻳﻀﺔ ﺷﻨﻮ ..
ﺭﺩﺕ ﺍﺣﺠﻲ ﺑﺲ ﻓﺠﺄﺓ ﺣﺴﻴﺖ ﺑﺎﻻﻟﻢ ﻋﺒﺎﻟﻚ ﺳﺠﻴﻨﺔ ﻭﺩﺧﻠﺖ ﺍﺑﻄﻨﻲ .. ﺻﺮﺧﺖ : ﺍﺍﺍﺍﺍﺍﺍﻩ ...
ﻏﺰﻭﺍﻥ ... ﺭﺟﻌﺖ ﻟﻠﺒﻴﺖ ﻭﺍﺳﺘﻐﺮﺑﺖ ﻣﻴﺎﻣﻴﻦ ﻧﺎﻳﻤﺔ ﻫﺎﻟﻮﻗﺖ .. ﺣﻀﻨﺘﻬﺔ ﻭﻋﺮﻓﺖ ﺍﻥ ﻣﺎﻧﺎﻳﻤﺔ ﻻﻥ ﻧﻔﺴﻬﺔ ﻣﻀﻄﺮﺏ ﻭﻃﺎﺑﻜﺔ ﺣﻮﺍﺟﺒﻬﺔ .. ﻓﺠﺄﺓ ﺻﺮﺧﺖ ..
ﻛﻤﺰﺕ ﺑﺴﺮﻋﺔ ﻣﻦ ﺍﻟﺨﻮﻑ : ﺷﺒﻴﺞ ﻣﻴﺎﻣﻴﻦ ..
ﻟﻤﺖ ﻧﻔﺴﻬﺔ ﻣﺜﻞ ﻭﺿﻌﻴﺔ ﺍﻟﺠﻨﻴﻦ ﻭﺣﻄﺖ ﺍﻳﺪﻫﺔ ﺟﻮﺓ ﺑﻄﻨﻬﺔ ﻭﻫﻲ ﺗﺼﺮﺥ : ﺍﺍﺍﺍﺍﻩ .. ﻏﺰﻭﺍﻥ ﻓﺪﻭﺓ ﺑﻄﻨﻲ ﻣﻮﺗﺘﻨﻲ ..
ﺗﺨﺒﻠﺖ .. ﻣﺎﻋﺮﻑ ﺷﺴﻮﻱ .. ﺳﺤﺒﺘﻬﺔ ﻭﺣﻄﻴﺘﻬﺔ ﺑﺤﻀﻨﻲ : ﻣﻴﺎﻣﻴﻦ ﺣﺒﻴﺒﻲ ﺍﻫﺪﻱ .. ﺑﺲ ﻓﻬﻤﻴﻨﻲ ﺷﻴﻮﺟﻌﺞ ..
ﺩﻣﻮﻋﻬﺔ ﺻﺎﺭﺕ ﺗﻨﺰﻝ ﻭﺍﻧﻲ ﺣﺎﻁ ﺍﻳﺪﻱ ﻓﻮﻙ ﺍﻳﺪﻫﺔ ﻭﻛﻠﺸﻲ ﻣﺎ ﺍﻓﺘﻬﻢ ﺍﺣﺲ ﺭﻭﺣﻲ ﺍﻧﺜﻮﻟﺖ ﻣﻦ ﺍﻟﺨﻮﻑ ﻋﻠﻴﻬﺔ .. ﺍﻳﺪﻳﺔ ﺻﺎﺭﺕ ﺗﺮﺟﻒ ..
ﺗﻤﺴﻜﺖ ﺑﻴﺔ ﻭﻫﻲ ﺗﺒﺠﻲ : ﻏﺰﻭﺍﻥ ﻓﺪﻭﺓ ﺍﺣﺲ ﺑﻄﻨﻲ ﺗﺘﻜﻄﻊ ﻣﻦ ﺍﻻﻟﻢ .. ﺍﻭﻝ ﻣﺮﺓ ﺍﺣﺲ ﻫﻴﺞ ﻭﺍﻟﻠﻪ ..
ﻛﻤﺖ ﻣﺎ ﺍﻋﺮﻑ ﺷﺴﻮﻱ ... ﺣﺒﻴﺒﺘﻲ ﻭﺭﻭﺣﻲ ﺟﺎﻱ ﺗﺘﺄﻟﻢ ﺑﻴﻦ ﺍﻳﺪﻳﺔ ﻭﺍﻧﻲ ﻣﺎﻋﺮﻑ ﺷﺒﻴﻬﺔ ..
ﺳﺤﺒﺖ ﺍﻟﺘﻠﻴﻔﻮﻥ ﻭﺍﺗﺼﻠﺖ ﻋﻠﻰ ﺧﺎﺗﻮﻥ ﻭﺍﻳﺪﻳﺔ ﺗﺮﺟﻒ .. ﻣﺎﺩﺭﻱ ﺷﺤﺠﻴﺖ ﻭﺳﺪﻳﺖ ﺍﻟﺘﻠﻴﻔﻮﻥ ..
ﻭﺭﺓ ﺷﻮﻳﺔ ﺩﺧﻠﻦ ﺧﺎﺗﻮﻥ ﻭﻣﻬﺎ ﻭﺑﺴﺮﻋﺔ ..
ﻣﻴﺎﻣﻴﻦ ﺣﺎﻃﺔ ﺍﻟﻤﺨﺪﺓ ﺑﺤﻠﻜﻬﺔ ﻭﻛﺎﺗﻤﺔ ﺻﺮﺧﺎﺗﻬﺔ ..
ﺧﺎﺗﻮﻥ ﺑﺨﻮﻑ : ﺷﺒﻴﻬﺔ ﻟﻴﺶ ﻫﻴﺞ ﺗﺒﺠﻲ ..
ﺣﺠﻴﺖ ﻭﺍﻧﻲ ﺍﻓﺮﻙ ﻭﺟﻬﻲ ﺑﺨﻮﻑ ﻋﻠﻴﻬﺔ ﻭﻣﺘﻮﺗﺮ : ﻣﺎﺩﺭﻱ ﻭﺍﻟﻠﻪ .. ﺑﺲ ﺍﺟﻴﺖ ﻫﻲ ﻛﺎﻣﺖ ﺗﺼﺮﺥ ﻭﺗﻜﻮﻝ ﺑﻄﻨﻬﺔ ﺗﻮﺟﻌﻬﺔ ..
ﻣﻬﺎ : ﺷﻮﻓﻬﺔ ﺍﻧﺘﺔ ﻣﻮ ﺩﻛﺘﻮﺭ ..
ﻏﺰﻭﺍﻥ : ﻣﺎﻋﺮﻑ ﺷﺴﻮﻱ .. ﻭﺍﻟﻠﻪ ﺍﺣﺲ ﺍﻧﺜﻮﻟﺖ ..
ﺧﺎﺗﻮﻥ ﺑﺴﺮﻋﺔ : ﻛﻮﻡ ﺧﻞ ﻧﺎﺧﺬﻫﺔ ﻟﻠﻤﺴﺘﺸﻔﻰ ..
ﻣﻬﺎ ﺭﺍﺣﺖ ﺟﺎﺑﺖ ﻋﺒﺎﻳﺔ ﻛﺘﻒ ﻣﺎﻝ ﻣﻴﺎﻣﻴﻦ ﻭﺍﻧﻲ ﺣﺎﻃﻬﺔ ﺑﺤﻀﻨﻲ ﻭﻫﻲ ﺗﺘﻠﻮﻯ ﻣﻦ ﺍﻻﻟﻢ ..
ﻟﺒﺴﺘﻬﺔ ﻣﻬﺎ ﺍﻟﺤﺠﺎﺏ ﻭﺍﻟﻌﺒﺎﻳﺔ ﻭﺧﺎﺗﻮﻥ ﺍﺧﺬﺕ ﻋﺒﺎﻳﺔ ﻣﻴﺎﻣﻴﻦ ..
ﺣﺴﻴﺘﻬﺔ ﺍﺭﺗﺨﺖ ﺑﻴﺪﻱ ﻭﺛﻜﻞ ﺟﺴﻤﻬﺔ ..
ﻫﺰﻳﺘﻬﺔ ﺑﺲ ﻣﺎ ﺗﺤﺮﻛﺖ .. ﻣﻬﺎ ﺻﺮﺧﺖ : ﺑﺴﺮﺭﻋﺔ ﺍﺳﺘﻌﺠﻞ ..
ﺍﺣﺲ ﺍﻳﺪﻳﺔ ﻣﺎﺗﺖ ﻣﻦ ﺍﻟﺨﻮﻑ .. ﻛﻮﺓ ﺷﻠﺘﻬﺔ .. ﻣﺴﺘﺤﻴﻞ ﺍﺧﺴﺮﻫﺔ .. ﻫﺎﻱ ﺍﻟﻨﻔﺲ ﻣﺎﻟﺘﻲ .. ﻣﺎ ﺭﺍﺡ ﺗﻌﻮﻓﻨﻲ ﻭﺍﻟﻠﻪ ﺍﻣﻮﺕ ﻭﺭﺍﻫﺔ ...
ﺩﺧﻠﺘﻬﺔ ﻟﻠﺴﻴﺎﺭﺓ ﻭﺣﻄﻴﺖ ﺭﺍﺳﻬﺔ ﺑﺤﻀﻦ ﺧﺎﺗﻮﻥ .. ﻭﻣﻬﺎ ﻛﻌﺪﺕ ﺑﺼﻔﻲ ... ﺻﻌﺪﺕ ﺑﻤﻜﺎﻥ ﺍﻟﺴﺎﻳﻖ ﻭﻃﺮﺕ ﻋﺎﻟﻤﺴﺘﺸﻔﻰ ..
ﺩﺧﻠﺘﻬﺔ ﻣﺒﺎﺷﺮﺓ ﻟﻐﺮﻓﺔ ﺍﻟﻄﻮﺍﺭﺉ ﻭﺻﺤﺖ ﻋﺎﻟﺪﻛﺘﻮﺭ ..
ﺍﻟﻜﻞ ﻳﺒﺎﻭﻋﻮﻥ ﻋﻠﻴﺔ ﻻﻥ ﻳﻌﺮﻓﻮﻧﻲ ﻭﺑﻴﻬﻢ ﻣﺘﻔﺎﺟﺌﻴﻦ ﺍﻭﻝ ﻣﺮﺓ ﻳﺸﻮﻓﻮﻧﻲ ﺑﻬﺎﻟﺤﺎﻟﺔ ..
ﻣﺎ ﺍﻫﺘﻤﻴﺖ ﻟﻨﻀﺮﺍﺗﻬﻢ ﻭﻛﻞ ﻫﻤﻲ ﻟﺤﺒﻴﺒﺔ ﻛﻠﺒﻲ ﺍﻟﻨﺎﻳﻤﺔ ﻛﺪﺍﻣﻲ ﻭﻣﺎﺩﺭﻱ ﺷﺒﻴﻬﺔ ..
ﺍﺟﺖ ﺍﻟﺪﻛﺘﻮﺭﺓ ﻭﺳﺄﻟﺖ ﻋﻦ ﺣﺎﻟﺘﻬﺔ ﻛﺘﻠﻬﺔ ﺻﺎﺭﺕ ﺗﺘﻮﺟﻊ ﻣﻦ ﺑﻄﻨﻬﺔ ﻭﺑﻌﺪﻳﻦ ﺍﻏﻤﻰ ﻋﻠﻴﻬﺔ ..
ﺍﻟﺪﻛﺘﻮﺭﺓ ﻣﻦ ﺷﺎﻓﺖ ﺣﺎﻟﺘﻲ : ﺩﻛﺘﻮﺭ ﻏﺰﻭﺍﻥ ﻣﻤﻜﻦ ﺗﺘﻔﻀﻞ ﺑﺮﺓ ..
ﺣﺠﻴﺖ ﺑﻌﺼﺒﻴﺔ : ﻣﺎ ﺍﻃﻠﻊ .. ﻣﺎ ﺍﻋﻮﻓﻬﺔ ﻭﺣﺪﻫﺔ ..
ﺍﻟﺪﻛﺘﻮﺭﺓ : ﺩﻛﺘﻮﺭ ﺍﻟﻠﻪ ﻳﺨﻠﻴﻚ ﺗﻔﻀﻞ ﻣﺎﻋﺮﻑ ﺍﻓﺤﺺ ﺍﺫﺍ ﺍﻛﻮ ﺗﻮﺗﺮ ﻳﻤﻲ ..
ﻣﻬﺎ ﺳﺤﺒﺘﻨﻲ ﻭﺍﻧﻲ ﻋﻴﻮﻧﻲ ﻋﻠﻴﻬﺔ ﺷﻠﻮﻥ ﻧﺎﻳﻤﺔ ﻭﻭﺟﻬﺔ ﺷﺎﺣﺐ : ﻏﺰﻭﺍﻥ ﺍﻣﺸﻲ ﻧﻨﺘﻀﺮ ﺑﺮﺓ .. ﻭﻛﻔﺘﻚ ﻫﻨﺎ ﻣﺎﻟﻬﺔ ﻓﺎﻳﺪﺓ ..
ﻃﻠﻌﺖ ﺑﺮﺓ ﺍﻟﺒﻨﺎﺕ ﻛﺎﻋﺪﺍﺕ ﻭﺍﻧﻲ ﺍﻓﺘﺮ ﺑﺎﻟﻤﻤﺮ ﻭﻋﻘﻞ ﻣﺎ ﺿﺎﻝ ﺑﺮﺍﺳﻲ ..
ﺧﺎﺗﻮﻥ : ﻏﺰﻭﺍﻥ ﺍﻫﺪﺃ ﺍﻧﺸﺎﻟﻠﻪ ﻣﺎ ﺑﻴﻬﺔ ﺷﻲ .. ﻣﻴﺎﻣﻴﻦ ﻗﻮﻳﺔ ﻭﺗﻜﺪﺭ ﺗﺘﺤﻤﻞ ..
ﻏﺰﻭﺍﻥ : ﺷﻠﻮﻥ ﺗﺘﺤﻤﻞ .. ﺍﻧﺘﻲ ﻣﺎ ﺷﻔﺘﻴﻬﺔ ﺗﺘﺄﻟﻢ ﻭﺗﺒﺠﻲ ..
ﺧﺎﺗﻮﻥ ﺑﺮﻓﻌﺔ ﺣﺎﺟﺐ : ﺗﺮﺓ ﻫﻲ ﺗﺤﻤﻠﺖ ﺍﻻﻗﻮﻯ ﻣﻦ ﻫﺎﻟﺸﻲ ﻭﺍﻛﺜﺮ ﻣﻦ ﻣﺮﺓ .. ﺍﻧﺸﺎﻟﻠﻪ ﻫﺎﻟﻤﺮﺓ ﻫﻢ ﺗﻜﺪﺭ ﺗﺘﺤﻤﻞ ..
ﺑﺎﻭﻋﺖ ﻋﻠﻴﻬﺔ ﺑﻌﺼﺒﻴﺔ : ﻫﺴﺔ ﻭﻛﺖ ﻫﺬﺍ ﺍﻟﺤﺠﻲ ﺳﺖ ﺧﺎﺗﻮﻥ .. ﺍﺑﺪ ﻣﺎ ﺭﺍﺡ ﺗﺘﻐﻴﺮﻳﻦ ..
ﺧﺎﺗﻮﻥ : ﺩﻳﻠﺔ ﻫﺴﺔ ﺍﻧﻲ ﺷﺤﺠﻴﺖ .. ﻭﺑﻌﺪﻳﻦ ﺍﻧﻲ ﻣﺎ ﺳﺄﻟﺘﻚ .. ﺷﺴﻮﻳﺘﻠﻬﺔ ﺣﺘﻰ ﺻﺎﺭ ﺑﻴﻬﺔ ﻫﻴﺞ ..
ﻏﺰﻭﺍﻥ ﺑﻌﺼﺒﻴﺔ : ﻣﺎ ﺳﻮﻳﺘﻠﻬﺔ ﺷﻲ .. ﺩﺧﻠﺖ ﻟﻠﻐﺮﻓﺔ ﻭﺷﻔﺘﻬﺔ ﻣﺘﻤﺪﺩﺓ ﻭﻓﺠﺄﺓ ﺻﺮﺧﺖ ..
ﻗﺎﻃﻌﻨﺔ ﺻﻮﺕ ﺗﻠﻴﻔﻮﻥ ﻣﻬﺎ : ﻫﺎﻱ ﺍﻣﻲ ﺗﺘﺼﻞ ..
ﺧﺎﺗﻮﻥ : ﺭﺩﻱ ﺍﻛﻴﺪ ﻫﺴﺔ ﻗﻠﻘﺖ ﻋﻠﻴﻨﺔ ..
ﻛﺎﻣﺖ ﻣﻬﺎ ﺗﺤﺠﻲ ﻭﻳﺔ ﺍﻣﻲ ﻭﺍﻧﻲ ﻛﻠﺒﻲ ﻧﺎﺭ ﻋﻠﻴﻬﺔ ﻭﺍﺭﻳﺪ ﺍﻋﺮﻑ ﺷﺒﻴﻬﺔ ..
ﻭﺭﺓ ﻧﺺ ﺳﺎﻋﺔ ﻃﻠﻌﺖ ﺍﻟﺪﻛﺘﻮﺭﺓ ..
ﺭﺣﺘﻠﻬﺔ ﺑﺴﺮﻋﺔ : ﺷﺒﻴﻬﺔ ﻣﻴﺎﻣﻴﻦ ..
ﺍﻟﺪﻛﺘﻮﺭﺓ : ﺩﻛﺘﻮﺭ ﻏﺰﻭﺍﻥ ﻣﺎﻋﺮﻑ ﺷﻨﻮ ﺍﻛﻮﻟﻚ ﺑﺲ ﺍﻟﻠﻪ ﺳﺘﺮ ﻭﻛﺪﺭﺗﻮ ﺗﺘﻼﺣﻜﻮﻥ ..
ﻏﺰﻭﺍﻥ : ﺷﻨﻮ ﻳﻌﻨﻲ .. ﺷﺒﻴﻬﺔ ﻣﻴﺎﻣﻴﻦ ﺍﺣﺠﻲ ..
ﺍﻟﺪﻛﺘﻮﺭﺓ : ﺍﻟﻤﺪﺍﻡ ﻣﺎﺧﺬﺓ ﺣﺒﻮﺏ ( ... ) ...
ﻓﺘﺤﺖ ﻋﻴﻮﻧﻲ ﺑﺼﺪﻣﺔ : ﺑﺲ ﻟﻴﺶ ﺗﺎﺧﺬ ﻫﺎﻟﺤﺒﻮﺏ ﻭﻫﻲ ﺍﺻﻼ ﻣﻮ ﺣﺎﻣﻞ ..
ﺍﻟﺪﻛﺘﻮﺭﺓ : ﻭﻫﺬﺍ ﺍﻟﺸﻲ ﺍﻟﻲ ﺧﻼﻧﻲ ﺍﻛﻮﻝ ﻫﻤﺰﻳﻦ ﺗﻼﺣﻜﺘﻮ .. ﺩﻛﺘﻮﺭ ﻫﺬﻧﻲ ﺍﻟﺤﺒﻮﺏ ﻣﺎﻝ ﺍﺟﻬﺎﺽ ﻭﻫﺎﻟﻨﻮﻋﻴﺔ ﻛﻠﺶ ﻗﻮﻳﺔ ﻳﻌﻨﻲ ﺍﺫﺍ ﺟﺎﻧﺖ ﺣﺎﻣﻞ ﺭﺍﺡ ﻳﻮﻛﻊ ﺍﻟﻄﻔﻞ ﻣﻦ ﺣﺒﺔ ﻭﺣﺪﺓ .. ﻭﺍﺫﺍ ﺟﺎﻧﺖ ﻣﻮ ﺣﺎﻣﻞ ﺭﺍﺡ ﻳﺄﺛﺮ ﻋﺎﻟﺮﺣﻢ ﻣﺎﻟﺘﻬﺔ ﻭﻣﻤﻜﻦ ﻳﺴﺒﺐ ﻋﻘﻢ .. ﺑﺲ ﺍﻟﺤﻤﺪﺍﻟﻠﻪ ﻛﺪﺭﺗﻮ ﺗﻮﺻﻠﻮﻥ ﻗﺒﻞ ﻣﺎ ﻳﻔﻮﺕ ﺍﻻﻭﺍﻥ ﻭﻛﺪﺭﻧﺔ ﻧﻨﻄﻴﻬﺔ ﻣﻀﺎﺩﺍﺕ ﻟﻬﺬﺍ ﺍﻟﻌﻼﺝ ﻭﻫﻮ ﻣﻨﻀﻒ ﻟﻠﺮﺣﻢ ..
ﻏﺰﻭﺍﻥ : ﻭﻫﺴﺔ ﻫﻲ ﺷﻠﻮﻧﻬﺔ ﻛﻌﺪﺕ ﻟﻮ ﻻ .. ﺍﺭﻳﺪ ﺍﺷﻮﻓﻬﺔ ..
ﺍﻟﺪﻛﺘﻮﺭﺓ : ﺭﺍﺡ ﻧﻨﻘﻠﻬﺔ ﻟﻐﺮﻓﺔ ﺧﺎﺻﺔ ﻭﺗﻜﺪﺭ ﺗﺸﻮﻓﻬﺔ ﻫﻨﺎﻙ ..
ﺭﺍﺣﺖ ﺍﻟﺪﻛﺘﻮﺭﺓ ﻭﺍﻧﻲ ﻛﻌﺪﺕ ﻣﺼﺪﻭﻡ .. ﻟﻴﺶ ﺣﺘﻰ ﺗﺎﺧﺬ ﻫﺬﺍ ﺍﻟﻨﻮﻉ ﻣﻦ ﺍﻟﺤﺒﻮﺏ ..
ﻣﻬﺎ ﺑﺼﺪﻣﺔ : ﻳﻌﻨﻲ ﻣﻴﺎﻣﻴﻦ ﺟﺎﻥ ﻋﺒﺎﻟﻬﺔ ﺍﻥ ﻫﻲ ﺣﺎﻣﻞ ﻭﺍﺧﺬﺕ ﺫﻧﻲ ﺍﻟﺤﺒﻮﺏ ﺣﺘﻰ ﺗﺠﻬﺾ .. ﺑﺲ ﻟﻴﺶ ﺗﺮﻳﺪ ﻃﻔﻠﻬﺔ ﻳﻤﻮﺕ ..
ﻏﺰﻭﺍﻥ ﺑﻐﻴﺾ : ﻣﻴﺎﻣﻴﻦ ﻣﺎ ﻋﺒﺎﻟﻬﺔ ﻫﻲ ﺣﺎﻣﻞ .. ﻣﺴﺘﺤﻴﻞ ﺍﺻﻼ ﺗﺸﻚ ﺑﻬﺎﻟﺸﻲ ﺣﺘﻰ ..
ﺧﺎﺗﻮﻥ ﺑﻌﺼﺒﻴﺔ : ﻭﺍﻧﺖ ﺷﻤﺪﺭﻳﻚ ..
ﻏﺰﻭﺍﻥ ﺑﻌﺼﺒﻴﺔ : ﺗﺴﺘﻐﺒﻴﻦ ﺑﻴﺔ ﺧﺎﺗﻮﻥ .. ﺷﻨﻮ ﻣﺎﺩﺭﻱ ﺑﻤﺮﺗﻲ ﺍﺫﺍ ﻣﻤﻜﻦ ﺗﻜﻮﻥ ﺣﺎﻣﻞ ﻟﻮ ﻻ .. ﻣﺴﺘﺤﻴﻴﻴﻞ ﺗﻜﻮﻥ ﺣﺎﻣﻞ ... ﻭﻻﺯﻡ ﺍﻋﺮﻑ ﺷﻠﻮﻥ ﺍﺧﺬﺕ ﻫﺎﻟﻌﻼﺝ .. ﺍﻛﻴﺪ ﺑﺎﻟﻐﻠﻂ ﺍﺧﺬﺗﺔ ...
ﺍﻧﻔﺘﺢ ﺍﻟﺒﺎﺏ ﻭﻃﻠﻌﻮ ﺍﻟﺴﺮﻳﺮ ﺍﻟﻤﺘﺤﺮﻙ ﻣﻴﺎﻣﻴﻦ ﻧﺎﻳﻤﺔ ﺑﻲ ...
ﻣﺸﻴﺖ ﻭﻳﺎﻩ ﺑﺨﻮﻑ ﻭﻛﻠﺒﻲ ﻋﺼﺮﻧﻲ ﻭﺍﻧﻲ ﺍﺷﻮﻑ ﻭﺟﻬﺔ ﺍﺻﻔﺮ .. ﻭﺻﻠﺖ ﻟﺤﺪ ﻏﺮﻓﺔ ﺧﺎﺻﺔ ﻭﺩﺧﻠﻮﻫﺔ ﻟﻠﻐﺮﻓﺔ .. ﺍﻟﻤﻤﺮﺿﺔ ﺭﻛﺒﺖ ﺍﻟﻤﻐﺬﻱ ﻭﺭﺍﺣﻮ ..
ﻛﻌﺪﺕ ﻳﻢ ﺭﺍﺳﻬﺔ ﻭﺍﻧﻲ ﺍﺑﺎﻭﻉ ﻟﻮﺟﻬﺔ ﻭﺍﻧﻔﺎﺳﻬﺔ ﺍﻟﻤﻨﺘﻀﻤﺔ ..
ﺍﺑﺎﻭﻉ ﻟﺨﺎﺗﻮﻥ ﻛﺎﻋﺪﺓ ﻋﺎﻟﻜﺮﺳﻲ ﺍﻟﻴﻤﻬﺔ ﻣﻦ ﺍﻟﺠﻬﺔ ﺍﻟﺜﺎﻧﻴﺔ ﻭﻣﻬﺎ ﺻﺎﻓﻨﺔ ﻭﻛﺄﻧﻬﺔ ﺗﻔﻜﺮ ..
ﺣﺴﻴﺖ ﺑﺤﺮﻛﺘﻬﺔ ﻭﻃﺒﻜﺖ ﺣﻮﺍﺟﺒﻬﺔ ..
ﻛﻤﺖ ﺑﺴﺮﻋﺔ ﻭﻟﺰﻣﺖ ﺍﻳﺪﻫﺔ .. ﻓﺘﺤﺖ ﻋﻴﻮﻧﻬﺔ ﻭﺻﺎﺭﺕ ﺗﺪﻭﺭ ﺑﺄﻧﺤﺎﺀ ﺍﻟﻐﺮﻓﺔ ﻭﺑﻌﺪﻳﻦ ﺍﺭﺗﻜﺰﺕ ﻋﻠﻴﺔ ..
ﺍﺑﺘﺴﻤﺘﻠﻬﺔ ﻭﻛﻠﺖ : ﺍﻟﺤﻤﺪﺍﻟﻠﻪ ﻋﻠﻰ ﺳﻼﻣﺘﺞ ﻳﺮﻭﺣﻲ ..
ﺑﻠﻌﺖ ﺭﻳﻜﻬﺔ ﻭﻛﺎﻟﺖ ﺑﺼﻮﺕ ﺧﻔﻴﻒ : ﺍﻧﻲ ﻭﻳﻦ .. ﺷﺼﺎﺭﻟﻲ ..
ﻏﺰﻭﺍﻥ : ﺍﻧﺘﻲ ﺑﺎﻟﻤﺴﺘﺸﻔﻰ .. ﺗﻌﺒﺘﻲ ﻭﺟﺒﻨﺎﺝ ﻫﻨﺎ ..
ﺧﺎﺗﻮﻥ : ﺍﻟﺤﻤﺪﺍﻟﻠﻪ ﻋﻠﻰ ﺳﻼﻣﺘﺞ ﻣﻴﺎﻣﻲ ..
ﻣﻬﺎ : ﺳﻼﻣﺘﺞ ﺣﻴﺎﺗﻲ ﺷﺘﺤﺴﻴﻦ ﻫﺴﺔ ..
ﻣﻴﺎﻣﻴﻦ : ﻣﺎ ﺍﺣﺲ ﺑﺸﻲ ﺑﺲ ﺩﺍﻳﺨﺔ ..
ﻏﺰﻭﺍﻥ : ﺍﻛﻴﺪ ﻳﺮﻭﺣﻲ ﻣﻦ ﺍﻟﻌﻼﺝ ﺭﺍﺡ ﺗﺪﻭﺧﻴﻦ ..
ﻣﻴﺎﻣﻴﻦ ﻃﺒﻜﺖ ﺣﻮﺍﺟﺒﻬﺔ ﻭﻛﺎﻟﺖ : ﺷﺒﻴﺔ ﻟﻴﺶ ﻫﻴﺞ ﺻﺎﺭ ﻭﻳﺎﻱ ..
ﻣﻬﺎ : ﺍﻟﺪﻛﺘﻮﺭﺓ ﺍﺗﻜﻮﻝ ﺍﻧﺘﻲ ﻣﺎﺧﺬﺓ ﻋﻼﺝ ﺍﺟﻬﺎﺽ ﻗﻮﻱ ﻭﺍﻧﻲ ﺍﺻﻼ ﻣﻮ ﺣﺎﻣﻞ ﻭﻫﺎﻟﺸﻲ ﺍﺛﺮ ﻋﺎﻟﺮﺣﻢ ..
ﻣﻴﺎﻣﻴﻦ ﺑﺄﺳﺘﻐﺮﺍﺏ : ﻳﺎ ﻋﻼﺝ ﻫﺬﺍ .. ﻟﻴﺶ ﺍﺧﺬ ﻋﻼﺝ ﺍﺟﻬﺎﺽ ﻭﺍﻧﻲ ﺍﺩﺭﻱ ﺑﻨﻔﺴﻲ ﻣﻮ ﺣﺎﻣﻞ ..
ﻃﺒﻜﺖ ﺣﻮﺍﺟﺒﻲ ﻭﻛﻠﺖ : ﻟﻌﺪ ﺷﻠﻮﻥ ﻭﺻﻞ ﻫﺎﻟﻌﻼﺝ ﺍﻟﺞ ..
ﻣﻴﺎﻣﻴﻦ : ﻣﺎﺩﺭﻱ ﻭﺍﻟﻠﻪ ..
ﻭﺭﺓ ﺛﻮﺍﻧﻲ ﻭﻣﻬﺎ ﺻﺎﺣﺖ : ﻧﻮﺭﺓ ..
ﺍﺳﺘﻐﺮﺑﺖ ﻭﻛﻠﺖ : ﻧﻮﺭﺓ ؟؟
ﻣﻬﺎ ﺑﺄﻧﻔﻌﺎﻝ : ﺍﻳﻲ .. ﺍﻟﻴﻮﻡ ﺑﺎﻟﻌﺰﻳﻤﺔ ﻣﻮ ﺣﺒﻮﺑﺘﻲ ﺭﺍﺩﺕ ﺗﻀﻮﺝ ﻧﻮﺭﺓ ﻭﻛﺎﻟﺘﻠﻬﺔ ﺍﻧﺸﺎﻟﻠﻪ ﻣﻴﺎﻣﻴﻦ ﺣﺎﻣﻞ ﻭﻫﻲ ﻋﻴﻮﻧﻬﺔ ﺻﻌﺪﺕ ﻟﺮﺍﺳﻬﺔ ..
ﺧﺎﺗﻮﻥ ﻭﻫﻲ ﺗﺴﺘﻮﻋﺐ ﻭﺗﺤﺠﻲ ﻭﻳﺔ ﻣﻴﺎﻣﻴﻦ : ﺍﻱ ﺻﺢ .. ﻭﻣﻦ ﺍﺻﺮﺕ ﻋﻠﻴﺞ ﺍﻻ ﺗﺸﺮﺑﻴﻦ ﻣﻦ ﺍﻟﻌﺼﻴﺮ .. ﺍﻧﻲ ﺣﺘﻰ ﺑﻮﻗﺘﻬﺔ ﺍﺳﺘﻐﺮﺑﺖ ﻛﻠﺖ ﻟﻴﺶ ﻫﺎﻟﻜﺪ ﻣﻬﺎﻣﺔ ﺍﻥ ﻣﻴﺎﻣﻴﻦ ﺗﺸﺮﺏ ﻣﻦ ﺍﻟﻌﺼﻴﺮ ..
ﻭﻛﻔﺖ ﺑﻌﺼﺒﻴﺔ ﻭﺍﻧﻲ ﺍﺭﻳﺪ ﺍﻃﻠﻊ ﻭﻟﺰﻣﺘﻨﻲ ﺧﺎﺗﻮﻥ : ﻏﺰﻭﺍﻥ ﻟﺤﻀﺔ ﻭﻳﻦ ﺭﺍﻳﺢ .. ﺷﻠﻮﻥ ﺗﻬﺪ ﻋﻠﻴﻬﻢ ﻭﺍﻧﺖ ﻣﺎ ﻋﻨﺪﻙ ﺩﻟﻴﻞ ..
ﺩﻓﻌﺘﻬﺔ ﻭﻃﻠﻌﺖ : ﺍﻧﻌﻞ ﺍﺑﻮ ﺍﻟﺪﻟﻴﻞ
&&&&&&&&&&
ﺧﺎﺗﻮﻥ ... ﺑﻌﺪ ﻣﺎ ﻃﻠﻊ ﻏﺰﻭﺍﻥ ﻣﻌﺼﺐ ﺍﻟﺘﻔﺘﺖ ﻟﻤﻬﺎ : ﻳﻌﻨﻲ ﻻﺯﻡ ﺗﺤﺠﻴﻦ ﻛﺪﺍﻣﺔ ..
ﻣﻴﺎﻣﻴﻦ : ﺻﺢ ﻣﻬﺎ .. ﻳﻌﻨﻲ ﺗﺪﺭﻳﻦ ﺑﻲ ﻣﺎ ﺭﺍﺡ ﻳﺴﻜﺖ ..
ﻣﻬﺎ : ﺧﻞ ﺗﻮﻟﻲ ﺗﺴﺘﺎﻫﻞ ..
ﺍﻧﻔﺘﺢ ﺍﻟﺒﺎﺏ ﺑﺴﺮﻋﺔ ﻭﺩﺧﻠﺖ ﺑﺴﻤﺔ :.. ﺍﻣﻮﻭﻥ ﺣﻴﺎﺗﻲ ﺷﺠﺎﺝ ﻣﻮ ﻣﺴﺎﻉ ﺟﻨﺘﻲ ﻣﺜﻞ ﺍﻟﺤﺼﺎﻥ ..
ﺧﺎﺗﻮﻥ : ﻭﺍﻧﻲ ﺍﻛﻮﻝ ﺍﻟﺒﻨﻴﺔ ﺷﺒﻴﻬﺔ .. ﺛﺎﺭﻱ ﺟﺎﻳﺘﻬﺔ ﻋﻴﻦ
ﺑﺴﻤﺔ : ﻫﻴﻬﻴﻬﻲ ﺑﺎﻳﺨﺔ ﻋﻠﻰ ﻓﻜﺮﺓ .. ﻣﻴﺎﻣﻴﻦ ﺻﺪﻙ ﺷﺒﻴﺞ ﻓﺠﺄﺓ ..
ﻣﻬﺎ ﺣﺠﺘﻠﻬﺔ ﺷﺒﻴﻬﺔ ﻭﻣﻦ ﻭﺻﻠﺖ : ﻭﺍﻧﻲ ﺍﻋﺮﻑ ﻣﻨﻮ ﺳﻮﺓ ﺑﻴﻬﺔ ﻫﻴﺞ ..
ﺍﻧﺪﻙ ﺍﻟﺒﺎﺏ ﻭﻓﺘﺤﺘﺔ ﻭﻃﻠﻊ ﻣﺆﻳﺪ ﻭﺣﺴﻨﻴﻦ : ﺷﻠﻮﻧﺞ ﺧﺎﺗﻮﻥ ..
ﺧﺎﺗﻮﻥ : ﺍﻟﺤﻤﺪﺍﻟﻠﻪ ﺍﻧﺘﺔ ﺷﻠﻮﻧﺞ ..
ﺣﺴﻨﻴﻦ : ﺍﻟﺤﻤﺪﺍﻟﻠﻪ .. ﺗﻜﺪﺭﻳﻦ ﺗﺴﻮﻳﻠﻨﺔ ﻃﺮﻳﻖ ﺑﺲ ﻧﺘﺤﻤﺪ ﺑﺎﻟﺴﻼﻣﺔ ﻟﻤﺮﺕ ﻏﺰﻭﺍﻥ ..
ﺧﺎﺗﻮﻥ : ﺍﻛﻴﺪ ﺗﻔﻀﻠﻮ ..
ﺳﻮﻳﺘﻠﻬﻢ ﻃﺮﻳﻖ ﻻﻥ ﺍﺻﻼ ﻣﻴﺎﻣﻴﻦ ﻻﺑﺴﺔ ﺣﺠﺎﺑﻬﺔ ...
ﺗﺤﻤﺪﻭﻟﻬﺔ ﺑﺎﻟﺴﻼﻣﺔ ﻭﻣﺆﻳﺪ ﺍﺟﺎﻩ ﺗﻠﻴﻔﻮﻥ ﻣﻦ ﺍﻣﻲ ﺗﺮﻳﺪﺓ ﻳﺠﻲ ﻳﺠﻴﺒﻬﺔ ﻟﻤﻴﺎﻣﻴﻦ ﻭﻫﻮ ﻃﻠﻊ ﺭﺍﺣﻠﻬﺔ ..
ﺑﺴﻤﺔ ﻟﻠﻤﺮﺓ ﺍﻻﻟﻒ : ﻣﻬﺎﺍﺍ .. ﻣﻮ ﺍﺳﺄﻟﺞ ﻣﻨﻮ ﺍﻧﻄﺔ ﺍﻟﺤﺒﻮﺏ ﻟﻤﻴﺎﻣﻴﻦ ..
ﻣﻬﺎ ﺑﻨﻔﺎﺫ ﺻﺒﺮ : ﻧﻮﻭﺭﺓ .. ﺍﺭﺗﺎﺣﻴﺘﻲ ..
ﺑﺴﻤﺔ ﺑﻐﻴﺾ ﻭﻫﻲ ﺗﺘﻮﺟﻪ ﻟﻠﺒﺎﺏ : ﺍﻳﺎ ﺑﻨﺖ ﺍﻟﻠﺬﻳﻨﺔ ﺍﻟﻴﻮﻡ ﺍﻣﻮﺗﻬﺔ ﻋﻠﻰ ﺍﺩﻳﺔ ..
ﺣﺴﻨﻴﻦ ﻟﺰﻣﻬﺔ : ﻭﻳﻴﻴﻦ ﺍﻧﺘﻲ ﻣﺎ ﻋﻨﺪﺝ ﻏﻴﺮ ﺍﻟﻄﻼﻳﺐ ﻭﺍﻟﻌﺮﺍﻳﻚ ..
ﺑﺴﻤﺔ ﻭﻫﻲ ﺗﺮﻳﺪ ﺗﻮﺧﺮﺓ ﻋﻨﻬﺔ : ﻋﻮﻓﻨﻲ ﻫﺎﻱ ﺍﻟﺒﻨﻴﺔ ﺯﺍﺩﺕ ﻋﻦ ﺣﺪﻫﺔ ﻭﻻﺯﻡ ﺍﺭﺑﻴﻬﺔ ﻣﻦ ﺟﺪﻳﺪ .. ﻣﺤﺪ ﻳﺄﺩﺑﻬﺔ ﻏﻴﺮﻱ .. ﺑﺲ ﺍﻃﻴﻨﻲ ﺍﻟﻤﺠﺎﻝ ..
ﺣﺴﻨﻴﻦ ﺑﻌﺼﺒﻴﺔ : ﺑﺴﺴﺴﻤﺔ ﺻﻮﻭﺗﺞ ﺍﺣﻨﺔ ﺑﻤﺴﺘﺸﻔﻰ .. ﻭﻋﻮﻓﻲ ﻫﺎﻟﺴﻮﺍﻟﻒ ﻣﺎﻟﺞ ﺷﻐﻞ ﺑﻴﻬﺔ ..
ﺑﺴﻤﺔ ﺑﻘﻬﺮ : ﻣﻌﻠﻴﻚ ﺍﻧﺘﺔ ..
ﺣﺴﻨﻴﻦ ﻭﻫﻮ ﻃﺎﺑﻚ ﺳﻨﻮﻧﺔ : ﻟﺴﺎﻧﺞ ﻻ ﺍﻛﺼﺔ ..
ﺑﺴﻤﺔ ﺑﻌﻨﺎﺩ : ﻣﺎﺍ ﺍﺳﻜﺖ ..
ﻣﻬﺎ ﻭﻫﻲ ﺗﺮﻳﺪ ﺗﻬﺪﻱ ﺍﻟﻮﺿﻊ : ﺑﺴﻤﺔ ﻣﺎﻛﻮ ﺩﺍﻋﻲ ﻟﻬﺎﻟﻌﺼﺒﻴﺔ .. ﺍﺳﺎﺳﺎً ﻏﺰﻭﺍﻥ ﺭﺍﺡ ﻳﺤﻞ ﺍﻟﻤﻮﺿﻮﻉ ..
ﺑﺴﻤﺔ ﻭﻫﻲ ﺗﺘﺨﻮﺻﺮ : ﻏﺰﻭﺍﻥ ﺍﻟﻔﺎﻫﻲ ﻳﺤﻞ ﺍﻟﻤﻮﺿﻮﻉ ..
ﺣﺴﻨﻴﻦ : ﺑﺴﺴﺴﺴﻤﺔ .. ﺷﻬﺎﻟﺼﻼﻓﺔ ﺗﺤﺠﻴﻦ ﻋﺎﻟﻮﻟﺪ ﺑﻐﻴﺎﺑﺔ .. ﺍﻧﻄﻤﻲ ﺑﻤﻜﺎﻧﺞ ﺍﺣﺴﻠﺞ ..
ﺑﺴﻤﺔ : ﺍﻧﺘﺔ ﻣﻨﻮ ﺩﺍﺳﻠﻚ ﻋﻠﻰ ﻃﺮﻑ ﻭﺻﺎﻳﺮ ﻣﺤﺎﻣﻲ ..
ﺣﺴﻨﻴﻦ ﻳﻔﺮﻙ ﺑﻮﺟﻬﺔ ﺑﻌﺼﺒﻴﺔ : ﺑﺴﻤﺔ ﺧﻠﻴﻨﻲ ﺳﺎﻛﺖ ﻻﻥ ﻣﺎﺭﻳﺪ ﺍﺣﺠﻲ ﻭﻳﻄﻠﻊ ﺻﻮﺗﻲ ﻭﻛﻠﻬﺔ ﺗﻌﺮﻓﻨﻲ ﺑﺎﻟﻤﺴﺘﺸﻔﻰ ...
ﺑﺴﻤﺔ ﺧﺎﻓﺖ : ﻣﺎﺷﻲ ﺍﺻﻼ ﺑﻌﺪ ﻣﺎ ﺍﺣﺠﻲ ﻭﻳﺎﻙ .. ﺷﻨﻮ ﻫﺎﻱ ﺻﺎﻳﺮ ﺗﻌﺼﺐ ﻋﻠﻰ ﺍﺗﻔﻪ ﺍﻻﻣﻮﺭ ..
ﺣﺴﻨﻴﻦ : ﻻ ﺗﺤﺠﻴﻦ ﺑﻌﺪ ﺍﺣﺴﻦ .. ﺍﻟﻤﻬﻢ ﻣﺎﺳﻤﻊ ﺣﺴﺞ ..
ﺩﺧﻠﺖ ﻣﻤﺮﺿﺔ ﻟﻠﻐﺮﻓﺔ ﻭﺍﻧﺘﺒﻬﺖ ﻟﺤﺴﻨﻴﻦ : ﺍﻭﻭ ﺍﺳﺘﺎﺫ ﺣﺴﻨﻴﻦ .. ﺷﻠﻮﻧﻚ ..
ﺣﺴﻨﻴﻦ : ﻫﻼ ﺭﺅﻯ .. ﺍﻟﺤﻤﺪﺍﻟﻠﻪ
ﺭﺅﻯ : ﺳﻤﻌﻨﺎ ﺑﻴﻚ ﺗﺰﻭﺟﺖ .. ﺑﺼﺮﺍﺣﺔ ﺍﻧﺼﺪﻣﺖ ..
ﺍﺑﺎﻭﻉ ﻟﺒﺴﻤﺔ ﺭﺍﻓﻌﺔ ﺣﺎﺟﺒﻬﺔ ﻭﺗﺒﺎﻭﻉ ﻟﻠﺒﻨﻴﺔ ﻣﻦ ﻓﻮﻙ ﻟﻴﺠﻮﺓ ﻭﻣﺎﻋﺎﺟﺒﻬﺔ ﺍﻟﻮﺿﻊ ..
ﺣﺴﻨﻴﻦ : ﻭﻟﻴﺶ ﺍﻧﺼﺪﻣﺘﻲ .. ﺍﻧﻲ ﻣﻦ ﺯﻣﺎﻥ ﺧﺎﻃﺐ ﺍﺻﻼ ..
ﺭﺅﻯ : ﻻ ﻳﻌﻨﻲ ﻣﺎ ﺗﻮﻗﻌﺖ ﺗﺘﺰﻭﺝ ﺯﻭﺍﺝ ﺗﻘﻠﻴﺪﻱ ..
ﺣﺴﻨﻴﻦ ﺑﺄﺑﺘﺴﺎﻣﺔ ﻭﻫﻮﺓ ﻣﻞ ﻣﻦ ﻋﺪﻫﺔ ﻣﺒﻴﻦ : ﻻ ﻣﻮ ﺗﻘﻠﻴﺪﻱ .. ﺣﺒﻴﺘﻬﺔ ﺍﺭﺑﻊ ﺳﻨﻴﻦ ﻭﺑﺎﻟﻜﻮﺓ ﺭﺿﺖ ﺑﻴﺔ ..
ﺑﺴﻤﺔ ﺍﺑﺘﺴﻤﺖ ﻭﺍﺧﻔﺘﻬﺔ ..
ﺭﺅﻯ : ﺷﻨﻮ ﻫﺎﻟﻐﺒﻴﺔ ﻫﺎﻱ .. ﺍﻛﻮ ﻭﺣﺪﺓ ﺗﺮﻓﺾ ﻭﺍﺣﺪ ﻣﺜﻠﻚ ..
ﺑﺴﻤﺔ ﻭﻫﻲ ﺗﺘﺨﻮﺻﺮ : ﻧﻨﻨﻨﻌﻌﻌﻌﻌﻢ .. ﺍﻟﻐﺒﻴﺔ ﺍﻟﺘﺤﺠﻴﺔ ﻋﻠﻴﻬﺔ ﺗﺮﺓ ﺍﻧﻲ .. ﻭﺑﻌﺪﻳﻦ ﺍﺫﺍ ﻛﺎﺗﻠﺔ ﺭﻭﺣﺞ ﻋﻠﻲ ﻭﻫﻴﺞ ﻣﺘﻠﺰﻛﺔ ﻟﻴﺶ ﻣﺎ ﺍﺧﺬﺗﻲ .. ﻟﻮ ﻣﺎ ﺣﻠﺔ ﺑﻌﻴﻨﺞ ﺍﻻ ﻣﻦ ﺗﺰﻭﺝ ..
ﺭﺅﻯ ﺗﻔﺸﻠﺖ ﻭﻧﺰﻟﺖ ﺭﺍﺳﻬﺔ ..
ﺑﺴﻤﺔ ﺍﻟﺘﻔﺘﺖ ﻋﻠﻰ ﺣﺴﻨﻴﻦ ﺍﻟﻤﺒﺘﺴﻢ ﻋﻠﻰ ﻏﻴﺮﺗﻬﺔ ﺍﻟﻮﺍﺿﺤﺔ :.. ﺣﺒﻴﺒﻲ ﺍﺫﺍ ﺧﻠﺼﺖ ﺯﻳﺎﺭﺗﻚ ﺗﻜﺪﺭ ﺗﺮﻭﺡ ﻭﺑﻌﺪﻳﻦ ﻣﺮ ﻋﻠﻴﺔ ..
ﺣﺴﻨﻴﻦ ﺿﺤﻚ ﻻﻥ ﻗﺒﻞ ﺷﻮﻳﺔ ﻛﺎﻟﺘﻠﺔ ﺑﻌﺪ ﻣﺎ ﺍﺣﺠﻲ ﻭﻳﺎﻙ :.. ﻣﺎﺷﻲ ﺣﻴﺎﺗﻲ ﺗﺪﻟﻠﻲ .. ﻳﻠﺔ ﻓﻲ ﺍﻣﺎﻥ ﺍﻟﻠﻪ ..
ﻫﻮ ﻃﻠﻊ ﻭﺍﻟﻤﻤﺮﺿﺔ ﻣﻦ ﺧﻮﻓﻬﺔ ﻣﻦ ﺑﺴﻤﺔ ﻃﻠﻌﺖ ﺗﺮﻛﺾ ..
ﺍﺣﻨﺔ ﻃﻜﻴﻨﺎﻫﺔ ﺿﺤﻜﺔ ﻋﻠﻰ ﺷﻜﻞ ﺑﺴﻤﺔ ﺍﻟﻤﻌﺼﺐ ..
ﻣﻴﺎﻣﻴﻦ : ﺍﺫﺍ ﻫﺎﻟﻜﺪ ﺗﺤﺒﻴﻨﺔ ﻟﻴﺶ ﺗﺴﻮﻳﻦ ﻣﺸﺎﻛﻞ ..
ﺑﺴﻤﺔ : ﻫﻮﺓ ﻳﺪﻭﺭ ﻣﺸﺎﻛﻞ ﻣﻮ ﺍﻧﻲ ..
&&&&&&&&&&&
ﻏﺰﻭﺍﻥ .. ﻃﻠﻌﺖ ﻣﻦ ﺍﻟﻤﺴﺘﺸﻔﻰ ﻭﺍﻧﻲ ﻣﺎﺷﻮﻑ ﻛﺪﺍﻣﻲ ﻣﻦ ﺍﻟﻌﺼﺒﻴﺔ ..
ﺍﺗﺼﻠﺖ ﻋﻠﻰ ﺍﺭﻛﺎﻥ ﻭﻛﺘﻠﺔ ﻋﻠﻰ ﺍﻟﻲ ﺻﺎﺭ : ﻏﺰﻭﺍﻥ ﺧﺎﻑ ﻳﺘﻬﻴﺄﻟﻚ .. ﻳﻌﻨﻲ ﻋﻨﺪﻙ ﺩﻟﻴﻞ ﻋﻠﻰ ﻫﺎﻟﺸﻲ ..
ﻏﺰﻭﺍﻥ : ﺗﺮﻳﺪ ﺩﻟﻴﻞ ﻣﻮ .. ﺍﻟﻴﻮﻡ ﺍﺟﻴﺒﻠﻚ ﺩﻟﻴﻞ ..
ﺳﺪﻳﺖ ﺍﻟﺘﻠﻴﻔﻮﻥ ﺑﻌﺼﺒﻴﺔ ﻭﺭﺣﺖ ﻟﺒﻴﺘﻬﻢ ...
ﺗﻮﺟﻬﺖ ﻻﻗﺮﺏ ﺻﻴﺪﻟﻴﺔ ﻋﻠﻴﻬﻢ ﻭﺩﺧﻠﺖ ..
ﺣﺠﻴﺖ ﻭﻳﺔ ﺍﻟﺸﺎﺏ : ﺧﻮﻳﺔ ﺗﻜﺪﺭ ﺗﺨﺪﻣﻨﻲ ﺑﺸﻐﻠﺔ ..
ﺍﻟﻮﻟﺪ : ﺍﻱ ﺗﻔﻀﻞ ﺍﻧﺸﺎﻟﻠﻪ ﺍﻛﺪﺭ ..
ﻏﺰﻭﺍﻥ : ﺗﻜﺪﺭ ﺗﺘﺬﻛﺮﻟﻲ ﻣﻨﻮ ﺍﺧﺮ ﺷﺨﺺ ﺍﺷﺘﺮﺓ ﻣﻨﻚ ﻋﻼﺝ ﺍﺟﻬﺎﺽ ﺍﺳﻤﺔ ( .... ) ..
ﺍﻟﻮﻟﺪ ﺑﺠﺪﻳﺔ : ﺧﻮﻳﺔ ﻫﺬﺍ ﺍﻟﻌﻼﺝ ﻧﺎﺩﺭﺍً ﻣﺎ ﻳﺸﺘﺮﻳﻪ ﺍﺣﺪ ﻣﻦ ﻋﺪﻧﺔ ﻭﺍﺫﺍ ﺍﺣﺪ ﺍﺷﺘﺮﺍﻩ ﻣﺎ ﺍﻧﺴﺎﻩ ﻻﻥ ﺍﻧﺼﺪﻡ ﻣﻨﻬﻢ ﻣﻦ ﻳﺸﺘﺮﻭﻧﺔ ..
ﻏﺰﻭﺍﻥ ﺑﺴﺮﻋﺔ : ﺗﻜﺪﺭ ﺗﻮﺻﻔﻠﻲ ﺷﻜﻠﺔ ﺍﻟﻲ ﺍﺷﺘﺮﺍﻩ ﻣﻨﻚ ..
ﺍﻟﻮﻟﺪ ﺑﺘﻔﻜﻴﺮ : ﺟﺎﻧﺖ ﻣﺮﺓ ﻻﺑﺴﺔ ﻋﺒﺎﻳﺔ ﺍﻋﺘﻘﺪ ﻭﻣﺘﻮﺳﻄﺔ ﺍﻟﻌﻤﺮ ﻳﻌﻨﻲ ﻣﻮ ﺟﺒﻴﺮﺓ ﻭﻻ ﺯﻏﻴﺮﺓ ﻭﺟﺎﻧﺖ ﺳﻤﺮﺓ ﻛﻠﺶ ﻳﻌﻨﻲ ﺣﺘﻰ ﺗﻤﻴﻞ ﻟﻠﺴﻮﺍﺩ .. ﻫﺬﺍ ﺍﻟﻲ ﺍﻛﺪﺭ ﺍﺗﺬﻛﺮﺓ ﻣﻦ ﺍﻭﺻﺎﻓﻬﺔ ..
ﺗﻨﻬﺪﺕ ﻭﻛﺘﻠﺔ : ﺷﻜﺮﺍ ﺍﻟﻚ .. ﺍﻧﻲ ﻣﻤﻨﻮﻥ ﻣﻨﻚ ..
ﺍﻟﻮﻟﺪ : ﺑﺎﻟﺨﺪﻣﺔ ﺧﻮﻳﺔ ..
ﻃﻠﻌﺖ ﻣﻦ ﺍﻟﺼﻴﺪﻟﻴﺔ ﻭﺍﺗﺼﻠﺖ ﻋﻠﻰ ﺧﺎﺗﻮﻥ .. : ﺍﻟﻮ ..
ﻏﺰﻭﺍﻥ : ﺧﺎﺗﻮﻥ ﺭﺍﺡ ﺍﻃﻴﺞ ﻣﻮﺍﺻﻔﺎﺕ ﻭﻛﻠﻴﻠﻲ ﺗﻌﺮﻓﻴﻦ ﻭﺣﺪﺓ ﺑﻬﺎﻟﺸﻜﻞ ..
ﺧﺎﺗﻮﻥ ﺑﺘﺮﻛﻴﺰ : ﻣﺎﺷﻲ ﺍﺳﻤﻌﻚ ..
ﺣﺠﻴﺘﻠﻬﺔ ﺍﻟﻤﻮﺍﺻﻔﺎﺕ ﻭﻫﻲ ﺗﻔﻜﺮ .. ﺑﻌﺪﻳﻦ ﺻﺎﺣﺖ : ﻋﺮﺭﺭﻓﺘﻬﺔ ...
ﻏﺰﻭﺍﻥ ﺑﺴﺮﻋﺔ : ﻣﻨﻮ ﺍﺣﺠﻲ ..
ﺧﺎﺗﻮﻥ : ﻫﺎﻱ ﻫﺪﻳﺔ ...
ﻏﺰﻭﺍﻥ : ﻫﺪﻳﺔ ﻣﻨﻬﻲ ..
ﺧﺎﺗﻮﻥ : ﻫﺎﻱ ﻭﺣﺪﺓ ﻣﻄﻠﻜﺔ ﻭﺟﻮﺍﺭﻳﻦ ﺑﻴﺖ ﺍﻡ ﻧﻮﺭﺓ ﻭﻫﻲ ﺗﺸﺘﻐﻞ ﻋﺪﻫﻢ ﻳﻌﻨﻲ ﺗﺠﻲ ﺗﻨﻀﻔﻠﻬﺔ ﻭﺗﻄﺒﺨﻠﻬﺔ ﻭﻋﻤﺘﻲ ﺗﻄﻴﻬﺔ ﻓﻠﻮﺱ ..
ﻏﺰﻭﺍﻥ : ﻣﺘﺄﻛﺪﺓ ﻫﻲ ﺟﻮﺍﺭﻳﻨﻬﻢ ﻳﻌﻨﻲ ﻧﻔﺴﻬﺔ ..
ﺧﺎﺗﻮﻥ : ﺍﻱ ﻣﺘﺄﻛﺪﺓ .. ﺍﺻﻼ ﻣﻦ ﻛﻠﺖ ﺳﻤﺮﺓ ﻛﻠﺶ ﻋﺮﻓﺘﻬﺔ ﻫﻲ ..
ﻏﺰﻭﺍﻥ : ﺧﻮﺵ ﻟﻌﺪ .. ﺧﺎﺗﻮﻥ ..
ﺧﺎﺗﻮﻥ : ﻫﺎ .. ؟
ﻏﺰﻭﺍﻥ : ﻣﻴﺎﻣﻴﻦ ﺷﻠﻮﻥ ﺻﺎﺭﺕ ..
ﺧﺎﺗﻮﻥ : ﺍﻟﺤﻤﺪﺍﻟﻠﻪ ﺍﺣﺴﻦ ﻭﻫﺎﻱ ﺗﺴﻮﻟﻒ ﻭﻳﺔ ﺍﻟﺒﻨﺎﺕ ..
ﻏﺰﻭﺍﻥ : ﺧﻮﺵ ﻟﻌﺪ ﺩﻳﺮﻭ ﺑﺎﻟﻚ ﻋﻠﻴﻬﺔ ﺑﻴﻦ ﻣﺎ ﺍﺣﻞ ﺳﺎﻟﻔﺔ ﻋﺎﻟﻌﻠﺔ ..
ﺳﺪﻳﺖ ﺍﻟﺘﻠﻴﻔﻮﻥ ﻭﺗﻮﺟﻬﺖ ﻟﺒﻴﺖ ﻫﺎﻱ ﺍﻟﻲ ﺍﺳﻤﻬﺔ ﻫﺪﻳﺔ ..
£££££££££££
ﺟﻮﺭﻱ .. ﻃﻠﻌﺖ ﻋﻤﺘﻲ ﻭﻳﺔ ﻣﺆﻳﺪ ﻭﺭﺍﺣﻮ ﻟﻤﻴﺎﻣﻴﻦ ﻭﺍﻧﻲ ﺑﻘﻴﺖ ﻫﻨﺎ ﻳﻢ ﺣﺒﻮﺑﺘﻲ .. ﺧﻄﻴﺔ ﻣﻴﺎﻣﻴﻦ ﺑﺎﻟﻲ ﻳﻤﻬﺔ .. ﺍﺗﺼﻠﺖ ﻋﻠﻰ ﺧﺎﺗﻮﻥ ﻭﺳﺄﻟﺖ ﻋﻠﻴﻬﺔ ﻭﺗﻄﻤﻨﺖ ..
ﺻﻌﺪﺕ ﻟﻐﺮﻓﺘﻲ ﻭﻛﻌﺪﺕ ﺍﺭﺗﺐ ﺑﺎﻟﻤﻼﺑﺲ ..
ﻣﻦ ﺍﻟﻤﻠﻞ ﺭﺗﺒﺖ ﻣﻼﺑﺴﻲ ﻣﻦ ﺟﺪﻳﺪ ﻭﺭﺣﺖ ﺍﺭﺗﺐ ﻣﻼﺑﺲ ﻣﺆﻳﺪ ..
ﻃﻠﻌﺖ ﻣﻼﺑﺴﺔ ﺍﻟﺸﺘﻮﻳﺔ ﻻﻥ ﺍﻟﺒﺮﻭﺩﺓ ﺭﺍﺣﺖ ﻭﺍﻟﺠﻮ ﺻﺎﻳﺮ ﺣﻠﻮ .. ﻃﻠﻌﺘﻬﻦ ﻭﺍﺧﺬﺗﻬﻦ ﻟﻜﻨﺘﻮﺭ ﺍﻟﻐﺮﻓﺔ ..
ﻭﺧﺮﺕ ﺍﻟﻤﻼﺑﺲ ﺍﻟﻲ ﺑﻲ ﻭﻃﻠﻌﺖ ﺣﺘﻰ ﺍﺭﺟﻊ ﺍﺭﺗﺒﻬﻦ ﻻﻥ ﺟﺎﻧﻦ ﻣﺤﻄﻮﻃﺎﺕ ﺑﺄﻫﻤﺎﻝ ..
ﺍﻟﺒﺎﺏ ﺍﻻﻭﻝ ﺟﺎﻥ ﻣﻘﺴﻢ ﻻﺭﺑﻊ ﺧﺎﻧﺎﺕ ﻭﺣﺪﺓ ﻓﻮﻙ ﺍﻟﺜﺎﻧﻴﺔ ..
ﻃﻠﻌﺖ ﺍﻟﻤﻼﺑﺲ ﻣﺎﻝ ﻣﺆﻳﺪ ﻭﻛﻌﺪﺕ ﺍﺭﺗﺐ ﺑﻴﻬﻦ ﺧﺎﻧﺔ ﺧﺎﻧﺔ ..
ﺍﻟﺨﺎﻧﺔ ﺍﻻﺧﻴﺮﺓ ﺟﺎﻧﺖ ﻋﺎﻟﻴﺔ .. ﺭﻓﻌﺖ ﺍﻃﺮﺍﻑ ﺍﺻﺎﺑﻌﻲ ﻭﻣﺪﻳﺖ ﺍﻳﺪﻱ ﺍﺩﻭﺭ ﺑﺪﻭﻥ ﻣﺎ ﺍﺑﺎﻭﻉ ﺑﻲ ﻻﻥ ﻣﺎﺷﻮﻑ ﻣﻨﺔ ﺷﻲ ﻛﻠﺶ ﻋﺎﻟﻲ ..
ﺗﻠﻤﺴﺖ ﺷﻲ ﺑﻴﺪﻳﺔ .. ﺳﺤﺒﺘﺔ ﻭﺷﻔﺘﺔ .. ﻋﻘﺪﺕ ﺣﻮﺍﺟﺒﻲ : ﺷﻨﻮ ﻫﺬﺍ .. ؟
الكاتبه ساره الشمري
يتبع
أنت تقرأ
سجينة،الظلم والانتقام
Mystery / Thrillerﺍﻟﻲ ﺩﺍ ﺗﺤﺠﻲ ﻋﻨﺔ ﻫﺬﺍ ﺍﺧﻮﻳﺔ ﺷﻠﻮﻥ ﺍﺗﻜﻮﻟﻲ ﻣﺎ ﺍﺫﻛﺮﺓ ﻗﺮﺏ ﻭﺟﻬﺔ ﻣﻨﻲ ﻭﺣﺠﺔ ﺑﻔﺤﻴﺢ : ﺍﺧﻮﺝ ﻣﻮ ... ﻣﻦ ﺍﻟﻴﻮﻡ ﻭﺟﺎﻱ ﺗﻨﺴﻴﻦ ﺷﻲ ﺍﺳﻤﺔ ﺍﺧﻮﺝ ﻭﺍﻣﺞ ﻭﺍﺧﺘﺞ ﺷﻴﻠﻴﻬﻢ ﻣﻦ ﺭﺍﺳﺞ ... ﻭﺭﺑﻲ ﻭﺟﻼﻟﺔ ﺍﺫﺍ ﻣﺎ ﺣﺮﻛﺖ ﮔﻠﺐ ﺍﺧﻮﺝ ﻋﻠﻴﺞ ﻭﺣﺮﻛﺖ ﻛﻠﺒﺞ ﻋﻠﻰ ﺍﺧﻮﺝ ﻭﺍﻫﻠﺞ ﻣﺜﻞ ﻣﺎ ﺣﺮﻛﺘﻮ ﻛﻠﺒﻲ ﻋﻠﻰ ﺍﺧﻮﻱ ﻣﺎ ﻳﻄﻠﻊ ﺍﺳ...
